尚鮮海鮮料理

营业中

休息中

提早慶祝父親節，爸爸想食火鍋就帶他去我們經常去的尚鮮火鍋海鮮料理，喜歡這裏的火鍋材料非常新鮮而且每一位店員非常細心及有禮貌。餐牌上亦有些優惠套餐選擇👍醬油亦多種選擇。川貝海底椰燉鱷魚肉湯這個湯非常鮮甜亦都很有益處，材料十足，店員建議我們先飲湯後打邊爐，每人大約飲了兩至三碗👍活蠔眼見很多枱都點了生蠔🦪，我們就點了四隻，蠔肉新鮮肥美簡單加入檸檬汁已經很好食😋鮮打四寶丸有牛丸、蝦丸、豬肉丸和墨魚丸，手打丸最吸引之處是每粒都很新鮮彈牙又多汁😋手切安格斯牛牛肉味濃，油脂分布平均，色澤又靚，肉質鮮嫩。五味豚併盤一向不吃牛肉的媽媽很喜歡這個拼盤，十分適合她，有五花腩，扎肉，豬潤，豬皮和豬紅，豬皮吸入濃湯非常入味，豬肉肥瘦適中，豬紅食落煙韌不會一夾就散😋田園盛（有機）顏色豐富繽紛，有羅白，粟米，蕃茄及兩款蔬菜🥬樣樣新爽口👍

朋友口痕話好耐冇食過海鮮叫我推薦，我醒起早排有人同我推介過一間佐敦私房菜火鍋店話正到爆，野食高質服務又好，唯一係位置大隱隱於市，咁我就問清楚地址，其實就唔難搵，不過可能係樓上舖所以平時少人留意到 仲有唔少酒可以配火鍋，可惜最近飲得太多今晚就唔叫住 朋友嗜辣我就唔多食得辣，一個雙拼鍋底（血池麻辣湯＋98三高菜什菌素鍋）岩哂我地話明食海鮮我地要左份生壕，真係要讚一讚，入口零腥味，比起日料店有過之而冇不及，非常新鮮 燒牛舌-我的最愛，呢間燒得非常入味，牛舌質感肥美厚實，推薦！另外不得不提係特尚手切牛（$180）一睇牛既花紋顏色就知係靚牛，入口完全冇肉渣，食肉獸好滿足^_^連蔬菜都係靚料！超級大份有齊五種有機蔬菜，五顏六色咁好吸引，食落更覺鮮甜，咁多有機靚菜都係$86，三四個人食都絕對足夠  真心推薦呢間比大家，舖頭服務態度好好，成個用餐體驗令人好滿意，而且食物種類多，海鮮火鍋同燒烤樣樣齊

打邊爐幾時都係香港人嘅最愛！今次我就同朋友一齊去咗佐敦樓上鋪頭嘅邊爐，佢哋環境裝修都有心思一入去就見到好多海鮮好生猛真係見到好多龍蝦！呢度嘅調料都有好多！蒜蓉、海鮮醬、芫荽、芝麻、香油、辣椒、蔥等等最先食嘅係生蝦六隻全部都好新鮮而且鮮甜，再加上呢個特製嘅泰式醬料，酸酸甜甜好開胃！好快就有湯底，上咗一陣濃郁的松茸味，裏面仲有冬瓜～滾左之後迫不及待就要試呢個手工切安格斯牛肉，刀工好好厚薄適中而且香濃牛肉味！見到雪花紋已經好心動～脂肪分佈啱啱好！脆脘魚片份量啱啱好，咬落去爽口，有彈性，魚肉肉質鮮嫩！再食埋呢個炸響鈴同埋百花釀油條，響鈴浸喺湯底裏面好味道而且吸收晒啲精華，油條裏面有蝦滑！原來呢個搭配都真係好唔錯架～不過記得唔好煮過龍啊！田園裏面有生菜、娃娃菜、粟米、蘿蔔等份量都好足夠而且新鮮！我哋仲食埋西洋菜香菇餃，裏面有少少酸味都幾特別，而且呢個餡出邊好少見到，搭配得啱啱好！木耳鮮蝦雲吞，鮮蝦好多同埋新鮮，食完之後都更加飽肚啦！下次都會再想同朋友上嚟聚會談心💕✨

