岩鹽日本料理 (利舞臺廣場) (已結業)

趁住今日唔係週末，冇咁多人，去同朋友試下呢間餐廳。一入到去，環境okay 幾舒服，位置又夠闊落。前菜方面係一份八爪魚沙律，d八爪魚好新鮮，加上個source 酸酸甜甜咁，幾開胃。仲有呢個紫薯芒果卷，芒果鋪係上面，加埋d紫米包住d薯蓉，個配搭好特別幾好味。再叫左個大蔥雞肉串燒，雞肉燒得好好，好juicy。加埋大蔥既味道，成個串燒既味道配搭得好好。然後就係呢個燒沙甸魚，魚皮燒得好香好脆但係d魚肉又唔會好乾，兼且d肉質好有咬口，抵讚！跟住個主食係鵝肝帶子斧飯，d鵝肝又唔會好濟，帶子又好有鮮味。食到最後我地仲加埋茶落去連埋d飯焦一齊食，變左茶漬飯。個味道淡淡地，唔會太濃，都幾好味。再加埋呢兩杯巨峰提子梳打同埋菠蘿檸檬梳打，甜度適中又幾fresh，為呢一晚既晚餐錦上添花！

放工約左老友去銅鑼灣時代廣場行左陣，行到肚餓就去利舞臺果邊搵野食，見到間日本釜飯就入左去試試地方夠大夠舒適三文魚頭立田揚 （$48）三文魚頭唔會炸到過火，好惹味銀鱈魚釜飯 （$148）釜飯是餐廳嘅特色，銀鱈魚質感非常幼滑，初初睇落好似好細兜咁，仲驚食唔飽，食落先知都唔細食了一半仲可以有第二種食法，就係加入茶漬撈埋食，食到底果啲飯焦都唔會覺得乾日式煮八瓜魚 （$78）賣相好吸引八爪魚煮得夠（淋），醬汁好特別，廚房師傅特別製作的，加上日本滑蛋仲有少少菜配搭（必食）菠蘿青檸梳打 （$76）甜甜地酸酸地，味道開胃可口

很少日本餐晚餐都有套餐 幾適合已經頂吾順放題嘅我😬質素不錯 價錢還可 不過套餐對男士黎講應該不太夠 份量偏少 連加一差不多二佰元一份套餐 fb打咭有雪糕送 餐廳服務不錯👍可以一試

要評價一間食店的食物質素絕不是容易的事，尤其要做到客觀、中肯，更加難上加上，本身愛吃日本菜既我，來到岩鹽燒，絕對有驚喜，想不到此等價錢能食到這麼豐盛的一餐。石頭燒安格斯牛扒定食：漬物有日本當地既水準，魚生新鮮，沙津新鮮而清甜，麵鼓湯不咸而味道剛剛好，牛扒鬆軟得黎配上醬汁都幾野味，飯既話我唔肯定係日本米。鰻魚斧飯定食：重點講鰻魚飯，鰻魚味道ok既，當然不可跟日本當地既鰻魚比較，因為上次日本柳川一個饅魚飯都差不多300元一個人, 斧飯味道係唔錯既，最緊要夠熱，雖然濕左少少。

見評語唔錯，就同朋友試試呢間餐廳，唔知係咪我哋點唔中好食嘅嘢定點，大部分嘅嘢都好一般！其實都幾失望！沙律嘅食材幾新鮮，味道算清新！壽司味道就無咩驚喜，帶子就味淡，唔清甜～呢個刺身飯嘅海膽苦苦哋，味道真係好難接受，之前食過嘅海膽就算唔鮮甜，都未至於苦，而且感覺好腬，呢個飯真係令到成餐飯減左好多分，好難接受嘅味道！刺身都係同一個問題，唔清甜，味道較淡！同埋好冰凍，偏硬！串燒味道就正正常常，無咩特別！個定食正常味道，而個燒茄子就甜甜哋，個人覺得可接受，不過朋友覺得過甜！最後，呢個雪糕係好味嘅！總括而言，真係好一般，一間餐廳若然有一兩樣嘢好食，餐飯都唔會有太差嘅感覺，但呢餐飯，真係好一般！不過都總要試下新嘢嘅！

