岩鹽日本料理 (利舞臺廣場) (已結業)

今晚同朋友嚟到銅鑼灣出名多嘢食嘅利舞台，我哋嚟到呢一間日本料理，食物好好食，價錢亦都唔算太貴，推介大家來一下！豆腐炸得好脆，入口嘅時候入邊有好軟林林材料非常之豐富，味道好好！呢個玉子蛋係我今晚嘅最愛，個樣都唔錯，仲好好味添！！我哋揀嘅套餐仲有一個刺身，亦都非常新鮮主菜嘅魚頭好大，肉地十足，加上沙律同其他材料都非常之豐富雖然得兩個人，但係我哋食嘅種類都好多，味道好好，都推薦大家來試一下，位置方便之餘，體驗亦都好好！

晚餐set，唔掂。入座後，不是即時上茶，要第好一會才有。晚餐set，叫了什錦壽司和烏冬燒。沙律不夠凍，蔬菜出了很多水（應該是放涼了的狀態）壽司魚生不太新鮮，份量少，飯團不是用日本米，失望。天婦羅，油浸的樣子（當然在香港吃到有質素的天婦羅，很不容易。）總括而言，若不改善，相信很難立足。

利舞臺不嬲都有好多高質野食，今晚就食左間日本野，幾好八爪魚意大利風沙津八爪魚切得薄薄的，配上青瓜，洋蔥和紅椒，上面有酸酸辣辣的醬，幾開胃，做頭盤唔錯紫薯蓉特色卷本身以為係普通壽司入面包住一舊紫薯，但原來係將紫薯蓉和珍珠米粘在一起，令壽司食落去煙煙韌韌的，好得意。壽司入面卷住薯仔，上面鋪左芒果和蟹籽，不錯清酒煮花甲花甲大大隻，重點係d湯，吸哂花甲的精華，好清甜!我同男朋友好快就飲哂d湯雜錦天婦羅有炸蝦天婦羅，南瓜，茄子，蕃薯，最特別既係仲有炸麵條!炸麵條有d似細個食果d炒麵零食和風牛肉斧飯侍應首先叫我地等一分鐘，一分鐘後就可以先食飯上面的配料，有牛肉，溫泉蛋，菇，青豆等，最後可以把茶倒入煲中，好似炊飯咁巨峰提子梳打

曾經係日本食過既我一直對釜飯念念不忘，以前係香港好難食到好味既釜飯而呢間我諗係城中提供高水準既釜飯，咁岩朋友想試就帶佢黎試下。合鴨大蔥串燒鴨肉大大舊而且食落唔鞋仲有小小肉汁，鴨肉感覺唔似平時食燒味既質感串燒感覺似雞肉，大蔥蔥香味十足。味噌醬黑豚肉串味噌醬帶甜就算鋪滿係黑豚肉面上食落都唔會過咸，黑豚肉肥瘦均勻重油脂香而且燒得脆身。燒花魚一夜干中間切開原條上枱，魚骨得一大條容易食又啖啖肉，花魚一夜干醃好咸香味，魚肉睇落好似好乾身但食落口比想像中燒得嫩滑好快就清晒成條。北海道海鮮釜飯終於上枱，店員介紹經漏斗沙流完後先開蓋拌匀飯同材料食到一半後可以加上日本茶變成茶漬飯。釜飯底本身好夠味有白魚仔栗子一齊煲再係飯面上錯滿海膽，三文魚籽，蟹鉗等高質食料好滿足，食到一半變成茶漬飯後又另一番風味感覺似食燉飯吸入晒海鮮味。

銅鑼灣嘅好嘢食通常都係隱藏係啲商廈樓上，今次又發掘到一處食飯相聚好地方。一上到去環境好闊落，感覺好乾淨。佢有好多菜式配搭都好得意，好似呢個紫薯蓉伴薯仔沙律，之前真係未試過，甜加咸嘅組合，軟滑薯仔加卜卜脆蟹子，又幾新奇喎。逢親有玉子燒都要嗌，今次加埋芝士係裡面，拉哂絲咁，好溫暖嘅味道。班㦸饅魚三色卷，層次豐富，一啖擺入口好滿足。吉列忌廉蟹肉餅，除左外脆內軟之外真係無嘢再形容到，超級綿密嘅薯蓉，正。今次重點就係為左呢個釜飯，燒鵝肝加牛小排，原來要試左就咁食先，之後再倒入熱茶食，試匀兩種味道，我自己就鐘意加茶多啲，無咁乾之餘，將個啲食材另一種味道帶出黎嘢飲都可以一試，菠蘿青檸梳打，朋友唔好甜，原來可以轉梳打水，我個個係雪碧。

