川燒 (已結業)

好耐無入文英街一帶覓食，今晚心血來潮入去睇下有咩好野食先。遠遠傳黎一陣串燒香味，門口有少少中國風feel,一於入去試試先。牆壁貼滿食物相，而且仲有黑板寫上店家推介食物。Sapporo (S)消暑解渴，食串燒必定要飲返杯先夠爽👍🏻燒秘製雞中翼秘製醬汁味味地，好惹味，而且雞翼仲好多汁入味。吾係紐西蘭大磨菇大磨菇面頭有少少香料調味，內裏十分juicy 軟嫩。川香肉碎燒茄子店家將茄子燒完再去皮先上碟，面層加上香辣肉碎同少少辣椒絲，拌埋一齊食少少辣茄子又軟滑，味道惹味可口。秘製醬燒BB豬肋骨原條生燒，所以要等候時間比較長，最好一坐低即order就最好不過啦，生燒肉質會比較有咬口，香料完全滲透哂入啲豬肋骨，好香口又滋味，大愛😋😋蜂蜜燒鳳梨鳳梨燒過之後甜味會更加突出，好好食呀！飲飽食醉嘅一餐，價錢唔貴氣氛又好，果然無揀錯。

今日同朋友來到佐敦渡船角的食街搵好野食，係西鐵柯士甸道出黎都好快到，見到成條街都有好多四川燒物店，便揀咗呢間門口招牌超有特式霸氣的川燒，店入面唔算好大，但勝在夠熱鬧，客人好多，建議都係先打電話黎訂位。串燒款式眾多，有肉類同海鮮揀，仲可以揀唔同的辣度，當然要叫返杯青檸荔枝梳打，$28,顏色透明晶瑩，有兩粒大的荔枝肉，咬落好清甜嫩滑。蟶子皇，$68/隻，鮮甜到不得了，超大隻，有成隻手掌咁長，肉質白色鮮甜，咬黎好爽口彈牙，加上有蒜蓉同蔥粒的調味，清甜之中帶點濃味感，而且好多汁，好满足呀。燒特級牛脷心，$38/串，牛脷心係牛脷中間的部位，特別爽口彈牙，厚身得黎又有嫩滑感，有好濃郁的牛肉味，黑椒粒更增添惹味。燒腐皮海鮮卷，$38/卷，入面係彈牙鮮甜的魚肉同少少章魚粒，外皮燒得好香脆，醬汁香甜。川燒豆腐，$18,外面燒得好香脆惹味，好似臭豆腐的皮咁香口，入面就軟滑稔身，好香豆腐味。川燒麻辣豬串⻣，餐廳介紹呢個係用BB 豬的豬脾肉，食落真的特別爽口嫩滑，肉質咬落有彈牙感，燒得入味，微辣的。板燒麻辣芝士麵，份量小小，唔會太滯，面的芝士好香口，公仔麵麵質彈牙，有拉絲芝士，食落好香濃。

我地都好耐冇去過渡船街果頭食野，朋友介紹我地去食果邊川色串燒，【青檸柚子梳打/ Saporo 啤酒】黎食串燒點都會叫兩杯野飲黎送，吹下水一邊食一邊飲，真係嘗心樂事。【燒鮮白鱔】這間燒白鱔係我第二間最鍾意食既白鱔，白鱔非常厚肉又有彈性，外皮又燒得非常香脆，佢真係用白鱔燒，不是用鰻魚燒，假如大家都知鰻魚燒的話D肉係會比較淋身，不是彈身，而真正肉白鱔燒的話，食落係有彈性的。值得推介!!【燒自家製墨魚海鮮捧】出面真係未食過D隻墨魚海鮮捧，他將海鮮打交再加上一粒粒的墨魚粒，之後再去燒，咬落非常有彈性又有咬口，值得一讚!!!【聖子王】燒聖子燒真係好正又大隻，肉身很長而且十分鮮味，加上蒜香一流。【板燒麻辣芝士麵】麻辣芝士麵用鐵板上，上面鋪滿芝麻和蔥絲。芝士味非常突出，芝士味濃之餘又點麻辣味，口感微彈，食完之後非常飽肚。

