廣東飯莊 (已結業)

今晚廣東飯莊打邊爐，當然係招牌番茄鮮蟹鍋底。今晚以四隻蟹配茄茸做湯，加埋粟米，個湯想唔甜都幾難。為免蟹肉變老，開動時先食蟹。今晚其中一隻蟹係重皮花蟹，當脫皮時充滿蟹殼素，因此口感好似食沙一樣，但聽老闆阿之講可以減肥。阿之有名螺男，最出名係會去潛水，打各種海螺返來做火鍋料，亦成為廣東飯莊一大特色。佢話最近天氣唔好，無出海所以無本地螺類供應，不過就有唔少環球特色海鮮。由於只有二人前，所以請阿之精選海鮮盤，每樣有啲又每樣少少，在阿之的指導下，用手機計住時間淥各種火鍋料。今晚試了不少貝殼類食材，由北海道活北寄貝、蝴蝶蚌、大元貝、大聖子王、貴妃蚌、刀貝蚌到鮑魚仔，兩個人已經食到捧住個肚，最後望住剩低嘅蝴蝶蚌、海蝦同象拔蚌仔，棄筷投降。今晚老闆特別推介貝刀魚打成的魚蛋，口感彈牙，魚味濃而不腥，非一般潮州舖的魚蛋可比。對文公子來講，打邊爐豈可無牛?今晚的牛頸脊肉，油花均勻而且有牛肉味，都算水準相當唔錯。上次阿之推介用燒酎配湯力水，今次佢開左枝八千代傳來，一份酒開四份湯力加冰，再加入自家種檸檬，風味比好多雞尾酒都清新，非常醒胃，值得推介。

上星期在廣東飯莊火鍋，香港中華總商會友好相聚。事先請老闆螺男阿之設計菜單。廣東飯莊的蕃茄湯底一向非常正，火鍋亦其實無秘密--火鍋料要新鮮牛肉要靚。可惜因為最近天氣差，螺男未能出海打貝殼返來做火鍋，又遇上休漁期，本來都無咩寄望，但卻有喜出望外的surprise 。是晚新試懵仔魚刺身，感覺是非平時食慣的甜爽口感。花咲蟹用手都可以剝開個蟹殼，一啖一條真蟹肉的蟹棒，感覺自然一級棒。牛肉係真手切黃牛肉，而且油花大理石紋，班馬瀨尿蝦爆哂膏...最後將日月精華，來個阿之泡飯，湯底落飯後打蛋，手搞成蛋花湯飯，再落炸米然後加香蔥芫荽，就比其他形式的泡飯都正~每位埋單盛惠$800，相對海鮮質素，性價比其實相當高。是晚菜單如下：蕃茄湯底懵仔魚刺身花咲蟹二只聖子北海道北寄貝愛爾蘭鑽石蚌北海道元貝老虎班一條起片手切本地牛脊肉爆膏班馬賴尿蝦什菜盆泡飯

多謝「星級女廚師」徐蒝 Margaret係Facebook 的分享！🙏🏻🙏🏻😍咁大個女第一次打邊爐食咁多海鮮！因為我係食肉獸一名、一向對海鮮只是一般! 但是晚真令人大開眼界、不少少見的貝類及海産( 其實唔止少見、連名稱都未聽過）！😅招牌蕃茄湯底清甜、沙嗲和清湯也不差！海鮮食材新鮮種類又多、不枉被稱為刁鑽火鍋店！正到冇朋友！👍🏻😋😋今晚飲飽食醉、大滿足！😍😍😍今晚好多我的第一次「*」：炸片頭澳洲水晶蟹 （鮮甜肥美）斑馬瀨尿蝦 * （鮮甜肉爽）啦啦貝* 跳螺* （好有口感、鮮甜）蝴蝶蚌蟶子王北寄貝韓國蠔* （好有蠔味）貝刀魚蛋*墨魚滑拼蝦滑牛肉：頸、脊、腩邊 （有牛味、有口感）黑豚肉蔬菜拼盤

今日去咗朋友介紹間廣東飯莊食打邊爐，超正個蕃茄湯底，好甜..朋支仔order 咗隻可愛活潑毛蟹，新鮮大蟶子，老闆係潛水的特別介紹特色蚌類，爆膏濑尿蝦'同枇杷俾我們品嘗😃😃超掂

