嵐橋丼飯專門店 (已結業)

今晚試試嵐橋丼飯專門店, 質數好好, 我會再來。 熱辣辣的麵豉湯, 味道適中。 日本牡丹蝦海膽丼 $228 這個丼有日本赤海膽, 韓國馬糞海膽, 日本牡丹蝦, 蔥花吞拿魚魚蓉, 三文魚籽, 十分豐富。 韓國馬糞海膽瓣塊薄身一點，海膽肉上的紋理不太明顯, 但鮮甜。 我更愛日本赤海膽。 日本赤海膽顏色呈鮮橙,味道鮮甜, 質感細滑,濃郁, 輕盈順喉。 日本牡丹蝦新鮮,爽口, 極品。 蜜餞角切海鮮丼$158 蜜餞角切海鮮丼有雜錦魚生粒, 蔥花吞拿魚蓉, 三文魚籽, 蟹籽, 牡丹蝦一隻。賣相吸引, 好有日本的風味, 值得一試。 串揚: 洋蔥 $28和茄子$28,雖然炸過來, 但一點都不油膩。

嵐橋經過尖沙咀嘅一條小巷——棉登徑，有一間好有特色嘅餐廳，感覺上佢嘅裝修好有日本小店嘅風格，木製嘅可以，增加左一份親切咁，而且色彩繽紛嘅壁畫10分吸睛呢。我和朋友叫了三文魚親子丼及海之幸丼，未來丼飯之前，餐廳送上熱辣辣的面豉湯，這裏的用料一點也不吝嗇，湯裏的豆腐、海苔、油豆腐都是滿滿的，濃濃的面豉味正合我心意。串揚沙椎魚$25蓮藕$20炸物有蓮藕和沙椎魚，蓮藕是厚切的，油炸時間亦剛剛好，不會失去蓮藕的水份和鮮味，沙椎魚炸得不錯，最怕用千年油炸嘅炸，金黃色都安心啲，最緊要係冇骨，小孩子又可以吃到。關東煮芋絲 $18日本銀杏$30關東煮裏的配料有厚切魔芋和白果，這裏的關東煮極有日本便利店的味道，大家下次離到，可以一嚐。所有飯均配壽司飯底、紫菜、胡麻、壽司薑、芥末、max菜。三文魚親子丼$148三文魚五切、三文魚子、角切三文魚粒這個當飯比我想像中大碗，而且三文魚係飯上面鋪得滿滿嘅，三文魚都幾新鮮，賣相吸引。海之幸丼$238韓國海膽、松業蟹肉、日本牡丹蝦一隻、油金魚兩切，三文魚兩切，海鰻魚一條、三文魚籽呢款當飯，用了明顯比三文魚親子丼更加豐富，而且所有嘅刺身都鋪滿左整碗飯，最吸引我嘅一定係日本

自從阿媽學識上網，佢follow 左我既blog ，見我成日出街同哥哥飲飲食食唔預佢。佢呻醋喔🤪不容忽視母親的控訴，今晚特意帶媽媽去一間想試好耐既日本丼飯 。同媽去尖沙咀K11 行完街，大約2-3分鐘內就行過黎。位置方便，而且餐廳裝潢夠日式風情。丼飯都有N款選擇，每款都咁獨特，好難揀。最後我們每人叫左一碗丼飯及小食。-先來一碗麵豉湯很愛味噌湯，健康又美味用料看似簡單，但需耐心慢慢熬煮， 才能料理出細緻既風味。-🌟北海蟹丼 $178 ➡️甲羅燒|松葉蟹肉蟹鉗|蔥花吞拿魚蓉|海膽|三文魚|三文魚籽|蟹籽 😋賣相相當吸引，材料新鮮豐盛日本松葉蟹膏釀蟹蓋, 蟹膏上面加了蟹肉及蟹籽富有濃郁海味的蟹肉與蟹膏，有股難以言喻的鮮甜味雖然是蟹丼，但還有其他的刺身配搭蔥花吞拿魚蓉魚味香濃，就是喜歡那入口融化的口感橘黃色的海膽鮮甜還有一些啫喱醋、富咸香味的三文魚籽，令口感大大提昇-🌟三文魚親子丼 $148 ➡️三文魚腩|三文魚籽|角切三文魚粒😋這是一碗魚油甘香爆燈的丼飯三文魚腩厚切，紋理清晰漂亮經微微火炙的角切三文魚，魚油溢出同樣加入了三文魚籽及啫哩醋，味道不錯配上粒粒分明飽滿的日本赤醋米 很棒👍🏻-🌟關東煮

