岩鹽日本料理 (利舞臺廣場) (已結業)

今日試食位於利舞臺嘅岩鹽釜飯 ，入面裝修都幾靚，外面仲有一個玻璃位可以睇住人煮釜飯.。睇左餐牌一陣，我地就叫左以下食物：三文魚牛油果米子卷三文魚同牛油果用米子包住，口感其實好得意。淋淋地之餘又有d 煙靭嘅感覺。三文魚味道同牛油果都好夾。芒果奇異蝦卷 呢個就好啱夏天食，芒果奇異果嘅酸甜配 中和左炸蝦嘅油膩感 。 好開胃同易入口合鴨大蔥串燒 鴨同大蔥 ，兩樣本身好合適燒烤嘅煮法嘅食材 ，燒起好香。加上有少少鴨皮油香。就香上加香。岩鹽燒香魚 呢個係季節限定嘅食物，緊係要試下。佢燒得啱啱好 ，外面皮香脆內裡仲保似水份。加埋岩鹽釣下味就已經好夠。炸岩鹽南瓜天婦羅 天婦羅基本功係粉漿唔厚又唔油，兩樣都做到足 。 加埋岩鹽就更加好味。北海道海鮮釜飯呢間店以釜飯作為招來 ，試問點可以唔試下佢？佢上菜時除左茶漬同醬汁紫菜。仲有沙漏比你睇住焗幾耐先夠，一夠時間就即刻攪拌佢黎食。海鮮方面就有鰻魚，帶子 蟹拑、銀魚仔 律子 三文魚 冬菇 海膽 同三文魚子，好豐富下。食到一半就可以加茶漬變泡飯。一款食物多樣食法。滿足感加倍。

放工約咗個舊同事去銅鑼灣利舞臺嘅岩鹽食飯, 之前都食過幾次都好多人等位, 所以今次為了避開多人時段, 未到7點我哋就去到! 去到時眼見餐廳已經差不多滿座, 頓時覺得早開飯嘅決定係冇錯之前幾次都係食刺身壽司類居多, 已經覺得夠新鮮好食, 今次就一於試吓佢哋嘅熱食! 日本蕃茄沙律 $68 ~ 蕃茄好鮮甜多汁, 沙律菜新鮮爽脆, 好開胃! 芝士玉子燒 $68 ~ 玉子燒係即制的, 要襯熱食, 芝士好有拉絲效果, 幾香蛋味夠滑又唔漏土佐炸豆腐 $48 ~ 豆腐夠晒嫩滑, 外皮炸得夠脆, 豆腐面亦舖滿木魚薄片, 增加咗個口感煙肉扒陶扒燒 $138 ~ 會有個火一路煮住啲煙肉, 煎到微微燶就可以食, 煙肉厚切啖啖肉, 幾香口又唔會過喊廣島蠔釜飯 $118 ~ 釜飯個形式好似煲仔飯咁, 將米,上湯,食材一併放入鍋中燜煮。 釜飯嚟到時會有個一分鐘嘅漏斗給你, 當夠一分鐘時,一打開個蓋, 蠔味芳香撲鼻,勁香勁吸引! 飯裡除了有廣島蠔外, 亦有魚仔同粟子, 食第一碗時什麼醬汁沒有加都已經夠晒味! 廣島蠔肥美鮮甜, 魚仔飯亦好香口, 食到尾聲時仲可以倒啲茶漬落去做個泡飯吃! 泡飯充滿茶香, 又係另一種食法!

銅鑼灣📍海膽三文魚釜飯🌟🌟🌟🌟$148 包括有各一片嘅4款刺身🥗沙律同埋麵豉湯一碗🥄 午餐仲有飲品/雪糕跟餐☕️🍨 個飯係會跟埋一個沙漏一齊上▶️啲沙漏哂去一邊嘅時候就可以開蓋**********😗三文魚半熟嘅狀態好好食👍🏻一啲都唔腥❗️小小暖嘅海膽撈飯👍🏻一定會再嚟食❗️下次試吓佢嘅壽司set❗️*********💁🏻‍♀️溫馨提示:最好兩日前book定，就算係食lunch都幾full💃🏻

今日行過銅鑼灣就求其揀左一間日本野食，就試左利舞臺既岩鹽。試左幾款時令菜式，春魚他他和風沙律，春風係咩真心唔太清楚，不過好似話係時令魚，都叫做唔腥。都叫左蟹肉香芒薄餅卷，我諗唔到日本菜會有啲咁新奇既菜式，感覺食緊手抓餅緊，蟹肉份量都唔算少既，不過芒果就有少少渣。土佐炸豆腐，即炸而且豆腐都好滑，不過可能我比較重口味，所以就覺得味道比較淡身。最後食左個香魚釜飯，又係時令野所以試下，因為本人就唔太喜歡食細魚，所以就無咩點食，但同行既爸就話都唔算多骨，鮮味都有，而且配左熱茶，食到咁上下可以做茶積飯，但記住落埋個醬汁，如果唔係又會比較淡味！So far成餐都不過不失，好處係銅鑼灣區都唔洗等位，係幾好既。

