岩鹽日本料理 (利舞臺廣場) (已結業)

公司附近新開的日本餐廳～ 主打釜飯 聽就聽得多 未食過 今日終於一嘗滋味！在大門口 已經見到日本進口的自動釜飯機 見到師傅很用心製作中 見到都流口水。北海道空運鮮粟米。驚喜！！第一次生食粟米 非常非常清甜 粟米粒粒漲卜卜 juicy 好多汁 和平時粟米的甜與別不同 一試難忘。牛小排鵝肝釜飯定食。斧飯粒粒珍珠米 軟熟彈牙 配上香菇 栗子一起煲，香氣撲鼻。牛小排不會太熟 微微帶點粉紅 肉味很濃 肉質亦幾軟熟。鵝肝很讚！甘香 外脆內軟 食完仲想再食 哈哈。定食的魚生片好新鮮 色澤光亮 不錯～ 仲有麵豉湯和沙律菜 一個人食 真是好豐富～ 青檸梳打 青檸味十足 酸酸甜甜 夏天飲最岩！