岩鹽日本料理 (利舞臺廣場) (已結業)

香港人崇日的心由此至終都是特別喜愛，近期熱門的莫過於釜飯。壽司、刺身等可能是大家喜歡之物，但原來釜飯更見精彩，淡味得來有一種日式料理味道。位於銅鑼灣利舞臺的一間日式飯店，首先此店貴麗堂皇大多以卡位之分滿帶空間感。餐牌上除了釜飯之外，更有鍋物定食、刺身、小食等。二人的關係選擇兩份定食及一份小食就最好不過。牛油果魚生他他包$78首次吃他他包會配合魚生分外特別，牛油果含豐富的纖維素是減肥的良物。而且他他包脆身配合新鮮的魚生不俗之物，顔色色彩繽紛令人胃口大開。鱈場蟹湯豆腐鍋定食（跟白飯）$168豆腐湯鍋清淡而有味，鱈場蟹相當厚身而且丈隻，豆腐滑溜加上添加少許娃娃菜與白飯冃吃分外滋味。御刺身壽司定食 $138另一款是壽司定食，有三文魚·油甘魚·赤身·甘蝦，喜歡這裡的海產新鮮而帶鮮甜，特別甘蝦呈透明顏色晴瑩通透，口感也是不錯。而另一款有三文魚·池魚王•帶子·赤蝦，特別池魚王是特別罕有之物，魚肉肥美而彈牙。

日本料理間中有食，不過和牛已經很久沒有吃過。趁出糧就到銅鑼灣嘆番個正宗豐富日本料理。入到去有華麗裝修，睇到d刺身海鮮吸引度爆燈，唔怪得咁多人排隊，係值得食嘅先叫目標牛物，和牛刺身用冰鎮住，和牛肉粉紅色雪花紋理清晰，分佈均勻，入口即溶冇腥味，仲帶著油脂香氣，牛味亦慢慢滲至口腔的每個角落，濃而不膩叫埋美國生蠔，入口起初是淡淡的咸味，礦物質的天然味道，而后轉為鮮甜，口感清爽怡人食埋呢個真岩。海膽盛。即係大大個海膽飯，海膽疊得相當高，海膽鮮甜，另外附上紫菜比你包著海膽食，每一啖都是鮮甜的海膽，質素相當不錯，值得一讚最後飲返杯菠蘿青檸特飲清新，消滯一流

坐低20分鐘冇人理，個經理唔知幾得閒，同我前面個位傾得好投入，可能係失散多年既親兄弟最後我舉手，fing來fing去鉅先過來，真系就係兩步路，唔催都唔過來。d野仲ok咯，不過冇下次。

朋友之前原來試過食lunch,,今次就試埋dinner..為左唔想排好耐，我地就早啲食.6點幾7點去到，咁岩仲未有人排隊。但一入座見到好多枱都已經被訂左。。😂食完行出門口，見到勁多人排隊。所以如果想黎試下呢間既朋友仔，一定要提早幾日book定枱會隱陣啲。

窩夫早前跟朋友去過岩鹽日本料理一次，覺得水準不錯，便帶媽媽去試試。平日晚市也座無虛席，下次光顧前要記得預先訂座。愛吃白桃的窩夫點了香煎半熟帶子伴白桃($68)，這個配搭感覺很新鮮。窩夫與媽媽都覺得香煎半熟帶子非常好吃，帶子本身很大隻很厚肉，兩面煎至金黃色，裡面沒有熟透，這樣的帶子是最鮮甜最美味的，白桃不算太甜太多汁，這樣反而不會蓋過帶子的鮮味，兩者配合得很好。炙燒穴子($38)一客有兩件，窩夫不吃穴子的，媽媽說有點腥呢。一人一件海膽軍艦($45)，水準不錯。釜飯是岩鹽的招牌菜之一，點了鵝肝牛小排釜飯定食($148)。刺身很新鮮。鵝肝牛小排釜飯的賣相很美，配料豐富，有栗子、小魚乾、冬菇和菠菜等。主角鵝肝和牛小排都很有水準，鵝肝煎得外脆內軟，油香細膩，不知是否太久沒有吃過鵝肝，覺得特別美味。牛小排放在釜飯上面，較難控制生熟度，雖然有點過熟但口感也不會韌，肉味香濃，配醬汁更加滋味。

傳統斧飯 | 岩鹽老婆約咗姊妹，放工後我就同啲兄弟喺附近搵嘢食，見到有間新開嘅日本餐廳就去試吓《岩鹽》。我哋首先叫咗個黑松露水牛芝士日本番茄沙律，夠晒凍，日本番茄冇平時啲蕃茄嘅腥味，酸酸甜甜，好開胃。然後到刺身，我最鍾意食帆立貝刺身，呢度嘅質素都唔錯，鮮甜爽嫩。生蠔就一般，比較細隻，肉質稍嫌太creamy。聽講呢度係主打日本斧飯。門口落地玻璃會見到有一部專程由日本買嘅斧飯機，我哋就叫咗個北海道海鮮斧飯試吓。我覺得有啲似中式嘅蒸飯，同意大利嘅燉飯，呢個北海道斧飯都幾豐富，有三文魚、三文魚子、海膽、蟹鉗同鰻魚等等，啲飯都幾香幾鮮甜，不過兩個大男人食，其實唔係好夠。跟住我哋到埋啲茶入去做茶漬飯。食完飯都唔係好飽，所以再叫左個鹽燒吞拿魚鮫，吞拿魚鮫燒得好香，好肥美，送酒應該好正！

