張公子

营业中

休息中

自己一直以來都好鍾意食中菜，知道觀塘佢開咗呢間餐廳之後，成日都已經想跟朋友一齊嚟食；餐廳環境寬敞，而且茶都有好多款可以揀，我自己就鍾意菊花同埋普洱。首先前菜，我地先叫左一客蝦球，$50，用上西檸汁，炸粉包住大大粒蝦，甜度中和左油膩感，不錯。之後我地叫左一客淮山牛柳粒，牛柳肉質軟滑，不軔，醬汁香濃，非常好食。再之後我地叫左一份鮮腐竹蕃茄浸菜苗，有頗為清甜的蕃茄湯，伴著新鮮菜苗，能開胃之餘亦可中和油膩。再之後我哋叫咗一份火焰松露野菌文昌雞，店員特別用火再燒一切雞身，松露味更突出更香，雞肉尚算嫩滑。最後我地食黯然銷魂炒飯，餐廳特別用咗木魚，加入少少日式Fusion去整呢碟飯，在中式上加點創意是值得欣賞。