廣東飯莊 (已結業)

老實講, 位置都幾偏僻, 我地o係油麻地mtr行過去, 都要3個字, 仲要穿過d 魚檔肉檔, 真係要睇路行, 小心d~舖頭真係好細, 當晚有2張大table(over 10人), 加2張小table (6-8人) 就已經full了, 大家都係迫埋坐的, 建議同好朋友先好去, 唔係大家坐咁埋就唔係幾方便啦~有位哥仔由頭到尾都好熱情的招待, 應該係老闆, 因為食完後佢係咁派卡片。因為大家都無咩idea, 人又多, 坐得迫都唔想揭menu, 所以就由阿哥仔話事, 叫左幾樣海鮮 : 聖子, 帶子, 青口, oyster.... 再加 什菜藍、肥牛、魚旦墨魚丸午餐肉等等....佢d海鮮真係好大件, 烚完都唔會縮水, 好鮮味, 哥仔每上一樣菜都會建議我地烚幾多秒~ 另外, 有d出乎意料o既係, 佢o既肥牛好好味wor, 又大碟, 我地6-7人都夠食~湯底叫左雙拼, 蕃茄 + 清湯, um...無咩特別!!! 如果去食海鮮o既話, 佢都算幾抵, 200蚊位就食到咁多jumbo size o既海鮮。不過一定要訂檯, 同埋去o個日再double confirm一次, 因為我地早1-2星期book左, 去

一行6人慶祝朋友生日, 在openrice search到呢間, 位置較僻, 要轉入後街, 而鄰近舖頭亦已打烊, 街道較暗。全店只有4-5張檯, 可能只做熟客, 而我們book 7點鐘更只有我們1檯客人。老闆招呼週到, 落力介紹食物, 可能人少, 沒有如前人般送燒味試食。蕃茄海鮮湯底 - 湯底味道清甜, 沒有過量茄膏, 有蝦, 蟹, 蔬菜之類, 但海鮮鮮味已去晒湯底, 價錢不便宜, 下次可單叫蕃茄湯底沙皮海蜇 - 一般海蜇味道, 口感似海蜇頭慒仔魚刺身 - 一般白身魚味道, 口感似鱆紅蟶子皇 - 老闆叮囑滾30秒即可吃, 果然鮮甜, 正八爪魚 - 食得出係新鮮貨, 有咬口手切牛 - 好一般, 可能主力食海鮮, 下次可以唔叫桶蠔 - 大隻又鮮美, 正蔬菜盤 - 多款式, 又清洗得乾淨, 放心食用丸類 - 雖然是來貨, 不是手打, 但來貨有水準, 朋友讚好食餃類 - 本身不好餃, 無意見, 但朋友讚好食

今次響呢間野食完,我地四個女仔都話可以寫食評,唔係因為唔好食而寫,係因為好好食而寫...由於我早幾日生日,就約左幾個fd去食野慶生加聚會下,唸左好耐都唸唔到旺角有咩好食,因為cafe又唔熟邊間好(colour之前食過好多人好嘈,而且d野唔太好食),一係就坐得唔耐.後黎都係有一個fd響openrice睇到呢間好似幾多好評而試下.之前個fd電話訂左七點半,其實未夠七點半已經黎左,四個人之中我行得最前,一企響門口見到好似無幾個客其實我想講...咦,無客既...不如唔好入去嘍...因為佢個位置算幾隔sit....而且通常無咩人既舖頭d野都係......唔係甘好啦...後黎黎到我地就入去,佢地都係只有四張枱炸,三大一細,所以去之前一定要訂位好d,一坐落覺得d位有小小污糟,但係可以接受,但係最好就係d位個個都基本上可以睇到電視(一間店有三部大電視哦)跟住點菜,老板(應該係老板啦)就問我地點知呢度架(我fd訂位時話第一次黎),我講笑話我地係食評家...老板問我地岩岩坐落,試下個小食虎皮海節...我地就無咩所謂話咩都試下...都幾得意幾好味呀我地黎到時只有兩個人食野,但後黎就另兩張枱都滿左,有一枱好似