係屋企坐咗好耐之後突然間超想去食火鍋，但係因為最近減肥嘅原因想食啲養生啲嘢，於是左搵右搵，最後尾決定咗黎試一試呢一間有養生火鍋嘅私房菜。叫咗一個養生火鍋，湯底要咗佢推薦嘅蟲草花花膠燉雞腳，咦又真係幾足料喎，而且啲味都好夠，唔會話好水，我同朋友飲咗好多碗，仲想繼續飲添！然後打邊爐叫咗啲丸、肉同埋餃，呢度特別想講吓啲肉，其實不嬲都幾鍾意食肉，特別係打邊爐嘅牛肉，係個湯底涮完之後蘸上根據自己嘅口味而特製既醬油真係一流！而呢度嘅牛肉又真係幾好食喎，其實一開始佢拎過嚟嗰陣睇到佢啲色澤就已經覺得幾吸引，然後食落去都唔錯，幾嫩幾滑，係比較推薦嘅菜式。然後佢啲餃都好好食，食得出啲食材係好新鮮嘅，同埋係人工手製既，總而言之都算唔錯。

由於新冠肺炎疫情嘅原因好耐都冇出去食飯啦，係屋企呆咗好耐之後今次終於約埋朋友一齊去食餐好嘅，然後上網就有見到呢一個海鮮火鍋x私房菜，仲有串燒食tim！一入到黎覺得個環境都唔錯，唔會好嘈，唔係好大，但坐都得幾舒服，有啲似小品嘅私房菜館。叫咗個蟲草花膠燉雞腳火鍋湯底，個湯好足料，味非常濃厚，對於鍾意飲湯嘅人來講真係一個good news，而且仲比較養生，好加分。飲完湯之後就會喺個湯底度加水，用嚟打邊爐，我哋叫咗唔少丸呀肉啊之類嘅，例如牛丸啦，四寶丸啦，仲有一個雙併餃子，係西洋菜香菇餃拼木耳鮮蝦雲吞餃，全部都係鮮打手製嘅，真係幾好食，好新鮮好彈牙，皮薄餡靚，不過要小心千祈唔好煮得太耐喎。最後仲叫咗啲串燒，同埋一個青檸梳打蜜，梳打蜜幾好飲，幾清新。

係網上見到哩度推介串燒，所以放左工同朋友黎哩度邊吹水邊食野，我地叫左幾款串燒，朋友見到哩度原來都有新鮮魚生食，突然想轉，店員推介今日新鮮的海膽，於是朋友就諗到叫份帶子配海膽食下。食物係即時燒煮的，所以等左20分鐘左右先開始有得食，第一款出場係土匪雞翅，黑膝膝中帶金黃色彩，咬落脆口有孜然味道，其它串燒都上枱了，店員提醒要小心享用芝心牛丸，剛剛燒起咬落會爆醬，要小心辣親小嘴。我地一邊吹水，一邊食，玉子棒棒好似塊蕃薯一樣，而雞肉和牛肉都好嫩口，至於個台灣腸本身都好野味，燒一燒更香口。朋友叫的鮮帶子配海膽上枱，望落似隻荷包蛋，因為嚿帶子好雪白又大塊，朋友食完話好新鮮，正。只係食串燒我覺得唔飽肚，我就叫多左個藥膳花雕雞煲同燒野菜配飯食，花雕雞煲的湯好重藥材和酒的味道，飲落好舒服，除左雞同藥材，當中仲配埋好多黑木耳一起煮，食完感覺個身當膛暖洋洋，朋友連個湯都飲埋，一滴都唔哂，燒野菜係用錫紙包住黎燒，所以個底會有點乾同燶，當中主要係油麥菜同娃娃菜，仲有些蘿蔔。食完都差唔多飽，於是埋單返屋企。

尚鮮已經不是第一次幫襯了。👍👍👍最吸引我回來的當然是他們的招牌菜，象拔蚌刺身😋😋😋新鮮，是唯一1️⃣及最重要的原因！另外，最喜歡的是他們的湯底，蟲草花膠湯♥️是我比較常選擇的，這裡主張先飲完湯才打邊爐，因為每個湯都落足心機製作的😍。是關有朋友是素食者🥬，我們都特別是挑了一個蔬菜湯底🍅給他，有點像羅宋湯的口味，非常清甜，絕對不比葷類的遜色。而且，素食選擇挺多的，特別推薦大家試試未來肉的菜式，有一個是釀大菌，還有素餃等，都不錯啊！😋😋這裡還有燒物、小食，夏天怕打邊爐太熱可以試下，我最喜歡的是釀油炸鬼😍牛肉也非常新鮮😊非常豐盛的晚餐，和朋友相聚之選。因為疫情，現在還有外賣，可以輕鬆在家打邊邊了。👍👍👍

