張公子

营业中

休息中

最近上網睇到喺工廈有間裝修幾靚嘅酒樓，點心賣相又吸引，所以呢日就約埋朋友黎試一試。雖然喺工廈入邊，不過餐廳都幾乎已經坐滿客人。餐廳可以用手機落單，非常方便。我地叫左鐵觀音，茶味清香，而熱水亦都會有蠟燭去熱住唔怕凍。帶子菜苗餃有三隻，很大片，而且帶子都新鮮，菜苗餃當中亦都有蝦，增加口感，蝦肉爽口，而且菜苗很嫰，餃皮亦很煙韌同夠薄。百花釀魚肚百花非常彈牙，亦很大粒，另外魚肚口感柔軟，面頭有蟹籽增加美感，同埋呢個點心有用蛋白打左個芡汁，亦都配有西蘭花。蟹粉小籠包小籠包有3粒裡面嘅湯汁都充滿住蟹嘅鮮味，而且本身小籠包入面嘅肉帶有鮮甜味，小籠包皮薄餡靚。XO醬煎腸粉XO醬唔會太辣，而且調味啱啱好，很香濃XO醬味，配上芝麻同蛋絲，腸粉亦都很滑身。豉汁蒸鳳爪：鳳爪很入味，而且份量都夠多。呢度食物質素高，點心師傅相當有功架，而且點心嘅設計都很用心思，亦都幾抵食，下次有機會再同屋企人黎食多次，因為今次兩個人未能夠食到好多，下次可以再食多幾款點心。

朋友帶到觀塘樓上鋪酒樓，入餐廳門口古昔古香裝修優雅，店內舒適寬敞，枱與枱之間有距離，店員服務周到，坐得都幾舒服，可以慢慢坐飲杯茶高質點心一盅兩件，都幾舍意 鮑粒啤梨鹹水角 鹹水角啤梨造型都幾別緻，煙靭香脆外層，入面餡鹹鹹地仲有粒厚鮑粒好足料 帶子菜苗餃菜苗餃好足料，鮮蝦菜苗做餡，上面加粒帶子，都縛大隻，食落新鮮鮮味 XO醬蘿蔔糕蘿蔔糕布滿櫻花蝦加上XO醬少少辣，入口好香口惹味 蠔皇叉燒包 叉燒包蓬鬆鬆的包皮，一剝開香氣四溢，叉燒餡蜜汁鹹甜適中，回味無窮的

週末終於有時間和朋友來到張公子品嚐名菜。我們點了幾道招牌菜。奶湯雲吞煲。雲吞個個飽滿似金元寶,可以看到裡面全是新鮮蝦仁,一口咬下去蝦仁多汁鮮甜。雲吞皮薄而有嚼勁,奶白色的湯頭鮮美,整碗下來真是暖胃開胃。啫啫海參炆文昌雞煲也很美味,海參和雞肉共煮,雞肉很嫩,海參也很入味。配菜有香菇、木耳等,雞湯濃郁,很有食療效果。鮮腐竹蕃茄浸菜苗是清淡解油腻的好選擇,腐竹很滑,蕃茄甜美,和菜苗一起吸收了雞湯的鮮甜。香炸欖角骨外脆內嫩,骨頭裡的骨髓更是肥美,佐以香蒜蓉,風味十足。整體而言,張公子的食材新鮮,菜式傳統又創新,味道正宗,是一家值得推薦的高質中餐廳。下次和家人來還要再嚐嚐其他招牌菜,相信也不會讓人失望。

