張公館

营业中

休息中

銅鑼灣登龍街近年真係變左好多，簡直係美食集中地！今次揀去左29樓既張公館High Tea. 無諗過下午茶套餐可以咁抵食！398 for 2, 包括左13款點心小食，仲有無敵海景。環境舒服服務亦都唔錯，花茶亦係有keep熱住，好貼心可以坐耐d都唔怕茶凍左。而且鹹點為主，食物種類好豐富，有蝦餃，燒賣，小籠包。咁多樣覺得最正係五色糕同鮮果沙律，食得出足料同埋心思。賣相好靚既牡丹酥咬落去好香芒果椰汁同椰絲五色糕個層顏色食到係唔同生果，幾特別豬仔造型好得意，都有少少唔捨得切開

今日黎到張公館試下呢個睇落幾靚仔既TEA SET🤗，平時見呢啲組合只會係酒店出現，都真係諗唔到呢間中菜都做到咁精緻既下午茶😂，今日上到黎見真係人人都叫，但係想睇海景既朋友就要早啲打黎預約🤨佢呢個SET都真係幾多野食，我就試左佢D點心先，蝦餃燒賣OK，個上湯小籠包唔錯，除左有點心之外，仲有啲驚喜，個鮑魚酥做得幾好😆，同埋個蝦多士幾脆口，食完有D想叫多個，仲有個咖哩酥😋😋，堅推薦👍👍，跟住值得一讚就係佢個五色糕 同埋 經理話我知呢隻新黎既豬仔🐷，夠哂得意🤣。呢個價錢呢個景，我覺得可以。

電視成日見到張公館廣告，膽粗粗book個位上去試吓下午茶，晏晝3點上到去，好彩有book位，全場滿座，見到有個$398二人下午茶餐包十幾款嘢，就試一試佢，頭盤嚟咗佢生果沙律，生果好新鮮，食得出係靚生果，跟住食個蕎麥冷麵，個鰹魚汁加蟹子好正，之後上點心拼盤，有蝦多士，春卷，流心滷水蛋，咖喱酥，鮑魚酥再加榴槤糯米糍同埋蓮蓉酥餅，蝦多士同埋咖喱酥好好食😋好有驚喜，之後再有蒸點心，有小龍包，蝦餃，同燒賣，小龍包好正，肉味豐富，建議唔好點醋，會食唔出鮮肉味，最後上埋鮮榨橙汁，非常超值豐富🙂再加埋全維港海景👍👍好滿意。

今天同朋友去銅鑼灣 V Point 29樓，張公館聚餐，呢度環境裝潢，高層以及落地大玻璃設計，遠望維港景色，盡入眼簾。 食物方面用心製作，潮州翅出色，每碗都連小火爐上熱辣辣一大塊花膠，骨膠原豐富彈牙，配以鮑汁鵝掌墨魚餅、蝦多士炸得鬆脆爽口小籠包皮薄多汁東星班又係小火爐上，每人一份配上紫菜味道出奇地夾炸子雞，皮脆肉滑，吾需要任何醬汁已經好野味兩麵黃、生磨蛋白杏仁茶口感滑溜順喉好香杏仁味道潤肺佳品。 五色桂花糕～色澤繽紛，精緻吸睛，淡淡桂花香氣，味道層次豐富😋整體來講，呢度地點、景觀、服務態度、食物非常好，係朋友相聚、家庭飯局的好地方Happy gathering🎉#chinesecuisine

去年無大閘蟹吃，今年有點急不及待，先外吃食個餐，走到公司對面大廈內的張公館，近日推出大閘蟹宴，每人$388另加一。蘿蔔絲酥餅－非常酥脆，應該是這樣。蝦餃王-皮薄餡靚, 做出水準麻辣蟹子燒賣-麻辣味特出，適合好辣人士，但個人認為這是粵式點心, 麻辣味放輕一些，效果更佳蟹粉小籠包-湯汁蟹粉飽滿，趁熱吃更佳蟹粉海皇羹-份量足，蟹粉蟹肉滿瀉，必須吃清蒸大閘蟹五兩- 足秤，有蟹膏鹹魚蓉炒椰菜花- 鑊氣足，趁咸香鹹魚，不俗的配搭蟹粉炒飯- 蟹粉味濃，炒飯乾身，鑊氣夠又不油，吃完已飽薑茶湯圓-湯圓煙韌，配蔴蓉糖心，可口薑茶-吃杯薑茶暖胃，平衡一下

