尚鮮海鮮料理 (已結業)

ＣＷＢ　耀華街糖水同酒吧林立，但你估吾到位於中間既大廈上面成棟都係食肆，　而尚鮮分店亦係其中一間，　是日同朋友係同一條街ＨＡＰＰＹHOUR 後吾想再搵地方食野, 於是三人行一齊去食尚鮮火鍋. 講真如果唔係經過係吾會知有呢間食店. 我地上到8 樓, 入口處會有D日本式既帳蓬 所以後來先知呢間係有少少日本式既打邊爐, 而陳設方面以長方形卡位為主, 卡位坐位舒適, 有CUSION , 而好多卡位亦有一部小電視提供, 吾錯, 店員亦十分有禮, 點野食時亦係接近隨傳隨到既級別.講番食物, 我地三人點左好多野食, 飲品方面點左洛神花蜜, 洛神花同蜜糖係37 之比, 所以蜜糖佔多數, 感覺好似飲緊利賓納甘, 另外, 點左柑桔蜜, 好新鮮少糖, 柑桔落足料, 有哂渣.!之後我地點左蟲草花花膠燉雞腳呢個湯做湯底, 入面當然有蟲草花, 花膠夠滑而且煙UN, 雞腳夠林, 仲有豬骨同瘦肉, 食落感覺補而不燥, 吾錯, 飲左幾碗湯後, 待應將一部分湯倒出黎預備遲下再飲, 另外就再倒湯打邊爐特尚手切牛, 牛肉味少濃, 口感脂肪比例不多, 但亦不算係好多筋肉嗰類, 係整體質感比較平均既牛肉.以180蚊黎講係合理味道

最近去了一間新開的火鍋店，這是分店在銅鑼灣，之前看了九龍佐敦店的食評口碑都好好，除了食物新鮮之外，其中一個特點係食完之後唔會有食物和油煙味，因為這個原因很吸引，便約咪朋友去嘗試吓。店舖的服務員都很有禮貌地介紹給我們的餐牌上的食品，不過好似冇咩特別，都係例牌打邊爐的食材。其實打邊爐最緊要就係食海鮮……的鮮味啫，食材新鮮便可。所以湯底就揀了個清清哋的芫茜皮蛋鍋啦。先來了脆鯇魚、甜薯墨魚丸和芥末籽鮮蝦丸，好鬼彈牙，這樣的配塔效果都好好味，仲有百花釀油條，牛舌就咁睇樣唔多好樣，色澤很暗淡和很dry，放入口前都有點懷疑，但食落就停唔到口，好琳好香，牛味好重，真估佢唔到咁好食! 仲有個新鮮響鈴，新鮮炸起的響鈴，十分之脆，又唔太油膩，D腐竹仲係自家制，兩秒即起，剛剛好，是必食之選。由於本人身有傷, 不能食太多海鮮，只試咗個廣島蠔和珊瑚蚌，蠔就冇驚喜和細隻咗D，但兩樣都尚算新鮮。

去銅鑼灣開左兩個會，有個銅鑼灣同事問我不如一起食飯，佢話不如打邊邊，我話好啊！佢就帶左我去呢間店 -- 尚鮮！因為我地去時太早，所以未有人，但因為無book位，所以無得坐電視位，電視位好吸引，除左可得閒望下電視外，間格到有獨立空間感。同事話少少驚熱氣，不如叫個清啲既莞茜皮蛋湯，雖然佢驚熱氣，我都一於少理，叫左即炸響鈴同釀手打墨魚油炸鬼.即炸響鈴黎到時是有啲暖暖地🌺，一個話驚熱氣的人二話不說夾起放響自己個口，脆喔喔，感覺似雲吞皮。。。食得佢鬼咁開心。而我當然鐘意放落湯三秒半淋半脆啦😂而釀油炸鬼就咁食就好，但如果拎去湯就淋了，唔似我以前試過的煮完都脆.脆鯇魚片魚片十分光澤, 新鮮, 熟左後有啲似鱔片, 魚味濃, 仲啖啖肉.兩種手打丸 一款係甜薯墨魚丸手打墨魚丸包住一啲甜甜蕃薯蓉，墨魚打得爽口彈牙 另一款係芥末籽鮮蝦丸我一向都鍾意食芥末籽，唔供鼻之餘，仲有少少卜卜卜咁嘅感覺，佢地好有創意咁用芥末籽做餡，但蝦丸就無手打墨魚咁爽，有微粉。洛神花蜜洛神花自己沖通常飲都好酸，呢度酸度同濃度剛好之餘，加埋適合既花蜜, 簡直好似飲到2種花香, 甜中又有幽香, monkey 霸住飲=.=田園盛（新鮮茹同菜