呢間日本餐廳主打釜飯，仲有好多魚生壽司同埋煮物㖭！價錢吾太貴，幾抵食整體食物都吾錯，最鍾意和風牛肉釜飯同玉子燒第一次食日式煲仔飯－釜飯，啲飯真係好香，牛肉片幾滑（偏肥)，仲有洋蔥、枝豆、菠菜丶白飯魚等等，好豐富☺️都幾大份㗎！3個人食都OK  ,仲會隨飯付上茶漬同紫菜😋唯一冇咁好就係呢啲日式釜飯係冇飯焦嘅😭 不過當茶漬泡飯咁食都唔錯㗎個玉子燒真係驚喜😍係即叫即整，熱辣辣，生熟程度啱啱好，好滑好fluffy 。所以我哋再encore左一次😂

一到暑假又到書展開始既時候,去完書展當然要去下附近覓食,行完咁攰想揾返間坐得舒服既餐廳休息下食下野補充返體力.同朋友去左銅鑼灣利舞臺咁岩大家又想食日本野就去試試呢間岩鹽餐廳.餐廳地方闊而且枱與枱之間分隔得幾開唔會有焗促感,餐牌有好多選擇而且性價比都幾高以日本餐廳黎講定價唔算好高.日本蕃茄沙律蕃茄好新鮮鮮甜多汁比起普通蕃茄少左陣蕃茄腥味,平時對蕃茄普通既我都覺得幾易入口幾好食.沙律以柚子醋汁做底帶少少酸香好開胃好岩夏天無咩胃口既時候食.芝士玉子燒玉子即叫即燒上枱既時候軟熟滑嫩,中間切開溶左既芝士流晒出黎一拎起切開既玉子燒做成拉絲既效果食落芝士煙煙靭靭,玉子甜甜地食落口好輕盈.北海道海鮮釜飯海洋釜飯熱辣辣上枱,釜飯隔離有個漏斗用黎計時反轉個漏斗當沙流晒後就可以開蓋即食.海鮮種類多有細蟹鉗,饅魚,三文魚,北海道帶子,海膽,三文魚籽同其他蔬菜配料.釜飯飯底都唔簡單內有栗子蛋絲同白色迷你銀魚仔而成既有味飯.拌勻後香味不停湧上黎食落口帶有淡淡海鮮咸味.所有材料都好新鮮海膽顏色澤鮮豔濃濃橙色海膽味濃.帶子大大粒就算熟左都唔會靭.菠蘿青檸梳打梳打有粒粒菠蘿係底飲落唔太甜用黎解渴十分不錯.

我本身好鍾意食魚餅，但唔多日式餐廳有！友人帶我黎食咁岩見到就即刻叫了，食完一碟覺得好好味仲叫多咗碟！本身我好多年前有係和民食過，但唔知點解佢無再出，都幾傷心以後終於有地方比我可以再食！我朋友本身唔食魚怕腥個d都話幾好味！但主要係我食哂同埋呢個價錢我覺得唔算貴，所以大家有興趣都可以試試但餐廳主要係食岩鹽料理，都唔錯，但我實在太鍾意魚餅介紹魚餅比大家先！哈哈佢之前like fb仲好似有送雪糕ga，同埋等位唔算耐，都係貪佢無咩人等位先入去食，但就好似無book位的