見到咁多好評,禮拜一我們一行三人諗住試一試,我吔叫咗牛肉,蠔,花蛤.蟶子王等,一食先知原來咁正,花蛤好甜,我哋贊不絕口,老板招呼好好,好親切,買單才$630,(平均每人才$210)我哋當場决定禮拜五帶埋啲朋友嚟食.禮拜五夜晚我哋10個人嚟食,我哋晏晝預定佐,叫老板留啲好嘢俾我哋 (因為我哋夜晚10點先食飯),禮拜五好多人食吖,我哋好快有位,因為我哋個個都為食,所以叫咗好多海鮮,幾乎所有啲海鮮俾我吔試晒,(不過琵琶蝦就冇,帶子唔記得嗌)每样都好新鮮,好好味,特別是花蛤(勁甜),斑馬瀨尿蝦我哋都係第一次食,好特別,真係好甜,好正,個個都話好食),生蠔,(好新鮮,淨係淋D檸檬汁就行了))蟶子王.(好大只,好甜)懵仔魚(都係第一次食,好鮮),墨魚刺身(好味)仲有好多嘢,如象拔蚌,牛肉,餃子,八爪魚,蔬菜盆.......我哋應該溢左几十碟食,個個都好開心,老板招呼勁好,(唔會夾硬Sell啲貴嘢)我哋下次一定會經常去嘅!買單$3600.勁抵食!!!可以話係全海鮮,(以前我哋去名城食,如果咁多海鮮最起碼$6500以上)淨係掛住食,唔記得影相添!下次會記得!

期盼了許久, 終於可以跟男友一起放假休息, 為順度趁機慶祝男友升職, 日前特地於openrice搜羅美食, 發現了關於此間海鮮火煱小店的一連串評價甚高的食評, 加上我倆實在是海鮮的擁躉, 故特地提早訂位本打算好好大吃一餐慶祝一番。星期三晚的八時許到達小店, 已見高朋滿座, 心忖此處美食一定不賴。 老闆熱情招呼, 就依他推介先來一客海哲小吃, 海哲實在不錯, 很新鮮爽口, 不像燒味檔那些如橡根般的海哲, 再加上麻油辣粉很開胃。 -----真想不到此是全晚唯一可以值得吃的東西。 小店其一賣點是蕃茄鍋, 故要了一個蕃茄清湯鍋底($45), 橫豎我們打算專吃海鮮, 便沒有選擇要加一百多元多一隻蝦或花蟹的「蕃茄蝦 / 蟹鍋底」。點了鍋底, 我們才仔細地研究吃什麼海鮮, 我們參閱menu察看魚缸裡的海鮮, 就在此時, 我倆方才發現來錯地方。任職日本料理廚師的男友對海鮮很熟悉, 他環視了一周便悄悄跟我說海鮮不新鮮; 而且價錢高昂, 扇貝四隻索價$60、蟶子兩只$60、竹昇蝦壹隻$34、琵琶蝦(不及手掌長)壹隻$75、翡翠螺壹隻$12 ....!!!! 知道海鮮價位的朋友, 這一刻都不禁會張口結舌吧!

