嵐橋丼飯專門店 (已結業)

如果想睇足本影片, 更生動的可以看上面 Youtube 連結最近有同事介紹係公司附近(尖沙咀)開左一間丼飯專門店呀襯住冬至等我孤獨仔咁去試下先係棉登徑搵到呢間嵐橋丼飯專門店呢條街都有幾間出名既日本菜我之前都介紹過其中幾間店主真係要對出品好有信心先會係呢個轉角位開店單係門口睇餐牌都已經好多款式介紹其中幾款我想食既飯先極上吞拿魚腩丼大拖羅 5 切蔥花吞拿魚魚蓉鵪鶉蛋 1 隻日本牡丹蝦海膽丼日本赤海膽韓國馬糞海膽日本牡丹蝦 1 隻蔥花吞拿魚蓉三文魚籽其實係眼花撩亂架都有幾多款想食如果有選擇困難就慘了今日呢我就試左呢個午市定食 (D餐)嵐橋丼韓國海膽一板油甘魚 2 切三文魚 2 切牡丹蝦 1 隻松葉蟹蟹肉佢夠膽用嵐橋丼因為嵐橋就係佢店名佢用呢個名應該就係一個 Signature咁而家係午市(定食)套餐我就試下用佢店名做的一個丼定食餐呢就包括有一碗味噌湯,一份關東煮, 沙律, 仲包一杯飲品添天氣少涼, 我選左熱柚子蜜介紹返啦呢個 嵐橋丼韓國海膽一板跟住就到呢隻牡丹蝦油甘魚 2 切一堆松葉蟹蟹肉同埋三文魚 2 切其實呢個午市定食要介紹返既特色係佢個關東煮唔馬虎喎呢件油豆腐我覺得好好食而另一件蟹餅都

通常諗食咩，日本野出現既次數都係比較多😂行完K11就附近搵野食，經過門口呢間睇到個menu丼飯都有成廿個選擇，睇黎都真係專門店，同朋友就滿足一下好奇心！黎個小食雞柳，肉食嫩。主菜黎了,,, 黑松露帆立貝鵝肝丼 $168肥厚帆立貝幾特別既係師傳配上黑松露，鮮上鮮鵝肝單食味偏濃厚，入口即溶或可以略為攪拌埋響飯度，食落更香！日本珍珠米，好明顯食到粒粒肥美的米飯，加左適量醬油！醋味啫喱，酸酸甜甜，幾得意！丼飯既米飯都好重要，絕對是可以突出到配料既味道，令刺身味道更鮮，互相平衡！

朋友知我喜歡食日本野，為左近我做完野就揀左呢間丼飯，棉登徑內街，位置方便又近地鐵站！丼飯專門店裝潢設計天花板有掛了燈籠、日本鯉魚旗🎏，大概似日本居酒屋！餐廳有吧檯同餐桌位 ，店員不時留意食客需要同加水！先上熱湯-麵豉湯，淡淡的清香，突然想起過往飲過一間係好濃（味精）！近黎食刺身太多😂就點左吉列牛丼 $188 太夠份量，厚厚數塊，牛排整齊咁排列好！ 肉身煙韌，juicy肉味！外層略為炸過，微微吉列脆香口～加上少量芝麻更香！蛋黃細心放上在大葉，可以攪拌在飯中，質感黏黏，添幾分口感吧！再點左個小食，我最愛的蕃薯仔 ，烤得香，薯身軟稔稔

午飯時間經過棉登徑附近見到轉角有間丼飯專門店選擇好多好似好正就入左去試餐廳侍應推薦左兩款新推出嘅午市限定咁啱個人幾鍾意海膽同鰻魚就點左黎試下沙律/味噌湯/關東煮/柚子蜜每份午市定食除左沙律同味噌湯仲會跟配兩件關東煮同飲品海膽甜蝦魚籽丼定食海膽色澤金黃，紋理顆粒清晰完整，質感偏爽實，味道甘香唔腥唔苦；甜蝦都幾大隻，而且肉質腍滑味道鮮甜；三文魚籽粒粒飽滿晶瑩，味道咸香配埋日本醋飯好夾鰻魚丼鰻魚表皮略帶焦香膠質豐富口感煙韌，魚肉肥厚肉質細嫩油脂甘香而且魚骨去得乾淨，醬汁濃稠微甜