係銅鑼灣想食日本菜，選了這家在利舞臺的餐廳。在門口看到師傅在煮釜飯，一個人在煮幾個飯，甚是忙碌呢！餐具也頗精緻Set dinner 選擇很多，刺身飯、壽司、釜飯各有幾款可選，2個女仔又不太餓，最後選了一個壽司餐同單點一個釜飯。跟餐先來了一個迷你烏冬，2塊牛肉約7成熟火炙壽司份量頗多，長長的海鰻、海膽、帶子是焦點！廣島蠔釜飯，上枱後要等沙漏計時一分鐘才可打開蓋4隻蠔、菠菜、菇滿滿的鋪在飯上面，下面還有香噴噴同軟綿綿的粟子！先吃7成再倒入湯就變成另一種食法套餐還可選餐飲、果汁或雪糕，雖然吃得很飽但還是選雪糕值回票價！

今晚去左接朋友收工，去左銅鑼灣食飯，呢度都係第一次去食咋，都吾錯，最重要係又吾貴，所以我都覺得好值得推介。我地下午茶時間去食，點左個香芒奇異蝦卷$45，佢份量都好多，而且兩邊都有蝦，炸得好香脆，芒果都好甜，吾錯。另外點左個吉列忌簾蟹肉餅，好正丫，熱辣辣，好大舊，又香蟹肉味，呢個$58。我仲食左個三文魚親子釜飯，$128，好好味，不過嗌左後仲見到個更吸引嘅海膽釜飯，吾緊要，下次再食啦。呢個三文魚親子釜飯都好吸引，魚好新鮮，三文魚又好肥美，仲有吾少魚籽，有幾種食法，可以加紫菜又可以加茶食，又可以就咁食，吾錯丫。整體都好滿意，服務又好好，值得推介。

朋友嗰男友出trip,寂寞慘慘豬叫我陪佢食飯，仲話已經諗好食乜，咁我唯有遵命啦。原來係食日本料理，主打釜飯，um...去左咁多次日本都未聽過同未食過，我即刻比friend子話我孤陋寡聞😥土佐炸豆腐($48)超超超好味呀好夠熱！豆腐炸得啱啱好外面脆口內面軟滑，上面鋪滿物木魚片！加埋啲湯汁食真係一流！🤗味噌醬燒黑豚肉串($52)有兩串我同朋友一人一串肉質油脂分布均勻咬落爽口，味噌醬好香口！好味👍🏼👍🏼銀鱈魚釜飯($148)有四大塊滑溜鱈魚鋪面，好滑唔鯹！店員細心教我地正宗食法：先吃魚+飯（內有白飯魚仔、蛋絲、栗子粒，幾香口），食到差不多再加湯同紫菜落飯焦再吃！菠蘿青檸梳打($38)有一粒粒真菠蘿仔，一啲都唔甜，好解渴同refreshing!🍍

我家男人鍾意食日本菜，今日就帶佢食從未食過嘅釜飯（我都未試過！）前菜1叫左日本紫薯蓉伴薯仔沙律$68聽落好似好簡單，但係一上碟都有驚喜，賣相一流！紫薯蓉有啲珍珠仔裝飾，又有一大堆蟹子！啡色嗰pat唔知乜黎，甜甜地，全部撈埋一齊食又幾夾幾好味！前菜2叫左胡麻吞拿魚牛油果$78吞拿魚刺身好鮮味，加埋䓤、牛油果同個胡麻汁，好香好開胃！銀鱈魚釜飯$148用漏斗計時⌛️，一分鈡後食得！魚同菇都香滑，飯食到咁上下可以加湯🥣繼續食！湯飯更加香噴噴暖lup lup!! 香桃梳打$28其實menu仲有好多唔同食物選擇，下次再試！

假日既時候約左個舊同學去銅鑼灣行街,睇戲；行經利舞臺廣場,大家刀開始餓了就搵下有咩好野食喇!見到有間食店好多人等位, 由於見甘多人等入位,相信食物質素應該吾差,所以我地就拎埋飛仔等叫埋座.餐廳佈置好有日本風格,絕大部份刀系car位黎的, 所以座位令人可以坐得舒服享受美食..日本紫薯蓉伴薯仔沙律：對於前菜黎講,依款食品做得好出色. 日本紫薯蓉帶有甜味又香口, 至於紅豆蓉味道更甜 好岩我地依啲少女食呢! 蟹籽令整個薯仔沙律大大增加口感,一粒粒卜卜聲好qq啊味道的確不錯,終於覺得沙律不單止只有菜既道理蟹肉香芒薄餅卷：芒果醬令到整個薄餅卷味道更flesh而不覺得漏口. 薄餅卷十分脆身,入面包住左甜甜地香芒肉, 蟹籽同埋鮮味既蟹肉.三者一齊食,味道十分香脆又甜啊!個人覺得好推介既一道小食~土佐炸豆腐：相信吾少人好似我地刀中意食豆腐,對於炸豆腐一定吾會吾熟悉~將炸好既豆腐放於湯上, 而湯滲於豆腐,令到豆腐既外層好juicy,但入面keep到好滑身既豆腐, 正!三文魚牛油果米子卷：多重口感既米子卷, 入面既三文魚充滿左魚油既味道, 香口既牛油果為米子卷帶左林林既口感又健康, 青瓜十分爽口又清新, 透

location 係CWB Lee garden, 方便。service 好，假日仲有 set lunch , 讚！食物味道中上，價錢比起今時今日香港既市價，算係value for money. 今日再試唔同既 set ，味道依然中上，唔怪得排長龍。滿意。