今日係佐敦搵左間私房菜食晚飯。就咁聽個名,最初以為係得火鍋食,不過除左火鍋外,仲有啲set dinner,方便有選擇困難症嘅大家,包括我🤓 我地揀左精選晚餐料理,總共有八道菜包括湯同甜品。落單之後，食物都好快黎到👍🏻 打頭陣嘅係盅海底椰燉湯,都幾足料！ 🤤 然後就係刺身拼盤，有比較少見嘅章紅魚🐟 帆立魚仲有鮑魚。 三種刺身都好鮮味，而師傅都好貼心幫我地將鮑魚切開，方便我地食用。跟住下樣係蒜蓉燒生蠔，有蒜蓉嘅香味但同時亦有蠔嘅味道，唔會好似有啲串燒咁只食到醃料嘅味道😬 跟住嘅菜式分別有醬油煎封海蝦、煎牛柳粒仲有烏冬、炒雜菜以及一毎桂花糕做甜品作結。值得一讚嘅係個道煎海蝦🦐 蝦大隻之餘師傅將佢煎到脆卜卜，連殼食埋都唔係問題！另外，我地叫左個蜂蜜青檸梳打，酸酸甜甜，正好中和一下多道菜帶來嘅飽滯感🤩

We wanted to try a quiet place where we could chill and have skewers near Jordan, and happened to stumble across this place on openrice. When we sat down, all other tables were already full, which was very surprising as it was a Monday night. There was a huge variety to choose from, and in the end, we were only given a few skewers and a bowl of udon noodles between 2 people. The skewers we got were (from left to right): the eggs (tamagoyaki), minced chicken, chicken kidneys, whelk, squid. The eg

今日放工同朋友搵左間樓上鋪試下，我地6點半就上到去，唔使等可以直入，間野環境都幾舒適，岩晒三五知己食飯傾計。食物主要有三大類，除左海鮮火鍋，仲有刺身同串燒，因為唔係太肚餓，最後叫左一堆串燒試～日式味噌蠔湯：第一個感覺係超多蠔勁正，仲要隻隻都肥美多汁。而且個湯好濃蠔味，鐘意食蠔一定唔可以放過！芝芯麻薯：口感煙韌，淡淡芝士味，不會太膩。魚肉燒賣： 味道不錯，但相比其他串燒我覺得普通左少少～土匪雞翼：燒得好香，好有孜然味，而且一碟2隻，好容易分～雞皮墨魚卷：雞皮燒到好香口，包著彈牙嘅墨魚餡，超好食！必食！燒雞肉＋燒牛肉：燒雞肉質好嫩，而燒牛肉又入晒味，正！蒜香炒野菜：好重蒜香味，啲菜唔會炒得太老，而且份量足夠。食完之後怕熱氣，最後再加左2杯洛神花峰蜜同青檸梳打峰蜜，酸酸甜甜，食得非常滿足！食左咁多野 最後每人都係$200左右 

坐落係佐敦的隱世火鍋店，見網上咁多好評，今日決定黎試一試！入座餐廳都算闊落，平日晚市唔算太多人。我地叫左兩款湯底，麻辣湯底同冬瓜湯底。冬瓜湯底喜出望外，香濃甘甜，d湯渣都食得。老闆話冇落到味精，唔錯！至於麻辣湯底一開始食都唔算辣，不過越食越辣，都幾惹味。上菜之前會上個調味架俾我地，頗高級。手切安格斯牛幾新鮮，口感彈牙。落清湯滾岩岩好帶到個牛味出黎。豬紅就落麻辣湯底會正啲，滾完出黎食辣辣地好惹味。脘骨腩一出黎見到厚切已經吸引，口感脆脆地彈牙，食落去都幾新鮮。日本葛絲就意外地好食，好中意落麻辣湯底滾到佢有啲似酸辣粉咁食。我地又試左幾款串燒，最驚喜係個芝心牛丸，一咬落去即刻爆芝士汁！照燒雞翼就外脆內嫩，好好食。燒賣就正常水準。整體黎講都係滿足的一餐，可以一再幫襯！

今日係佐敦行街，行到熱熱地搵到間樓上鋪坐左陣。叫左個串燒拼盤，$１６８係抵食，有牛脷，蠔，大蝦，獅子狗，安格斯牛同埋粟米。串燒落左好多香料，燒到好香，一放落枱我口水都流埋。燒蠔真係抵，出面食既蠔係燒到蠔肉好細粒，但依間既蠔肉好大舊，好有蠔味，新鮮。 兩隻串燒蝦d皮脆到我可以連皮食埋，蝦味夠，唔會燒到乾哂，好食。 安格斯牛柳真係經典，好軟熟，多汁，食一串係唔夠，一定要食番兩三串先夠，佢調味得好好。 牛脷彈牙，拎黎送酒慢慢食就岩。 跟住我就叫左個毛血旺。 最主要我想講既就係佢好夠麻味！個湯順喉，飲少少都唔怕。不過豬皮可以剪細舊少少就最好。　我最鐘意食佢既豬紅，豬紅有豬紅味唔係咁易，唔會一夾就散，真係幾唔錯。

