影片
港铁油麻地站 A1 出口, 步行约5分钟
继续阅读
开饭介绍
可预订各式海鲜, 餐厅可根据你的预算而为你选料。
继续阅读
附加资料
经常有walkin朋友到来光顾，令本店有感未尽满足为食客朋友提供海鲜食物的种类。 因本店海鲜只会当日限定供应，故欢迎有意到来光顾的朋友在早一日前来电预定及查询。好让本店有充分时间准备为阁下到来时食到新鲜海鲜和高质素的食物。
营业时间
星期一至日
17:30 - 00:00
以上资料只供参考，请与餐厅确认详情
食记 (46)
今晚广东饭庄打边炉，当然系招牌番茄鲜蟹锅底。今晚以四只蟹配茄茸做汤，加埋粟米，个汤想唔甜都几难。为免蟹肉变老，开动时先食蟹。今晚其中一只蟹系重皮花蟹，当脱皮时充满蟹壳素，因此口感好似食沙一样，但听老板阿之讲可以减肥。阿之有名螺男，最出名系会去潜水，打各种海螺返来做火锅料，亦成为广东饭庄一大特色。佢话最近天气唔好，无出海所以无本地螺类供应，不过就有唔少环球特色海鲜。由于只有二人前，所以请阿之精选海鲜盘，每样有啲又每样少少，在阿之的指导下，用手机计住时间渌各种火锅料。今晚试了不少贝壳类食材，由北海道活北寄贝、蝴蝶蚌、大元贝、大圣子王、贵妃蚌、刀贝蚌到鲍鱼仔，两个人已经食到捧住个肚，最后望住剩低嘅蝴蝶蚌、海虾同象拔蚌仔，弃筷投降。今晚老板特别推介贝刀鱼打成的鱼蛋，口感弹牙，鱼味浓而不腥，非一般潮州舖的鱼蛋可比。对文公子来讲，打边炉岂可无牛?今晚的牛颈脊肉，油花均匀而且有牛肉味，都算水准相当唔错。上次阿之推介用烧酎配汤力水，今次佢开左枝八千代传来，一份酒开四份汤力加冰，再加入自家种柠檬，风味比好多鸡尾酒都清新，非常醒胃，值得推介。
继续阅读
多谢「星级女厨师」徐蒝 Margaret系Facebook 的分享！🙏🏻🙏🏻😍咁大个女第一次打边炉食咁多海鲜！因为我系食肉兽一名、一向对海鲜只是一般! 但是晚真令人大开眼界、不少少见的贝类及海产( 其实唔止少见、连名称都未听过）！😅招牌蕃茄汤底清甜、沙嗲和清汤也不差！海鲜食材新鲜种类又多、不枉被称为刁钻火锅店！正到冇朋友！👍🏻😋😋今晚饮饱食醉、大满足！😍😍😍今晚好多我的第一次「*」：炸片头澳洲水晶蟹 （鲜甜肥美）斑马濑尿虾 * （鲜甜肉爽）啦啦贝* 跳螺* （好有口感、鲜甜）蝴蝶蚌蛏子王北寄贝韩国蚝* （好有蚝味）贝刀鱼蛋*墨鱼滑拼虾滑牛肉：颈、脊、腩边 （有牛味、有口感）黑豚肉蔬菜拼盘
继续阅读
今日去咗朋友介绍间广东饭庄食打边炉，超正个蕃茄汤底，好甜..朋支仔order 咗只可爱活泼毛蟹，新鲜大蛏子，老板系潜水的特别介绍特色蚌类，爆膏濑尿虾'同枇杷俾我们品尝😃😃超掂
继续阅读
我地坐底，第一时间order个番茄蟹汤底，个汤呢..D番茄味极浓而且极鲜甜...我相信D蟹系超新鲜另外更"系"order 正海鲜，店主推介8爪鱼，大蛏子,姻脂蚌，蝴蝶蚌，大蚬(花甲)，斑马濑尿虾，象拔蚌仔，另外~加松叶蟹..4个人食到不知几满足，其实又咁计，食D靓嘢好过食buffet
继续阅读
广东饭庄一直都想去，但男人讲得2个人好难点食野，因而今次专登叫多2个朋友一行四人去食…但朋友话都几难找要点时间，最后我地8点半齐人开餐。位置吾多，2张大桌加几张小桌，我地4个人坐大桌食饭。当然要叫佢叫打蕃茄海鲜锅，有蟹，蚬，蕃茄，虾，红萝卜都有吾少材料好鲜甜同清。手切牛肉没想到份量比目中又厚肉但吾难咬好有牛肉味，超好味，我地好快咁扫晒佢，劲想叫多碟但老板话食吾晒。蚬好厚肉又少有，蝴蝶蚬未听过好鲜甜厚肉，煮一分钟不用开口就可以食，好爽甜，冇介绍错。鸡件份量多同坚有肉，嫩滑吾多骨。脆肉鲩超大片同煮完只有脆，吾难咬开好难得好味。鱼头角偏多油冇汁，有点失望。鱼滑，响铃和菜价钱抵食，鱼滑超足料，响铃就现成淋左少少。最后粥原来用最后汤底加上米和蕃茄，再加炒米和蛋花煮成，最后加䓤花之类，好香但吾咸，味道刚好，但因为太饱关系有少少食吾晒。最后每人310元一位仲叫左4枝啤酒加咸柠七㖞…坚抵食。
继续阅读