岩鹽日本料理 (利舞臺廣場) (已結業)

昨天放工後，有朋友前來銅鑼灣和我食午飯，由於天氣較熱唔想行太遠，我們就揀咗利舞臺16樓岩鹽日本料理，取了一號籌等咗大約2分鐘就有位。我早餐食得比較遲不太餓，所以點咗一個滑蛋雞肉陶板燒，套餐有蒸蛋，沙律，漬物，白飯和味噌湯。食物一上枱，侍應會點火，個滑蛋雞會一路煑，香味四溢，不得不提雞蛋真的超滑，正👍🏻套餐仲有四款刺身，本來不太餓的我今個午餐仍然食多咗😅另外朋友點咗一個雜錦刺身定食，其實刺身嘅份量唔細，大片而厚身。

又試新餐廳！岩鹽日本料理！佢嘅signature dish係釜飯，咁當然要叫啦，北海道釜飯！飯用左好鮮嘅海鮮湯去煮，加埋佢用呢個特製嘅釜鍋，d飯勁香海鮮味！上面d海鮮就樣樣都有d咁，不過半生熟咁，我就覺得怪怪的，飯好食過d餸！未食過都值得試下嘅。另外，要提一提新將開業期間，每晚頭10個海膽飯order有半價，就食到呢個海膽飯！堅抵！海膽都ok，不過不失，起碼無腥味，不過唔算好鮮甜，半價黎講，算非常OK! （值得一提，我個日係weekday，7點幾去到都話係頭10位😅，有半價！都幾好彩）另外，我地都叫左佢個海膽生蠔，賣相都唔錯！生蠔幾新鮮，不過原來咁食係完全食唔到海膽同三文魚子味架，真係裝飾用途！😅另外一個驚喜係佢嘅燒三文魚腩松露飯（lunch set），三文魚腩燒得好香，同埋厚切，真係有驚喜！推介！ 佢地Lunch Set都有海膽飯架！都抵嘅！個人覺得呢個鮮味過晚餐半價個個！整體：食物選擇多，有釜飯，串燒，壽司，刺生，魚生飯，燒海鮮等等。食物質素唔錯，服務幾好！推介👍🏻

媽咪生日 想食生蠔和海鮮 但自助餐對於細食既女士們 真是好唔抵 哈哈～ 閒談間 同事推介公司附近新開的店 有人推介 一於試下啦～生蠔是壽星媽至愛 揀了南非和紐西蘭兩種～ 即叫即開 新鮮！兩種入口都甘甘甜甜 紐西蘭的海水味比較濃。口感大家都好creamy 隻隻都好肥美 有光澤 正！磯燒海鮮～ 我們揀了好幾款 有專人在旁邊代燒 坐定定已經有得食 服務真好～ 王貝 帶子 蟶子 虎蝦 磯燒過程只是微微加點海鹽 原汁原味。貝殼類好juicy 肥美。王貝我第一次嚐 好鮮甜 無沙 質感彈牙爽口。帶子蟶子真是無得輸！ 虎蝦肉質爽脆 大大隻 yummy~最後再點一個鰻魚釜飯 鰻魚肉軟嫩 魚油帶點甘香 釜飯帶有魚香 配料豐富 飯裡面有香菇栗米 好特別。媽媽大人食飽飽 讚口不絕 真是多得同事好推介 哈哈～

是日去咗銅鑼灣嘅利舞臺《 岩鹽日本料理》品嚐一下喺香港較為少機會食到嘅釜飯。 大家可能對釜飯呢個名較為陌生， 其實釜飯做法有啲似香港傳統嘅煲仔飯， 大廚用咗木魚昆布等海鮮熬製高湯， 再將上湯、白米放入鋁製嘅嘅釜鍋之中，用細火炆煮，配以各款時令嘅海鮮， 煮嘅時候蓋以木蓋， 令上湯同海鮮嘅鮮味唔會流失。今次嗌咗海鮮釜飯定食$168，同埋精選壽司定食$198。 一冷一熱嘅配搭，可以試均兩種海鮮風味， 最啱食唔停口嘅我。先講下呢度嘅定食， 有沙律、漬物、同味噌湯。 沙律清新， 用咗柚子醋作調味，簡單，卻令人開胃。先介紹一下海鮮釜飯，此乃一道嘅健康又美味嘅日本菜式，海鮮種類繁多， 色彩繽紛， 令人食指大動。 三文魚子粒粒飽滿，充滿鹹香；半生熟嘅帶子味道鮮甜；仲有色澤金黃，味道甘甜嘅海膽；以及肥美多汁嘅照燒鰻魚。 而我最喜愛嘅就莫過於肉嫩鮮甜嘅蟹夾啦~計我話食釜飯， 精髓一定在於吸滿湯汁以及融入海鮮精華嘅 有味飯之中。 飯粒粒飽滿， 將所有材料混合一齊食， 不但能品嘗到海鮮嘅鮮甜味，亦能將味道提升。 另外， 呢度嘅壽司質素亦相當之高，一客壽司定食有成十二件，每款刺身都新鮮爆燈。海膽壽司鮮甜; 亦有