唔早亦唔遲，該是時候吃大閘蟹了，聽說今年蟹靚，早吃早享受，先淺嚐午餐，張公館推出的$388/位、午市大閘蟹宴，項目豐富，見約一半枱客點選此餐，怎受歡迎。 大閘蟹宴一午市套餐點心三款：蘿蔔絲酥餅入口鬆化無比有水準，餡料味道豐富，餘韻留著點點鹹味於嘴中。 蝦餃王符合期望，麻辣蟹子燒賣夠勁，四川口味，我喜歡。  蟹粉小籠包皮薄餡多，半透皮下可見豐富黃油，汁豐扎實。 咬開更能嚐到豬肉與蟹粉之混合香郁。 蟹粉海皇羹燭火保溫，每一口皆熱騰，令蟹粉之香更出，大大粒蝦仁的海皇羹，鮮甜味討好。 清蒸大閘蟹（五兩）也許被家人寵壞了，這五兩蟹看來不算大只，蟹粉算是這樣，一只多些一只少些，膏靚肉稍遜亦難免。 同伴的蟹、膏比我多！ 備以的蟹醋更得我心，味道可口，我喝清了。 吃完蟹即送上熱騰薑茶真窩心，足料薑茶馬上解寒。 鹹魚蓉炒椰菜花鹹魚蓉香，椰菜花熟度剛好，組合好。 蟹粉炒飯米飯粒粒分明，材料豐富，味清不膩。 薑茶湯圓薑茶足料有霸氣。 走中高檔路線的張公館，裝潢高雅，窗邊可享無敵維港景。

老婆知我喜歡食蟹同蟹粉小籠包，就搵到間大閘蟹宴，之後帶左我去食，上到去環境不錯，枱同枱之間都比較開。【大閘蟹宴 $688】風味小食-西班牙黑毛豬叉燒、醉酒南非鮑魚角、百花煎釀秋葵百花煎釀秋葵（左）-第一次食百花煎釀秋葵，是蝦膠釀入秋葵裡再煎香，口感爽滑又彈牙。黑毛豬叉燒（中）-非常Juicy又軟滑，表面仲帶點蜜味同焦香味。醉酒南非鮑魚角（右）-酒味醬汁濃郁，肉質鮮甜，口感非常彈牙。蟹粉小籠包封在透薄麵皮裡，肉餡加入了橙黃色的蟹粉，勁多肉汁，又非常熱辣辣。海王蟹粉翅蟹粉翅湯汁用上高湯製成，食出蟹膏蟹粉的鮮甜美，翅仲要係一梳梳，味道不錯。清蒸大閘蟹-5兩散發著蟹肉的鮮味，鮮甜香濃，蟹粉呈橫黃色，仲帶點甘香味。蟹粉扒粉皮橙黃色甘香的蟹粉，淋上幼身的粉皮上，撈埋一起食真不錯。蟹粉炒飯這碗細細的炒飯不要睇少，勁多料，米飯又炒得乾身，內裡有大大粒爽口彈牙的大蝦，加上了蟹粉一起炒，炒到粒粒分明，值得回味。薑茶湯圓暖胃的薑茶湯圓，湯圓饀料是黑芝麻味，真係好夾，暖笠笠好正。薑茶熱辣辣的薑茶，食完蟹就最好的飲品，薑味重帶點甜，飲完薑茶亦可驅寒效果。

不經不覺又到咗食大閘蟹嘅時候，往年都係一大班朋友聚埋一齊食，但而家疫情之下已經好少相聚，人少少所以今年決定到餐廳食，方便之餘又可以食埋其他蟹粉小菜。餐廳原來10月頭已經靜悄悄加入大閘蟹套餐，不是朋友提點真的不知道呢。風味小食頭盤有醉酒南非鮑魚角，鮑魚切成角型，入口有陣陣酒香味，鮑魚鮮味彈牙，份量十足。西班牙黑毛豬叉燒，入口軟嫩可口，肥肉比例均勻，醬汁甘甜美味。百花煎釀秋葵，師傅將蝦膠釀入秋葵再煎，外層香口，蝦膠爽彈，蝦膠令到秋葵減少了滑溜溜的口感，不錯喔！蟹粉小籠包小籠包都幾大件，外皮透薄，肉眼已經可以見到金黃色的蟹粉，湯汁充斥着滿滿的蟹粉鮮味，餡料鮮嫩多汁，堅正！海王蟹粉翅生拆蟹粉蟹肉煮成，啖啖鮮蟹肉香氣，翅針粗而爽口，而且用火爐暖住吃，食到最尾還是熱辣辣，非常滋味。清蒸大閘蟹（5兩）終於到今晚主角出場，5兩重大閘蟹，外型討好又夠大隻，蟹腳都非常飽滿，輕輕一推已經推出整條蟹肉，拆開蟹身滿佈金黃色的蟹膏，入口甘香鮮味，香濃滑溜，每一口都充滿濃濃鮮甜味，一隻真的有點不夠喉呢🤣黑糖薑茶食完大閘蟹一定要飲返杯薑茶驅寒，一杯熱辣辣的黑糖薑茶，飲完成個人都暖哂，好舒服。蟹粉扒粉皮將粉皮輕輕跟蟹粉

