嵐橋丼飯專門店 (已結業)

話說尖沙咀最近新開左間食丼飯嘅餐廳 一向愛吃日本野嘅我就緊係即刻同老公收工之後就黎食 好彩我地去到個陣都係7點鐘唔算話太多人 但過左7:30就真係要係門口排隊 淨見門口都覺得好似日本d居酒屋 所以對佢都有少少期望😂😂老公order左個北海蟹丼 有甲羅燒 啖啖肉嘅松葉蟹肉蟹鉗 好新鮮嘅海膽同三文魚 仲有tuna蓉 三文魚籽蟹籽 非常足料而我就叫左個吉列牛丼 之前去東京食完之後就一直念念不忘 炸得香脆 厚薄適中 唔違又唔會太熟 另外仲叫左d串揚 黑豚柳 冬茹同芝士 個芝士非常好味 有陣陣濃濃嘅芝士香氣 食完真係覺得自己去左轉日本一樣