和閨蜜好久不見，當然要食餐好的聚會！這次我們去到佐敦附近，由於我自己是串燒fans，看見這間大排長龍，所以決定一試！自己作為酒類fans，食物同酒真心好正！川香魚湯清酒煮花甲 $68作為酒鬼，最喜歡有加入酒類的食物，湯底十分暖胃，雖有酒味，卻不會太濃，反而突出了花甲的香口，超級推介！蟶子皇 $68海鮮fans必試之選，非常新鮮，而且隱隱有酒香，推介！川香肉碎燒茄子 $46自己是無菜不歡，到外叫食都會叫菜，茄子難得香辣可口，而不會太淋，好評！蜀都炒飯 $78主食也不輸蝕，炒飯的飯粒嚼口十足，味道香濃，份量又多，色香味十足！門神雷公啤酒 $56飲飽食醉，酒都是一大重點，女士們愛甜酒，雷公是一個很好的選擇，非常香甜易入口！整體而言，食物質素很高，而且更加有卡位包廂，約朋友一流！店員又友善，真心可以有下次！

睇食評，見到個個都話川燒正，為食團隊忍不住要去試試，睇吓係咪咁好味。一行五人，個個都幾食得，所以，我地堅試咗川燒好多不同菜式。先講吓D海鮮類，龍蝦：一般，有D乾，但店員好細心，等我哋齊人先燒。荀殼魚：川燒招牌菜之一，要預訂，可能我唔太鍾意食魚，覺得麻麻，無乜鮮味，說實在D，係無乜味辣東風螺：夠辣，ok的燒蠔：燒到半生熟，要睇個人喜好，我就唔食生生哋嘅非生蠔類喇肉類，雞肉棒：麻麻，因為唔夠juicy燒雞皮：好邪惡，但呢個正呀！牛仔骨：都係乾乾地，但可接受牛脷心：呢個得，厚度適中，有咬口，唔會薄EE一口和牛：比牛仔骨好黑豚露荀卷：正常表現麻辣豬串骨：可以不試佐酒類小食，呢方面，較出色。飛魚子香腸/麻辣腸：台式腸，不錯雞軟骨：熱辣辣炸起，好香脆燒雞泡魚乾：呢個不得了，我地有encore 八爪魚鬚：正常啦麻辣鴨舌：正，夠香夠辣青瓜海蜇頭：好難唔好食😂其他蔬菜類，都合格的，茄子最正、之後韮菜，其次啡菇，千祈唔好叫冰鎮芥蘭呀！！！BTW全晚，我最推個鵝肝飯，簡直一試難忘！流心蛋黃，脆嫩香囗鵝肝，加個豉油飯，真係不得了！仲有個芝士麵，一啲都唔漏，夠香夠辣，好好味！

一定要先講，一定要訂台！同一般的串燒店唔同，佢多左好多特色野，比如係燒湯圓我先叫左呢個青檸柚子梳打($28)。第一口飲落去都係偏酸，但係當柚子味勻左之後，酸甜感覺出哂泥，配呢餐一流。呢個係世界級牛舌($38一串)。真心好想到想喊。呢個牛舌竟然可以燒到入面都仲係好林，再加埋辣粉令味道更昇華，師父你真係好野真係估你唔到串燒店都會有豬肋骨食($148)。又係讚賞師父系列。個肉都仲係好林，比起坊間既西餐廳所售既好食好多。個人認為唔洗沾醬已經好食，而個醬料就略為偏咸。另外，我地仲叫左個燒海殼王($228)。（可惜我竟然冇影相）條魚等左最耐，但慢工出細火。熱辣辣既魚肉再配上微辣既醬汁，真係物超所值！食到最後，我地都發現帥父有向魚口加入配料去幫成條魚去調味，真係好花心思。但提提大家，呢個食物係時價泥架！以上都係我推介比大家既美食。以下既食物都可以，但未去到驚為天人姐

第一次來，感覺唔錯 先來第一碟 燒海殼王，賣相好掂魚肉好滑 之後上左碟海蜇頭拌青瓜，辣辣地，作為前菜好開胃，不過記得要撈下先食 酒煮東風螺 夠哂辣，略嫌份量少咗啲啲 之後來左幾碟串燒類，牛脷芯有咬感，但又唔會太硬；雞翼不過不失；茄子唔算太入味，不過肉碎好適合拌飯食；大蘑菇 如果味道重口味啲啲會更好，今次只係食到菇味；腐皮海鮮卷，外貌似係魚蛋/蟹子丸，但味道唔錯 去到尾聲，來多碟燒bb骨，讚！ 好抵食，而且好入味，唔洗點醬都ok! 因為普遍都重口味，所以點都要配番一杯梳打，清下食道。我自己叫左杯話梅梳打，飲落唔鹹，反而有少少梅子味 最後，食埋燒芝麻湯圓同燒菠蘿，真係夠哂飽 整體唔錯，值得一試；會推介燒bb骨，因為真係好抵食！