唔知去邊度食飯，無意中在OpenRice搵到這間餐廳，打電話去訂位，佢話已經full晒啦，要六點半前walk in先有位, 咁我哋就即刻行過去食。黎到之後，我哋就叫咗個鰻魚釜飯，一個銀雪魚飯，點知個銀雪魚飯就嚟咗先，我個鰻魚釜飯就等咗好耐都未到，吹咗佢地一次，又話黎緊，之後終於見到佢拎個鰻魚釡飯過嚟，點知又話係後面一台唔係我哋嘅，真係火都黎！！我哋黎先個後面喎，點解個飯俾左人地都未到我。火都黎，最後終於等到。可能在嬲嬲地的情況到食，味道覺得一般啦，正正常常無乜特別。

今日黎到銅鑼灣岩鹽日本料理食lunch, 一嚟到就排滿曬人，仲有人要喺門口等㖭! 呢一間岩鹽日本料理，鋪面真係好靚， 裝飾都好貼合主題而且好有日本feel！我食緊嘅時候已經係應座無虛席啦！ 我揀咗精選壽司定食呢個餐， 呢個餐就包埋一個牛肉烏冬， 12件壽司， 同埋可以揀即磨咖啡或者，檸檬茶又或者係一杯雪糕。咁我就介紹下呢個牛肉烏冬先啦！ 烏冬嘅麵質滑劣劣，又唔黐牙，超好咬。牛肉有兩片，呢一種牛肉好鮮嫩，而且好滑好滑，入口即溶，我比滿分！湯底鹹鹹地，好鮮味，令到成碗烏冬嘅味道提升咗呀！呢盤係壽司定食係住主餐嚟嘅! 從相入面可以見到有12件壽司，望住都流哂口水。當然唔少得有最肥美嘅三文魚腩兩件， 油甘魚啦， 拖羅，帶子 ，牡丹蝦，海膽，金日鯛， 赤身， 仲有捲物三件， 每一件壽司都好好味 細細嚿飯團畀大大嘅刺身包住， 令到食嘅時候呢就會好明顯感受到刺身嘅鮮味， 好有滿足感 ！呢度嘅壽司都好新鮮，除咗色澤光鮮之外 ，味道更加係一流 ！所有嘅刺身魚都超肥美，勁juicy ！我最鍾意食嘅就係牡丹蝦 佢嘅肉質好實淨 ，完全可以感受到佢既鮮味， 仲有海膽 ，好似一啖啖都喺後面爆開咁 ！超級好味 ！除

這間位處銅鑼灣其中最貴地段的一所商場 ，竟然有間平民化價錢的日式料理，而且食物質素 超乎意料之外的好 ，加上 新店的裝潢和侍應的殷勤招呼 ，簡直一定要畀一個like佢 ，與朋友一起分享了多個 set dinner， 味道和賣相都是一絕 ，忍不住再加添了一些 小吃和卷物，想不到質素完全與一些一級的日式料理 有得比 ，以後就多了一所食日本菜晚飯好去處。

呈粉紅色的喜馬拉雅山岩鹽，除外觀特別外，由於採掘於不受污染的喜瑪拉亞高山，鹽的純度高，可塑性強，近年越來越受大廚歡迎。 位於銅鑼灣利舞臺的日本料理新貴，便以《岩鹽》命名，因其菜式主要是以喜馬拉雅山岩鹽來烹調的。餐饗體驗黑松露水牛芝士日本番茄沙律 （$128）意大利經典沙律Insalata Caprese為藍本的黑松露水牛芝士日本番茄沙律。沙律菜冰凍爽脆；水牛芝士內裏質感軟棉，奶香濃郁；日本蕃茄鮮甜多汁，伴以帶黑松露香氣的醋汁沙律醬，酸酸甜甜、清新輕盈，非常醒胃。活帆立貝刺身 （$78） 生蠔刺身（$32/pcs）活帆立貝刺身富光澤，肉質細嫩鮮甜。這裡的非洲納米比亞生蠔，體積像法國蠔的N4，比較細小，味道簡單，海水味和甜度適中，肉質細膩，筆者還是愛帶點爽身的蠔種。北海道海鮮斧飯 （$148） 斧飯有點像中式的蒸飯和煲仔飯, 以生米加上高湯，然後放入肉類、海鮮或蔬菜，燉煮而成。這道北海道海鮮斧飯賣相已令人垂涎欲滴，食材豐富，有海膽、三文魚刺身、三文魚子、蟹蚶、鰻魚和帶子等，翻開小鍋中的飯，會發現鹹香的魚仔、綿密的栗子和甘甜的野菇等，食材原汁原味的融和到每粒米飯中。最後，物盡其用，把茶倒入鍋

