嵐橋丼飯專門店 (已結業)

尖沙咀新開日本直送丼飯店喜歡日本、刺身嘅我又點可以錯過🤩建議早D到，否則要等位店內裝潢都好有特式見丼飯有特價，就點了吞拿魚腩丼$109蚊可以食到吞拿魚腩丼認真堅係抵！😍質素係點？請見下圖😎個人覺得好抵！吞拿魚腩勁新鮮🤩色澤光鮮，入口即溶，魚香十足，加上蛋汁，點可以唔令人滋味無窮🤤🤤極上海之幸丼，海膽新鮮，材料都勁豐富有鮑魚同勁厚肉蟹鉗😍😍，蟹鉗鮮甜，鮑魚入口彈牙，魚生赤蝦樣樣新鮮，加上飯係用赤酢，美味回憶令人大叫滿足😋😋炸廣島蠔同帆立貝，廣島蠔大隻，帆立貝厚肉，新鮮即炸，外脆內多汁，肉質鮮嫩，令人嚐盡其鮮🤤外層薄脆，加上筷子🥢咁厚嘅帆立貝，肉質嫩滑，點令人唔滋味🤤🤤🤤

難得LUNCH TIME人齊出去食飯, 當然要搵間坐得舒服嘅餐廳食餐好。今日想食日本嘢，所以揀左公司附近嘅嵐橋丼飯專門店。入門口就聽到耳熟能詳嘅日本歌，成個環境都好地道日本FEEL，感覺唔錯。3個人3個丼飯三文魚親子丼同事點嘅三文魚親子丼， D三文魚份量真係唔少，而且都幾新鮮。黑松露帆立貝鵝肝丼另一個黑松露帆立貝鵝肝丼，一睇就知用料豐富，而且帆立貝同鵝肝都大大件，好豪華。吉列牛丼吉列牛扒嘅份量比想像中多，加上生蛋攪拌黎食，即刻加分。不過LUNCH TIME 一向多人，所以先訂位比較安全。

尖沙咀一向有好多野食 最近一知道左開左間新嘅日本餐廳 就即刻約friend一齊去試 真心食完覺得好好味 完全有係日本食刺身飯嘅感覺 要比十個讚佢***呢間餐廳主要係賣丼飯 一人一碗唔使爭 我地叫左一碗特選鐵火丼 入面有拖羅 吞拿魚 鵪鶉蛋 非常新鮮同肥美 食開tuna嘅朋友一定會非常中意 另外仲叫左個吉列牛丼 肉質柔軟 juicy得黎仲有少少嘅油脂香 關東煮亦都幾岀色 有野菜油豆腐 竹輪同炸魚餅 最後飲埋碗麵鼓湯就飽哂啦***雖然地方係細左d 但坐得都幾舒適👍🏻👍🏻

話說尖沙咀最近新開左間食丼飯嘅餐廳 一向愛吃日本野嘅我就緊係即刻同老公收工之後就黎食 好彩我地去到個陣都係7點鐘唔算話太多人 但過左7:30就真係要係門口排隊 淨見門口都覺得好似日本d居酒屋 所以對佢都有少少期望😂😂老公order左個北海蟹丼 有甲羅燒 啖啖肉嘅松葉蟹肉蟹鉗 好新鮮嘅海膽同三文魚 仲有tuna蓉 三文魚籽蟹籽 非常足料而我就叫左個吉列牛丼 之前去東京食完之後就一直念念不忘 炸得香脆 厚薄適中 唔違又唔會太熟 另外仲叫左d串揚 黑豚柳 冬茹同芝士 個芝士非常好味 有陣陣濃濃嘅芝士香氣 食完真係覺得自己去左轉日本一樣

朋友相約尖沙咀食飯，就喺以前紅極一時既pubbing街附近等。 朋友一早去排定隊諗住去食佢嘅特價飯，完全冇諗過咁多人，等咗第二輪先到我哋，特價飯就冇得食，唯有食正價啦。真係數量有限，先到先得，有得睇冇得食嘅感覺好差。喜知次丼喜之次，油甘魚，海膽，金目鯛，日本牡丹蝦，松葉蟹肉，紫菜。味道不錯，最重要係用真正嘅日本米，當然一定唔及特價嘅性價比咁高，但係一場嚟到，一人一碗，試下都冇壞。赤鯥丼松葉蟹鉗，池魚，赤鯥，三文魚，牡丹蝦，蔥吞拿魚蓉，海膽，三文魚籽。貴有貴嘢嘅特色，但係如果再揀過，都係特價飯比較吸引。炸日本洋蔥，炸廣島蠔。 洋蔥估唔到咁驚喜，完全唔油膩，最重要係帶有一點洋蔥嘅辣味。關東煮 ， 有得揀可以唔使揀，如果再揀過我都唔會揀。來到最緊要目標清晰，特價飯，其他嘢可加可減。

