尚鮮海鮮料理

营业中

休息中

呢間火鍋真係好高質😚由食物到服務質素都好好 我哋個火鍋湯底係：姬松茸冬瓜瘦肉湯 初頭以為個湯底會太清淡 點知一飲真係好甜🤩🤩所以我成程都飲咗好多湯 但夜晚返到去一啲都唔口渴-特尚手切牛 $180個牛嚟到已經覺得好靚 雖然牛味唔太重 食落口都覺得好新鮮 而且啲肥牛肥瘦適中 好好食👍🏼👍🏼🙈-鮮打四寶丸 $86呢個係心機之作💕每一粒肉丸都係佢哋親手打嘅 食落口好彈牙 有牛肉 豬肉同墨魚🦑 而家親自用手打嘅肉丸已經好少有得食啦-有機田園盛 $86呢個田園盛非常豐富 有粟米、白蘿蔔、番茄、娃娃菜、油麥菜、皇帝菜等等 重點係佢全部都係有機菜所以非常甜 特別係個粟米 真係好中意😍-燒雞肉串（$22）燒牛肉串（$26）啲串燒燒得好Juicy😀好香口 我自己比較鍾意雞肉串 因為佢啲雞肉燒完之後都仲咁滑-燒雞皮墨魚卷$39呢個墨魚卷係呢間店嘅特色🤓雞皮墨魚都係佢自己包 唔係現成貨 所以有質素保證雞皮燒得脆卜卜 上面灑左少少孜然粉 墨魚又好滑 口感外脆內軟 值得一試👍🏼👍🏼-土匪雞翼$26再唔係譚仔先有得食 呢個雞翼唔會太鹹 燒得幾香口😄-呢度要加將郵費每位$15仲要+1服務費 雖然聽落有啲貴 但係服務真

呢次係同同事V去左佐敦一間樓上鋪食野吹水。可能因為我地早到，所以現場仲未有咁多人。當然第一時間就係整返支啤酒飲下，睇餐牌發現原來呢間店有賣札幌啤酒，當然要嗌下啦。因為對上一次飲呢隻，其實係我去北海道旅行個次飲過，都好耐下，返黎香港之後平時都係飲另一隻牌子嘅日本啤酒多。飲啤酒自然唔少得嘅係串燒啦，我地揀左黑椒牛丸，墨魚丸，牛肉，芝心麻薯等等去送啤酒，整體上燒得幾好，啲野食唔會太乾，夠熱，特別係黑椒牛丸嘅表現都唔錯，愈咬愈有牛味，確係唔錯。另外，我地仲叫埋清酒煮大蜆鍋，碗野都幾大兜。其實放工飲住啤酒黎食野吹水，都咪話唔梳乾。下次有機會黎食，一定要試多啲佢嘅私房菜同埋邊爐先得，同埋叫多啲朋友黎。紙包燒野菜

最近疫情稍為好轉，決定放工同朋友出去食飯。而今晚就揀左佐敦既一間私房菜火鍋店。地點唔難搵，地鐵站A出口行5分鐘就到。去到大廈地下，巳經有大大既廣告牌宣傳店舖環境非常清潔，而且坐位之間有一定的距離，坐得非常舒服佈置都好有特色，牆邊上有個架，架上放滿了不同既酒瓶，喜歡飲酒嘅朋友見到一定會發狂。另外，店舖做緊沖繩生啤優惠，鍾意飲酒嘅朋友一定要試吓，好抵同朋友坐低左再一齊睇吓餐牌，食物款式非常多，有火鍋，刺身，海鮮，串燒等等。真係睇到我哋花多眼亂，好多都想食!!!最後我哋叫咗火鍋同一個串燒拼盤。火鍋調味料款式繁多湯底我哋選擇咗尚鮮血池麻辣湯，姫松茸冬瓜湯。麻辣湯湯底係自家製，好麻好辣，好刺激至於冬瓜湯，菇味超香濃，味道非常鮮甜，我朋友係咁飲個湯底!!!好足料火鍋配料我哋叫左田園盛，黑豚肉片，鮮打四寶丸。先黎黑豚肉片，脂肪比例非常完美，上碟佈置都放得非常精美，而且厚薄均勻鮮打四寶丸，分別有牛丸，豬肉丸，蝦丸，墨魚丸。四款丸都好好食，非常爽口彈牙! 極度推介食完咁多肉緊係要食返啲蔬菜啦。田園盛包羅萬有，有幾款菜，蘿蔔，蕃茄，菇，粟米。所有蔬菜都非常清新，鮮甜輪到串燒拼盤，有蒜香

