尚鮮海鮮料理

营业中

休息中

想同朋友靜靜地邊爐又有啲空間感，就嚟咗呢間高質嘅樓上火鍋店。見呢個星級之選套餐都多嘢咁，所以我哋就叫咗呢個set!配料都有好多選擇我哋就揀咗血池麻辣湯同埋有機田園雜菜湯泰式生蝦同清酒鮑魚都好新鮮！鍾意食泰國嘢嘅話應該會好鍾意打邊爐當然唔少得牛，仲有大大片手切安格斯牛豬三毛之中，其中一樣就係豬紅，養生之選呢度仲有鱔片、大蜆、海蝦等等嘅海鮮，全部都好新鮮，好鮮甜食得多肉仲有啲蔬菜調解吓，其中呢個時令菜蔬野菌盒，最鍾意就係粟米嘅甜味佢哋嘅鮮打豬肉丸同墨魚丸都好出色！豬皮吸收咗湯底嘅精華之後，更加滋味之前以為呢啲葛絲食落好似薯粉咁飽肚，但食落就知原來佢一啲都唔濟，不知不覺食哂都唔會太覺頂胃，啱晒我今時今日嘅平價任食火鍋雖然好普遍，但要有質素嘅嘢食同埋有空間感嘅地方就唔多，想同朋友食飯坐耐少少傾吓偈嘅話，不妨考慮吓呢度

價錢偏貴我地2個人叫左2個差唔每位400蚊海鮮既套餐，套餐黎到發現好少野食同埋都係平價食物(4塊豬皮、4條芝士腸、4塊豬潤、4塊豬紅、4粒丸、2扇貝、2塊魚片、2粒蜆、2塊珊瑚蚌、雜菜盆和大約10塊牛肉)，見咁少野食想叫串燒點知要乜冇乜，叫左幾樣隔一陣過黎話冇再點再過一陣又話，差唔多成半板串燒餐牌係冇既，個人認為食物質素一般。最後2個人埋單成為1200。雖然400套餐一個人唔係話咩錢但都唔係比啲咁既食材比客人啦，唔係無腦黑只是個人經歷。

想吃火鍋，找了一家樓上店，坐得更舒服，可以邊聊邊吃慢慢享受。兩個人點星級之選套餐剛剛好，指定時段有免加一收費。前菜清酒鮑魚和泰式生蝦，精緻又開胃的冷盤小食。火鍋醬油配料選擇多，加了大量生熟蒜和個人最愛的芫茜。火鍋湯底四選二，選了血池麻辣湯和姬松茸冬瓜湯，麻辣湯惹味又刺激，配上香料令辣味更有層次。姬松茸冬瓜湯可以直接飲用，超級足料，姬松茸大隻厚肉，湯底味道濃郁，加了幾次上湯都不會變淡。手切安格斯牛色澤鮮紅，雪花分布均勻，口感滑嫩。海鮮拼盤賣相吸引，食材看起來都很新鮮，質素頗高。煮過後都沒有縮水，肉質爽口彈牙，富鮮味。鱔片輕輕灼過後很脆身，配麻辣湯夠入味。套餐提供2人份量的火鍋配料，木耳鮮蝦雲吞餡料多，鮮蝦新鮮彈牙。黃沙豬膶粉嫩爽口，手打丸也有誠意，質素高。蔬菜拼盤夠豐富，只是菜類都已經有三款，新鮮同時處理得很乾淨。最後以冬瓜湯配日本手打烏冬作結，很滿足的一晚。

今晚在家食好西！上網見到尚鮮有個住家火鍋 2人精選套餐，啲食物好似都好正好豐富！有姬松茸冬瓜湯，有豐富海鮮盛1盤 (帶子,大花甲,海蝦,白鱔片,廣島蠔)，有超正嘅手切安格斯、黑豚片、黃沙豬潤、自家制四寶丸、手工雲吞西菜餃同埋新鮮蔬菜！調味料亦準備好！外賣嘅湯底包裝好靚，用保溫嘅袋裝住，拎到返屋企都仲暖粒粒㗎！湯底唔係剩係得水，連湯渣都俾埋你，好有誠意，同喺堂食打邊爐嘅感覺一樣㗎。海洋好正，大大隻海蝦同好厚肉嘅帶子非常新鮮好味！白鱔亦係好味推介！二人份嘅手切安格斯份量唔少，好高質，牛味重，口感正！仲有其他嘢都好好食！其實套餐啲嘢食已經多到食唔晒，不過湯底太好味，我哋最尾仲煮咗個烏冬，飲多兩啖湯！外賣自取有額外優惠，送多份安格斯牛，仲可以75折散點火鍋餐牌 (牛肉/丸餃/配料/菜蔬)。下次可以再嚟買外賣打邊爐