想喺觀塘區食間好少少嘅中菜，所以揀咗張公子，坐得舒服環境又闊落。〈秋葵芥未炒帶子〉🥬⚪️秋葵其實係非常健康，但係唔係個個鍾意食，不過餐廳用上咗芥末黎炒十分惹味，另外帶子亦都非常新鮮非常大粒。〈四扣碗〉- 其實係小食拼盤，今次包括珊瑚黃瓜🥒陳醋水晶肴肉🥓黑毛豬叉燒🐷深山小雲耳👂🏻中餐份量通常都比較多，所以好難可以試好多款餸，呢個拼盤就可以一次過試晒四款真係好正。黃瓜酸酸辣辣好開胃；雲耳嘅汁係日式豉油芥末味，好新奇；水晶肴肉就好似食緊肉既啫喱咁，清爽彈牙，陳醋部分可以解膩；叉燒係最推介，叉燒厚切得黎亦都燒到非常香，肥瘦啱啱好，油脂感飽滿，難怪係招牌之一！〈鮑汁花膠絲撈粗麵〉🍝🪸粗麵鹼水味唔重，花膠絲份量非常多，鮑汁味亦都好濃郁，加埋大量蔥絲好清爽。〈生煎蓮藕餅〉🫓蓮藕餅煎得非常乾身香脆，唔會太油，而且配上馬蹄更加增加口感層次感，推介！

自己一直以來都好鍾意食中菜，知道觀塘佢開咗呢間餐廳之後，成日都已經想跟朋友一齊嚟食；餐廳環境寬敞，而且茶都有好多款可以揀，我自己就鍾意菊花同埋普洱。首先前菜，我地先叫左一客蝦球，$50，用上西檸汁，炸粉包住大大粒蝦，甜度中和左油膩感，不錯。之後我地叫左一客淮山牛柳粒，牛柳肉質軟滑，不軔，醬汁香濃，非常好食。再之後我地叫左一份鮮腐竹蕃茄浸菜苗，有頗為清甜的蕃茄湯，伴著新鮮菜苗，能開胃之餘亦可中和油膩。再之後我哋叫咗一份火焰松露野菌文昌雞，店員特別用火再燒一切雞身，松露味更突出更香，雞肉尚算嫩滑。最後我地食黯然銷魂炒飯，餐廳特別用咗木魚，加入少少日式Fusion去整呢碟飯，在中式上加點創意是值得欣賞。

💡高質中菜館與朋友慶祝日子，特別搵了間高質食店，一入去已經比佢大大個招牌吸引住，充滿古色古香，好特別。而入面裝修現代簡約 ，寬敞大氣，食物選擇多，且好高質。🍽火焰松露野菌文昌雞🐓呢個一黎到先用錫紙包住隻雞先，店員再點火燒到，將味道迫出，好香松露味，之開見到份量都幾多，有不同野菌，而且雞仲好嫩滑，佐得一試，有驚喜。🍽張公子炒米粉叫得招牌菜，當然有番驚喜，用上雞蛋及蝦乾去炒，令到米粉味道好香，而且米粉炒得夠乾身。🍽珊瑚藕卷好有特色的菜式，望落平平無奇咁，藕片入面包著免治豚肉，簡單加上加上葱花和豉油，味道已經好突出，好好味。🍽花膠絲浸菜苗 一道比較淡口的菜式，多了花膠絲後，令到味道多了層次，菜苗好鮮嫩，夠清新。

放假想同屋企人坐得舒服嘆下靚茶，但普遍酒樓都好多人好嘈，又要等好耐先攞到位，所以有朋友介紹呢間係駿業街觀塘工廈，係apm行過去都好近😄一入餐廳已有種古昔古香既感覺，中式得黎又好優雅既氛圍，幾吾錯！吾算多人，枱與枱之間吾會好近，坐得舒服，吾會有壓迫感，可以慢慢坐慢慢傾😂重點係整體點心食材質素好高👍🏻連咸水角裡有鮑魚就知不是一般酒樓點心！賣相又好睇😋潮式上湯牛肉球，啲湯好清甜，忍唔住飲埋啲湯🤪岩哂追求環境同食物質素嘅朋友😊

