岩鹽日本料理 (利舞臺廣場) (已結業)

是日早放工可以去接女友出下街街適逢早前有朋友介紹呢間野質素唔差還掂我地都喺附近行街一於就上黎撐下枱腳啦！呢度環境乾淨企理固有日本料理餐廳風格坐喺卡位都夠寬敞舒適另外環境都幾靜好適合同朋友黎食飯吹水同拍拖拖食物款式都幾多餐牌一目了然最後我地揀左三文魚牛油果米子卷、炸甘鯛魚、清酒煮花甲同埋和風牛肉釜飯三文魚牛油果米子卷賣相一流薄薄的米子皮要包住咁多餡料都幾講技巧三文魚配牛油果青瓜都幾夾配上三文魚籽同沙律醬亦係絕配！炸甘鯛魚幾香口魚炸得剛剛好唔會話炸到太乾同太油而魚肉魚骨易分離唔會話食到好辛苦清酒煮花甲必食！花甲食落幾清甜蜆肉煮得剛剛好亦幾滑清酒配花甲精華變成湯汁絕對一流！和風牛肉釜飯一開始會有漏斗計時焗耐啲個飯幾有心思而餸菜配料亦幾豐富有飯焦亦係我至愛！

星期一收工後同朋友過左去銅鑼灣食晚飯，來到了位於利舞臺的岩鹽日本料理，是一間主打日式傳統釜飯的餐廳，門口更設開放式廚房，可以看到師傅在製造熱辣辣的釜飯，別有一番感覺先點左個清酒煮花甲熱湯很暖胃，清得黎帶酒香，花甲大大隻，好鮮甜，無得頂啊三文魚牛油果米紙卷賣相精緻，外皮薄得晶凝通透。略帶韌度的米紙包裹著滿滿的三文魚、牛油果和青瓜，口感不錯，感覺好fresh！面上的蛋黃醬令整個卷更加滋味炸甘鯛魚油溫控制得好，呈完美的金黃色。甘鯛魚外皮香脆，炸得一點也不油膩！味道不錯和風牛肉釜飯全晚最喜愛的一道菜！採用了日本秋田米，配料有牛肉、蔬菜、洋蔥、冬菇、雞蛋等等，再加入日本木魚上湯製成。釜飯一開蓋香噴噴，牛肉片肥瘦適中，牛味濃，好味啊！飯粒略帶煙韌，且吸收左配料同上湯既精華，非常入味同鮮味，整個飯都不得了！！喜愛日式傳統釜飯的吃貨一定要來試試

今天收工同同事在Times square行街，行到餓餓地去了旁邊利舞臺的樓上餐廳，選了這間在頂樓的”岩鹽”日本料理。餐廳外有個落地玻璃位置可以看到師傅製作釜飯。餐廳裝潢時尚日式風格，今天正好有個落地玻璃位，遠眺銅鑼灣的樓景，十分開楊舒適，店員亦隨即送上菜單為我們介紹。巨峰梳打 $28提子味豐富，甜度適中。八爪魚意大利風沙律 $78天氣熱辣辣，店員介紹這款凉伴，八爪魚夠煙韌，配上特調酸汁，酸酸地十分開胃，還有三色椒、洋蔥和青瓜，十分清爽。紫薯蓉特色卷 $58上層一片芒果，用紫薯蓉飯配上薯蓉，都幾有特色有創意的手卷。吉列忌廉蟹肉餅 $58外層脆口，入面是香濃幼滑的忌廉蟹肉餅蓉，口感豐富，配上沙律醬汁，不錯。燒鯖魚 $68鯖魚都大條足夠二人份量，皮燒得薄脆，肉質不會太乾韌，蘸些檸檬汁更美味。鵝肝帶子釜飯 $128餐廳的招牌特色釜飯，有好多選擇，我揀了鵝肝帶子釜飯，用上魚湯、栗子蓉、冬菇絲、青豆粒、蛋絲和白魚等去煮的飯底，最後把鵝肝帶子放面焗，還會隨飯付上茶漬，當沙漏計時器完成便是1分鐘，可以先食一碗有餸有飯的釜飯先，再就是把茶漬倒入底層浸一浸作泡飯的食法。