踏入九月，開始有丁點兒秋意，朋友喜歡火鍋，就是非我最愛，亦只好捨命陪君子，可知道一頓火鍋可增加之卡路里甚驚人。幸好，新派火鍋店層出不窮，湯頭之變化已成燉湯。新開的店，主打精品海鮮。火鍋店中環境少有的舒適，貴賓房內日本風濃厚，我們就坐在可容4人的卡位。湯頭選擇貴精不貴多環保意識，客人可用可擦走色調的紅筆在餐牌上點菜，無需浪費紙張。調味料應有的該有。蟲草花花膠燉雞腳平日外吃多，甚少煲住家湯，來一頓滋補養顏的是不錯的主意。深褐色的湯頭，藥膳風格，材料十足，味道不算可囗，就是吃其營養。蟲草花豐富，花膠比較硬身，但雞腳滋味，感到膠質黏稠在骨上，豬骨是靚材料，食之有味。大家狂飲數碗湯後，店員加湯作火鍋底。紐西蘭一級＂托托蜆＂，別店少賣，非常大只肉厚，但濃郁的湯頭蓋了點鮮美。白鱔片喜歡白鱔，就是知道湯頭不太適合海鮮亦選。新鮮有彈性，無損美味。牛三併（特尚手切牛，牛柳粒，牛邊位）三款中，無疑中央的牛柳粒最美味，嫩滑中保持牛肉的味道，其次是牛邊位（圖左），牛肉味較濃，同樣嫩腍，反而脂肪多的手切牛（圖右），雖然入口即溶，就欠缺味道。四色丸尚盛與別不同，不以彈牙為叫口，自家製新鮮手打，質感相比街坊的鬆軟。甜

朋友從外國回來，想打邊爐，唔想食大排檔，上網找找附近食咩，火鍋.... 好多....，銅鑼灣....行街買嘢，係銅鑼灣時代廣場附近，行完街、買完嘢，去幫襯，最啱，如果食完時間早，再行多轉時代廣場。百樂中心有好多食店，尚鮮用上了紅色招牌作底色，比較搶眼，容易搵到。去到門口，好似日本餐廳，門外招牌和掛布好有日式feel。時間還早, 人不多, 座位一半都是卡式, 講嘢大聲D都唔怕噪親隔離.食店地方不算好大，但裝修帶有簡潔日式風格，坐位之間尚算寬敞舒適，每個卡位都有獨立電視機，另標榜以海鮮作為主打的火鍋店。飲品餐牌, 啤酒配火鍋, 最佳選擇.日本沖繩生啤，口味清淡，甘甜不會太苦澀味，尤其適合女性朋友。菊花薑蜜，凍飲菊花薑蜜，甘冽清香, 有清熱解毒功效，再加上薑蜜，甜甜地不覺有辣味，有補潤肺燥，非常好。餐牌十種火鍋湯，揀了一款唔係最貴，又唔係最平的湯底: 紅燒魚頭海鮮鍋。自選多種調味醬料選擇，最愛每樣落一些，做一碗 大混醬!紅燒魚頭海鮮鍋，紅燒魚頭大大個，加埋啲海鮮用嚟做湯底，湯奶白色，飲一口已不得了，因湯底味道鮮甜且濃，而且又不覺得有腥味，用嚟做鍋底真的唔錯。魚頭因煎過，所以不太腥，而且面額肉

