岩鹽日本料理 (利舞臺廣場) (已結業)

在門外看到師傅製作釜飯的過程, 店內地方寬敞，有多排2人和4人卡座。三色刺身分別有三文魚、甜蝦和帶子, 色澤亮麗, 新鮮非常。最喜愛係黏口肉厚帶子，肉質柔軟相當鮮甜。 石頭燒安格斯牛排, 塊牛排好大塊好滿足。上枱前稍稍將外表燒熟左，之後自己再係石頭上面燒翻岩自己既熟度, 好玩又好食。味噌煮三文魚鮫鍋邊滾邊吃，熱辣辣。用料包括三文魚鮫、蔬菜、紅蘿蔔、京蔥、冬菇、金針、豆腐、芋絲等。招牌釜飯 – 燒鰻魚釜飯, 夠哂兩個人share。上枱時已聞到陣陣木香味, 一打開蓋佈滿鰻魚, 其他配料有栗子、帶子、冬菇等。食左一半後，將壷內的熱茶漬倒入釜飯，加埋紫菜，焗一下，再攪拌均勻，可以做個泡飯。荔枝梳打不太甜, 好解渴。