日本菜百食不厭，魚生刺身更是日本料理其中一個代表。今晚又心思思想去食，於是乎就走去食丼，因為俾佢個餐牌吸引，每個丼都有相。加上餐廳設計完全係日本小居酒屋感覺，無理由唔試。「極上海之幸丼」個名十分威猛，陣容都十分鼎盛，大拖羅、鮑魚、金目鯛，池魚，韓國海膽，松葉蟹柑、牡丹蝦和吞拿魚茸。每款都好新鮮最好味最突出當然是大拖羅，油脂豐富又無筋。但係最有驚喜就是牡丹蝦因為出奇地新鮮蝦頭的膏亦是甘香美味不會苦的「海之幸丼」雖然無左極上兩個字，但不要以為他只是攞走一些「極上海之幸丼」的材料就算，而是他轉了另一些材料。一樣是有驚喜的例如海鰻魚，燒得入味而且完全冇細骨值得一提的是他的飯是用赤酢的，所以味道較為特別不是一般酸的。而飯上邊會有一粒粒啫喱狀的物體，咬開確定這是白醋做的，這樣一起食就夠更高層次了忍不住多叫了串燒，雞翼和雞皮都做得非常出色可口

同女朋友去左灣仔婚展逛逛，本來計劃好逛完之後再喺灣仔食晚飯嘅，點知道婚展無咩野睇，行左大約一個半鐘頭就完左，比預定時間早左一大段，於是乎就同女朋友坐船過去尖沙咀諗住再行下，結果喺K11 行到肚仔餓就決定上OPENRICE 睇下附近有咩好食結果就比我地搵到風雲丸後面嘅呢間嵐橋丼飯專門店等左大約十分鐘左右就可以入去，唔算要等好耐我地2個人分別叫左黑松露帆立貝鵝肝丼 同埋 極上海之幸丼食之前當然要飲返碗湯不過湯嘅味道較淡主角出場黑松露帆立貝鵝肝丼黑松露帆立貝好鮮味，完全食唔到有雪嘅味道而鵝肝再撈埋飯一齊食，就可以令飯吸收晒鵝肝嘅精華極上海之幸丼呢個丼嘅刺身全部都虹非常新鮮，吞拿魚蓉唔腥，撈飯食更加正鮑魚係凍食嘅，不過我個人就鐘意熱食嘅鮑魚多D

今晚同老公黎到尖沙咀食我最想最想最期待既刺身飯，門面同日本街所見的一樣，好似真係去左日本咁刺身飯都有十多款選擇，真係花多眼亂，樣樣都想食都想試！！！最後我都係叫左呢個「極上海之幸丼」$258呢個飯好多款刺身架！包括有（大拖羅、飽磯煮、蔥花吞拿魚、日本牡丹蝦、深海池魚、三文魚籽、松葉蟹鉗、金目鯛、韓國海膽）十分豐富的一碗足料刺身飯，款款都非常新鮮美味，飽魚爽口彈牙，刺身片片都大大片又厚切，超有口感又滿足老公叫左呢款「黑松露帆立貝鵝肝丼」$168大大粒又厚身既帆立貝上面有點黑松露點綴一下，配埋一齊食，更特出帆立貝既鮮味！鵝脾都係又大片又厚身，肥美又嫩滑更入口即容，食完後鵝肝既既香味仍齒頰留香，超正

最近在新聞得知日本的築地魚市埸要搬了，忽然有心引要食下丼飯.這食店在棉登俓，十分方便，離mtr 2min .食野一定食専門店，水準一定高啦.有圖片，各丼飯都十分吸引，大家放心話得係丼飯專門店，米都是用日本產的，是信心保證.同樣有日本制的啤酒.點了一個鰤魚丼、又有牡丹蝦，海瞻，拖羅蓉，十分新鮮好味道，又爽口，好正宗的.加了一串燒豚肉，並不是很肥.有肉味.大快朵頤、三分焼.大家一看到門囗有大大塊餐牌便是這正宗丼飯.