今晚同朋友嚟呢間樓上鋪食飯，位置比較隱蔽，係幸福商業大廈1樓。餐廳裝修好似日式居酒屋， 一支支清酒梅酒 放在酒架上，燈光暗暗的，座位闊落，坐得幾舒服。芝心牛丸 $22牛丸彈牙，芝士味濃，仲有少少拉絲。土匪雞翼 $26香料味重，皮脆肉嫩，好好味。芝心麻薯 $24麻著係偏淋的哪種，唔係煙韌，燒得好香。雞皮墨魚卷 $39咁多款中最好食的，燒雞皮非常香脆，一啲唔油膩，裏面嘅墨魚仲好彈牙，值得一試。尚鮮毛血旺 $89主要材料有豬潤，牛柏葉，豬皮，金菇，青瓜，個湯既味道好似麻辣湯，但唔會過鹹， 令人愈食上癮既味道。 可惜美中不足，食到有塊豬皮有沙。原味雞翼 $19一隻雞翼切開兩件，雞肉keep到外脆肉嫩。蒜蓉炒椰菜 $79生菜新鮮爽脆，蒜蓉味突出，好味。

同個朋友想傾下野，男人係鍾意打邊爐，飲啤酒，又唔想太嘈影響對話，揾左呢間位佐敦尚鮮火鍋海鮮料理打邊爐。環境唔大，座位都舒服。先來叫左沖繩生啤同燒物 依下肚先雞奕同厚切牛舌，牛舌厚，好有咬口。湯底:打邊爐一定鴛鴦湯底，揀左血池麻辣湯 同 鮮牛肝菌昆布湯。 血池麻辣湯，揀左小辣，湯底可見唔油。推介鮮牛肝菌昆布湯，一來到見到湯底奶白又足料，可當湯飲，味道濃郁。菜品：特尚手切牛 - 輕輕滾滾半熟，很香， 很滑。男人最愛。鮮炸響鈴 - 即叫即炸，落麻辣湯底，三秒拎起就上口食，正👍🏻鮮打四寶丸- 新鮮手打，一次過食四款，少食多滋味。- 有机田園盛 - 配個鮮牛肝菌昆布湯，鮮甜，連湯飲，正。最後想贊，網上也提及過佢無煙火鍋的爐與平時的不同。自己新身試過，對，是比街外小煙，重點衣服不太會沾上打邊爐的味👍🏻👍🏻👍🏻

之前在銅鑼灣分店食過，今日來佐敦找朋友吹水，便搵左吳松街呢間分店✌️首先呢間都係食私房菜的，裡面雖然地方不是很大，但座位好闊落，坐得好舒服😄✨佢哋的款式好多，有串燒/燒烤/自家料理/刺身/海鮮火鍋。我哋今次就樣樣叫啲😋👍章紅魚🐠：非常新鮮，好爽口冇雪味冇腥味👍👍尚鮮海鮮龍蝦湯鍋🦞 烏冬：海鮮份量都好多好鮮 （4隻大蝦2隻大帶子4隻大蜆）烏冬又好彈牙煙韌，湯底味道鮮甜原味道冇加其他調味😄芝心牛丸（燒）🔥：好利害一咬開牛丸裡面滿滿的流心芝士便流出來。芝芯麻薯（燒）🔥：呢個重利害，上枱已經見到芝士又係流晒出嚟🤩雞皮墨魚卷（燒）🔥：好特別，雞皮燒得好脆，冇油，墨魚好新鮮紙包燒野菌：好香牛油和蒜頭味，好大包新鮮野菌🍄厚切牛舌🐂：好正👍火喉剛好炸魚角🐟：好有魚味最後加多一支西班牙手工啤750ml🍻和青檸梳打蜜1L🍋最後提提大家19:30前結帳及離座，21:30後入座有全單八折優惠，22:30後入座有全單七折😄😄