炎夏的放工時段游走於觀塘，可謂EQ的考驗，因此當走進寧靜又冷氣充足的中菜館，立時有走進了人間仙境的感覺。偌大的廳堂在剛過六時的時段只有幾枱客，沒多久客人陸續入座，想不到看似隱世的樓上中菜館會吸引那麼多顧客呢，看來相當受歡迎啊！點了淮山牛柳粒、奶湯雲吞煲、生煎蓮藕餅和鮮腐竹蕃茄浸菜苗。食物上枱時都是非常溫熱的，整體食物水準高。個人特別喜愛湯類和餃類，因此奶湯雲吞煲相當合口胃。雲吞足料大粒、鮮蝦爽口。生煎蓮藕餅有粒粒蓮藕，亦煎得香脆！另一大愛菜式是鮮腐竹蕃茄浸菜苗，其實三種皆非個人特別喜愛的食物，是吃下去後始發現的美味，蕃茄出乎意料地鮮甜，是吃得出的新鮮，腐竹細滑有豆香之餘還掛滿湯汁，菜苗亦是吃得出的幼嫩，讚！唯一較為一般的是淮山牛柳粒，其實味道不錯的，稍嫌牛柳粒偏肥。環境方面，枱與枱之間能保持一定的距離，不會過份密集，服務亦不錯，是回頭之選！

放假同媽咪去飲茶，原來去觀塘工廠區有好多酒樓媽咪喺呢頭返工 話未見過呢間酒樓所以就同佢上黎試下新野😋上到黎個環境好古式古香將入門位置酒吧調酒位都裝修得好古典味🌟金網香芒鮮蝦卷蝦卷外皮炸到脆卜卜，內饀就有個芒果同蝦肉 食落去時識到香脆口感嘅同時，亦會食到酸酸地既味道好特別🌟生拆蝦餃王🍤蝦肉好大粒又晶瑩剔透 好彈牙🌟蟹粉小籠包🦀小籠包襯埋醋真係絕配 呢度既小籠包既肉汁好多好juicy🌟鮑汁花膠絲撈粗麵粗麵嘅質地好彈牙，飽汁味道濃又入味重有少少花膠絲增加左口感

👩🏻趁放假去觀塘同屋企人食中菜，估唔到未夜晚7點已經咁多人！味道果然唔錯🥰。✨奶湯雲吞煲雲吞隻隻都好大粒，味道鮮甜，感覺上蝦肉比例好高。比起一般雲吞麵店嘅出品更好味。✨艷影蝦球蝦球爽脆又鮮甜，炸完更加香口。醬汁酸酸甜甜，味道幾有特式。好想食多幾粒！✨米皇淮山浸菜苗菜苗煮得軟腍，配清淡嘅淮山味道幾夾。✨生煎蓮藕餅肉餅香口又多汁。有少少蓮藕同冬菇，味道同口感都好豐富！📍張公子 (觀塘)觀塘駿業街58號3樓

朋友話觀塘間📍張公子📍裝修現代簡約, 寬敞大氣, 進餐感覺應該不錯, 所以就一齊去食下囉!.👉👈 🍭准山牛柳粒🐂😃呢個小菜無多餘嘅調味料, 牛柳粒又鮮又嫩, 再配上軟糯嘅鮮准山, 啖啖肉又營養十足, 食後元氣滿滿 🫰🍭乾煸四季豆🫛🍚真係做到乾煸唔油喎, 爽脆嘅四季豆仲帶微微嘅鹹香味, 餸飯一流🤫🍭咕嚕咕嚕🧅🍗唔😯, 呢個真係香脆甜酸樣樣有, 黑毛豬肉Q彈有肉味得嚟又無肉臊味喎, 讚!🫰🍭黯然銷魂炒飯🍚🥢炒飯鑊氣十足之餘, 啲飯粒夠乾爽唔結塊, 蛋黃均勻包住飯粒, 每啖都有飯香同蛋香 , 正!🌟

觀塘· 新派精美中菜張公子📍觀塘駿業街58號3樓➰朋友係觀塘返工，佢話依邊有間新中菜，就一於試下佢先。餐廳以中式酒樓設計為主，鋪面非常大，侍應招呼都幾好，一坐低就開左壺茶同推介左D招牌美食比我地參考。.➰✥張公子叉燒 💲258 ⭐️4.2/5⭐️侍應推介招牌必點，上枱見到叉燒下面仲有小火爐保溫，保持住溫度，叉燒有五件，全部都厚切，少少燶邊，蜜汁都非常夠，果然係招牌推介，好惹味。.𖥕繡球海蜇 💲80 ⭐️4/5⭐️前菜叫左碟海蜇，同坊間唔同，依度唔係條狀，係粒狀，咬落更加爽口，唔錯。.✥艷影蝦球(3隻) 💲75 ⭐️4.1/5⭐️蝦球上枱幾有驚喜，用薄漿脆炸之餘仲有檸汁點綴，開胃滋味，蝦球非常飽滿多肉，十分滿足。.𖥕鮮腐足蕃茄浸菜苗 💲122 ⭐️4/5⭐️茄湯浸菜苗都幾新鮮，上湯味道鮮甜，菜苗新鮮。.➰總結餐廳以各式精美小菜作主打，尤其招牌叉燒同蝦球都令人一試難忘，座位環境寬敞闊落，性價比亦都，服務熱情細心，係觀塘想搵間新式中菜嘅朋友非常推薦。