我地坐底，第一時間order個番茄蟹湯底，個湯呢..D番茄味極濃而且極鮮甜...我相信D蟹係超新鮮另外更"係"order 正海鮮，店主推介8爪魚，大蟶子,姻脂蚌，蝴蝶蚌，大蜆(花甲)，斑馬濑尿蝦，象拔蚌仔，另外~加松葉蟹..4個人食到不知幾滿足，其實又咁計，食D靚嘢好過食buffet

廣東飯莊一直都想去，但男人講得2個人好難點食野，因而今次專登叫多2個朋友一行四人去食…但朋友話都幾難找要點時間，最後我地8點半齊人開餐。位置吾多，2張大桌加幾張小桌，我地4個人坐大桌食飯。當然要叫佢叫打蕃茄海鮮鍋，有蟹，蜆，蕃茄，蝦，紅蘿蔔都有吾少材料好鮮甜同清。手切牛肉沒想到份量比目中又厚肉但吾難咬好有牛肉味，超好味，我地好快咁掃晒佢，勁想叫多碟但老闆話食吾晒。蜆好厚肉又少有，蝴蝶蜆未聽過好鮮甜厚肉，煮一分鐘不用開口就可以食，好爽甜，冇介紹錯。雞件份量多同堅有肉，嫩滑吾多骨。脆肉鯇超大片同煮完只有脆，吾難咬開好難得好味。魚頭角偏多油冇汁，有點失望。魚滑，響鈴和菜價錢抵食，魚滑超足料，響鈴就現成淋左少少。最後粥原來用最後湯底加上米和蕃茄，再加炒米和蛋花煮成，最後加䓤花之類，好香但吾咸，味道剛好，但因為太飽關係有少少食吾晒。最後每人310元一位仲叫左4枝啤酒加咸檸七喎…堅抵食。

別以為「廣東飯莊」是嚐小炒菜式的普通食肆，其實隱藏於暗街的他，卻以千奇百怪的海鮮火鍋而聞名。這夜一頓安排已久的飯局，終讓我來見識一番。門口魚缸外堆滿了貝殼作裝飾，海洋氣息濃厚。如層架的小魚缸，盡量善用門口的空間。層架魚缸內，養著不同品種、大小不一的貝殼類。店內另一大魚缸，則是巨大斑馬瀨尿蝦的天地！食友們自攜了 Gin 酒，將橙削出，享受著自家製的橙香 Gin 酒，還點了大量啤酒，而不想喝酒的我，卻整晚飲用著「廣東飯莊」的鹹檸七。鹹檸預先搗開，不過喜愛重口味的我，還是將整顆鹹檸檬放在杯內，然後將其徹底搗爛，這樣濃厚的鹹酸味才叫我滿足，整晚我們至少也喝了三至四瓶鹹檸七。這即炸的魚片頭，金黃兼「漲卜卜」，新鮮熱燙的吸引力，加上十分彈牙爽口，成為大家火鍋前的美味小食！蕃茄湯底是「廣東飯莊」的必然之選，究竟有何獨突之處？一試，味道鮮清自然過人，察覺不到茄膏的蹤影，而最重要是湯底裡有著融融的蕃茄肉，令人相當回味。正因如此，未在正式開始時，蕃茄湯已被我們試喝了五分一，隨著火鍋的流程們不斷的喝，蕃茄湯的流失極為快速。幸好，食友們跟老闆稔熟，可為我們注入蕃茄原湯，否則便不能這樣放肆了！第一道端來的是火鍋

今日一班酒鬼又約埋一齊飯聚，啱啱嚟到見門口都係一D普通嘅海鮮貨色，本來諗住今晚都應該係普通邊爐聚，但係我真係要承認我大大低估咗佢。去到打邊爐混醬係正常不過嘅事，估唔到今晚成餐都冇點過。 先要由湯底剛起，極濃鮮番茄湯湯底，用十幾隻番茄攪碎再加原隻番茄煲成，每一次加湯都係加鮮番茄蓉湯，呢個湯底用嚟配海鮮真係一流，之後混合海鮮嘅鮮味真係冇得輸。 海鮮開始一路出嚟，原來今晚我哋食嘅海鮮一路都係廚房處理緊，門口嘅只係比街外人望吓。每一碟海鮮出，我都會好細心咁寫低佢哋嘅名，因為真喺好多都未見過，記得一定要問清楚每一樣唔同嘅海鮮要淥幾耐。
蘇格蘭聖子皇，淥25秒最佳，非常之鮮甜，初初真係唔信係蘇格蘭聖子，老闆話呢D全部都係新鮮活海鮮，加上淥25秒唔會過火同走晒海鮮嘅鮮味。
我叫呢個做"SEE THROUGH 班馬瀨尿蝦"，睇到佢爆晒羔，淥5分鐘就食得，肉質好鮮甜，每位都讚不絕口。
北極冰鮑，淥3分鐘，好少見嘅鮑魚品種，肉質鮮甜，口感比較硬，3分鐘啱啱好！