十號風球困在家中成日，今朝又幾經辛苦先返到工，放工緊係要約埋朋友飽餐一頓la, 過左尖沙咀行左一陣街，在K-11附近見到這間食丼飯的專門店，門面好像日本街頭小店，一於入去幫襯下先先送來一碗熱辣辣的麵豉湯，夠味又足料特選鉄火丼~呢個丼飯有中拖羅3切，赤身2切，葱花吞拿魚蓉和鵪鶉蛋一只，賣相好靚我最鍾意食吞拿魚，中拖羅肥美，油脂分佈平均又無根，赤身少左D油脂但魚味濃，兩者都咁鮮甜再加上入口即溶的吞拿魚蓉混埋鵪鶉蛋，滑捋捋，加入赤醋飯一齊食，酸酸地，好開胃北海蟹丼~用料非常豐富,有松葉蟹，松葉蟹鉗，蔥花吞拿魚蓉，海膽，三文魚，三文魚籽和蟹籽，松葉蟹肉非常鮮甜，海膽甘香，蟹膏勁多，佈滿整個蟹蓋，裏面還混和了麵豉，起了提鮮的功效，與充滿麻油香味的日本米飯一起吃真是一流關東煮(油揚，丸揚)~豆腐和魚餅清清地，配芥末醬食正呀！串揚( 魷魚，日本米茄子)~炸魷魚香口但一点也油腻，米茄子外脆內軟和juicy

唔止丼飯@尖沙咀通常賣丼飯嘅地方都係得丼飯，咁都好正常嘅。不過呢度有埋串揚同關東煮，而且都整得好食，多啲嘢揀又幾好 因為鍾意食海膽就揀咗日本牡丹蝦海膽丼，有日本赤海膽同韓國馬糞海膽兩種唔同嘅海膽！韓國馬糞海膽係會薄身少少，不過紋理清晰，都好鮮甜。至於日本赤海膽嘅味道就更加濃郁啦 呢個丼仲有隻日本牡丹蝦、三文魚籽同蔥花吞拿魚蓉，全部都好新鮮。吞拿魚蓉好幼滑，加埋會爆嘅三文魚籽，口感豐富！蜜餞角切海鮮丼除咗有啲雜錦嘅角切魚生粒粒，仲有牡丹蝦、蔥花吞拿魚蓉、三文魚籽同蟹籽。通透嘅方形粒粒係柚子蜜整成，酸酸甜甜咁，令到個丼飯更惹味～用新鮮菜葉去間隔唔同魚生呢個做法都幾特別同體貼，想分開食唔同刺身又得，撈埋又得仲有就係兩個丼都係加咗赤酢，比起一般壽司飯好食得多～送嘅麵豉湯都用料十足串揚個樣係有啲似串燒，不過就係炸咗嘅，個迷你盤都好 cutie～ 正宗串揚係一串一件，我哋一串係山芋、一串係蓮藕。兩樣都炸得好有水準，香脆之餘唔油 關東煮就係蒟蒻同雞胸軟骨丸，整得似模似樣喎 雞胸軟骨丸入面有啲白色軟骨粒粒，彈牙有咬口，幾過癮～

✏️北海蟹丼 ($178)賣相幾霸氣嘅樣😆甲羅燒內𥚃蟹膏好多(送飯一流😍) 配埋松葉蟹肉 松葉蟹鉗 食完成口都充滿蟹香😚個丼飯仲有好多其他配料㗎 包括蔥花吞拿魚蓉 海膽 三文魚 蟹籽 三文魚籽等等 好豐富海膽質素都尚算唔錯 三文魚好新鮮 而且都幾厚切 蟹籽同三文魚籽就令成個飯口感更好😌-✏️海之幸丼 ($238)再黎多個足料丼飯 呢個有齊中拖羅 海膽 蟹肉 牡丹蝦 油甘魚 三文魚 海鰻 三文魚籽😌😌😌 每樣都幾足秤 魚嗰啲都幾厚切㗎 而且都幾鮮味 最欣賞拖羅同油甘魚 食完個口會有微微魚油香停留🐟

