川燒 (已結業)

一心想去食串燒，見到呢間新開叫川燒，愛食四川味道嘅我俾佢個名吸引到。。。所以入去入去試下。。。因為唔太肚餓，叫咗幾碟嘢，結果係失望。燒白鱔：配合埋醬汁，其實都難掩腥味。八爪魚腳：商品與菜單上照片差很遠噢！咁細條嘅？淨係俾最尖我地，切走咗有肉部份。牛脷：第一感覺係：嘩～ 好鹹。我朋友食嗰舊多根到吞唔到。lur返出嚟。。。老細推介燒Bb聖子：88蚊 2隻， 都好味，但2隻Bb聖子，撩起條肉得嗰少少肉，感覺稍為貴。食咗咁多碟，都未食到期待咗想食到嘅川味。見佢枱面有籽然粉，用咗好多都無味。應該係D粉擺到走晒味。以上加2杯啤酒盛惠$350。如果好味，我覺得值得但今次真係唔抵。希望佢地會作出改進。