釜飯原來食法都幾得意，今次去岩鹽日本料理先知！今次由主菜講起，因為侍應好細心咁同我哋講解呢個銀鱈魚釜飯係點食嘅。首先上飯之時有個小漏斗俾我哋，叫我哋俾小小心機等佢漏完再食！呢個過程應該係用釜嘅熱力將啲魚魚嘅鮮味逼入去啲飯到，同埋等嘅過程都幾得意，唔通期待真係最好嘅調味料？終於等到「開飯」喇！食有2個層次，首先當然係原汁原味咁食！侍應姐姐同我哋講唔夠味可以加少少醬油，不過喜好鮮甜嘅我唔落都一樣感覺OK~口感都幾嫩滑，加上熱辣辣，係幾清新嘅味道！而第二層次，就係食咗一半之後加入茶水化成茶漬飯！個茶壺仔幾可愛，不過最重要都係呢個茶漬飯幾有日本風味，同之前就咁食有幾大唔同，飯身軟咗，其他食材嘅口感相比之下又有啲改變，幾好玩！講返少少前菜，個油揚豆腐都係清新之作，味道唔濃加上滑滑豆腐，好開胃！唔知係唔係特登，set入面另一個朋友仔麵鼓醬豕肉燒就反其道而行，味濃之餘同肉香好夾，都值得一試！

很懷念去旅行在日本時吃過的釜飯，釜飯是將所有食材與米飯和高湯一同烹煮，這個做法下，新鮮嘅食材香氣令米飯非常入味，原汁原味。熱騰騰的釜飯卻令人有一種溫暖的感覺，是一種很回味的味道，今日行經銅鑼灣利舞臺這間日本料理餐廳，見到門外有廚師泡製緊釜飯，二話不說馬上就來一個。Menu上有多款釜飯選擇還有很多其他日本料理。最後點了鵝肝帶子釜飯，一上枱鵝肝味道香濃而帶子都非常鮮甜，飯內還有栗子及白飯魚等配料，很豐富！吃到一半後，再加上特製的湯及紫菜，變成茶泡飯，入口卻是另一種口感，一個釜飯兩種吃法，好滿足喔。小食點了燒沙甸魚干，雖然魚不是很大條，但鮮味十足，燒得剛好，淋上一些檸檬夠惹味。八爪魚意大利風沙律，八爪魚切得好薄身好新鮮，爽口彈牙，再配埋酸甜醬，份外滋味。估唔到係香港也能一嘗這個味道，雖然不在日本，但也能感受到那份暖暖的感覺！

平時好中意食海膽岩鹽就做緊頭十位海膽盛有半價(原價$268)或者可以揀$98 6隻海膽生蠔我上次已經食過生蠔 係好肥美同甜今次特登六點黎到就試下佢個海膽丼#1 海膽盛 ($134)首先賣相已經超級吸引 配埋紫菜海膽好新鮮 鮮甜 入口即溶三文魚籽無腥味 男朋友平時唔食三文魚籽都覺得好食成個配搭非常好 呢個價錢亦好抵 #2 鵝肝牛小排釜飯定食($148)呢個價錢有沙律有刺身有飯有味增湯可以揀雪糕或者咖啡/茶 不過雪糕係Häagen-Dazs當然諗都無諗即刻揀雪糕 成個定食 一啲都唔覺得貴沙律係配黑醋 生菜好爽口 刺身一啲都唔少 有三文魚帶子油甘魚甜蝦甜蝦仲幾大隻 刺身新鮮值得一讚不過釜飯即叫即做 食完個海膽盛之後都等得有啲耐順帶一提 店員會比個漏斗你 夠鐘就可以開蓋今次揀咗鵝肝 一啲都冇失望因為鵝肝既油落晒啲飯到 令到飯好香可惜鵝肝就真係份量比較少 牛小扒肉質都OK上嚟嘅時候見到仲有少少粉紅色 一啲都冇焗到熟晒呢間日本餐廳用料新鮮 兩個人埋單$310呢個份量同食到呢個質素我會話抵食！

記得岩鹽剛開張不久便來過，事隔成年，今晚再跟先生來吃晚飯。二人坐窗邊位，感覺不錯。《紫薯蓉特色卷 $58》紫色壽司飯是混入紫薯造成，中間白色的是薯蓉，黃色的閃芒果肉加上三文魚籽，整體味道帶甜，加上芒果的酸，很夏天的感覺。《吉列忌廉蟹肉餅 $58》香脆有口感，內裡有薯蓉加蟹肉，而薯蓉味道和口感較重。蘸上隨碟的沙律醬和日式甜醬更惹味。《八爪魚意大利風沙律 $78》魷魚薄身不韌，配上了泰式酸辣醬汁很醒胃，碟上還有三色椒、洋蔥和青瓜，很清新，用魷魚片卷著吃都不錯。《燒鯖魚 $68》燒鯖魚大塊，魚皮燒得香口薄脆，魚身厚所以可能肉質會鞋一點。點上檸檬汁令魚肉更鮮味，伴旁邊的蘿蔔蓉一起吃都能提味。《鵝肝帶子釜飯 $128》最後點了必食的釜飯，職員推介了鵝肝帶子釜飯。飯用魚湯煮，當中有栗子蓉、冬菇絲、青豆粒、蛋絲和白魚作配料。用沙漏計時1分鐘就可以開蓋食用。先把醬汁倒入飯拌勻吃，剩下的飯底/焦可以加茶漬變成湯飯。，再就是把茶漬倒入底層浸一浸作泡飯的食法。飯焦都可以放上紫菜吃，但個人不喜歡這種食法，因為紫菜一早已變軟，口感略怪。釜飯的飯感似煲仔飯，略帶焦香，但配上鵝肝和帶子有點不夾，而且帶子焗後頗韌，下