今次來到銅鑼灣利舞臺的岩鹽日本餐廳。丼飯、磯燒、釜飯，一次滿足我三個願望。店鋪裝修環境服務都好好，感覺彷如置身於日本，絕對值得再來幫襯。店鋪門口就有玻璃窗設計，展示釜飯製作，十分吸引。店內裝潢以黑配金色的設計，華麗有氣派。再入店內，有長長的魚生枱，各位師傅，即場製作魚生丼飯等不同食物，透明度高，令客人可以看見，衛生安心還有海鮮櫃擺放着當日時令海鮮。餐牌以中、英、日文對照，還有食物相片，能方便不同客人點菜。首先點了魚生沙津開開胃，十分有驚喜，想不到魚生都不細，份量很多。竟然有帶子、三文魚、吞拿魚、蝦各二件。刺身好新鮮鮮甜，沙津也是高質沙津，食落爽口帶甜味，再配上日本柚太醋，令味道更添清新開胃。好抵食，絕對必叫。真岩。海膽盛。廚師推介。海膽拼三文魚魚籽，賣相吸引。海膽山丘，味道非常鮮甜，入口即溶比一般的日本馬糞海膽還要甜。一問下原來來自朝鮮的海膽。加上帶咸味三文魚魚籽伴飯一起進食，味道剛好，已經不再加豉油，已經十分夠味，配合得好好。因被海鮮檯的海鮮吸引，所以選左幾款海鮮做磯燒。今次點了日本活帆立貝、蟶子、王貝、珍寶花竹蝦。價錢算抵食，尺寸大磯燒會有專人服務，即場在你面前製作。為了可以食到海

朋友中意周圍走試新菜，而我亦係一位吃得之人，有日就同左佢黎呢間岩鹽日本料理食飯，佢話想試下磯燒，而我亦係第一次食日式磯燒～最近新開既一間日式餐廳，一入黎已經見到生猛又大隻既海鮮，同朋友達成一致共識，今晚一於食佢！餐牌有圖有真相，大部份日式料理都有，特別在於有磯燒同釜飯，釜飯唔係到到都食到，而今次我亦都嗌左一試。比起刺身我更中意食壽司，嗌左深海魚、比目魚、油甘魚等壽司，食落去意外地驚喜，魚既口感有韌又軟，而驚喜既係大部份都冇乜腥味，容易入口，又會溶化係口中，鮮香不錯～之後，就到我地既戲肉海鮮磯燒，今次磯燒會有專人幫手燒，可以坐埋一邊享受被服務既感覺，同某類韓國燒肉店有異曲同工之妙。磯燒會先從貝類燒起，味道由淡至濃，又海鮮亦會配搭調製醬汁作調味，另外餐廳仲提供左海鮮醬、柚子醬同味噌醬，任自己喜好選擇。紐西蘭活蟶子皇，肉質肥美爽口，唔配任何醬汁依然食得出鮮甜味。桂花蚌，大隻又煙韌，而且食落去好有嚼勁，鮮味不俗。帆立貝，員會分開一小塊黎燒，燒既時間比較長，而味道相當鮮甜，加上貝殼上既海鮮湯汁，鮮口好食！磯燒過一番後就到釜飯上菜，嗌左個燒鵝肝牛小排釜飯，鵝肝外層有輕微炸過，食落去有少少肉汁及鹹香

早前在銅鑼灣逛街時留意到利舞臺有一間新開的日本餐廳，這一晚我早了點放工，在等他過來的時候上去看一看。一上去就已經在門口看到師傅在製造一個個釜飯，一看就知道是以釜飯作主打。而餐廳的門面亦有相當大的空間，感覺很高級。但看一看門口的餐牌，散叫價錢跟其他日本餐廳差不多，還有一些晚市的套餐及推廣優惠。而且不太需要等位子，就決定在這裏一試。內裏亦同樣寬敞，大部分位子的安排都是卡位，讓客人食得更舒服自在。部分卡位更在落地玻璃旁，景觀跟情調都不錯。坐好再慢慢看餐牌。第一眼被晚市尊享優惠的【真岩•海膽盛】吸引了，只需要$134就有海膽三文魚盛，真的很划算！因為每晚只有10個名額來享用這優惠，我倆二話不說就先點了它。然後再點了二人御膳及飲品。先來的是兩杯飲品，我選了日出初夏而他選了綠野小島。前者是以蘋果及橙為主，顏色鮮艷，更有不少蘋果粒作伴；後者青檸薄荷味重，挺清新的。再來的是日本蕃茄沙律，來自日本的蕃茄很甜，甜酸醬汁亦令人很開胃，沒想到的是加了不少洋蔥，但卻意外地相配！然後是磯煮鮑魚及刺身三品，包括了三文魚、甜蝦及油甘魚，幾件刺身已經鋪滿了整舍個冰碗，可以看到得出每一件都是大大件的。刺身全都很新鮮，三文