今次終於可以食到呢間岩鹽日本料理!呢間野平時經過都見到好多人排隊要等位,今次book定位同個朋友終於食到了😎見到餐牌好多野都好想食但我選擇幾個小食食下先😁先叫了一個三文魚牛油果米之卷因為我覺得好得意但食落去原來好好味👍🏻第二個選擇芝士玉子燒感覺玉子冇乜特別但原來中間好多芝士配搭得很好😍第三樣我選擇咗吉列忌廉蟹肉餅，蟹肉餅配搭醬料很好👍🏻最後不得不叫雜錦燒肉御膳，有燒肉，牛脷，三文魚刺身，刺身蝦仲加埋個白飯問你點會唔飽啊🙊呢度竟然有我最鍾意嘅菠蘿青檸梳打😍

今次係第二次幫襯，水平仲係咁好，是日食火炙壽司定食，有6大3小壽司：三文魚、帶子、左口魚、海膽（好鮮味）、海鰻等，另加牛肉烏冬、茶碗蒸、沙律等，仲有甜品哈根大師雪糕（是日芒果紅苺味），好飽好滿足！

今日又係港島區考完投資牌🙈好彩合格，咁梗係要食好西啦！就決定係港島區銅鑼灣搵食！就試吓呢間岩鹽日本料理啦！八點幾去到嘅時候，都有幾組人等緊位😅不過等候時間唔算耐，冇耐就比侍應安排左個靠窗嘅卡位位置！由於餐廳喺1中層所以景觀都唔錯😍芝士玉子燒，芝士唔算多，中規中矩！三文魚牛油果米子卷，三文魚同牛油果呢個配搭我好鍾意個味道好清甜而且上面做三文魚子添👍🏼炸吉列忌廉蟹肉餅，個醬汁混醬，好出色，比我地食曬👍🏼呢個係最新出嘅一人御前，有前菜沙律，四款刺身，牛舌，雞肉，菇！性價比還好！約$180最出色係菠蘿特飲仲要配青檸，簡直係夏日首選嘅特飲😍

香港人愛吃日本嘢，但其實主要都係食魚生壽司拉麵，日本料理其實都較少利舞臺成棟都有嘢食見依間岩鹽日本料理好似人氣幾高，就同友人黎試一試餐廳重點推介係佢既特色釜飯，即係類似鍋飯咁，用鐵鍋載住黎燒既飯門口已經見到師父既製作過程餐廳舒適好坐，有卡位又有普通餐桌燈光柔和早黎既關係仲未係多人，亦可見環境舒適坐低後睇餐牌，按店員既推介菜式而散叫其實佢既套餐都幾唔錯咁，下次試第一味上枱既係日本紫薯蓉伴薯仔沙律賣相十分靚用所既碟配埋燈光更襯托出貴氣用料十分豐富，放上大量魚子，沙律醬味道適中，保留住薯仔既鮮味，同時間有紫薯甜味交疊埋一齊，口感層次同味道都很好之後上既依味叫日本茄子田樂燒成隻茄子放上黎配上香濃醬汁，未食都已經覺得好惹味有匙羹筆起黎食，茄子汁好juicy，食落柔軟，配埋燒汁食，真係惹味兼好食依味炸甘鯛魚並唔花巧，但內裡出色，表皮爽脆，肉質鮮嫩，雖然有骨但亦都易去骨，好食最後係壓軸出場既廣島蠔釜飯好有氣勢飯上既漏斗係用黎計時，職員話計時完畢後就可以打開個蓋食飯啦一打開個蓋就係咁樣，有成五六隻蠔，隻隻都唔細隻架食落都十分鮮味，係蒸海鮮既味道個飯用料豐富，連啲飯都煮到入味飯到咁上下，如果想轉食泡飯，