今日食lunch的時候約左個朋友，一齊去左銅鑼灣食，咁岩有d文件要搵佢簽簽，於是約左係銅鑼灣見見，順便有籍口去到銅鑼灣食野，哈哈。於是簡左呢間就腳既尚鮮。地方好近地鐵站出口，行幾分中就到！其實早在之前已經聽過呢間野既名，只係一直未抽到時間試試。呢間野係佐敦站都有分店，於是今日決定食下！去到門口，環境也不錯，侍應好熱情地招呼我坐下，還主動介紹餐飲餐湯給我嘗試，他們說餐湯是經過精心燉煮的，營養十足。待我朋友到了後於是我就叫左一個set lunch！食set lunch 前按他們建議，叫左一個川貝海底椰燉湯。個湯份量十足，除左湯味濃郁，裡面仲有足料湯渣，雞腳，海底椰等等。果然真材實料！岩哂最近轉天氣，開始有d咳嗽既我飲！可以潤肺止咳：）侍應果然係好推介。他們仲話湯款期期都唔同，下次一定要試試其他！Set lunch方面簡左魚生飯，上碟時魚生整得十分精緻。有三文魚，生蝦，帶子同吞拿魚，格離仲配上開胃既沙律，仲送埋飯後既一碟小水果。周全細心既配搭令人食得健康之餘，都十分飽足。侍應亦都細心地介紹他們有不同的火鍋沙底，夜晚可以同成班朋友，一齊黎打個燉湯火鍋邊爐：）如此新穎的idea 都未曾試 過，一

這晚跟友人相約來到銅鑼灣飯聚，餐廳地點則按友人的要求，選了位於耀華街食廈百樂中心，以精品海鮮火鍋為主打的尚鮮火鍋海鮮料理。由於百樂中心食肆林立，加上晚市時間人流甚多，我們在樓下排隊乘升降機上樓亦用上十分鐘，加上天氣炎熱，真的不太好受。可能因為新開沒多久的關係，來到火鍋店時還沒太多客人，我們兩人可以坐進舒適的四人卡座，真好！入座後，我們就毫不猶疑地選湯底，點飲品食物及火鍋配料。凍西檸蜜 $42每天不同款式的自家製飲品，西檸略帶微酸，加入清甜潤喉的蜜糖，清新得來夠滋潤。醬油味料 $15/位雖然醬油味料的選擇不算很多，但基本的還是齊全。章紅魚刺身 $208店員推介的是日新鮮刺身，章紅魚薄切份量不少，口感爽脆而略帶黏稠，雖不及油甘魚般油香滿溢，但仍不錯。蟲草花花膠燉雞腳 $178雞煲吃多了還是會膩的，於是這是選來的精選火鍋湯底是一鍋養生燉湯;非常足料的蟲草花花膠燉雞腳喝來火喉十足，材料的精華完全融入湯水之中。喝完燉湯之後，店員會把湯渣勺出來，裡面還有不少花膠呢！至於有剩的湯，喜歡的話店員可以提供保温盒把燉湯外帶回家。蟶子皇 $58/隻蟶子皇輕輕灼熟即可，入口充滿鮮味，嫩滑爽脆。四色丸尚盛 $8

近年來甚少外出吃火鍋 只會跟家人在冬天在家吃火鍋一是怕外面的任食或半任食火鍋所提供的材料及湯底質素參差二是怕跟其他人坐很近吃火鍋及渾身火鍋味但這次朋友提議了去嘗試一家主張無煙火鍋的火鍋店.餐廳安排了我們坐在卡位基本上差不多所以位子都是卡位或獨立廂房每個卡位都有一部電視機方便不同的客人跟親友們邊吃火鍋邊聊天邊看自己喜歡的電視節目 .醬料一早放在桌上 供客人在吃火鍋前調好屬於自己的火鍋醬料而且提供了九款：辣椒、生蒜、乾蒜、芝麻醬、沙茶醬、醋、麻油、蔥花、香茜.湯底方面點了川貝海底椰燉響螺湯 ($178)來到的時候香氣撲鼻 嗅得到是足材料的湯再用湯匙舀了一下 見到有響螺片, 雞腳, CROCODILE肉, 川貝, 海底椰 等等再喝一口試試看 很甘甜 嚐得到是一個足料的湯我跟朋友們都忍不住在吃火鍋前喝了兩碗而且這不是味精湯 喝了兩碗跟吃了火鍋後都沒有一直覺得口渴 大讚! .先點了一些海鮮 紐西蘭一級 “托托蜆” ($138)每一次都很大隻 打開殼後蜆肉都是很大隻味道鮮甜 還帶有一點海水味! .再來的是廣島蠔 ($64)這是我每次吃火鍋都要吃的食物廣島蠔都挺大隻 而且煮沸後都沒有 “縮水”