今日係銅鑼灣行完街，腳仔軟之餘又肚餓，行到利舞臺睇下有乜野食。朋友話想食飯，見到有間日本野係食釜飯，一於去睇下係乜東東。餐廳門口位置已經可以觀看到廚師即場泡製的釜飯，越望越肚餓。好彩我地早食晚飯，七點未夠仲有位。一開Menu原來唔止有釜飯仲有好多日本料理、定食、燒物、刺身同壽司，真係想食咩都有。食日本菜必叫即製芝士玉子燒，這道經典的日本料理，好吃的厚蛋燒，真的要襯熱食，燒辣辣香滑嘅玉子配上芝士夾心，好味道。土佐炸豆腐，用木魚碎當麪包糠炸到食物表面香口，即日式吉列。炸得香脆可口，完全係外脆內軟嘅感覺。登登登登～ 今晚嘅主角釜飯。叫咗鵝肝帶子釜飯。一上枱要等⏳先可以打開飯蓋，釜飯還配有紫菜同我最愛的茶漬。一開飯蓋已經聞到鵝肝嘅香味，飯面上仲有好多白飯魚。大家記住將所有食材撈勻才吃，令飯粒吸盡配料的香氣及鮮味，啖啖好味！好滿足的一晚！

朋友今日帶我黎試新野（對我來說好新穎）,叫做釜飯,上面用厚身原木壓住飯鍋,呢個係和風牛肉,撈啊撈啊撈..當我仲以為要將茶加入拌好嘅飯之際,店員教我地話食到底有飯焦時先加茶入鍋,放入紫菜先至正確~日本蕃茄沙律,夏日小清新引出食慾~呢個芒果蝦卷夠哂分量,因為好多時都係得一條蝦,呢度係雙倍架~吉列竹籤魚 呢個魚好少聽, 用脆炸方式一般都唔會有差池,味道肉深海雪魚柳,但肉質挺實,如果可以配酸酸甜甜醬料好似仲和味。黎到呢個鴨肉串,燒得剛剛好唔過火,配上大蔥夠香口!! 但個人建議半段大蔥一塊鴨肉最完美.茄子田樂燒就係以豆瓣醬塗滿再去烤, 味道好濃,如果食要配濃酒先可以, 適合重口味人士..

在香港與朋友或同事聚餐，有時真的會很擔心價位的問題，後來，找到了銅鑼灣利舞台樓上，地段好，餐廳整體氣氛棒有格調，不用與其他人搭桌，可以Share料理，可以吃到至少5種以上菜色的日本料理，還有飲品，而且每個人只要200餘頭，這樣的價位在銅鑼灣真的是好難找的，所以，現在只要有聚餐我都是第一個提出這個名單一入餐廳的門口，即可看到店裡最招牌的釜飯，來香港後，我最愛吃的就是香港的煲仔飯，而日本的釜飯亦有香港的煲仔飯之稱，只是烹調方式有些不同，日本的釜飯是將所有食材都放入鍋中，利用猛火烹飪，在店頭的入口處，店員會先以此方式進行猛火烹飪，端上我們桌時，再利用細火悶煮方式，將所有食材最天然的香氣，全都悶至米飯之中，今天我們Order的是和風牛肉釜飯，內裡的食材香菇、青菜、牛肉、溫泉蛋、青蔥，青菜、菇與牛肉的甜味香汁，全都悶煮至一粒粒的米飯之中，將米粒放入嘴時，最先感受到牛肉的香氣，咬下米粒時，香菇與青菜的甜味溶入了米粒之中，配上悶煮後的溫泉蛋汁，慢慢融化在舌尖之中，真是太多層次的美味享受，另外，一飯可以兩用，將配料與米粒食完後，最後再來一點茶泡飯，完美!當然，一頓體面的餐，如果只有單一一個厲害的主食是