最近個個都推介呢到既海鮮丼好高質又性價比高，點都要去試下先.”北海道蟹丼”(HKD178), 一上枱個視覺效果好好！！大大個蟹蓋上面全部都係甲羅燒，超級香濃~ 仲配埋新鮮既三文魚同海膽，個海膽OMG係入口即溶架~真係好正!

在棉登徑食拉麵就食得多，最近新開左間丼屋，除左丼飯仲有壽司關東煮同串揚等其他種類日本料理提供。始終主打丼飯的餐廳，先叫了圖片最吸引仲要係廚師推介的日本牡丹蝦海膽丼。上菜實物同圖片一樣咁震撼，大大隻牡丹蝦，鮮甜又乾淨，蝦頭睇落去清澈透明，食落放心。整板海膽放上不大的丼飯碗上特別有滿瀉的感覺，海膽非常新鮮，甜而不苦，食落一d腥味都無。魚生飯的魚生仲多過個飯本身，食到最後有少少係淨食魚生。另一碗丼飯為貝三味丼，個人喜好偏愛貝類海鮮，三款貝類包括帆立貝，活赤貝，北寄貝。貝刺身好新鮮，基本上甜到不用醬油調味都鮮味十足，加上醬油反而會將鮮味蓋過一點點。尤其是帆立貝，好厚肉，肉質唔散唔會夾起有困難。另外，每款丼飯都可以選擇飯底，三選一麻油飯/冬菇飯/原本的醋飯，今次同朋友都揀左菇飯底，少量醋味，菇好香，飯有菇混和就唔會食到悶了。每碗丼都有麵豉湯，用腐皮代替豆腐，有另一種口感。除了丼飯都叫了一點點其他料理，准山魚卷係類似獅子狗魚蛋卷住一條准山，食完涼涼的丼飯食返d熱野，浸住湯有種暖胃的感覺。另一款關東煮叫丸揚，即一大片薄的魚片頭，個味真係好似，只係淡少少又香少少，軟軟的又帶點甜，食完幾舒服。串揚即炸物

在尖沙咀K-11收工後，朋友提議想試下K-11附近的嵐橋丼飯專門店，因為店舖的刺身丼飯食材是由日本空運到港，所以相信有一定質素。這小店不是在大街，而店舖的門口和店內的裝修都好充滿著日本特色，店內有幅晝主題以<<日本一>>為牆身。餐牌上有15款丼飯可以選擇，每一款都好吸引，睇相的刺身都好豐富同爆丼，真的令人心大心細、眼花瞭亂，好難選擇呢!店員先給我們每人一碗味噌湯，昆布、滑豆腐味道香濃，而且不會好咸。海之幸丼 ，這款丼飯全部都是豐富的海上產物，捲住的是鰻魚、有大大粒三文魚籽、三文魚、油甘魚、中拖羅、大隻牡丹蝦和來自韓國的海膽，刺身極為豐富，賣相吸引，每款刺身都好鮮甜肥美、油香味甘味，牡丹蝦好大隻，味道鮮甜漿口。海膽味道鮮甜濃郁、入口即溶，有種感覺好似置身於日本小店食刺身。每樣刺身2-3片，感覺好滿足，令人回味。特選鐵火丼，這款丼飯可說是多重滋味的吞拿魚，包括有蔥花吞拿魚蓉、吞拿魚刺身和拖羅刺身，將鵪鶉蛋混合蔥花吞拿魚蓉，使吞拿魚蓉質感更加鮮甜滑溜，加強了味道層次。拖羅刺身是藍鰭吞拿魚中的刺身極品，可見刺身上的雪花，唔會有根位，入口即溶，極為美味，絕對是不能