這間日本料理座位不多，只有大約二十幾個座位，所以很快便滿座。裝潢很有日本特色，最特別是這裏可以自選飯底口味，我們分別選了赤酢壽司飯和椎茸赤酢壽司飯，這裏的壽司飯醋味剛剛好，米飯夠黏糯，真的很好味，有椎茸的壽司飯口感又再豐富些。隨丼附送的麵豉湯比一般日本料理味濃但又不會覺得鹹，有豆泡絲、昆布和蛋絲。特選鐵火丼 新鮮的中拖羅入口即溶，赤身也不錯，葱花吞拿魚蓉加了鵪鶉蛋很滑溜和美味，還有沙律菜和蘆薈粒很特別。蜜餞角切海鮮丼 牡丹蝦很爽甜，葱花吞拿魚蓉很滑溜和美味，加上雜錦魚生粒、三文魚籽和蟹籽也很豐富，所有魚生也很新鮮。關東煮 雖然關東煮賣相很普通，但炸蟹餅很美味，椰菜卷就很清；白板魚蛋和芋絲就一般，加點芥末醬也很滋味。

好姊妹今日帶我去一間特色日本餐廳試新野。舖頭座落係棉登徑附近。餐廳地方唔大，大概可以坐倒二十人左右。裝修以木色為主，掛左好多鯉魚旗既擺設，好有日本居酒屋既感覺。餐廳主打空運直送刺身食材丼飯。鍾意食海鮮既我地，揀選海之幸丼、特選鐵火輪尼兩款丼飯，同叫左兩款小食。海之幸丼*個丼飯一擺上枱，已經心心眼💕。丼飯裏面佈滿不同種類既海鮮：大隻爽甜既牡丹蝦🦐、油甘魚、三文魚🐟、三文魚魚籽、油脂分佈均匀既拖羅、海鰻同鮮甜既海膽等新鮮食材。撈埋的有醋既啫喱一齊食，非常惹味。特選鐵火輪*拖羅塊塊都好大片同好厚肉，肉質呈粉嫩，油脂分佈均匀，入口潤滑肥美。連同吞拿魚蓉、鵪鶉蛋，啫喱醋一齊撈埋食，簡直係刺激你既味蕾，非常之有驚喜。炸物*因為個飯太好食啦，完全忽略左啲小食，食落炸洋蔥一啲都唔乾，仲好多水份，露荀鮮嫩爽脆。

家人喜歡食日本菜，尤其係三文魚，但近日三文魚的新聞鬧得熱烘烘的，是晚便選了一間高級的日式丼飯店，感覺上較有保證嘛。店員先送上熱茶，茶好香啊。枱上的用具很乾淨，感覺不錯。麵豉湯下單後便送上麵豉湯，熱辣辣不死鹹，有點海帶的鮮味。關東煮－日本白蘿蔔（$23），雞胸軟骨丸（$28），山芋魚肉餅（$30）家人點了一人一碗丼飯，但感覺有點“悶”，便點一下小吃了。阿爸話未食過關東煮就試試，白蘿蔔好清甜完全無渣，魚肉餅彈下彈下好似厚切嘅魚片咁，軟骨丸咬落喔喔脆好得意，幾樣都好味。海之幸丼（$238）阿爸要左碗海之幸，貪佢包羅萬有，有拖羅，三文，蝦，鰻魚，油甘，蟹肉等，仲有阿爸至愛的海膽，材料新鮮非常鮮甜，阿爸大讚不絕。三文魚親子丼（$148）阿媽就要左三文魚親子丼，一大碗三文魚同三文魚籽，正呀～肥美新鮮，最特別係飯中加了松子仁，有口感又香口。特選鐵火丼（$198）自己點左鐵火丼，貪佢係吞拿魚，賣相幾靚靚！吞拿魚蓉又綿又滑，沾點鵪鶉蛋汁更滑更鮮味。赤身有口感，極新鮮根本不用沾豉油，一點芥末就夠了。拖羅肥美魚油甘香，魚油留在口腔中回味無窮。飯用上日本珍珠米，香口軟綿，淨食飯都好滋味。食物有質素，完全可以滿