父親節一家五口食晏揀咗平時成日喺廣告見到嘅張公館諗住趁呢個機會一齊試吓父親節有得book位 而且發現佢哋有分C區所以如果全部人都有用安心出行就可以一張枱坐六個人都唔知有幾耐冇試過可以一張枱五個人飲茶啦嗰度環境唔錯呢常光猛 因為有個大海景 而我哋嗰日食11:30 嗰一轉都已經好快滿座個個都係嚟呢當慶祝父親節晏晝飲茶就叫點心啦亦都加咗三個小菜點心來講算ok 多選擇有啲特別啲嘅點心 例如麻辣燒賣 紫薯豬仔包我哋叫咗下面呢幾樣 🔺牛肉球 - 有啲過咸🔺水煮魚 - 味道還可以但係唔似平食正宗川菜嗰種成盤都係辣椒 🌶️ 🔺荷葉蒸牛面頰 - 有啲似炆牛腩 但係三百幾蚊呢個價錢就覺得有啲唔抵 最後五個人埋單1477- 覺得去飲茶有啲其他地方嘅點心仲好試一次就夠啦

上菜超級慢，服務差到不得了.感覺只是做熟客生意, 其實打開門又唔係私房菜, 可唔可以大家啲服務公平一啲呢?!八點鐘入坐，差不多8:45pm之後先至有得食食完第一碟餸，又要等20分鐘先到下一碟，你估自己餐廳做fine dining？！仲要不停搵藉口比自己, 又話自己隻鴨又點樣燒我哋啲餸一早喺WhatsApp度已經落咗單你自己廚房搞唔掂，就唔好咁多藉口。最後叫咗八碟餸, 食咗頭三碟, 剩返五碟都要打包!!!! 呢個父親節真係嬲到不得了

過去幾年沒有寫食評了😎因為總認為不喜歡某某食肆又或服務質素欠佳味道不好的，顧客總會有所反映，只是時辰未到！就是光顧了這間張公館，令我想法有所改變。寫下這食評，希望大家不要如我一樣，犯下錯誤。這次是朋友生日飯，點選了張公館潮州翅（夥計力推）😭、香煎墨魚餅🙄、紅燒乳鴿兩隻、蜜汁銀雪魚😞及欖菜四季豆😫。首先不說甚麼招呼不周，服務質素差劣！只說食物！潮州翅超鹹，味精重、墨魚餅無味，質地比凍肉舖賣的還要差，醬汁奇差(不知是什麼味道）、乳鴿鹹、銀雪魚翻炸再翻炸、四季豆鹹到吞嚥不下。終於，找夥計投訴把四季豆換成建議的金銀蛋莧菜，可惜，等了大半小時，夥計說，不如你取消此點菜😱。最後，就是寫這篇食評的原因！埋單時才發現夥計力推將公館潮州翅竟然是特價$258加以原價$398加10%（雖然餐牌有寫，可是字體超細，大家明白啦！）服務差（等了大半小時取消點菜），味道差（樣樣超鹹），感覺受騙，大家自己想想會否光顧.....