公司附近新開的日本餐廳～ 主打釜飯 聽就聽得多 未食過 今日終於一嘗滋味！在大門口 已經見到日本進口的自動釜飯機 見到師傅很用心製作中 見到都流口水。北海道空運鮮粟米。驚喜！！第一次生食粟米 非常非常清甜 粟米粒粒漲卜卜 juicy 好多汁 和平時粟米的甜與別不同 一試難忘。牛小排鵝肝釜飯定食。斧飯粒粒珍珠米 軟熟彈牙 配上香菇 栗子一起煲，香氣撲鼻。牛小排不會太熟 微微帶點粉紅 肉味很濃 肉質亦幾軟熟。鵝肝很讚！甘香 外脆內軟 食完仲想再食 哈哈。定食的魚生片好新鮮 色澤光亮 不錯～ 仲有麵豉湯和沙律菜 一個人食 真是好豐富～ 青檸梳打 青檸味十足 酸酸甜甜 夏天飲最岩！

係香港食飯，好小會某某然試新野或者事但搵間撞入去，多數都係朋友介紹，因為驚中伏。今次係久違了既感覺，試新野~今次試既呢間野係食釜飯，之前真係孤陋寡聞，我聽都未聽過，預先訂左位，平日既八點，去到唔洗等，入到去都未爆，係入去前，見到有牌寫住是日海鮮膽飯半價，當下已經諗住要叫嫁啦。入到去，一睇個餐牌，原來仲有機燒野，我地點左海膽飯，曼魚釜飯另加茶漬，機燒帆立貝，金貝，再加個赤貝刺身。最後再點左油甘魚壽司同埋帆立貝壽司。點左杯巨峰梳打。幾點留意，釜飯一定要加茶漬，食到一半加茶食，好襯好好味。機燒類只有好小食物可以選，但有人推爐出黎係你面前燒。魚生刺身好新鮮。飲品沖得好夠味，唔會淡如水。而環境新，坐位闊落舒服。一定會再幫襯，希望keep住水平。

餐廳環境格調高尚，實在好難相信喺呢度一個晚餐定食嘅價錢只係百零蚊，淨係食裝修都唔只呢個價啦。坐低嗌咗個海鮮釜飯定食，既然胖侶唔俾飲酒就嗌咗杯凍檸茶，初時諗住佢呢度咁嘅裝修個糖漿會分開上，所以落單嘅時候無特別嗌到少甜，點知杯茶嚟到嗰陣見到糖漿並無分開上已經有啲淆底，好彩個甜度係我至愛嘅甜度，自動被少甜了，讚。愛爾蘭石蠔，定食套餐只係加多98蚊就有六隻愛爾蘭生蠔，我梗係唔會執輸啦，用凍檸茶嚟食生蠔都可以話係第一次，無計啦，鬼叫胖侶永遠是對的咩，生蠔入口甘甜，蠔身爽脆，海水味較淡，因此同個凍檸茶都算夾到喎。海鮮釜飯定食，個定食套餐份量都幾豐富，除咗有基本嘅麵豉湯同埋漬物之外，仲有一個雜菜沙律同埋三件刺身，以一個晚餐定食嚟講168蚊認真超值，沙律菜同刺身都好新鮮，並無因為跟定食就俾啲下欄嘢你，而個釜飯就有帶子，海膽，蟹腳，鰻魚，三文魚，三文魚籽，青豆，秀珍菇同埋菠菜，上枱嘅時候店員仲細心提醒可以食咗個原味先，因為食材嘅鮮味已經滲哂落啲飯入面，如果真係唔夠味嘅先至落豉油，果然食材新鮮，令我每一啖飯都充滿著鮮味，一滴豉油都唔使落，正。