隔一條街, 人流差天共地, 與時代廣場的熱鬧情況相比, 完全是另一個世界, 優閒好多.友人在隔離大廈工作, 最熟架部, 帶路食火鍋, 轉過了後門, 到達近年興起的"樓上食店"大樓.出電梯門, 即見垂下的門口布, 紅白相輝, 好有日式餐廳feel.店員安排我們到大型卡位, 長木凳, 厚身cushion, 雖然高了少少, 但軟熟, 坐得好舒服.去過沖繩, 必定參觀過ORION啤酒廠, 好特別的一間啤酒製造工廠, 開放給所有人士參觀, 也是沖繩最受歡迎的景點之一. 餐牌提醒閣下, 最緊要檢查, 啤酒泡, 有沒有達到1吋的標準.Orion 生啤 ($48/500ml), 上檯, 哦..... 一吋踭少少.....  Orion 的啤酒屬於"發泡酒", 是日本才有的特殊產品, 專為逃避啤酒稅而發明的, 但推出市場後大受歡迎. Orion生啤, 口味比較清淡, 入口微微甘甜, 十分適合女士. 菊花薑蜜 ($45/瓶), 甜度中等, 輕輕菊花香, 第一啖, 未覺太重薑味, 吞下, 第二啖, 薑味開始在喉嚨發揮作用, 微微的辣, 感到異常的清爽.打邊爐基本法規定的醬料全都有齊: 必定有的豉油、增強味覺

今次來到時代廣場後面，酒吧林立的酒吧街耀華街百樂中心8樓的<<尚鮮火鍋海鮮料理>>。門口裝修得很日式。走進去，內裡也是日式風格。港人最愛的卡位也有很多。坐下來除了菜單外，還會見到一枝MARKER。好奇下，問了店員，才知道是用來叫菜的，店家用的是環保MENU，在菜單上想叫那一款，就劃下去。抵讚!!坐下來先叫了柸<<沖繩生啤>>，你懂的。 然後侍應就拿來了打邊爐必備的醬油盤來了。有辣椒，芫茜，胡麻辣，生蒜，蔥花，醋，沙茶醬，乾蒜，麻油。讓大家大撈特撈。湯底<<蟲草花花膠敦雞腳>>很快就上檯。這個湯底跟平時的有很大分別。首先他是燉的，不是\是滾湯。相對起來十分健康，可以在正式打邊爐前先喝喝這燉湯來下火滋潤。此湯底不得不提的當然是其材料，有蟲草花，花膠，紅棗。當然還有雞肉。 未飲湯時都會聞到很香的湯味。先飲頭啖湯，很香的雞味，湯又不油。蟲草花，花膠及雞肉都很足料。淨飲湯都很回味。加入湯後，就可以開始邊爐模式，配料陸續來到，當然牛肉是不能少的喔。<<特尚手切牛>>，一塊

三五知己烚下烚下，幾時都話打邊爐對食材要求最高，因為冇得用咩味道去遮掩食材唔新鮮，所以打邊爐一淥就知龍與鳳，知道食材新唔新鮮。銅鑼灣尚鮮店如其名，真係幾新鮮。可能新開關係，我哋八點零鐘walk in都有房坐。打邊爐最鍾意就係食海鮮，湯底就揀個龍皇海鮮鍋啦。裡面有大蜆、蝦、蟹、聖子等等，湯底偏橙色，好明顯就係蝦膏蟹膏煲到出晒味～襯未加湯之前飲咗兩碗，非常鮮甜。隻蜆都唔野少架，大大隻。等緊湯頭滾嘅時候，食啲小食先～百花釀油條：將手打蝦膠釀入油炸鬼，炸到熱辣辣，咬入去既有油炸鬼嘅鬆脆，又食到彈牙蝦膠。燒芝士竹輪就係類似吉X家果啲，不過燒到芝士融晒。生蝦！新鮮，爽口，個汁調到好辣呀終於野食到～牛三併顧名思義有三種牛，肥牛、手切牛肉、安格斯牛柳粒，最欣賞手切牛肉，薄度啱啱好，牛味濃。層層疊午餐肉個樣就過癮喇，食落都有唔少火腿係裡面，切成條狀好快有得食喇！其餘冇影到嘅稻庭烏冬、牛頸脊、脆鯇都值得一試。