今次嗌咗一個鴛鴦鍋，分別俾尚鮮血池麻辣湯同姬松茸冬瓜湯~兩款湯底都好正，麻辣湯底夠辣夠香濃，而冬瓜湯就夠鮮甜😍-​🔖手切安格斯牛💰209牛肉雪花分佈均勻~肉質鮮嫩，牛肉味夠香濃🐮有入口即融嘅感覺🤤💫推薦指數: 9/10🔖鮮炸脆響鈴🌟💰55嗌響鈴嘅話會等耐少少，因為真係新鮮炸起，熱辣辣😍響鈴大大舊脆卜卜，滾1-2秒就已經可以，會索哂啲湯汁，好食🥰💫推薦指數: 9/10🔖有機菜芯苗💰39菜芯苗夠新鮮😋同姬松茸冬瓜湯好夾添🤩鮮甜味🆙🆙💫推薦指數: 8/10​🔖鮮打四寶丸💰86四寶丸分別有牛肉丸、豬肉丸、鮮蝦丸同墨魚丸😋各款肉丸都係自家手打，爽口彈牙🙌🏼絕對係必試推介☺️💫推薦指數: 10/10🔖黑豚肉片💰55擺盤精美，將一塊塊黑豚肉片砌成一個花形，望落去已經夠吸引☺️油脂分佈均勻，食落去唔會有油膩感😋💫推薦指數: 9/10🔖豬皮拼豬紅💰51呢個配料就正正常常，唔會有咩好大嘅驚喜🙈不過值得一讚嘅地方係豬皮爽口彈牙🤗鐘意食豬皮嘅朋友都可以嗌😆💫推薦指數: 7.5/10-🌟餐廳推薦食品

今日嚟到佐敦呢邊食dinner~睇到呢間火鍋料理餐廳好評如潮👍🏻就想嚟試吓😆餐廳係幸福商業大廈嘅樓上鋪，入面幾闊落～坐得幾舒服🥰同埋餐廳而家做緊優惠👏🏻而家喺沖繩生啤祭🤗買啤酒禮拜一就買一送一，禮拜日就買七送七🤣餐廳播嘅歌都幾relaxing~一坐低揀好火鍋湯底同食物之後，職員就會俾你選擇唔同款式嘅醬料😍鍋底雙拼($165)火鍋底係鴛鴦鍋☺️一個麻辣湯，令一個係以茶底為主嘅火鍋👍🏻血池麻辣湯好適合鍾意食辣嘅人🤣好香濃嘅辣椒味😋浸啲火鍋料入麻辣湯，食落一開始有少少辣，後勁凌厲，有麻辣嘅感覺😆真係幾正👍🏻98三高茶什菌素鍋比較清淡嘅鍋底😆適合鍾意健康飲食嘅人☺️以茶包作為湯底，仲有好多蘑菇🤣浸左火鍋料入去，出嚟有淡淡清香嘅味道😋而且仲可以中和麻辣湯嘅辣味👍🏻雙拼餃子($96)係餐廳手工整嘅餃子😍西洋菜香菇餃食得出新鮮嘅豬肉味，幾香滑😋一咬出嚟仲有肉汁流出添💕木耳鮮蝦雲吞嘅蝦肉好新鮮👍🏻好大隻蝦🤣同樣有好多肉汁☺️皮薄餡多🥰黑豚肉片($55)一大碟好靚嘅黑豚肉😍雪花片咁嘅顏色同形狀🤣紋理分明😆半肥瘦嘅豚肉，食落新鮮嫩滑👍🏻好有咬口😋鮮炸脆響鈴($55)好大舊響鈴😍一碟好多響鈴👍🏻擺落鍋底幾秒攞出嚟

記得之前黎過💕尚鮮💕打邊爐，覺得質素頗高！😋而家尚鮮選擇更多，除左火鍋🥘，仲有刺身、串燒🍢、日式料理、中式料理等！當然要試下！💕章紅魚刺身 $208賣相吸引！🤩 章紅魚份量唔少，相當鮮甜美味，肉質爽彈，好正呀！❤️ 大滿足！😘💕串燒酒魂拼盤 $169好豐富嘅串燒拼盤，重點係抵食又美味！😍包括有：安格斯牛粒、有鹽燒海蝦🦐、厚切牛舌、蒜香燒蠔🦪、芝芯獅子狗🍡、燒粟米🌽，仲有兩杯啤酒🍻或者特飲🍹！💕日式味噌蠔鍋 🦪$129蠔🦪嘅份量非常多，而且好鮮甜肥美🥰，配埋味噌湯、蘿蔔片、日式苣蒻等，好滋味！😋💕紙包燒野菜 🥬$39加入好多蒜蓉，健康美味！