早聞此新店晚晚爆旺，預早訂位與兄弟姊妹一試，環境和裝潢都很有特色，當然首先是order一些限量的特色菜, 包括海膽飯和魚子海膽生壕，確實冇介紹錯鮮味和份量都超乎想像的精彩, 然後每人再order左各式各樣的晚餐套歺，但仍禁不住誘惑又再order左一些小食，包括燒牛舌和雞軟骨和蟹膏鮮蝦壽司及燒三文魚鲛，各式的套餐均是超大份的。包括了麵豉湯、魚生刺身更不是行貨有帶子、大蝦、三文魚和鯛魚，其中最滿意的套餐是陶板海鮮燒和雪場蟹豆腐鍋，真是鮮味十足，食到大家大快朵頤之後，更有一個Haagen-Dazs雪糕作為甜品，這頓晚餐真是滿意，值得再試埋單每位也不需＄300在銅鑼灣這個地區性價比完全是超值的。

We had high hopes about this place, reading many good reviews and the menu looked interesting. We turned up 7.30 not booked for 2ppl, a small wait but within 15min we were seated. The restaurant was spacious and clean, and busy as expected. Immediately we were given tea and the menu which we decided quickly to go for the dinner set. I chose the deluxe sushi set with came with mix sashimi, salad and miso soup. The lady went for the famous rice pot with salmon, eel, scallops and crab claw, it also

利舞台轉為食肆，第一次上去覓食，揀選了16樓的日本菜"岩鹽"，內外環境裝修細緻高雅，高級日本餐廳的外貌，配合豐富新鮮食材，最後配合員工的細心及良好的服務態度，因為店員經過知道我們有選擇食物困難，而主動上前作出解釋及推介。👍🏻值得一讚冰菜帶子胡麻沙律🥗($128)帶子size大粒，鮮甜冇雪味，帶子上有蟹子的點綴，不單賣相精美，整體口感層次更豐，驚有口感，冰菜常用於沙律和一些高级的法國料理，想不到這裡也有冰菜沙律，冰菜脆度爽口非常，清甜中滲出鹹鹹的味道。真岩。海膽盛($268)看見圖片已經吸引，驟眼看細碗，但匙羹一掃，海膽份量預期之外非常多，海膽味道特別，喜歡的人與不喜歡的，兩者甚極端，這個海膽盛：味道濃郁鮮甜和質感的細滑美國生蠔新鮮豐腴，肉質同望落一樣咁肥美，有些海水味道，肉質爽脆，食起上嚟味道比較鮮味香桃梳打（$28)沒有特別漂亮賣相，有氣桃味飲品，底部味道被冲淡，失去甜味

LEE間餐廳最近好HIT！Bookmark左好耐終於有時間黎試下新野！坐𨋢上到黎16樓已經見到好多人係門口等緊位，識食GE朋友一定係會先訂枱啦坐低就先點個野飲！呢杯係充滿熱帶風情GE菠蘿青檸特飲見到 Special Menu 好吸引，叫左幾樣試下！上面係鹽燒吞拿魚鮫，非常考功夫的一道菜式！魚皮燒得甘香焦脆，內裡夠晒嫩滑鹽燒吞拿魚鮫有豐富的魚油及軟骨組織沾點這個酸酸的柚子醋醬油就可以完美地中和魚油的膩感，非常合拍GE組合！另外就叫左A3和牛壽司，表面微微烤過令脂肪稍為融化了一點，A3肥瘦適中是非常適合做壽司，好食！A3和牛刺身也是一絕！咁軟咁好食GE牛肉同係日本食過GE差唔多！好香濃的牛味，有入口即化GE口感！

依排工作繁忙，好耐都無食過餐好。決定食豪dd...甘岩行完銅鑼灣，見商場頂層有唔同既食肆，就入去試一試。店面裝潢好有日本feel。感覺好高檔。因一個人食既關係，唔使等就有位。坐底左研究左一陣，決定點以下嘅菜式：刺身日本響螺：$268聽侍應介紹當日嘅響螺係最新鮮最適合做刺身，所以就點左一個來試吓。響攞旁邊放左一片檸檬同一舊Wasabi，加埋落響螺一齊食，十分清新，響螺肉質爽甜，夏天食夠晒清涼。另外仲點了燒吞拿魚胶：$128十分喜愛這個燒魚胶，就算燒完都唔會好乾身。咬落去仲有好多肉汁流出黎，雖然無咩肉食，但肉質好嫩滑，夠晒味道。但如果想啖啖肉既朋友就唔係好岩。