香桃梳打 $28 ＆ 菠蘿青檸梳打 $38一坐低即刻要Order飲品黎消消暑！香桃梳打有淡淡桃的甜和香味，配搭冰凍嘅梳打水，味道中規中矩啦。菠蘿青檸梳打有埋果肉同青檸片，甜甜酸酸的，感覺很清新。雖然貴啲，但正很多日本紫薯蓉拌薯仔沙律 $68整個沙律底都係薯仔同蟹柳，配少量青瓜絲，上面鋪咗一堆蟹籽，仲有紫薯蓉同埋紅豆蓉，直頭好似一道甜品咁，非常美味！最特別嘅係佢加咗少少好似珍珠咁嘅糖果粒落去，除左賣相更靚之外，亦令成個沙律加咗一啲甜味，仲帶黎爽脆嘅口感添！推介芒果奇異蝦卷 $45用飯卷起了紫菜和兩隻炸蝦，上面有芒果、奇異果、蟹籽同埋沙律醬。男士勉強能一口吃下，口感真係有層次，首先Feel到芒果同奇異嘅綿身質感，水果帶來天然的甜味，然後再繼續咀嚼，感受到壽司飯嘅飯粒軟綿煙靭和香甜，而最神奇嘅係咁樣卷法，隻炸蝦嘅外皮仲係保持到脆身，而蝦肉就結實彈牙，師傅嘅功力真係犀利！日本南瓜天婦羅 $58天婦羅大大件，但唔會好似一般日式餐廳咁跟蘿白蓉同埋天婦羅汁，反而係跟岩鹽！天婦羅的炸漿上得均勻，點岩鹽食唔會覺得油膩，南瓜的香甜味道更突出之餘，仲更容易保留到炸物嘅香脆口感，很好！燒沙甸魚干 $45魚皮燒

在餐廳門口, 有個玻璃位置, 可以見到師傅製作釜飯過程, 好吸引!餐廳裝修行日式時尚風格, 燈光柔和, 坐位舒適闊落!日本紫薯蓉伴薯仔沙律 $68賣相十分吸引! 用料豐富, 包括有大量新鮮蟹籽,  紫薯蓉香滑, 紅荳蓉, 薯仔沙律! 配合埋味道適中既沙律醬, 味道同口感層次特別創新! 好味道!芒果奇異蝦卷 $45面層有清新的芒果同奇異果, 少許新鮮蟹籽同沙律醬, 配合中間香脆炸蝦, 口感豐富! 美味可口! 十分推介!日本南瓜天婦羅 $58 薄薄脆脆的炸粉漿, 包裹著香甜滑溜的南瓜, 點少許岩鹽, 南瓜的甜味更突出!相比起傳統點天婦羅蘿蔔蓉汁, 個人覺得岩鹽更出色! 讚!燒沙甸魚干 $45 沙甸魚肉質結實, 有少少骨, 配合檸檬汁一齊食更好!雜錦燒肉御膳 $188本身想試餐廳主打既釜飯, 但店員推介我地試餐廳新推出的燒肉SET, 我地決定一試!呢個雜錦燒肉御膳非常豐富, 賣相精緻!將牛小排一片片放上石板爐燒, 生熟程度由自己控制, 自己落手燒下, 係幾過癮!我鍾意燒到7成熟, 牛小排同牛舌芯軟稔, 有好多肉汁, 牛肉味香濃! 好味道! 雞肉都唔錯!四色刺身, 鮮甜美味!沙律有青瓜, 菜同

睇餐牌啲野食好似幾好味咁就入去試下一入到去，唔算多人，因為我食飯嗰時都只係七點左右。第一樣黎嘅係茫果梳打。味覺好真，唔會好似藥水味咁，都值得一試嘅。然後就係春魚他他和風沙律味道十分清新，而且春魚半生熟狀態，入口嫩滑又鮮甜，真係不得不試，好魚之人一定會鐘意啊。之後就係紫薯蓉特色卷你完全唔會諗倒原來熱食嘅野可以同茫果係夾嘅，而且茫早都好甜。最後就係土佐炸豆腐依個炸豆腐係一定要試嘅餸黎，因為睇佢個樣唔係幾靚咁，但係其他佢係一個好有特色嘅豆腐，可以話係內脆外軟啊！

location係causeway bay 夠方便。set lunch 我個人食得好開心，味道中上，但又唔算好貴，value for money. 海鮮算新鮮，鐵板燒亦好香好玩。good

