嵐橋丼飯專門店 (已結業)

上星期同朋友去棉登徑飲嘢，飲嘢之前一定要打下底食飽飽先去博命啦，就係飲嘢地方對面見到呢間食日本野，價錢幾合理而決定一試我哋叫咗兩個飯，我食呢一個係吞拿魚丼，成個飯都係吞拿魚，拖羅好厚好大塊仲要好肥美，咬入口充滿晒吞拿魚油非常好味，加埋吞拿魚茸撈埋蛋一齊食，好幸福的感覺啊，最正係佢嘅飯有唔同選擇，有味飯唔似出邊啲丼飯，淨係食白飯甘悶，有味飯真係加倍好味。有食嗰個飯都好大堆頭，乜都有，一樣有吞拿魚蓉，有蟹子同埋三文魚子，但係最正都係一隻超大的牡丹蝦，好大隻，另外雜錦刺身粒粒入面都有好多唔同魚嘅選擇，全部刺身都好新鮮好鮮甜。呢度仲有串燒同埋關東煮，我哋是但叫咗兩樣試吓，味道不錯，下次可以再試多啲其他款式。不過我覺得呢度食丼飯真係好味又抵食，隔咗幾日我已經好懷念我碗拖羅丼了。