呢間個景好靚以為OK，但結果可以唔使幫襯服務態度差食物差，中午午餐兩位茶芥共$78😤都唔緊要如果食物可以，但失望至極點。1)一碟冇鑊氣少芽菜少九黃濕濕啞色的豉油王炒麵😫,連茶餐廳都不如，竟然$148連加一$164😡都係嗰句如果好食冇所謂,但最後我都要退貨，真心難食2)我哋嗌部長攞個碗，竟然喺我哋面前佢要傾完電話先攞😤仲要黑面3)離晒譜另一個經理嚟埋單係有嚴重臭弧😩我要即刻帶返口罩4)叫了灌湯餃魚翅未熟透太硬5)只有五台客，埋單等好耐，再叫多次叫佢跟進佢竟然再重新攞張單俾我🤦🏻‍♀️激死6)叫咗三樣有兩樣都好難食冇再叫其他，一肚氣呢間管理層發夢去到極點

母親節將至，又是要和未來外母慶祝吃一頓大餐，為滿足未來外母的金舌頭，今天和女朋友和弟弟到銅鑼灣 V Point 的張公館先吃一餐，先行試試食物和出品，所以再次來到張公館老地方用膳。餐廳位於銅鑼灣 V Point 的29樓，主要以吃高級中菜為主，其整體內部裝潢富麗堂皇，配搭上整片落地大玻璃設計，寬廣的絕美海景視野盡入眼簾。張公館 六宮格六宮格就是有六款前菜，會定期根據時令菜式轉換菜單，奉上時可見使用上木盒分隔並用小碟子精心擺放，我便從第一行左至右說起，再延續至第二行左至右。蕃茄仔冰菜顧名思義就是有小蕃茄和冰菜，蕃茄口感酸甜清新，爽口多汁。而冰菜又名為水晶冰菜，因表面覆蓋著大且閃亮的水囊泡，猶如冰晶一般而得名，是近年潮流新興的蔬菜，食用時嬌嫩酥脆，入口即化。手打墨魚膠由於是手打製成，因而咀嚼時彈牙爽口，嚼勁十足，墨魚味道香濃，配上頂部酸酸甜甜的泰式甜酸醬，味道增添清新開胃。張公館叉燒是餐廳的主打菜式，使用上西班牙伊比利亞黑毛豬製作而成，由於豬隻是吃橡果長大的高級豬種，因而食用時毫無豬臊味，口感鬆軟彈牙，油潤甘香，豬味極濃。無花果有生命之果的稱號，其味道獨特清香，柔軟帶甜，咀嚼時有著細小的籽

六宮格各款小食都好滋味，讓我吃過番尋味的可算是蝦多士，採用鮮蝦，酥脆鮮甜，彈牙、讓人想一嘗再嘗。杏汁豬肺湯一碗熱騰騰的湯水端上來，陣陣杏香撲鼻而來。燉豬肺湯可以說是美肌湯，不單止潤肺，更適合強肺族。呷一口鮮香滋潤湯水，杏香馥郁，叫人非常滿足。由於煮一碗白肺湯工序多而繁複，並天天有得供應，要喝記得預定哦！ 燕窩黃金北海道大元貝採用粒粒圓大飽滿的大元貝，味道鮮甜，肉質爽滑，外面金黄色熱辣辣，加上鹹蛋黃及燕麥碎，就算膽固醇高也忍不住要吃多口。紅燒乳鴿乳鴿肉質鮮美，外脆內嫩，份外juicy 上湯魚蛋莧菜莧菜，也叫汗菜，有清熱解毒，消炎消腫，減肥清身，補氣明目，利尿除濕等功效；魚蛋上湯莧菜，魚蛋跟莧菜相結合，咸鮮適中，入口別有一番風味，如果你也喜歡，那就快來吧……五色糕點

家人生日，一早預訂了銅鑼灣精緻粵菜張公館。餐廳位於銅鑼灣V Point 29樓，落地大玻璃飽覽維港景色。燕麥黃金北海道大元貝漲卜卜金黃色賣相吸引，外層沾滿鹹蛋黃，香脆惹味，大元貝鮮甜滑溜富彈性。脆焗蝦多士金黃香脆，蝦膠彈牙厚實，入口鬆脆惹味。蜜汁銀鱈魚外層焦脆多汁，魚肉鮮美嫩滑，醃得入味，醬汁味道帶甜，拌飯一流。瑤柱荷葉飯餡料相當豐富，非常足料，有齊冬菇、蝦米、瑤柱、雞粒等，以荷葉包裹一同清蒸，每顆飯粒都有淡淡荷葉清香。荷葉和牛面頰肉油花細緻，肉質軟腍，蘊含豐富骨膠原，食落牛肉味濃厚，口感彈牙無油膩感。上湯千層莧菜細嫩腐皮吸滿清甜湯汁，莧菜爽滑軟嫩，健康之選。