朋友喺附近返工，一向都知呢頭多嘢食，就揀咗呢間成日見有人排隊嘅日式餐廳！利舞台搭𨋢上去就係，我好似都係嚟過兩、三次only。上到去7:00pm好早未見多人，好嘢～門口見到有員工整緊佢招牌嘅釜飯，心諗一定要叫一個！坐低睇餐牌，好多選擇！想叫個沙律但唔知點揀，問店員推介佢推介個蕃茄沙律俾我，因為蕃茄係日本入口嘅好新鮮，另外叫多個煙肉扒陶燒、芝士玉子燒、豆腐燒同蠔釜飯就食住先啦～沙律先到！果然名不虛傳，未食過咁好食咁新鮮嘅蕃茄！我本身鍾意食蕃茄，食開嘅都會有少少腥/澀味，但呢個完全冇！好甜！終於明點解日本人冰完嘅蕃茄可以就咁生食，因為日本蕃茄真係就咁冰完就好好食！另外沙律嘅醬汁都好好食。跟住係煙肉扒陶燒，店員會點著下面個爐由佢烤一陣，烤到d油水出曬嚟差不多就可以食，話時話呢個真係驚喜之選，因為d煙肉烤到燶邊時食，d油又薰到d配菜南瓜薯仔超好食！再嚟一個芝士玉子燒，個蛋切落去嘅時候已經覺得好軟熟（唔係其他地方嘅過熟咁un)，最緊要係佢拉！絲！個人鍾意食芝士。覺得芝士味可以再濃d, 不過唔係芝士狂熱者應該覺得啱啱好吧。中場嚟嘅薑蜜，薑味好重我鍾意。到豆腐燒喇！老實講呢個係我當晚最鍾意食的！豆腐外

OT完同事帶隊來銅鑼灣搵食，看中岩鹽有釜飯，就來試試。夏祭餐牌有雜錦燒肉御膳，但想試釜飯，打算留待下次再試這個期間限定。吉列忌廉蟹肉餅 - 外脆內滑，質地像薯蓉，雖是忌廉但不膩，不過略嫌少蟹肉。伴碟的沙律菜點沙律醬好清新惹味。班㦸鰻魚三色卷 - 沒想到班㦸皮配鰻魚是如此出色，連不愛吃鰻魚的同事亦盛讚。配蟹籽，味道清爽。芝士玉子燒 - 同事最愛，芝士拉絲，配甜甜的玉子很開胃。玉子半生熟，很滑。日本紫薯蓉拌薯仔沙律 - 第一次吃紫薯沙律，新鮮的配搭，不過旁邊的紅荳蓉略甜，有點格格不入。蟹籽量多，很足料。最期待的燒鵝肝牛小排釜飯 - 初嚐釜飯，待漏斗計時完畢再開蓋攪拌飯，差不多到底再倒入茶進食。鵝肝很香，牛小排亦出色，配飯焦更香。加入茶又是另一種風味，味道清淡，很喜歡。菠蘿青檸梳打 - 夏天清爽特飲，可解膩。

今日7點前到，所以未坐滿，但8點左右已經好多人等位，所以唔想等位記得訂檯1. 三文魚牛油果米子卷 $48 - 外皮似越南春卷，非常薄，作為前菜，絕對唔會為個胃增添負擔，包住三文魚、牛油果、青瓜同埋沙律菜，面有幾粒三文魚子，伴以醋汁同沙律醬，非常清新，夏天食認真開胃2. 芒果奇異蝦卷 $45 - 芒果香甜，中間嘅蝦幾脆同熱辣辣嘅3. 合鴨大蔥串燒 $35 - 大蔥幾甜，可惜鴨肉有一點點過熟5. 岩鹽燒香魚 $58 - 時令魚，要呢個季節先有， 食落好似大版多春魚，好多春，肉質細緻唔鞋嘅6. 炸岩鹽南瓜天婦羅 - 粉漿都算薄，最特別係無天婦蘿蔔蓉汁俾你，而係點岩鹽，點岩鹽反而提升咗南瓜的甜味7. 北海道海鮮釜飯 $148 - 幾得意，等沙漏漏完先打開撈勻佢食一半，一打開見到有好多款海鮮，例如海膽、三文魚，三文魚子，帶子，蟹鉗，鰻魚，仲有菠菜、冬菇、栗子，青豆等，如果覺得唔夠味可以加釜飯汁，釜飯汁係甜中帶點咸，食到一半後就加壺茶變成茶漬飯，茶係綠茶加埋木魚湯，單點先有壺茶湯，叫dinner set係無嘅，變成茶漬飯後竟然多咗份焦香味，又幾好味喎8. 菠蘿青檸梳打 $38 - 有菠蘿肉，青檸片