我一向好喜歡食魚生，每次有新開既日本餐廳或者係高人氣的日買餐廳，我都會忍唔住去食。今日就到我帶左我朋友去食依間人氣小店，七點半到達，客人超多，全院滿坐，都幾誇張。喜之刺丼$278十個客人有十個都係叫魚生飯，都唔洗問服務員有乜推介，就知魚生一定係餐廳的招牌啦。我就要左依個好豐富的喜之刺丼，入面有好多魚生，勁滿足呀，包括: 喜之刺，牡丹蝦，海膽，三文魚，油甘魚，金目鯛，松葉蟹肉，三文魚子。首先緊係食依個丼飯既主角喜之刺啦，肉質好爽彈，又有魚味，燒完就更好食。牡丹蝦就好大隻，有點點黏性。海膽係由韓國嚟，好鮮甜，如果多少少就更好啦，哈哈。三文魚都幾多油脂，但味就唔係太濃。最尾用埋三文魚子同蟹肉拌飯，加少少鼓油，超級正！

位於尖沙咀的嵐橋丼飯專門店，是一間深受歡迎的丼飯小店。餐廳藏在大型商場附近的小街之中，不過無阻它的受歡迎程度，人氣很高，高朋滿座呢。餐廳設有開放式廚房，能看到師博做料理，但坐位不多，台跟台之間沒有很多空位，大部份客人勻是吃完就離去，大家都很體貼店家呢。吉列牛丼$188賣相吸引的吉列牛丼，呈上時忍不住嘩了一聲呢。吉列牛扒大片厚肉，色澤深紅，外層裏上炸粉炸至微脆，色彩引人。牛扒整齊排列在米飯上，肉質爽而帶勁，肉汁在咀嚼間流出。而且放有一隻滑嫩嫩的蛋黃，把蛋黃切開，蛋液緩緩流出，滲入每片牛肉和每粒米飯之中，拌勻後進食，跟醬汁的配搭完美，超美味的唷。關東煮 炸魚餅$25,白蘿蔔$23,椰菜卷$25到從上年在日本便利店吃過關東煮以後，我就深深喜歡了。特別是在寒冷的冬天，有碗熱辣辣的關東煮，令人全身感到溫暖。魚餅吸收湯底精華，啖啖湯汁，椰菜卷包著免治豬肉，爽脆的椰菜煮至腍嫩，沾上芥末更有風味呢。

喜歡在棉登徑覓食，內街較靜，但食物種類多。而今日約了朋友食以丼為主的日式料理。選了極上海之幸丼，滿滿的刺身鋪滿整個碗，最愛的是牡丹蝦，大大隻，啖啖肉。拖羅很肥美，厚切。還有金目鯛、池魚、鮑魚、蟹鉗、海膽、三文魚籽及呑拿魚蓉，好豐盛。而飯用珍珠米，拌了醬油，但不會很濕。丼飯原配味噌湯，加了$28要了碗魚湯，熱辣辣，很鮮甜，並不鹹。另外要了一串黑豚腩及雞心，燒得乾身，不算鹹，如果可以配啤酒🍻更加好。

上星期同朋友去棉登徑飲嘢，飲嘢之前一定要打下底食飽飽先去博命啦，就係飲嘢地方對面見到呢間食日本野，價錢幾合理而決定一試我哋叫咗兩個飯，我食呢一個係吞拿魚丼，成個飯都係吞拿魚，拖羅好厚好大塊仲要好肥美，咬入口充滿晒吞拿魚油非常好味，加埋吞拿魚茸撈埋蛋一齊食，好幸福的感覺啊，最正係佢嘅飯有唔同選擇，有味飯唔似出邊啲丼飯，淨係食白飯甘悶，有味飯真係加倍好味。有食嗰個飯都好大堆頭，乜都有，一樣有吞拿魚蓉，有蟹子同埋三文魚子，但係最正都係一隻超大的牡丹蝦，好大隻，另外雜錦刺身粒粒入面都有好多唔同魚嘅選擇，全部刺身都好新鮮好鮮甜。呢度仲有串燒同埋關東煮，我哋是但叫咗兩樣試吓，味道不錯，下次可以再試多啲其他款式。不過我覺得呢度食丼飯真係好味又抵食，隔咗幾日我已經好懷念我碗拖羅丼了。