朋友話發現左間新開既私房火鍋, book左枱帶我地去試下, 太熱天時食火鍋...不過我諗有冷氣都ok既. 咁我地行完信和, 大約7點左右行過去, 雖然只係幾分鐘路程, 但係條街都算幾靜. 不過有心搵既都好易搵到, 間鋪都唔算大, 新開裝修都好新淨企理, 幾圍枱都坐滿晒. 因為我個朋友事先打左上去講左個buget, 食咩就由老闆話事, 所以入到去老闆就拎左d 凍飲俾我地消暑, 跟住就自動波咁送上d 湯底同餸料.我地果個湯底係蕃茄蟹, 裏面有新鮮蕃茄同海鮮, 好香好清甜, 茄味同海鮮味好平衡, d 湯好夠火喉, 我就飲左好多碗啦, 好清涼, 好啱夏天食用, 仲有係蕃茄可以帶出海鮮鮮味, 真係幾夾, 呢個湯底都幾有驚喜, 值得推介我地既buget係大約$200, 食新鮮海鮮既話都算預得好低, 開頭都怕款寡量少, 不過d 餸嚟到都幾多款, 分量都好足夠, 差d食唔晒, 有肥牛, 深海海蜇, 鮮蝦, 琵琶蝦, 扇貝, 生蠔, 帶子, 菜盤, 唔同既丸... 樣樣都好新鮮幾好緻幾好味, 睇得出老闆好用心幫我地設計同準備, 呢點真係抵讚食火鍋最重要係湯底正材料鮮, 呢兩樣呢間都做得幾好,

朋友看見食評激贊，便一行十人一起試試~~~~廢話少講.......起碼俾大家知道唔係做妹先。當日老細問我覺得D野食點，我當然唔會係你面前俾意見啦，係度講咪仲好。先講湯底，我地叫左蕃茄海鮮湯底，味道一般，無之前食評講到咁鮮味囉，好就好在加湯既都係蕃茄湯。野食方面，我覺得D牛完全唔得，第一切得大細塊啦，第二根本毫無牛味，講真牛呢樣野係一分錢一分貨，食開既之一定feel到呢種係平價牛啦，希望真係要轉轉呀。相信好多人唔會介意俾多少少錢食靚牛囉，根本牛就係主打黎既。第二樣唔得既係桶豪，細隻得黎梅梅地既，換過第二隻牌子吧啦。對我黎講打邊爐又兩樣必食，係我致愛，桶豪同牛肉，但偏偏兩樣都唔得，可惜。雖然係咁，但海鮮的確唔錯，聖子特別好食，個魚頭更係最正啊。而且仲有近來打邊爐必叫既芝心丸，都係好好味，但腐皮卷可以改良得更好。再加上充足既冷氣，又有電視睇，而且服務態度的確唔錯，都會係我再會光臨既原因，再加上價錢相宜啦，但希望當時上述既野都會有明顯既鹽改善啦。其實當日聽得出老細好有心亦都好用心打理好間鋪，所以我先寫寫食評咋，希望對你有用啦。講真，佐敦白加士街間金牌雖然服務態度好差，又趕客又貴，但勝在食物質數

今晚是第二次去(上次是上星期六即一星期前!), 兩班不同朋友, 但大家也是讚不絕口!第一樣要讚的, 是老闆絕好人, 你絕對可以放心比佢揸主意, 因為唔靚既, 你想食都好, 老闆都會話比你知唔靚! 另外, 蕃茄海鮮湯底十分鮮甜, 連醬油也不用點刺身點了花竹蝦、懵仔魚, 大家也讚新鮮, 蝦頭還在動, 最後連頭都食埋出名的沙皮海哲, 爽口!聖子只需滾三十秒, 十分好味, 忍不住再叫多兩隻~~雖然不是做刺身, 八爪魚熟了一樣美味可口, 好味到停唔到口!我不食牛肉,但朋友說抵兼好食魚片頭同腐皮卷即炸, 只需過一過湯便可一個菜籃又有菇、又有幾款菜, 仲要新鮮, 唔會黃黃爛爛雲吞、丸、花膠就一般看到鄰枱點了石班刺身, 很像不錯, 下次試試!無得碌咭, 有d唔方便