今晚同朋友黎到這間樓上舖。 一入去, 就有去了日本居酒屋既感覺。 燈光暗暗的, 四周掛左不少既日本酒既海報, 一排排既酒樽。因為天氣太熱, 我同朋友都唔想食火鍋，所以就點左串燒: 燒賣, 魚餅, 麻糬餅, 土匪雞翼，原味雞翼當時, 生啤係串燒既好朋友一定要叫埋。 不過星期一原來有買一送一優惠, 星期一黎既朋友不要錯過。串燒幾ok, 特別麻糬餅係有d驚喜既，不妨一試。跟住再點了炸蠔鍋, 炒野菜。炸鍋有飯配, 兩個人食下剛剛好。 一開始見d炸蠔好似好厚粉, 以為麻麻, 點知又唔係wor, 好香蠔味，係新鮮既口感。 食落一點都唔欺場。湯亦唔會話好重味精既感覺，仲要幾好飲。 鍋入面仲有白蘿蔔，蒟蒻, 大蔥, 好好味，全都好夾。 傾下傾下, 個鍋已被KO左啦。 之後野菜黎到, 竟然係炒生菜, 有點失望。 不過一試後竟然出奇地好味。炒生菜竟然有鑊氣, 夠爽, 有蒜香, 最重要冇水味, 好明顯有停乾水先炒。 絕對係大師傅之作。對過間既炒野另眼相看, 佢既套餐, 私房菜真係可以考慮，母親節飯同帶朋友黎都可以。

近掛天氣又轉涼返，心血來潮想去打邊爐，同朋友黎到呢間做緊優惠既火鍋店食個老火湯邊爐晚餐，二人晚市單點餐牌會有半價優惠，所以都幾抵食-鱷魚肉老火湯底用鱷魚肉老火湯黎打邊爐又真係第一次試。店員話個老火湯係煲足十個鍾頭，夠哂老火同埋夠哂滋潤~ 鱷魚肉可能煲得耐既關係，食落口感鬆軟，有d似豬肉既感覺。飲完d老火湯之後，店員就加左d雞湯比我地煮肥牛(生既食物)-手切安格斯 ($209)手切安格斯半價之後大概$100左右，認真抵食。手切肥牛同一般肥牛最唔同既地方就係切得厚好多，每塊都好有質感，口感好特別，油脂分佈都好均勻。-手打墨魚滑 ($78)墨魚滑係我最愛既打邊爐食物之一，尚鮮將個墨魚滑放係竹筒入面，外型十分精美。墨魚滑味道濃郁，口感又滑又彈牙，唔錯唔錯~-午餐肉 ($55)午餐肉疊到好似積木咁，味道同普通既午餐肉一樣‧勝在份量幾多，同吸收左湯汁一齊食係幾香~

同好友來食串燒同鍋物,選擇好多,每樣都叫左D,好惹味呢!芝心牛丸彈牙得黎爆芝,流心芝士仲會拉絲添。食完原味燒雞翼再食土匪雞翼,有D SPICY但好味,係D香料味,芝心麻薯都好正,好多芝士呢,個炸魚角都好香口,墨魚丸燒得好香好彈牙,燒燒賣口感同平日果D好唔同,食完仲想再食呢!豚肉帶子卷就豪華D,帶子唔會過熟,豚肉同帶子味道好夾,好少咁樣食,有新鮮感。怕唔飽,叫左個清酒煮大蜆鍋,好多蜆,冇沙,個湯底好濃味,我地飲晒,好正!中意呢度既燈,好有感覺。食完咁多串物,當然要食返D清新既甜品,桂花糕,明目又清甜!食完已經好飽!店員間唔中會幫我地REFILL水,呢度有WIFI,仲有CHARGE電位添.唔錯WO!