同覓食女子組出發覓食，本身我就扭緊話要食泰國菜，不過最後就去左打邊爐，因為女子組話佢個冬陰公湯底好出色，好啦禁我就試一試啦！基於有人吾食辣所以叫左個鴛鴦湯，不過我重點係個冬陰公到，真係不得不提，個湯酸辣適中！仲有幾件大大隻嘅蝦！鮮味出曬黎！有D餓，所以叫左兩個小食頂頂胃，叫左個炸田雞，熱辣辣上枱，田雞脾又滑又甜，正！焗蠔雖然很四隻，但係絕對可以安歌一次！鮮甜吾腥！一啖一隻岩岩好呢個牛塔不得不提，有三四款肉，全部都牛味濃郁，最正就係個牛柳粒，用黎打邊爐都吾un口，可以一人幾粒都吾錯！芝士竹輪吾係到到有，估吾到呢到一碟有八粒，芝士味濃絕對好食過快餐店個D...呢個丸，全部都内有乾坤！因為粒粒都有"心"，最正就係牛肉丸配蛋黃！雖然有D罪惡感不過都要食反兩粒！酒就一般般啦，可以更好！

剛剛星期日去了銅鑼灣新店.老板超細心介紹呢個 蟲草花花膠燉雞脚湯,還叫我們先喝一喝頭湯先，一飲就知道咩叫心機,正爆!!!尚鮮好有心意，老板會慢慢介紹和分先後送上我地order火鍋料,呢隻蜆我都未見過，紐西蘭 托托蜆，冇沙，一流。真係平$888，成條大象拔蚌刺身，係銅記火煱收咁價錢，冇説話好講，👍👍四色丸尚盛，全部人手自己打丸，冇渣，好爽。重頭戲，我地order 牛尚盛，收＄368真係份量夠多，好似 High tea 咁，分哂先後，一個價錢，三種吾同品種牛肉，真係正  尚鮮冇行貨抵食，上火鍋食物分哂先後，讚呀一定再去.

岩岩present完，成team人即刻輕鬆番晚去打個邊爐先！係客office附近見到有間火鍋店即刻上去睇下有無位。可能時間尚早同埋新開，馬上有枱俾我地5個人。俗語都有話打邊爐最緊要個爐啦！咁個爐上面就緊係要有個湯啦，阿姐很豪氣地叫左個龍皇海鮮鍋＄398成個湯係橙黃色架，原來係因為啲龍蝦膏浮晒係面，野都未淥就飲啖頭啖湯先，一個字「鮮」！聞落已經知足料，係飲得到既精華，非常香濃鮮甜。入面有好多唔同款既海鮮，蜆、蝦、聖子等...全部都係新鮮料，尤其蝦肉十分彈牙！個湯未滾起先黎啲小食，有呢個百花釀油條同埋燒芝士獅子狗，即叫即製，熱辣辣，蝦膠釀係油炸鬼上面，特別得黎又幾好味！配料都係叫啲平時食開既，脆肉鯇、炸魚皮、午餐肉等等都唔錯。午餐肉仲要擺得咁精緻，可以邊玩層層疊邊食喎。重點係呢個牛三併＄268，下半份係手切牛肉厚身啲但牛味濃郁，上半份牛肉既油脂分佈平均，薄身入口即溶，上面牛柳粒都好味不過就有少少韌。不過呢個價錢黎謂份量好似少左啲，每人都係食2、3塊咋...仲有小姐大愛既稻庭烏冬呀＄42有2大個，抵！仲要好彈牙煙韌！麵條索晒個海鮮湯底既日月精華，very nice!呢到同一般火鍋店唔同，除左