朋友極力推介去食廣東飯莊, 琴晚走左去試. 店舖位置都幾隱蔽, 搵左一陣先搵到, 攪到流晒汗...心諗...熱死辣辣仲食火鍋..如果唔好食就真係火好彩去到, 間店冷氣充足, 老闆好醒目咁話出面好熱, 不如飲支氣水再慢慢叫野食. 第一次黎, 唔知有乜好食, 就講左 budget 俾老闆聽, 叫佢發板深海海蜇, 好鮮味, 有咬口 --> 推介! 刺身, 都ok, 係的魚未解涷得透, 有的冰, 扣左少少分估唔到係本地牛肉....超正!! 牛肉竟然有鮮甜味....必食! 好大隻既聖子--> 都好好味, 但要好好控制火喉琵琶蝦, 細左少少 & 味道一般 蔬菜盤 --> 的長菇菇好正蕃茄海鮮湯底, 有蟹, 蝦仔, 帶子. 估唔到用黎煲湯的蟹都好鮮甜 老闆好好人, 服務一流! 下次一定要同多的人一齊黎, 食得多的野, 同埋會底的

係店舖既口號 第一次黎呢間.. 好好招呼之前打電話留枱, 叫左預每人200 蚊左右既餸就ok點知.. 哈..大家都讚食唔停口, 埋單每人280, 發覺都十分超值一行10人,諗住試下聞名既燒味, 點知都係唔夠海鮮既吸引..所以無食到湯底-飲頭淡湯發覺好似水咁..之後落埋海鮮飲就好正..可能佢唔想搶走晒d鮮味..不過我鍾意濃既番茄湯多d..魚缸唔會有好多野..所以訂位時要叫佢留定肥牛就真係好靚..不過見到佢用油拿過..我明佢想滑d.. 但我話靚既肥牛本身就會有口感..你咁樣整會搞到好油肥膩無左d口感..之後果碟佢無落效果真係好好多.其他推介仲有海參 象拔蚌 芝士丸真係好似私房菜咁..開開心心~ 非常超值

我呢d人最唔中意寫野, 但係今次係例外忍唔住要寫一寫早排聽人介紹呢間火鍋話勁好食勁抵食, 咁咪約左幾個朋友去試下囉。一坐低無耐老闆就送左一小碟燒味拼盤泥, 我地話無叫喎, 佢話請我地試食, 嘩~~ 有無咁筍呀, 心諗普通料周街都有得食啦, 點知不食尤自可, 一食真係好食到呢, D叉燒肥瘦適中, 顏色燒到靚, 味道更加係頂級!! 果時真係想直情叫碟叉燒飯食呀. 但係見到旁邊隻又肥又香既燒鵝, 都係試一試再決定, 一啖咬落去, 嘩!! D 肉汁B晒出嚟, 一咬就知新鮮, 味道真係比陳記燒鵝好食。登燈登等~~~~ 重頭戲嚟啦, 深!!! 海!!! 海!!! 哲!!!!!!!! 唔好話食, 我聽都未聽過, 賣相真係普通啦, 心諗應該無咩特別, 點知一咬落去, 真係好似聽到鄉村susan 唱歌咁, 感動到流淚。呢條深海海哲同普通海哲好唔同, 鞋鞋地, 口感爽得嚟又有趙頭, 好特別, 一試難忘!!!hayhayhay, 咪住, 我係呢食火鍋喎, 點解變左食燒味架??????? 跟住我就同老闆講 : "你d 燒味真係好掂, 但係我地係泥食火鍋, 唔好諗住撐飽我地, 跟住d火鍋可以也也鳥過骨呀?" 跟

星期三晚預訂了嚟呢度打邊爐,因為之前朋友嚟食過話好好味,就話好想再食過,今次好多人,有九個人,本來十一個的,但有兩個有事嚟唔到.一個落雨天的晚上,位置都算避遠,係旺角再要行多幾條街先到,還要在內街.這間舖頭是做燒味的,但又做埋火鍋,我們是老闆幫我們安排食咩,我們大約告訴他價錢及想食d咩,他就給我們安排.好像私房菜一樣,都幾特別呀!7:30左右嚟到,還沒有其他食客的,地方不算大,只有數張枱,我們坐在最裏面,近廚房及厠所位置,都好近電視.未食打邊爐,老闆就給我們一碟"深海海折",係雪櫃攞出嚟,這個海折不像普通那些,是有些黑色一點點在海折上面的,好爽口好味呀,又夠凍又甜.跟住就嚟左一碟燒味拼盤,有紅雞亦,海折,燻碲,叉燒,燒鵝,燒雞,還有一些花生,好大碟,份量好多,味道好正,d叉燒還是熱的,好多汁,不會好乾及廋,肥廋適中,好好味,燒鵝,紅雞亦都好好味,唔肥,紅雞亦又切開細細件,容易食.食完老闆就整左兩個湯底俾我地,一個係番茄蟹鍋,一個本來係豆腐魚的,但佢話d魚唔靚所以冇,改左皮蛋莞茜鍋,個鍋都好足料,但我覺得個番茄湯唔夠濃味.我們有以下的火鍋料:手切牛肉-好味呀,都幾新鮮,夠淋鱔-都幾大條呀