今晚約左好耐無見既朋友食串燒..搵左呢間係佐敦既川燒..我地7點幾黎到..都差唔多坐滿..好彩訂左位..叫左一條燒海殻王..係呢度既招牌..等既時間都幾耐..因為成條燒..一黎到嘩左聲..勁大條..唔太食魚既我以為會好腥..點知原來好鮮甜..啖啖肉..配埋甜甜酸酸既汁..百分美味..燒牛脷..好爽口..唔係好似食緊牛脷甘..好有驚喜..通常出面食既都燒到好乾..呢度燒得岩岩好..秘醬燒BB豬肋骨..$148勁大份..同出面食200/300百蚊差唔多..個骨腌得好夠味..唔使點醬都已經甜甜地..有d似蜜汁..肉汁鎖得住..串燒當然少不了燒雞翼..自細就鐘意食..脆卜卜..岩岩好..仲有燒茄子同大蘑菇..食下蔬果消化下..最後仲有鮮甜既燒菠蘿..好甜..另外呢度都出名燒芝麻湯圓..好似食緊糯米滋甘..但暖暖地..幾特別..每人200幾蚊就食到捧住個肚走..係串燒既好選擇

今日同朋友去圓方睇戲，圓方自然冇咩吸引的餐廳，要覓食當然係步行去佐敦！係openrice見到川燒相當多好評，決定一試。店面好熱鬧，人聲鼎沸，而店員安排我地坐內房，安靜好多，又坐得舒服！食物選擇多，花多眼亂！燒珍寶大元貝 $136/2隻只能說非常肥美鮮甜！趁熱食簡直係一流享受🤤雖然不便宜，但絕對物有所值。燒鮮白鱔 $48/串鹽燒雞中翼 $22/2隻我個人最怕乾爭爭的燒雞翼，但呢串雞翼肉質嫩滑，肉汁尚在，有驚喜！燒特級牛脷心 $30/串調味料好足，好夠味，又爽脆👍🏻燒特濃芝士五花腩 $26/份燒腐皮海鮮卷 $38質感結實、彈牙，醬汁甜甜地，yummy! 川香肉碎燒茄子 $46/份燒茄子係每次食串燒必點之物，辣辣地，非常香濃，必點呀！燒韮菜 $16/份黑松露芝士牛油焗雜菇 $48牛油+芝士+黑松露好香，菇菇份量又多😊鍋燒噴泉蛋醬芝心炒飯 $118全晚最深得我心就係呢個飯‼️芝士同飯的完美結合，質感黏稠，上桌時依然熱辣辣，勁好食🧡🧡服務態度好，價錢合理，推薦大家一試🤗

約閏蜜食飯，最開心就係摸住酒杯底慢慢傾計～所以今日揀左係佐敦呢間串燒店度食，優哉悠哉食返餐好！蟶子皇 $68平時打邊爐、食小菜都會揀蟶子，但串燒又係另一番風味，更香口惹味燒鮮白膳 $48魚皮烤脆了，加上甜甜的醬汁，而且冇骨，平時怕食魚的朋友都可以試！川香魚湯清酒煮花甲 $68清酒煮花甲冇咩出奇，呢個組合肯定好味，但難得的是個魚湯加埋清酒出奇地好飲，第一次食清酒煮花甲連湯都飲埋黑松露燒腐皮溫泉玉子 $36溫泉玉子令到燒腐皮滑溜溜，黑松露香噴噴燒秘製雞中翼 $22話係「秘製」真係冇錯，個雞翼的汁的確好特別，甜甜鹹鹹咁，而且好香，同平時果Ｄ唔一樣架！燒特級牛脷心 $38牛味香濃，幾好咬口燒腐皮海鮮卷 $38配搭很新鮮，腐皮不乾身，配海鮮VERY GOOD!川香肉碎燒茄子 $46肉碎炒得很惹味，茄子水份也沒怎麼流失，正！蜀都炒飯 $78淨食串燒驚唔飽，所以叫多左個炒飯。香口而且Ｄ飯粒粒分明，又大大碟，醫肚一流！川香海蜇頭拌青瓜 $42食到個人熱辣辣，嗌返個冷盤燒暑！辣度適中，青瓜都好新鮮。門神龍王啤酒 $56呢款啤酒比較香口，充滿柚子香。門神雷公啤酒 $56如果想飲偏甜就要揀呢隻，容易入口！整

貴，份量少，不好吃，係咁哝燒 燒不透，不明白食評何來，今次中咗招 好差，d食評係咪揾friend 寫.............紅磡間串燒好佢九條街，幾個friend都話差，d野冇味 份量過份地細小 ..........冇叫蝦 大魚 蟹 聖子嘅貴嘢都成近350一位 重点不怕贵如果好食....又貴又不好吃，super disappointed😡😡😡😡😡😡😡😡😡😡😡😡😡😡😡😡😡😡😡😡😡😡

