叫左個串燒拼盤，$１６８係抵食，有牛脷，蠔，大蝦，獅子狗，安格斯牛同埋粟米。
串燒落左好多香料，燒到好香，一放落枱我口水都流埋。
燒蠔真係抵，出面食既蠔係燒到蠔肉好細粒，但依間既蠔肉好大舊，好有蠔味，新鮮。
兩隻串燒蝦d皮脆到我可以連皮食埋，蝦味夠，唔會燒到乾哂，好食。
安格斯牛柳真係經典，好軟熟，多汁，食一串係唔夠，一定要食番兩三串先夠，佢調味得好好。
牛脷彈牙，拎黎送酒慢慢食就岩。
跟住我就叫左個毛血旺。
最主要我想講既就係佢好夠麻味！個湯順喉，飲少少都唔怕。不過豬皮可以剪細舊少少就最好。 我最鐘意食佢既豬紅，豬紅有豬紅味唔係咁易，唔會一夾就散，真係幾唔錯。