同男朋友係屋企想打邊爐但係又唔想咁煩周圍買配料，就上網見到尚鮮有幾多好評，就一於試吓～我哋就揀咗呢個外賣火鍋set $398 包湯底，海鮮，肉類，同埋蔬菜等等 餐廳將啲食物包裝得好靚，完全唔會話流晒啲汁出嚟湯底方面有三種，我哋揀咗姬松茸冬瓜湯～拎外賣嗰陣啲湯仲係熱辣辣！餐廳包裝得好好，好方便拎！倒左湯底同配料一齊就Ok!海鮮方面就有聖子，花甲，生蠔，蝦等等～ 食物個樣同埋都好新鮮～ 又夠大隻，好有鮮味餃子，雲吞都各有兩粒，仲有四粒手打丸～正正常常冇乜特別～仲有黑豚豬肉同埋豬潤！豬肉夠肥，入口好香～但薄切唔會太油！ 豬潤唔腥仲有啲薑汁味，重點夠新鮮，好食點少得手切安格斯～ 睇個樣都覺得牛肉好靚，油脂分佈好均勻，果然食落好有牛肉味，好香份量就比想像中多，正！油脂好靚！蔬菜盤都冇呃人，份量好多！餐廳仲提供埋啲醬料，有時有，蔥，辣椒，蒜頭同埋芫荽都有！真係啱晒懶人，開個爐就可以食得總括嚟講覺得好高質，分量多到兩個人都食唔晒冇得出街食嘅情況之下，喺屋企都一樣可以食到高質火鍋

好耐冇打邊爐啦，起碼自從禁夜晚堂食之後都幾十日啦，開放堂食後乜都要再試一次，中式茶樓，西式餐廳，泰式，越式，火鍋，因為有啲嘢真係要喺舖頭食先有氣氛嘛，好似今晚喺『尚鮮』都有唔少食客陪伴，咁樣先至係吖嘛。唔想动腦筋散嗌，叫咗個星級套餐，貪佢乜都有。『泰式生蝦』和『清酒鮑魚』是呢餐的頭盤，好開心，蝦大隻又彈牙，鮑魚同樣彈牙兼有啖啖清酒之香，鋪頭又細心切成片，方便客人食用。問咗我哋知道唔係好食得辣，就推介咗姬松茸冬瓜同埋有機田園雜菜湯两個湯底，而唔揀血池麻辣湯。而姬松茸湯底喺未落嘢之前係可以當湯飲嘅，真係好清香，成個人爽晒。海鮮有我鍾意的大扇貝(有時可能係大蟶子，生蠔視乎供應)，大蝦，大蜆，鱔片，全部新鮮好味，諗住可以再多D就好啦，又有手切安格斯牛，其他仲有擺盤好靚，好似嘆high tea 咁嘅豬紅，豬皮，豬潤，又有鮮打豬肉，墨魚丸，仲有鮮蝦水餃，及特别嘅芝心獅子狗卷……豐富又满足的一餐。

之前都食過呢間嘅火鍋，但而家疫情關係，我哋都冇得夜晚打邊爐🙈🙈 所以我哋就試吓佢新出嘅外賣～私房菜！😎日式味增蠔湯🦪佢好細心咁分開湯同配料，而且有保鮮紙包好。味增湯底好有海鮮味，配上少量嘅蠔仔、粉絲同黑木耳。配搭同味道幾特別！只係我覺得份量比較少，大約係一人份量。建議餐牌上可寫上人數分量。串燒拼盤😜我哋亦試咗幾款唔同嘅串燒～比較好味嘅係魷魚圈串。可惜拎到返到屋企已經冇咁熱，可能現場食、熱辣辣會比較好😂😂蒜蓉炒雜菜中規中矩，有日式小店炒出嚟嘅味道🤣🤣 分量亦OK😂我覺得呢間餐廳都係打邊爐比較好😛 私房菜始終欠缺一番風味😌 但既然而家疫情嚴重，我地最好都係乖乖留係屋企。而家暫時忍下口吧😹