我們一直都很喜歡吃日本餐，所以今次選擇了在銅鑼灣都嘗嘗不同的日本餐！今次選擇了這一家餐廳要因為見到定食的價錢也不太貴，大約＄200內便有一個定食餐！因為在銅鑼灣區晚餐進食日本餐真的可以很貴啊！定食的飯不是太大碗，男士食咗一個定食可能會感到不飽肚！哈哈，這個份量應該只是夠一個女士食的！至於食物質素方面，刺身的味道一般，沒有太大的驚喜！另外，我們亦點了一客炸軟殻蟹，$58，價錢算是合理！但是，因為我唔覺得不太夠吃，另外亦點了一個手卷，吞拿魚蔥手卷每件手卷竟然需要＄78....價錢真的有點過分餐廳正在做推廣，只要like了他們的Facebook，可以獲贈雪糕一客！味到只有這一款總括來說，這一間店的認識是很抵食，但份量較少！刺身沒有大驚喜！若要另外再點小食或手卷，每件的價錢較高，性價比較低！這一間好普通啦！

先來一個日本番茄沙律，日本蕃茄比普通蕃茄大和甜，比起平時屋企買開既普通版特別大個，而且又多汁，配上沙律醬汁，前菜開胃又醒神串燒試左合鴨大蔥串燒，鴨肉既味道濃郁，點上檸檬汁去掉鴨肉的油膩感覺蟹肉香芒薄餅卷，芒果醬令到薄餅卷味道更清新，有一刻既感覺好似食緊蟹肉香芒壽司天婦羅講究粉漿的厚薄，由從調製粉漿到下鍋要需要精湛的技藝，而今次竟然係沾岩鹽，令人有耳目一新既感覺，加上炸漿很薄，可以完全食到南瓜的甜味原來食釜飯是有一定的程序，侍應告知需要等漏斗計時一分鐘後先可打開飯蓋。釜飯入面食材非常豐富，包括有三文魚籽、半熟三文魚、蛋絲和栗子；而到最後可按個人需要倒入熱茶和紫菜一同食用，連同煲內的飯焦一齊食，變成一個茶漬飯，不同的口感不同的食法。感覺新奇和充滿智慧的食法，因為煲內保存的溫度和熱茶再次將飯焦香氣再次帶出，可以令你感受到另外一風味菠蘿青檸特飲裏面有新鮮菠蘿，大大提了整杯飲品的味道，唔似其他餐廳用糖漿加梳打水

岩鹽昨天，森仔同舊同事去左銅鑼灣利舞台果邊食飯。係得銅鑼灣利舞台，環境一定唔差得去邊。果然，入面座位幾舒服，同時幾夠空間。就算2人食飯，張台都唔會好細，欣賞!講反食物先，當日森仔唔想思考咁多，就直接叫左個2人餐黎食，叫二人御膳($488)。二人御膳包括左﹕日本蓄茄沙律、刺身三品、石頭燒安格斯牛八、磯燒鮑魚、味曾煮三文魚湯、鰻魚釜飯。個套餐係幾多野食，同埋個質素好好。日本蓄茄沙律﹕正常野，唔多講，唯一係食落口幾新鮮同清新!刺身三品﹕三品係有2件三文魚、2件帶子同2隻甜蝦。刺身真係好新鮮，三文魚肥美，有口感。帶子鮮甜不帶一點苦。甜蝦亦十分鮮甜，帶有蝦味。吸引人不停進食。同時，佢既擺盤亦十分漂亮，讚。磯燒鮑魚﹕亦會同時放於刺身盤，令到擺盤更加吸引。味道方面，鮑魚亦十分新鮮，唯燒得不夠，有一點冷，如果熱食更佳。石頭燒安格斯牛八﹕E個真係好好食，安格斯牛八燒成5成熟，富有肉汁，入口嫰滑，一個字「正」!味曾煮三文魚湯﹕三文魚湯鮮甜，再加上味曾味道，濃濃的，岩晒我「濃味怪」!!!鰻魚釜飯﹕E個亦係好吸引我的一道，細心的設計，會給予沙斗，讓你計時何時食得。鰻魚的味道很濃，同時亦調味得好好。再配上恰到好

久違了的日本菜日本番茄配上沙律生菜，爽脆鮮甜，加上日式沙律醬汁，成為今晚一道健康的前菜串燒選了合鴨大蔥串燒，充滿鴨肉香味面不膻，京蔥經過炭火洗禮後淨底既係甜味，沒有半點辛辣感覺第一次食天婦羅係沾岩鹽一齊食，有別於過往沾上天婦羅汁的食法，而用岩鹽配上鮮甜的南瓜，卻出奇到合襯蟹肉香芒薄餅卷，薄餅皮薄和十分脆身，而入面包住鮮甜的香芒肉，蟹籽配埋鮮味既蟹肉，三者合而為一，是一款有驚喜的小食餐廳門口設有一個似港式煲仔飯區域，原來就係用黎整釜飯既專區。侍應告知釜飯是有兩個階段，起初需要等待漏斗計時一分鐘，之後先食第一轉。親子三文魚釜飯入面當然三文魚籽、半熟三文魚，而意想不到既係會有我最喜愛既栗子。而第二階段就係將煲內的飯焦倒入熱漬和紫菜，成為茶漬飯。將飯焦剷開後就成為另一道美食，熱茶可以再次帶出飯焦香氣，值得推介