。。🦉盛夏的一場狂歡　來到了光年之外。。。讓盛夏去貪玩　把殘酷的未來　狂放到光年外。。。轉眼一年， 又別了「五月天亅2018年與香港的「五月之約」！ 今年，盛夏來得特別早！ 33度以上的艷陽天，似火驕陽每天都掛在我們的晴空上。星期五的黃昏。。。 獨個搖曳於港島石屎森林的97號電車上 。。。一於暫且把工作上的「霧霾 」 擱置在一旁， 放空出去走走， 看一齣imax大電影、吃頓好晚餐。。。 讓小週末來個好心情！！會合了朋友 ，誤打誤撞來到利舞臺廣場 ， 本來想看多啦A夢限量版精品，可惜原來還未出場。。。 好，來到16樓，「 岩鹽釜飯亅? 「你知道釜飯是什麼嗎？亅 「不知道也不要緊，不如一於進去，試下店家是什麼葫蘆賣什麼藥吧！！」「OK..... ok。。。一於放任一下食道，亂點鴛鴦，喜歡吃什麼就點什麼，隨心而活。。。Let's make a wish, then place an order！！」 首先出場的，當然是消暑解渴的特飲！！ 今晚的解渴孖寶包括：菠蘿青檸梳打 $38「菠蘿青檸梳打」 用了新鮮的菠蘿蓉來製作， 菠蘿味很濃郁 ，但最重要是這杯特飲加了很多冰，超冰凍！一喝下去，立時把我

在門外看到師傅製作釜飯的過程, 店內地方寬敞，有多排2人和4人卡座。三色刺身分別有三文魚、甜蝦和帶子, 色澤亮麗, 新鮮非常。最喜愛係黏口肉厚帶子，肉質柔軟相當鮮甜。 石頭燒安格斯牛排, 塊牛排好大塊好滿足。上枱前稍稍將外表燒熟左，之後自己再係石頭上面燒翻岩自己既熟度, 好玩又好食。味噌煮三文魚鮫鍋邊滾邊吃，熱辣辣。用料包括三文魚鮫、蔬菜、紅蘿蔔、京蔥、冬菇、金針、豆腐、芋絲等。招牌釜飯 – 燒鰻魚釜飯, 夠哂兩個人share。上枱時已聞到陣陣木香味, 一打開蓋佈滿鰻魚, 其他配料有栗子、帶子、冬菇等。食左一半後，將壷內的熱茶漬倒入釜飯，加埋紫菜，焗一下，再攪拌均勻，可以做個泡飯。荔枝梳打不太甜, 好解渴。

係時代廣場行下街，行到夜晚搵野食。見利舞台近近地就上去搵野食。見岩鹽依個名幾特別，一睇就知日式野就上去試下。今晚食左兩個set 加一碟優惠價既魚子生蠔，六百蚊有找，又幾合理wor。下次係銅鑼灣想食日本野可以再去食。

今日去完sogo血拼，梗係要搵間餐廳醫肚啦。朋友想食日本野，睇完一輪就揀左喺利舞臺既餐廳啦。我地冇book枱，walk in等左四張枱，十五分鐘左右就到我地啦。野食方面我地叫左兩個定食加一個盤串燒。一個就係雜錦海鮮釜飯，另一個係鱈場蟹火鍋。鱈場蟹火鍋個湯底非常淡，得啲蟹腳本身帶鹹味，肉質都算爽口。個鍋點住火咁上，但個鍋到個火熄左，由始至終都無滾過，我地有少少擔心就問左waiter，佢話個鍋入面既食物本身係熟，我地先放心食。味道一般啦，勝在定食多配菜，有刺身，沙律，麵鼔湯。雜錦海鮮釜飯亦都係定食，個釜飯都幾多料，啲刺身舖滿左個飯面，撈埋啲飯一齊食，都好鮮味香口。我見其他人食都有得加湯食，但當日就無人講過或者俾過湯我地。串燒就不過不失啦，無乜特別。但其實樓面人手都比較少，想叫人問下野都成日話等等先，可能非繁忙時間去會比較好掛。

呢幾日香港都非常炎熱，真係避免到戶外去。係商場行行下街先發現已經六點，又係覓食既良機，知道利舞臺食肆多，就去尋覓一下，發現有日本菜食，又去試下新野！可能我地早到，唔使等位就直入。打開menu見到有兩種食物半價優惠，二擇其一，海膽丼名額只有十個，即刻問侍應仲有冇呢個優惠，佢話有！當然要叫啦！一黎到雖然唔太大碗，但海膽份量好澎湃十分新鮮！朋友們食到停唔到口！之後點了安格斯牛定食，仲可以自己燒！有得食有得玩！