之前來過這間火鍋店，上次覺得食物不錯而且很新鮮，想不到原來有私房菜呢，所以今次買了點外賣回家吃。煎蠔餅蠔仔大大粒，很飽滿，配上雞蛋煎香後，火候剛剛好，帶回家吃，仍然不失風味，下次想在店家吃新鮮現製的，相信更好味。蘑菇炒菜菜和蘑菇的份量也不少，而且菜很新鮮， 十分翠綠，配上蘑菇後，讓這一道菜更添不同的口感。串燒我還點了一些全消呢，有燒魷魚、燒螺頭和雞腎。魷魚非常厚肉，而且帶有淡淡的焦香，相當惹味！雞腎煙煙銀銀，還有一些香料味呢，而螺頭也是大大隻，咬下時很爽口！相信現場即燒即食更加美味。上網見到還有其他的餸菜也看似美味，下次還想再來試試，希望疫情快點過去吧。

依排我地都係work from home，夜晚又冇得出街食飯，真係無左唔少樂趣🙊🙈🙈 好彩今晚有人為我送上外賣，咁我就唔洗煮啦👏🏻👏🏻都忙左成日，其實唔想食太多野，咁啱見有有串燒👍🏻👍🏻 依款幾特別，好似係雞肉串，幾有口感！我地一人一串🙃🙃 仲有其他海鮮串，我就無食，但見屋企人食都幾ok🤣 我地仲自己加左d泰式辣醬，又開左罐啤酒咁，chill❣️除左串燒，仲有個炒雜菜。因為我地放左一段時間先食，所以我地炒一炒佢，咁就熱d😅😅😅 依間餐廳其實出名係火鍋。拎外賣既時候見佢餐廳入邊環境都唔錯。睇下個火鍋餐牌，有好多唔同種類嘅海鮮餐。等遲d政府放寬咗，搵機會黎打邊爐都唔錯😎😎🧚🏻

今次食咗呢間尚鮮😋果然佢嘅嘢食都好新鮮。餃子的味道頓時在口裏化成美味，各種丸有不同的口味手切安格斯牛肥而不膩，香濃多汁又爽滑，絕對係火鍋的拍檔黃沙豬膶嘅口感與普通嘅豬膶並不一樣，佢入口粉嫩佢入口粉嫩又爽口，好適合大眾嘅口味😋豬頸肉嘅肉好瘦，相信脂肪含量甚低😚相信大家都會鍾意食🥰整體來說，食材好新鮮。不過可能食物嘅價錢有少少貴。間唔中食一餐都未嘗唔係一件好事💖所以都推薦大家去試吓呢間火鍋店

今日突然好想打邊爐，但依家晚市禁堂食唯有出去買外賣 ，醒起之前朋友帶我去過佐敦一間隱世火鍋店，就去睇下，結果真係有外賣火鍋，真係人生第一次試，侍應哥哥好快手就將所有野裝落紙盒，仲比左超大包湯包我拎番屋企倒落去好快就食得，真係好方便呀，而且佢地用紙袋、紙盒裝所有野，夠哂環保火鍋料全部好新鮮，手切安格斯牛食落冇渣，肥瘦皆宜又重牛味；豬頸肉食落特別爽口，而黃沙豬潤同平時食開既唔同，爽脆鬆軟好食不實硬，食時口感嫩滑；而湯底我揀左姫松茸冬瓜湯，非常足料，店舖分開裝，拎番屋企時連清湯一齊倒落湯就大功告成啦

本來想諗住同朋友打邊爐，不過見到佢有個私房宴套餐好似幾吸引，每位都只係$348，真係勁抵食！花膠姬松茸燉雞湯好好飲，非常足料，好補身，飲完成個身都熱哂，好少喺街飲到好似啊媽煲咁足料既花膠雞湯，塊花膠好大下。金銀蒜葛絲蒸扇貝，開頭以為係傳統果d粉絲蒸扇貝，點知原來係用類似薯粉既粉伴蒸，第一次咁樣食，感覺好新鮮，幾有咬口，d粉幾入味，個扇貝蒸得啱啱好，好滑。爆脆炸生蠔，外面好脆，入面好多汁，好有鮮味。避風塘炒蟹，都好好食，d蟹啖啖肉，不枉我拆蟹拆得咁辛苦。露荀松露炒雙蚌，d珊瑚蚌同桂花蚌仲好食過酒樓，好爽口，唔會韌。龍蝦蒸荷葉飯，個龍蝦又係啖啖肉既，個荷葉飯都唔輸，個汁唔會好稀，又唔會太杰，調味又啱啱好。清蒸大海班，條魚又蒸得幾滑因為已經食到好飽，唔想浪費食物，所以個蟲松花浸時蔬減咗份量，仲打包咗個手撕雞番屋企，佢地外賣盒唔係用膠盒，幾欣賞佢地為環保出一分力。