放工同男朋友去左一間新開的餐廳—嵐橋丼飯專門店食晚餐。餐廳舖面唔算好大，裝修好日系，入座時餐廳已經坐滿食客。餐牌上的有好多丼飯選擇，我同男朋友各自選擇極上吞拿魚腩丼同鰻魚二重丼，另外叫左關東煮同炸物。 丼飯未黎前，先送上一碗麵豉湯，麵豉湯唔會過鹹， 味道唔錯。 極上吞拿魚腩丼 - 分別為中拖羅，赤身和吞拿魚蓉配搭而成。中拖羅夠厚身好肥美，油脂滿溢，入口即化，吞拿魚蓉配埋鵪鶉蛋撈飯食，味道一流。 鰻魚二重丼 - 份量十足，鰻魚切成條狀，方便同米飯攪拌一齊食。食落鰻魚柔軟細膩，充滿著油香。 關東煮 - 有炸魚餅同日本銀杏，關東煮味道鮮甜，有清新的昆布同鰹魚味。 炸物- 有沖繩黑豚柳同冬菇，炸到外層香脆內裡柔軟，但唔會油膩。

今天不用加班，和honey逛逛K11, 行經棉登徑發現一間人氣日式丼飯店。看過餐牌，他們的丼飯價位同superdon或豊勝手丼差不多，價錢有平有貴，共有十五款，由$148至$258。估唔到，這丼飯專門店除丼飯以外，還有多款串揚、關東煮同刺身供應。麵豉湯用的是赤味噌，味道香濃，而且有豆腐、油揚同海帶在內，帶一點口感。極上海之幸丼$258嘩！這極上海之幸丼十分吸引！有齊大拖羅、鮑磯煮、蔥花吞拿魚蓉、日本牡丹蝦、深海池魚、三文魚籽、松葉蟹鉗、金目鯛和韓國海膽。大拖羅油花充沛，入口即溶，而且完全無筋，正！鮑磯煮爽囗彈牙，沒有半點韌；深海池魚囗感爽身而帶魚味；金目鯛肉質嫩滑而鮮甜。曰本牡丹蝦大大隻，肉質爽甜又帶黏口感覺。最爽是大啖食松葉蟹鉗，啖啖肉又帶一點海水味，味道鮮美。再以吞拿魚蓉拌醋飯，口感滑溜又油潤。海膽雖然唔多，海膽味亦唔係最濃，但質地幾滑溜，帶一點點甜味，沒有半點苦味，拌飯一流！這個丼飯樣樣都有，令人十分滿足。蜜餞角切海鮮丼$158這海鮮丼色彩繽紛，有雜錦魚生粒、蔥花吞拿魚蓉、三文魚籽、蟹籽、牡丹蝦、柚子蜜等等。魚生粒口感唔錯，而且種類唔少。牡丹蝦啖啖肉又鮮美。再以柚子蜜拌勻吞拿魚蓉

極上海之幸丼$258大拖羅，鮑磯煮，蔥花吞拿魚蓉，日本牡丹蝦，深海池魚，三文魚籽，松葉蟹鉗，金目鯛，韓國海膽我係一個日本痴，而日本咁多種類既野食當中，魚生飯可算是我喜愛的頭三位，我認比較貪心，一食就揀個乜都有，一次可以滿足我的味蕾，食魚生最緊要新鮮，呢度既魚生係新鮮，拖羅都肥味，不過如果嚴格嚟講，呢度既魚生欠缺鮮味，每種既魚生都冇乜魚味，鮑磯煮夠淋但不太濃味，蟹鉗有冰鮮feel, 真係冇乜味道，海膽都可以啦！不過都係喜愛日本海膽呢！佢個飯底用左有味飯，我都覺得係幾好味，另外在上層鋪左有醋味既啫喱（我估係醋，因為酸酸地）都花幾得意！總括，可以試一次既