辛苦工作後，當然要食餐好的慰勞一下自己啦，於是今晚就與媽媽一齊食餐好架啦！今次又帶媽媽一起初嘗釜飯為主打的餐廳！地點十分方便就在利舞臺內，飯後還可以行行街呢！放工太肚餓，立刻打開餐牌點菜啦！我們為釜飯而來，當然要點一個啦！餐廳有多種創意料理，很吸引呀！好想全部都試試！Peach Soda 有汽飲品真醒神，飲落有啖啖的蜜桃香味！Lime soda 媽媽愛青檸的清新感覺，好refresh 呢！合鴨大蔥串燒🍢我十分喜燒串燒，但卻從未試過鴨肉串燒！果然沒令我失望，外脆甘香，鴨味十分香濃，滿有咸香味！夾著大蔥一同吃能中和油膩感呢！蟹肉香芒薄餅卷這是一個fusion菜色，用上薄餅包住新鮮芒果、青瓜及蟹肉！味道出奇地夾！薄餅香口，芒果鮮，蟹肉甜及加上青瓜的爽脆，天衣無縫！主角釜飯出場啦！先要等一分鐘，用上沙漏⏳計時，把材料的鮮味與米飯融合！鵝肝帶子釜飯肝鵝煎得金黃，油脂豐富！帶子保持內嫩，米飯也沾有帶子及鵝肝香味！把面層的米飯及帶子吃掉後就可以加入茶泡湯及紫菜，變成泡飯！湯充滿魚鮮味，多了一種食法呢！這是一間很有特色及用心的日本料理，媽媽也表示很滿足呢！🙌🏼🙌🏼

一直都十分喜歡食日本菜，但是從來都未吃過釜飯呢，作為日本菜fans的我，當然要約齊人去開餐啦！岩鹽釜飯就在利舞臺16/F,地點十分方便呢！門口已經看到師傅每個預備釜飯的過程啦！太肚餓當然要立刻看看餐牌啦！種類十分繁多呢！當然餐廳也有多種釜飯去選擇，十分吸引！同樣也有多種創意壽司，喜歡試新野的我們簡直不錯過！可惜第二日要返工，否則必選酒精飲品！日本紫薯蓉伴薯仔沙律🥗很少看到餐廳會有紫薯沙律！與沙律伴在一起十分合襯，混埋魚子一同進食，更有口感！炸甘鯛魚🐟友人十分喜燒吃魚，甘鯛魚炸得很香脆，連魚骨也可以一同吃掉，補充骨膠原！魚味很重，魚肉也嫩滑！主角終於出場啦⋯⋯等到頸都長！鵝肝帶子釜飯🍲鵝肝很肥美，入口即溶！鵝肝味及帶子鮮味整整溶入釜飯內，令粒粒米飯更香更晶瑩！侍應教我們先把第一層餸及飯吃掉，再把木魚湯及茶倒進飯內，變成泡飯！底層的飯有冬菇、蛋絲、栗子及魚仔，層次豐富又有鮮味，完全吃到各食物的原本滋味！是次真的是一次難得的體驗，又可以KO左一樣日本料理啦！

上次喺樓上食飯等位時望落嚟，見到門口一煲煲好似煲仔飯咁好得意，check下原來係釜飯。好奇心驅使下今次嚟咗試吓［芒果奇異蝦卷，$45］呢個壽司卷有足足兩隻大蝦，而面頭青色嗰塊相信係青芒果，整體酸咪咪咁非常清新好味［日本茄子田樂燒，$78］茄子抹上滿滿嘅麵豉醬後拎去燒，好惹味［合鴨大蔥串燒，$35］合鴨肉質厚實，連埋大蔥一齊食更香口，不過略嫌太多油［日本蕃茄沙律，$68］日本蕃茄比較淡味，稍為失望，但沙律菜新鮮爽脆，整體不過不失啦［吉列竹簽魚，$68］竹簽魚魚肉本身彈牙鮮味，炸過後外脆內軟，點埋他他醬就更好味［和風牛肉釜飯，$108］最後當然唔少得呢度嘅招牌食品—釜飯。製作需時，所以都等咗幾耐。呢個「日式煲仔飯」，要焗一分鐘先開蓋材料豐富，除咗有牛肉同蔬菜外，仲surprisingly有栗子。不過隻蛋熟哂，有啲失望... 如果可以另上，焗完後再落就更好鍋底嘅飯焦加入茶同紫菜，又係另一番風味［波子汽水，$25］係童年回憶啊