📍觀塘難得一見高質別緻中菜館⛩️ @cheungkungchi 張公子⛩️一入到大門就已經俾佢華麗嘅裝修吸引住，非常古色古香，充滿庭園特色，別出心裁。👍🏻店員服務態度都非常好，令客人賓至如歸。🐷伊比利亞叉燒皇 $248餐廳主打菜式之一，差唔多台台都有叫，選用黑毛豬叉燒，果然是名不虛傳。厚切蜜汁叉燒肥瘦均勻，食落去肉質腍軟，會放在小火爐上保溫，非常貼心。🦐 艷影蝦球👊🏻拳頭咁大粒炸蝦球，上碟熱辣辣，配上酸甜檸檬醬，入面有新鮮原隻大蝦，食落去啖啖有驚喜。🤤外層嘅香芒汁酸酸甜甜配埋炸蝦，仲可以食埋半碟上嘅檸檬做到話消滯解膩嘅效果。🐟銅鍋魚湯石爆桂花魚有桂花魚切片，生魚片放係熱石上面燒，再加入魚湯，魚肉鮮嫩，奶白色上湯，鮮味香濃，好特別。😍😍整體環境舒適，店員服務周到，菜式少見高質，用料上乘，值得再訪。📍張公子📍觀塘駿業街58號3樓📝抵食：4/5 📝環境：5/5📝味道：5/5#foodiehk #hkig #hkfoodie #hkfood #張公子 #觀塘美食 #相機食先 #吃貨人生 #中菜

今個假日帶咗屋企人去觀塘飲茶✨ 已經唔係第一次嚟💕因為屋企人都讚呢一間餐廳飲茶坐得好舒服，點心亦都好好食😋所以一定要再嚟幫襯👏🏻必點系列✅張公子招牌腸，佢呢個有別於一般嘅腸粉，裏便係有油炸鬼、椰菜、冬菇、等口感非常豐富👍🏻✅豉油皇九龍吊片炒麵，好耐未食過炒得咁靚嘅麵，每一條面都帶光澤油潤而不油膩👏🏻魷魚片軟腍✨✅麻辣金錢肚，每一片好厚身 調味都啱啱好，我唔會太辣少少麻，金錢肚下邊亦都有用羅漢齋墊底吸晒啲汁✨✅生拆蝦餃王🦐，超大隻一口咬落去，食到原隻蝦✨爽口又彈牙🥟食一粒已經好滿足✨✨

張公子地址: 觀塘駿業街58號3樓今日試下觀塘區高質中菜餐先😌。艷影蝦球🍤$75外層金黃色香芒汁加上大大隻蝦球，食落酸酸甜甜🤩，好開胃而且一啲都唔油膩，正😚。張公子叉燒🐷$258作為餐廳名物果然是名不虛傳，半肥瘦叉燒擺盤精緻非常吸引😍，肉質軟腍，而且啖啖都好juicy好有焦香😚，再加上佢特調蜜汁，正。椒鹽沙𩺬魚🐟$58沙𩺬魚好有特色😮外皮脆口內裹彈牙，而且面頭再灑上椒鹽作為調味超惹味呀，正😋。鮮腐竹番茄浸菜苗🥬$122菜苗都好嫩滑，再配上新鮮番茄來炒，味道鹹鹹酸酸好開胃都好突出🤪！木瓜雪耳糖水🥣木瓜好甜加上好多雪耳，好滋補😍。