路經尖沙咀，忍不住被呢間餐廳吸引到，見餐廳環境別緻，丼飯的魚生都是飛機貨，就和友人進去試試看！點完餐之後，侍應就奉上兩碗麵豉湯，麵豉湯鹹甜適中，非常暖胃。極上海之幸丼$258友人眼闊肚窄，咩都想食，就叫咗呢一個丼。一嚟到，果然係相機食先，因為整個賣相真係太吸引啦！譏燒鮑魚非常爽甜，有嚼勁得來又不會過韌。金目鯛，燒過後更香！拖羅入口即溶，如果可以大分啲就好😛😛😛特別鍾意食深海池魚，比起普通池魚少了一份腥味，又更加清甜！日本牡丹蝦充滿膠質，松葉蟹鉗、海膽清甜細緻。原條鯛魚丼$228我就冇我朋友咁貪心啦，只想專一咁食一個鯛魚丼😂😛第一次食原條鯛魚，感覺非常有霸氣，份量認真多。🤔😂價錢又唔算太貴，講真平時食刺身都唔止啦！生切鯛魚極為新鮮，口感結實,鮮味十足。燒過後的鯛魚則更有鹹香，更為惹味。關東煮🍢日本芋絲$18 吸收晒湯底嘅精華，清甜好味。日本銀杏$30 鮮甜軟韌，配上芥辣更醒胃。串揚日本洋蔥$20好大份！炸皮令人一吃就停不了！洋蔥鮮甜，不會覺得哽喉。雞肉紫蘇卷$28極力推介！😋😋😋⭐️⭐️⭐️雞肉鬆軟，新鮮紫蘇葉大大帶出鮮味！配上燒汁，味道豐富！

最近真假三文魚弄得滿城風雨，對於喜歡吃魚生的港人來說，無疑是一大打擊！老實說，$4一片的三文魚，就算不列明也知道品質好不到哪裡吧（汗）想保住命仔吃餐好，放下銀包立地成佛在所不辭！介紹一下尖沙咀靜中帶旺的棉登徑，嵐橋丼飯專門店，店子小小，容得下約20人左右，枱和枱之間有點擠擁，不過就風味十足，清一色男師傅陣容感覺還真有點像身處日本（笑）晚市丼飯set付味噌湯和關東煮，印象中餐牌好像沒有寫，所以有點驚喜。很少香港日本餐廳會有關東煮，可能因為利潤不高（？）突然好像吃到日本便利店的味道。8月是我和老公的生日，其實我倆公婆一向慳儉樸素，大事大節才敢「豪一豪」（苦笑）老公點了特選鐵丼，內涵真是不得之了！有中拖羅，赤身，蔥花吞拿魚蓉，簡直是豪花組合！配上一隻鵪鶉蛋，老公說拌到吞拿魚蓉非常好味，口感滑不溜口！至於我自己，只想吃一碗安全好味的三文鱼親子丼飯（哭）現在都不敢亂吃了，除了到有信心有信譽的餐廳。嵐橋丼飯專門店，三文魚即叫即切，保證新鮮，有刺身，有角切，還有三文魚籽，如此盛宴，實在感動（笑）特別之處是飯非以醋煮，反而用了麻油，那一陣油香真是讓人欲罷不能！還加入了松子仁，也是我第一次吃丼飯遇見的食

一到午餐晚餐時間就排哂隊，原來係食呢間日本直送既丼飯店，聽聞質素都唔差，除左丼之外仲有關東煮同埋串揚食。門口已經寫左係丼飯專門店，牌度已經寫哂好多唔同既丼飯，影出黎都好吸引有勁多勁正既刺身可以食好豐富。入面有好多唔同日本既裝飾，成個餐廳都佈滿左魚既裝飾同畫牆，門口仲有吧位可以坐，見到啲新鮮既刺身即叫即整丼飯。叫左野食之後先送上味噌湯，成碗都勁熱辣辣飲完可以暖下再開餐，入面都有幾多料有齊哂豆腐海草等等，飲落都幾濃味。先黎第一個既係《喜之次丼》($278)，居然食到日本三大名魚喜之次真係好矜貴，仲有新魚又肥美既油甘魚同金目鯛，再放上海膽同松葉蟹肉夠鮮味。另一個《海之幸丼》($238)，最好食有肥厚既中拖羅仲有板海膽，油甘魚同三文魚都夠鮮，牡丹蝦大大隻又爽口，海鰻真係超長身，另外仲有啲蒟蒻。再叫左一啲《關東煮》，關東煮最好有清甜既湯頭又唔會過咸，加入有微辣既《雞胸軟骨》($28)夠特別，《白板魚蛋》($23)大塊彈牙，《炸蟹餅》($25)都夠惹味。除左關東煮仲有串揚食，《芝士年糕》($25)入面真係超多超多芝士，年糕都夠軟軟地又煙韌，《雞肉紫蘇卷》($28)，炸皮唔厚身唔散，入面有紫蘇包起更