黎呢到食野， 務必要先打電話預約，我和朋友因找了比較耐的時間才到，已是比原本預約時間遲15分鐘才到， 幸好老闆見門口有位即刻俾我和朋友坐下🙈呢到有好多款串燒，有海鮮， 菜類， 不同口味的腸仔， 甜點類等。鍋燒噴泉蛋醬芝心炒飯（$118）每拔一下飯， 芝士都拉絲， 正黑松露燒腐皮溫泉玉子（$36）蛋同黑松露真係好配合👍🏻飛魚子&芥未味腸夠哂味， 唔需要加七味粉， 配啤酒一流

用餐日期是17年12月了。為慶祝生日而黎, 同第一次黎的原因都係一樣今次第二次黎, 相比起4年前不是應該會維持水準或更進一步嗎？一坐底店員就介紹當日的生猛海鮮, 聽落價位屬可接受範圍內, 就點左蟶子皇 ($120兩隻), 汁燒一品鮑 ($98), 大海蝦 ($28), 白鱔 ($48)。另外仲點左燒八爪魚鬚 ($20), 燒特濃芝士五花腩 ($26) , 鹽燒雞翼 ($22兩隻), 燒特級牛脷心 ($38), 燒煙肉荔枝卷 ($24), 燒日本黑豚露荀卷 ($28), 鹽燒熊本一口和牛粒 ($36), 燒雞腎 ($24), 燒特級牛仔骨 ($46), 川香肉碎燒茄子 ($46), 紐西蘭大蘑菇 ($28), 蜂蜜燒鳳梨 ($24)同埋兩杯梳打特飲 ($28一杯)。整體大失所望！食物唔太有直接燒過既賣相同香味, 以及入口感覺到只屬先叮後用火槍輕輕焫一焫的串燒, 可能大多的串燒都係咁做法, 但我已經食唔到川燒店的誠意同美味。 特別想講有幾款串燒！- 汁燒一品鮑 (收$98太唔值, 食水太高)- 燒八爪魚鬚 (一串大概十條內, 完全係烚熟完就咁落燒汁就算)- 鹽燒雞翼 (將一隻雞翼開半, 一

謝謝各位抽空看看小弟的食評，因為我真是一個非常愛吃東西的香港人 ，並且我的太太煮野食是非常好吃的，難得有機會和她出來吃飯竟然會這樣... 所以才想抒發一下 這餐廳的食物素質真的有待改進，如不改進絕對有機會成為在全廣東省最差的燒烤店之一：1) 食物的味道和醬汁完全不協調、2) 用料不新鮮 e.g. 鱔魚有腥味、牛脷很乾又有渣、3) serving size 給人的感覺很小家e.g. 八爪魚腳衹是留有最尖尖而沒有肥肉的部分，兼且尾部燒得很燶；唯一可以點讚的地方是地方乾淨和有音樂聽 ；4) 出品並沒有用心 e.g. 牛脷大小不，厚薄不一。其實作為一個重慶燒烤粉絲，最希望的就是可以吃得到正宗的味粉 i.e. 籽然粉 + 辣粉，如果連最基本這個東西的採購也做不好的話真的很能放進香港人的口裏，該店的是完全沒有味道，我相信這些應該最少在一定時間內必須要換；食材就不用說了，但是重慶的飲食文化其實就是可以化腐朽為神奇 i.e. 就是可以用一些比較重的調味方式，例如是麻辣，用來掩蓋較為不新鮮的食材，但是同一時間把食材一些較為特別的味道又或者質感表現出來，但是好明顯該店在小弟這次幫襯就沒有在採購方面做好功夫

一心想去食串燒，見到呢間新開叫川燒，愛食四川味道嘅我俾佢個名吸引到。。。所以入去入去試下。。。因為唔太肚餓，叫咗幾碟嘢，結果係失望。燒白鱔：配合埋醬汁，其實都難掩腥味。八爪魚腳：商品與菜單上照片差很遠噢！咁細條嘅？淨係俾最尖我地，切走咗有肉部份。牛脷：第一感覺係：嘩～ 好鹹。我朋友食嗰舊多根到吞唔到。lur返出嚟。。。老細推介燒Bb聖子：88蚊 2隻， 都好味，但2隻Bb聖子，撩起條肉得嗰少少肉，感覺稍為貴。食咗咁多碟，都未食到期待咗想食到嘅川味。見佢枱面有籽然粉，用咗好多都無味。應該係D粉擺到走晒味。以上加2杯啤酒盛惠$350。如果好味，我覺得值得但今次真係唔抵。希望佢地會作出改進。