花咲蟹，急凍就見得多，呢道居然有生嘅，味道當然鮮甜好多，蟹羔撈少少番茄湯一齊食就PERFECT！蟹腳淥1分30秒。

新鮮北寄貝真係唔同D，淥大

相約友人晚飯，選定曾多年前光顧多次的廣東飯莊，該店位於旺區的偏辟處，無熟人帶路根本很難會找得到，主要以熟客為主。廣東飯莊主打的是海鮮火鍋，早三天已訂定兩位七點，亦要求預留最愛的班馬瀨尿蝦及納米比亞生蠔，可惜坐下後被告知班馬瀨尿蝦不算靚不賣給我，生蠔亦無貨，有點兒失望。點餐前先叫了一碟餐前小吃海蜇皮，海蜇皮爽口點上辣椒粉很好吃。開始點菜，其實主要由店家推薦1. 蕃茄蟹鍋 - 數一數有三隻花蟹，鍋內大量蕃茄份量十足，蟹肉鮮甜細滑，配上濃濃蕃茄味，好吃。2. 手切牛肉(細) - 脂肪分佈均勻，入口像安格斯，夠滑亦重牛味，不錯。3. 蟶子皇 - 足有八吋長，店家鄭重地提點灼25秒就可以，入口真的鮮甜爽脆，好好吃。4. 蚌蜆 - 其實我也沒見過，店家說是像象拔蚌仔和大蜆的混合體，入口像蟶子，但之前已吃過蟶子皇所以這蚌蜆給比了下去。5. 大蜆 - 相當大隻，很新鮮，蜆肉美味。6. 大元貝 - 又是相當大隻，元貝肉就像帶子但更甜不會韌，不錯。7. 師蚶 - 朋友點的我就不太喜歡只吃了兩三隻，師蚶灼過點醋吃，我覺得有腥味，朋友說太熟。另外點了多支啤酒。整體這店以海鮮為主，款式亦頗另類特出，喜歡海鮮的朋

一行六人今日試新野"廣東飯莊"因為openrice的comments 好好,話老闆係水上人 (我都係半個水上人)又話老闆會隔幾日就去潛水捉d 海鮮回來比人做火煱料,睇落好有特色呀 ^^去吓相先 ^^▼先來小食沙皮海哲 -咬落去都feel d皮好"鞋", 唔算得好美味的食物, 但夠特別▼再來小食炸魚片頭 - 新鮮熱辣, 但味道偏咸想叫menu全宇宙最強的蕃茄麵包蟹湯但冇貨, 最後叫左蕃茄蟹湯▼蟹的確好新鮮, 點hot pot法, d 蟹肉都唔會霉.但可能湯底用"茄膏"整並唔係用蕃茄煮成的.所以好啖口....▼特大聖子 - 老闆教淥45秒就OK! 果然剛剛甩殼, 好新鮮.但就冇乜海水味▼大蜆 - 呢個淥25秒就夠喇, 勁鮮甜呢 ^^其實仲想叫斑馬瀨尿蝦 - 可惜冇貨.鱔片 - 佢話唔靚龍躉 - 對我而言都係"普通魚"其他海鮮...亦冇貨 >.<▼唯有叫吓hot pot 必叫的牛啦.a...估唔到d 牛, 好好食呀!!不過我分唔到以下兩碟邊碟好食d.▼真係分唔出 ^^總之有碟係特別重牛味又唔un啦 ^^▼黑豚肉 - 又係勁好味. 好重豬味又唔臭呢 ^^▼炸魚皮 - 冇乜特別仲

If you're looking for a completely local dining experience, this is one great place for exactly that. They didn't have any sort of English menu but thank God for the friendly lady who was working there. She was so nice and went through the whole menu with us, explaining what they had to offer, and when our food arrived she made sure to check if it was what we were expecting. She was such a great host! My friend and I were craving hot pot, and this place was the perfect cure for our craving. The

