張公子

营业中

休息中

想喺觀塘區食間好少少嘅中菜，所以揀咗張公子，坐得舒服環境又闊落。〈秋葵芥未炒帶子〉🥬⚪️秋葵其實係非常健康，但係唔係個個鍾意食，不過餐廳用上咗芥末黎炒十分惹味，另外帶子亦都非常新鮮非常大粒。〈四扣碗〉- 其實係小食拼盤，今次包括珊瑚黃瓜🥒陳醋水晶肴肉🥓黑毛豬叉燒🐷深山小雲耳👂🏻中餐份量通常都比較多，所以好難可以試好多款餸，呢個拼盤就可以一次過試晒四款真係好正。黃瓜酸酸辣辣好開胃；雲耳嘅汁係日式豉油芥末味，好新奇；水晶肴肉就好似食緊肉既啫喱咁，清爽彈牙，陳醋部分可以解膩；叉燒係最推介，叉燒厚切得黎亦都燒到非常香，肥瘦啱啱好，油脂感飽滿，難怪係招牌之一！〈鮑汁花膠絲撈粗麵〉🍝🪸粗麵鹼水味唔重，花膠絲份量非常多，鮑汁味亦都好濃郁，加埋大量蔥絲好清爽。〈生煎蓮藕餅〉🫓蓮藕餅煎得非常乾身香脆，唔會太油，而且配上馬蹄更加增加口感層次感，推介！