新開業的嵐橋丼飯專門店坐落於尖沙咀棉登徑，旋即吸引不少慕名而來的食客，其不是一般以定價平取勝，反而是具質素的中價位刺身丼飯。店面較細，只有約三十餘座，等了約十五分鐘便能入坐。海之幸丼 ($238): 其含中拖羅、三文魚、油甘金各兩切，牡丹蝦及海鰻各一，韓國海膽，松葉蟹肉，以及三文魚籽，非常大堆頭。刺身新鮮優質，中拖羅滑而油香極重，令人讚嘆；三文魚及油甘魚均鮮甜美味；海膽creamy而鮮香，其他的也相當不錯。另可自選赤醋/ 松茸/ 麻油飯底。北海蟹丼 ($178): 蟹丼含甲羅燒、松葉蟹肉、蟹鉗、吞拿魚蓉、三文魚兩切、三文魚籽、蟹籽、海膽，同是非常大堆頭，海鮮刺身比飯底還要多。甲羅燒的味噌，蟹肉及蟹膏比例剛好，非常惹味；蟹肉新鮮鮮甜，蟹鉗的肉質亦是爽身的。揚物 『沖繩黑豚柳 ($28)、廣島蠔 ($28)、豆腐 ($20)、冬菇 ($20)』: 串揚炸物薄脆，蠻酥香。黑豚柳肉汁澎湃，油香出奇地突出，高質；廣島蠔香酥惹味，蠔香適中。

朋友形容這是性價比極高的丼飯店。那天我剛好到這邊工作，所以便特意一試。我們當日品嚐的是特選鐵火丼及鰻魚二重丼。鐵火丼即是吞拿魚丼飯，有數片中拖羅、赤身及一些吞拿魚蓉。拖羅不算十分肥美，但魚生都很鮮甜。朋友點的鰻魚二重丼，只需$169，抵食！鰻魚二重丼其實是鰻魚加穴子的配搭。我不好鰻魚，但穴子很美味！鰻魚跟穴子是大大不同的，穴子是海魚，肉質結實，而且沒有泥味，是非常美味的海產。附送的麵豉湯味道是比較一般的，但我們還是把它喝光光！

這次由朋友推薦這間日本餐廳，去聊聊天，吃個晚飯。餐牌有不同丼飯和小食供大家選擇。先來一碗麵豉湯，味道不錯。年糕福袋年糕的口感QQ的、綿綿的。點了少少炸物，有雞肉紫蘇串、洋蔥、魷魚，滿脆口，吃起來不會太乾身，魷魚保持爽身，洋蔥大大的一片，很清甜。芝士魚餅、日本白蘿蔔日本白蘿蔔吸收湯汁精華，令味道更甜，芝士魚餅口感也不錯，裡面有芝士，令口感更豐富。極上海之幸丼有大拖羅、鮑機煮、蔥吞拿魚蓉、金目錭、海膽、深海池魚，件件新鮮，大拖羅厚身，口感肥美，鮑魚味道濃夠爽彈。日本牡丹蝦海膽丼裡面有日本赤海膽，韓國馬糞海膽、日本牡丹蝦、蔥吞拿魚蓉、三文魚籽，有兩款海膽，個人覺得韓國馬糞海膽較濃郁帶甜，牡丹蝦爽甜。

在網上看到嵐橋有新張優惠，只要星期一至星期四，七半前入座，便有兩款丼飯半價。那天剛好放假，大約六時半便到達，門外已經有人先拿籌號等位。坐下後店員先送上麵豉湯和雜菜沙津。指定的半價丼飯有極上吞拿魚腩丼和北海蟹丼。我選了北海蟹丼，原價是$178，半價後$89。北海蟹丼非常豐富，最吸引的非甲羅燒莫屬，蟹膏充滿咸香，上面鋪了一絲絲的蟹肉，撈飯食一流。蟹鉗清甜多肉，肉質鮮美；三文魚厚身，脂肪油香；海膽色澤金黃，沒有臭味，十分鮮甜；旁邊還鋪滿了香蔥吞拿魚腩蓉，份量雖然不多，但魚腩蓉入口即溶；蟹籽晶瑩剔透，爽口清脆。加上有酸酸甜甜的蒟蒻果凍，令人食慾大增。半價吃到如此高質丼飯當然十分抵食，但即使用原價，丼飯用上的食材也是上剩和足料的。可惜今天只有我一人用膳，不然必定會試試其他小食。