好耐冇食打邊爐，今日同朋友去左佐敦到食打邊爐。魚缸入面有好大隻象拔蚌啊！呢度有唔同既火鍋套餐，我地好鐘意食海鮮，所以就揀左星級之選套餐。我地揀左姬松茸冬瓜同土鄉芫荽青湯。呢兩個湯底都係清清地但又好香，尤其是芫荽湯，芫荽fans唔好錯過啊！可以自己調醬汁。首先係呢個冷盤，冷盤係清酒鮑魚同埋泰式生蝦。海鮮方面，有海蝦、聖子皇、鱔片同大蜆，，全部都好新鮮，超豐富啊！仲有手切安格斯牛，滾幾滾就食得，有好香濃既牛肉味！仲有好多其他火鍋配料，有新鮮既手打豬肉丸同埋墨魚丸，仲有木耳鮮蝦雲吞都好正！朋友超鐘意食豬紅，我就普通，所以比哂啲豬紅佢食，佢食得超滿足！仲有時令蔬菜野菌盒，夠哂健康！主食方面，我地揀左日本葛絲，都幾特別。

今日約左朋友係佐敦，見佐敦都好有間串燒鋪，但又想食少少海鮮，所以就揀左呢間尚鮮試試佢🤪🤪呢間鋪係樓上鋪，不過都係搭一層樓，都算就腳😎入到去地方都闊落，坐得都舒服，冷氣好夠，打邊爐都唔會覺得熱😃餐牌有好野揀，串燒、火鍋、刺身、小炒都有，所以岩晒一班人黎食☺️不過我地兩個人就叫左啲串燒，一個清酒煮蜆同埋炒個菜咁😛😛串燒黎講呢間真係燒得用心同埋好食😋👍🏼即叫即燒，最特別就係個芝心麻薯，煙煙韌韌😻夠晒彈牙，熱辣辣食一流👍🏼👍🏼另外推薦既就係燒土匪雞翼，佢唔似其他鋪頭淨係得孜然味，反而燒烤味好出，外脆但入需好juicy😍😍👍🏼唔想成餐咁熱氣，我地叫左個清酒煮大蜆🐚啲蜆真係好大隻厚肉，新鮮😋😋下面仲有啲類似薯粉既粉俾你連湯食，咁就唔駛成餐都係肉😛總括黎講，放工小聚幾合適😉

升級自選套餐$328一位呢款套餐係專比一啲唔係好想諗食咩嘅人選擇即是像我這款🤣🤣咩都想食一啲首先黎個冷盤先有清酒鮑魚、泰式生蝦 大大隻嘅生蝦配上蒜片同埋辣椒🌶️片。呢個套餐可以揀兩款唔同嘅湯底我哋今次就點左姫松茸冬瓜湯底加血池麻辣湯底有辣有唔辣，任君選擇！麻辣湯底真係幾正，少少麻夠膽可試試。海鮮方面，有海蝦，聖子王，鱔片仲有大蜆令人驚訝嘅大海蝦，大片聖子我最鍾意嘅係新鮮又彈牙嘅鱔片。一嚟到見到手切安格斯牛吸引着，啲牛真係好靚，脂肪分布好平均，食落真係超有牛嘅味道到我最鍾意食嘅丸子同埋餃子啦，上碟方法真係好特別，係用cup cake stand 放上絕對係港女打卡必備❤️❤️❤️唔好笑我大鄉里，真係影咗好多張相。佢啲雲吞真係好特別係木耳鮮蝦雲吞有健康，食落入面嘅蝦仲好新鮮彈牙。喜歡食內臟嘅人有福啦，因為呢個套餐入面有埋珠江豬血同埋豬皮 ，配辣嗰個湯底就最適合呢最尾叫埋個到庭烏冬就啱啱好夠晒飽又滿足。服務員招呼都好周到係咁幫我夾油同埋清理碗碟唯一不足之處係呢度冷氣唔夠大。呢個套餐加$38有啤酒同汽水任飲， $58更加有埋清酒汽水任飲，今次揸車無飲酒，下次有機會再黎。