老闆是水上人家，自有一套烹調海鮮的方法；加上熱愛潛水的他每隔兩天就帶回自己的豐富收穫，鋪內常有魚市場買不到的特色海鮮，火鍋刺身蒸焗俱宜。每逢老闆捕得好魚，總會打電話叫我們一班好友來享受；晚飯未能來到不要緊，小店營業至半夜夜宵時段，隨時恭候。最喜愛只此一家的蕃茄蟹湯底，最少用了三款以上品種的蟹，煲足多個小時，味道鮮甜濃郁。其中「荷包蟹」是必備角色，當牠把鉗腳收起來，圓鼓鼔的像個荷包，十分有趣。那天有斑馬瀨尿蝦，新鮮得剪開幾段仍在蠕動。平時吃瀨尿蝦時殼又厚又硬，這種卻是軟薄易剝，啖啖肉甜美無比。還有一條純正「白毛」，香港水域難得釣到。蒸？煎？火鍋？都浪費了，該做刺身，非常清甜滑溜，冒著風險都要吃；魚頭魚骨才用來打邊爐。老闆親自潛水補獲的螺亦很特別，款式繁多，味道各異。小食很精彩，炸魚片頭、炸魚皮並不是什麼珍貴之物，但上桌時熱呼呼的夠鑊氣，很有地道風味。涼拌麻油海哲頭，用的是西班牙軍艦，所謂最「毒」、「炸」得人最痛的水母，現卻成為盤中美食；爽脆，厚身，咬下去「索索聲」，饒有特色。

朋友提議來廣東飯莊打邊爐. 這個位置, 若不是朋友告知, 真的很難找到.舖位不大, 只有幾張枱, 但尚算企理, 朋友說一定要訂位. 一坐下朋友已點了菜, 炸片頭和虎皮海哲也如Openrice食評家推介一樣好食 ^_^ 炸片頭新鮮熱辣非常香口, 大愛!我們點了蕃茄蟹湯底, 蟶子皇, 大蜆, 琵琶蝦, 象拔蚌仔等等. 每放下一樣海鮮, 老闆都會提點要淥多少時間, 25秒至1分鐘不等, 相當細心. 依照指示, 果真嚐到每樣海產都鮮甜美味, 本人最愛貝殼類, 真的好吃到不得了!!!!響鈴吸湯一流!!蔬菜籃也很靚, 與其說是蔬菜籃, 不如說是花籃.記得不要吃得太飽, 留肚吃這個中式Risotto! 收濃湯汁後淺嚐半碗飯, 齒脥留香.以這個價錢, 食到多款鮮美海產, 我覺得非常值. 比起食Buffet, 我更寧願善待自己的肚皮 :-P

星期五同朋友仔去旺角玩逃出密室之前呢, 黎一個圍爐共聚先大家一起洗吓筷子增加感情, Hehe身為康樂組組長, 我2個星期前已經訂好位, 所以完全唔洗等位, 正正正!店子有點窄, 數埋得果6枱左右, 所以都係訂位穩陣。我已經係第2次到訪, 所以訂位之時順手book埋隻麵包蟹。因為呢間火煱店主要係食海鮮打邊爐, 所以同一般食肉獸及放題式不同, 唔了解的會有錯誤期望.不可不吃的推介有:       

刁鑽, 也許是這裡的代名詞。有時會問, 吃個火鍋又有得幾刁鑽呀?? 哈...... 恰恰相反, 來這裡吃的還是一些平常去火鍋都不能吃得到的東西, 或是不會吃的東西吧~~!例行公事, 來這裡必吃的是這個粗點, 嚡身的海蜇。原因來自不同的海蜇種類, 保護性極強, 水母爪的刺激能力也高, 而且分泌可能可以致命。不過拿來吃卻是萬分的爽口有質感, 粗點質感令口中感覺進一步提昇, 是個十分不錯的前菜。第二個必吃前菜是這個炸魚片頭, 外層炸至金黃, 有些少脆口, 惹味, 內在軟滑而彈牙, 也有點點的香味。火鍋前, 先來個刺身, 不過這個刺身也真特別!! 是用上新鮮的東北海參作刺身, 口感滑嘟嘟而有嚼勁, 但味道不多, 只是有輕輕的海水味道。再來一個原隻的象拔蚌刺身, 這隻與之前的不同, 是屬於沙面象拔。蚌肉身顏色畸淡, 但口感更爽, 鮮味比泥面的低一點, 但口感就較好。連內裡的膽位顏色也不算深, 整體效果不錯。開始火鍋, 少不了蕃茄蓉打成的結構性湯底。蕃茄鮮香, 甘甜美味, 湯底稠而濃口。第一個來的是這個斑馬瀨尿蝦。斑馬瀨尿蝦還見過不少, 但穿得如性感女星的Semi see through, 又有幾