放假日約左好友出銅鑼灣睇戲食飯，咁就在附近行左陣去了利舞臺果邊行左一陣食飯，然後先去睇戲朋友說想食釜飯所以說去了這間餐廳！環境都唔錯，地方都很寛闊三文魚頭立田揚 （$48）三文魚頭炸得岩岩好，食落去外脆內軟，十分入味銀鱈魚釜飯 （$148）釜飯是餐廳嘅特色，銀鱈魚質感非常細滑 味道很入味吃了一半，它的特色是加入茶漬去食，感受配有茶味的食法味道唔錯都是第一食日式煮八瓜魚 （$78）黎到賣相都很吸引日式八爪魚這道菜醬汁很特別，是日本師傅製作的，食得津津有味菠蘿青檸梳打 （$76）菠蘿和青檸這個組合非常搭配，味道十分清新可口so refreshing

因為返開夜晚工,要放假至有機會同屋企人食飯。咁岩尋晚阿媽同阿妹一個話聽晚唔煮飯,一個就想收工係銅鑼灣買野,就諗住係銅鑼灣食。尋晚結果深夜係呢個網搵食,想搵D唔係連鎖店既日本料理,要付合"未去過","銅鑼灣","一定要有鰻魚既飯",呢3個條件為先,睇左成晚覺得呢間符合晒要求。上到去6點40分,我地尚算早,所以入面唔係好多客人,我地一家4個人就安排坐門口對入第2張卡位。入面地方都算大,而且有兩間係有間隔既小廳,樓底高而且通道同坐位都夠闊。4人比兩SET餐牌睇可以慢慢一齊睇。睇左餐牌之後,4個人既想食壽司,又想食熟食同飯所以叫左"精選壽司,牛肉烏冬定食","銀鱈魚西京燒定食"同埋"鰻魚釜飯定食"。另外叫左荵吞拿魚文碎卷,鹽燒油甘魚鮫,燒牛舌,燒雞翼,燒合鴨大荵雞肉,炸軟殼蟹同埋一杯青檸梳打。由於我地早黎,上餐時間都快,唔使等太耐,最先到既係精選壽司,牛肉烏冬同文碎卷,燒物,串燒同炸軟殼蟹都算快,釜飯既制作係店門口設置,可以睇到製作過程。壽司臺有5個人同時準備。今次冇影太多食物既相,但有特別影樣野燒油甘魚鮫$98一份,一件有手掌咁大同長,冇影既軟殼蟹$58比平時係某黃色招牌既連鎖店既份量起碼多

日本餐廳食set lunch 既好處係唔少都 value for money，此餐廳亦唔錯。service 殷勤，而且埋單2人唔駛$350，食到飽飽。選擇多，每樣少少，開心。食物味道中上。滿意。

放工就梗系要好好咁對待自己啦😌！今晚約左朋友D，我話要食日本野🇯🇵，佢就帶左我去岩鹽日本料理😊。芝士玉子燒($68)：芝士玉子燒裡面非常仔細😮，一層蛋一層芝士咁，味道幾鮮甜💛。食嗰陣要用個鏟仔切開，要趁熱♨️食啊拉到絲架🤗！忌廉芝士軟殼蟹卷($78)：呢個其實冇咩特別，芝士味濃，都吾錯😄！煙肉扒陶扒燒($138)：呢個都幾肥🙈，煙肉🐷脂肪分佈平均，肉質爽爽地咁😇，仲幾juicy💦添～點埋芥末籽醬食就更加正喇👍🏻！海膽三文魚釜飯($138)：第1次食釜飯都幾期待💭！原來釜飯系要食左上層既海鮮🐟先，淨返啲飯嗰陣就倒啲木魚湯撈埋食🍴。個飯材料豐富，有：蛋絲🥚、菇🍄同粟子🌰。湯吾算濃味，食完頭先嗰啲覺得整體味道偏淡，建議食左個釜飯先再叫其他野🤨。波子汽水($25)：小妹由細到大最鍾意飲呢個牌子既波子汽水💙！食日本野又點少得佢呢🤤？