今日去食日本野先，又想食到刺身，又想有正海鮮，又要有飯，肥仔老公好難服侍！棉登徑一向好多野食，呢到有間新日本野，一於食！店舖唔係好大，都要BOOK 位,好在6點WALKIN有位。食之前每人一碗，清清地但好足料。日本牡丹蝦海膽丼$228肥仔喜歡食海膽，有日本赤海膽、韓國馬糞海膽、日本牡丹蝦、蔥花吞拿魚蓉、三文魚籽海膽係有成板....日本既都幾鮮甜！牡丹蝦勁大隻同樣鮮，入面仲有韓國馬糞海膽，成個丼的性價比高！極上海之幸丼Supreme$258呢個係最貴既，亦係有晒我最喜歡食既。有大拖羅2切、鮑磯煮1只、蔥花吞拿魚蓉、日本牡丹蝦1只、深海池魚2切，三文魚籽、松葉蟹鉗1只、金目鯛2切、韓國海膽鮑魚新鮮爽口幾彈牙。仲會切埋俾你，不過汁就可以多D。拖羅入口即溶池魚同金目鯛都好鮮味仲有蟹鉗海膽、牡丹蝦吞拿魚蓉等等，超級抵食！飯底有3種揀,要左醋,味都幾重,唔會用太熱既飯。雖然要250$,但係入面有晒想食既海鮮仲要係新鮮,唔算係好貴。

高質丼飯專門店👍🏻之前見網上有推介呢間新間嘅丼飯專門店啱啱岀糧嘛 食好啲呢🙈呢到有丼飯 關東煮同串揚食 標榜用日本當然三樣都要試試呢🤭落左order之後 好快就有麵豉湯飲 暖一暖胃先🍣 極上海之幸丼 $258丼飯方面有三款飯可以揀 包括麻油白飯 冬菇赤酢壽司飯 同 赤酢壽司飯我選擇左赤酢飯 醋味會濃一點😉極上版有9樣刺身 超級豐富🤩‼️大拖羅、磯煮鮑魚、吞拿魚蓉、牡丹蝦、深海池魚、三文魚籽、松葉蟹鉗、金目鯛 韓國海膽‼️每樣刺身都好新鮮 而且顏色鮮豔 好吸晴呢💓大拖羅肥美無筋 入口即融喔鮑魚好入味 又夠腍👍🏻牡丹蝦 大大隻又彈口😚特別之處係飯上有一啲醋jelly 都好開胃呢個價錢 絕對值呀☺️👍🏻🍣 海之幸丼 $238再嗌左另一款平少少嘅海之幸丼飯 compare有咩唔同🧐呢個嘅配料有中拖羅 海膽 松葉蟹肉 牡丹蝦 油甘魚 三文魚 海鰻魚 三文魚籽比極上少一款 配搭都有不同我會建議食極上 貴少少 材料都升級了👍🏻亦食得岀大拖羅同中拖羅分別🤤🍢 關東煮 關東煮嗌左3款 丸揚 $28 竹輪 $23 年糕福袋$30 點少少黃芥末食 正☺️年糕福袋煙煙韌韌 又索唒啲汁👍🏻🍢 雞肉紫蘇卷 $28用紫蘇包

係尖沙咀與舊同事陳公子Happy hour後，順道拉佢去試試位於棉登徑嘅嵐橋。見到報紙同網上都有介紹依間新店，當然要試試啦，睇下有幾堅都好！去到發現餐廳入面果然係坐滿人，好在最後等咗5-10分鐘就入得。餐廳嘅裝潢算有心思，除咗門口有大大幅魚嘅油畫外，餐廳內外都係勁有日本地道風格。個人就比較鍾意啲鯉魚旗🎏同色彩豔麗嘅旗幟。😂😂廢噏咗咁耐，當然要講下啲食物係點啦。麵豉湯味道唔錯而且幾多料，即使唔係主菜都無揸流攤。🇯🇵關東煮我平時其實好少食關東煮🍢但佢果芝士魚餅（白色）真係好錯。魚餅食落口無腥味，配埋入面嘅芝士更加係非常滋味。🇯🇵三文魚親子丼一睇就知道係落足料，鋪得滿滿密密。丼入面的刺身、角切三文魚同魚籽全部十分新鮮，口感具層次。連埋醋味啫喱食，味道更加豐富！🇯🇵吞拿魚腩丼同樣都係大塊厚切，每塊拖羅都呈粉色鮮味而且充滿油脂，入口軟滑細緻。攪勻埋鵪鶉蛋食，食得更為香滑。另外，也可以試試餐廳嘅炸物，水準也不差。整體黎講，餐廳所用嘅食材新鮮而且份量多。值得收依果價錢！