呢間想食好耐架啦😍由男朋友book左枱開始，我每日都好期待去食👅自從係東京之旅返黎之後，都無食過魚生，超掛住啊！今晚好滿足到我魚生癮❤️-🔹鰤魚丼($248)餐牌上無，係黑板上既季節限定‼️雖然叫鰤魚丼，但都好豐富，有鰤魚、三文魚、赤身、甘蝦、拖羅蓉、蟹籽、海膽😋赤身都唔會腥，海膽夠鮮甜，相比較之下甜蝦較為失色🦐主角鰤魚都幾厚切，季節限定一定要試下！因為係呢季當造嘛😚-🔹北海蟹丼($178)將個丼砌返隻蟹形出黎🦀最吸晴最吸引我既都係隻甲羅燒😍極速影完相已經急不及待吃一口！有2塊脆皮送蟹膏，好正本身已經好鍾意甲羅燒👅淨係蟹膏撈飯我都制🤤仲有4隻松葉蟹腳、一推松葉蟹肉🦀最特別係有幾粒醋啫喱，酸酸地撈飯食都好-▫️一碗丼跟一碗味增湯-🔹燒牛舌($52) / 燒甜薯($28)非常推薦牛舌，都算厚切，燒得岩岩好，完全唔會韌，好爽口👍🏻甜薯都唔錯🍠-🔺店外店內裝潢都好有東瀛風🎏

朋友下星期會到泰國北部山區做義工教學，聽講幾近之前班少年足球隊被困山洞嗰頭。其實，今次係佢第三次去泰北做義工了，我知道佢好enjoy，因為佢覺得好有意義。知道佢下星期就要起程，起碼有兩個無啖好食，就決定先行幫佢餞行，食餐佢至愛的魚生丼。邊度食? 當然係去尖沙咀啦，交通方便，佔盡地利，食肆又多，實啱佢。來到這間魚生丼專門店，雖然細細間，但充滿日本和風味。不愧為專門店，單單一張餐牌，已show咗15款魚生丼。仲唔止，牆上仲掛咗個季節限定餐牌，推介鰤魚丼。鰤魚，我都係第一次聽，一於叫一個來食下。繼而，再叫多個赤鯥丼，一齊share。丼還未到，就送上兩碗麵豉湯。味道都幾濃，料足。好快，兩大個魚生丼出現眼前。材料有鰤魚、三文魚、赤身、甘蝦、拖羅蓉、蟹籽和海膽。材料有三文魚、牡丹蝦、松葉蟹鉗、赤鯥、海膽和吞拿魚蓉。兩個丼都咁澎湃，梗係要將啲鰤魚、赤鯥、甘蝦、牡丹蝦先出來啦，方便大家share，慢慢歎。鰤魚果然名不虛傳，好食到不得了，赤鯥都唔差，非常鮮味。其實，魚生只要夠新鮮，就會好食，不過，罕有品種當然要加分啦。另外，拖羅蓉亦有其特別的甘甜味，非常可口。當然，甜蝦的鮮味亦不能忽視，好味程度直逼鰤魚

今晚又黎到棉登徑食飯，今次揀左嵐橋丼飯專門店，鋪頭面積細，容納20人左右，但亦不失和風味。同友人一人點了一個丼，店員說可以加$28轉「魚立魚湯」，既然黎到，就試下啦~湯未到，香味已經到。「魚立魚湯」比味噌湯清，味道較鮮甜! 價錢唔貴，可以一試。餐牌色彩繽紛，好多野都好想食，但驚眼闊肚窄，只係揀左日本多春魚。一客有4條，好香口，煎得岩岩好，少少油唔會乾，條條漲卜卜，好味。飯我就揀左喜之次丼，眼前一亮，起碼有8款食材，三文魚、吞拿魚蓉、三文魚籽、牡丹蝦、海膽等等，鋪滿成個飯。刺身新鮮肥美，是高質食材，而最想讚係連飯都係用心調製，粒粒米都有秘製醬油，仲有幾粒酸酸地的啫喱，令成碗丼的口感同層次都提升了。座位少人流多，想食建議先訂位~Openrice 訂都可以~方便!