o個日阿哥話帶我去食D另類火鍋, 事先話明冇"乜丸物丸"食... 得牛肉同各式各樣的海鮮, 都有D擔心架. 不過, 我又為食又鐘意食海鮮, 咪去試下羅. 去到附近, 見到D環境又夜又濕都有D後悔架. 不過, 好彩入到去, 見到新裝修, 都好干淨ok既. 坐下先上左碟沙皮海蜇, 食左後覺得好鬼正, 出面都未食過, 老細話係自己捉架. 之後, d主菜一碟一碟上啦.... 有番茄蟹湯底, 炸魚皮,手切牛肉, 大隻聖子, 琵琶蝦, 石斑, 帶子, 象拔蚌, 墨魚滑... 最後仲有八爪魚刺身. 仲有生根呀... 最後先放可以吸晒湯底d精華勁多嘢食, 我地5個人食左8個人既份量, 實在太驚人啦!! 不過, 埋單都係三百蚊咋, 佢地仲要飲左好多啤酒呢? 幾正幾抵食呀!!!!

油麻地廣東街市四圍環境通常都不是太衛生和比較舊﹐但竟然比我發現一間新開張的食市﹐裝修擺設跟外面的格調大大不同﹐好奇的心理使我走近去看一下﹐原來是一間燒味店。但店員向我推銷晚市有火鍋﹐以我那麼愛吃的﹐便立即約了幾個朋友晚上去探討下究竟有什麼特別。今次我們特別揀選了番茄蟹湯底, 外面的食市多數都離不開沙爹﹐芫西和豬骨的湯底等等﹐很少用番茄蟹來做湯底, 加上早排從阿蘇節目中看到番茄蟹湯好像很好味﹐所以決定一試這個湯底。味道方面真是非常特別﹐濃濃的番茄湯, 加上蟹肉的鮮甜,這樣配答起來十分不錯。在吃火鍋之前﹐我們分別點了沙皮海蜇和自製燒味配秘製的薑蓉各一碟。起初我還以為外形像石班皮的海蜇吃下去會有種淋淋地的質感﹐但原來是非常爽滑和彈牙。至於燒味一定要配他們秘製的薑蓉﹐薑蓉味又香又不肥利﹐簡直是絕配。我們今晚的主菜是海鮮火鍋﹐那麼新鮮的海鮮是不可缺少。我們點了很多海鮮而其中包括帶子﹐生蠔和琵琶蝦等等。帶子和生蠔的體積不但比一般的大而且非常肥美﹐味道亦帶鮮甜。這家餐廳特別利用琵琶蝦來做火鍋材料果然特別﹐外殼像龍蝦般一樣哽的琵琶蝦味道卻比其他普通的蝦更多肉和多蝦膏﹐而且比較鮮甜﹐味道簡直是一絕呀。最

第一次聽火鍋都有私房菜, 見近近地便一家大細去試. 其實間鋪一直做開燒味, 現重新執過, 十分光猛及清潔!是晚一切由大廚發板, 試了好多新鮮海鮮,十分好味. 大廚話只要告訴他人數及預算, 他會安排食物, 保證新鮮, 當然亦可預先指定想食什麼. 一定要試琵琶蝦, 十分甜和多糕!另一樣要試的是秘製咸檸七, 超好味