在上月尾與互相約了很多次,卻始終未能成功出街的朋友,到銅鑼灣行行街, 食食飯! 可能大家生理時鍾不同, 不久在經過利舞臺附近, 朋友開始感到肚餓!幸好利舞臺有很多食店可供選擇.我們一邊行一邊找, 當經過岩鹽日本料理時,我在遠處看到門口的特色廚房, 特然醒覺不知是在OPENRICE, 還是甚麼平台上見過介紹這裡的--岩鹽釜飯!!!知道他們主打日本傳統釜飯及海鮮磯燒,特別從日本訂造釜飯機, 今次難得機會, 就一定要食佢................釜飯!!!未入去時, 完全沒有想過食店有如此寬大,連舖面面積,房間 , BAR 位, 及廚房,相信必定過萬呎! 而且, 雖然我們只得2人,但可以安排坐在落地大玻璃前, 遠眺擴闊環境,可令人在完全釋放壓力底下, 食一餐開心飯.他們亦有新鮮海產陳列出來, 並且列明價錢.夏天天氣熱, 一眼望過去, 令人身心涼快! 原來我們當時正是岩鹽的午飯時間,看看餐牌, 選擇頗多, 眨時令人眼花撩亂!不過, 我自己一早已決定北海道海鮮釜飯--$148朋友是鮪魚三色丼--$268這裡有酒, 汽水, 雞尾酒等.我們兩個都很少飲酒, 甚至未試過,今次有服務員的詳細介紹後

見依間新 o野有定食套餐, 定價不高就 o黎試下釜飯~原來每晚有 10 個半價食海膽盛 ge 名額見到人 o地個海膽盛好大盆呢不過我食 o左唔使食釜飯 la 所以加 98 蚊試下個海膽生蠔d 生蠔好新鮮, 隻隻都夠哂肥美而且個賣相好靚 ar!我 ge 海鮮釜飯定食好豐富 刺身有甜蝦, 帶子, 三文魚, 油甘魚新鮮度十足, 好大塊好滿足 沙律都好新鮮, d 菜好爽~個 dressing 唔太酸, o岩o岩好, 好開胃海鮮釜飯有好多豪華海鮮料!有三文魚, 三文魚子, 帶子, 蟹鉗, 海膽, 鰻魚種類非常多 ga 飯入面就有好多白飯魚仔, 蛋絲同栗子口感好豐富, 唔會食到冇餸 haha仲有漬物同味噌湯呢定食套餐有埋飲品走 o個時先發現外面有個海鮮釜飯 open kitchen

位於銅鑼灣的岩鹽日本料理，是一間日本釜飯專門店。今天相約我的好姐姐來吃晩餐，餐廳地方舒適，讓我們盡情談天說地。晚市套餐包括:.前菜，沙律，主菜和飯或烏冬。御刺身壽司定食$138刺身包括: 三文魚2件，油甘魚，赤身，甘蝦。所有刺身勻為厚切，啖啖魚肉，令人陶醉。三文魚肉香味濃，鮮甜不已。油金魚肥美爽滑，味道不俗。赤身色澤紅亮，鮮嫩滑腍。壽司包括: 三文魚，池魚王，帶孑，赤蝦。池魚王較池魚的味道更鮮嫩可囗，爽滑甘甜。赤蝦大隻肥美，爽而黏滑，彈牙美味哦。四件壽司更配一個湯烏冬。烏冬質感滑溜，非常順囗，但煮得略腍。湯底鹹鮮，味道不錯。牛油果魚生他他包$78最近大熱的超級食物，牛油果，餐廳配以魚生，做出特別菜式。牛油果的腍滑，配吞拿魚和池魚的爽嫩，一個味淡，一個味濃，放上法包同吃，別有風味呢。

接另一半放工行左陣街，又係醫肚嘅時間。途經利舞臺，見到呢間新開嘅岩鹽日本料理，就即管去試試。可能係新開張加上平日而且時間尚早，客人不算多，不用等位已經可以入去。見到有生蠔當然唔可以放過啦，我地先點左今日數量限定嘅紐西蘭和南非生蠔，絶對無得輸，生蠔非常新鮮，兩種都唔係太重海水味，反而鮮味十足，而且十分肥美。另外一提，餐廳提供配上海膽嘅生蠔，喜歡海膽嘅朋友可以試試。好少見到有香港生食嘅北海道粟米，真的不得不試，清甜到不得了，絶對不能錯過。我地亦都點了磯燒元貝，有店員會幫忙在桌邊燒，大大嘅元貝，燒得半熟，細心切開，原汁原味十分鮮甜，連裙邊都唔會太硬痴牙。餐廳門口見到有人準備整釜飯，當然要試試啦！釜飯有多款選擇，我就揀左蒲燒鰻魚，釜飯材料十分豐富，有蛋絲，白飯魚仔青豆，原來飯係用上木魚汁用煲仔飯方法煮熟，再放上鰻魚和鰻魚汁，味道豐富，吃到底仲有少少飯焦，店員介紹配上茶漬，帶有少少甘香，絶對值得一試。