來到佐敦，餐廳的選擇琳琅滿目，凡所應有，無所不有。我們剛行完街，疲累之際打算隨緣地找一間餐廳晚飯。結果，在一轉角行中看見一個掛到半空的火鍋店招牌，便到訪看看。我們剛好是晚市的第一台客，也安排到二人座中用膳，想不到服務員周到地給我們餐牌，亦關心我們有什麼食物敏感，很貼心。不知是否最近做的優惠，只要在7:30前結帳交桌，便可享有八折優惠，真幸運🤣除了火鍋以外，還有很多小菜、佐酒燒物，以及一些自家料理......剛好食量不太多的我們，可以選擇的還真多先來一些小食，土匪雞翼、豚肉雞髀菇、燒雞墨魚丸，全是一些特別的佐酒燒物，特別惹味。我們十分欣賞墨魚丸，口感彈牙，而且調味配合，燒物真的值得一試。我們喜歡吃雞煲，另外叫了藥膳花雕雞煲配白飯，想不到味道適中，酒煮出來很鮮甜，完全沒有藥膳的「中藥味」。如果特別喜歡吃雞的，信我這個十分足料，兩個人共享一個無問題！吃過很多肉，當然也順便點了一道菜，味道不鹹不淡，幫手清一清熱氣最後八折後價錢合理，在佐敦的收費尚可，最重要的是環境不錯，坐得真舒服。下次來到佐敦不妨試一試。

(尚鮮海鮮料理)位置在佐敦道吳松街23號的幸福商業大廈，大堂比較狹長裝潢簡樸，整幢大廈只有一間食肆，其餘均作寫字樓用途。餐廳位置不太容易尋找，不太熟悉佐敦的朋友需要事前做一做research。店舖佔地一樓全層，食客可以享受一個較安靜舒適嘅用膳環境，而且係一間黃店，門口有Pepe，亦做足所有防疫措施，門外放有消毒搓手液，貼有告示，恕不招待客人如過去14日曾經外遊或曾有發燒咳嗽等徵狀，所以可以安心在此用膳。沖繩生啤祭，買一送一！雖然而家冇得去日本，都要Have a taste like Japanese！友人預先與告知餐廳我們的預算budget大約$300元，大廚安排此款八道菜的Omakase，$278蚊/位。三色刺身拼盤，油金魚(右)、帆立貝(中)、磯煮鮑魚(左)。需要特別讚一讚嘅係每一粒每粒帆立貝都夾住檸檬片，增添清爽口感。磯煮鮑魚的(溏心)做得頗出色，放入口咀嚼時佈滿鮑魚濃濃香氣，回甘。蒜香燒生蠔，肉質飽滿，份量十足，很大隻，惟個人認為蒜香一般，可以多刨一些蒜粒，提升層次。雙色活海蝦(上) 茄汁海蝦，選用優質濃郁鮮茄膏，加上有煎封效果，特別香口，口感似不會像阿活焗豬扒飯的死甜假酸味。

行過佐敦想揾吓新嘢食，就黎咗呢間尚鮮。環境闊落舒適，人流都唔多，但食物同服務態度都唔錯🥰🍢 串燒酒魂拼盤 $169驚喜又抵食嘅拼盤，有鹽燒海蝦、燒粟米、芝芯獅子狗、厚切牛舌、安格斯牛粒、蒜香燒蠔，仲有酒飲添。🍤 海蝦燒到啲殼都卜卜脆😋🌽 粟米有好香牛油味，燒得好香，唔水鍾意粟米嘅我都話正！🍡芝芯獅子狗超好味，芝士超多，燒到拉絲好正！👅 牛舌好厚但一啲都唔難咬唔un! 第一次食咁軟熟嘅牛舌，好鍾意☺️🥩 牛柳粒比牛舌更正，味道香濃，燒烤風味，係我最愛！🦪 蒜香燒蠔味道好鮮味又肥美！蒜味非常香😋日式味噌蠔鍋 $129/鍋我個人其實唔係特別鍾意味噌，但朋友推薦就試吓啦～估唔到佢同蠔係咁夾咖！煮到啲蠔好軟熟，咬落啖啖肉、好肥美，鍋入面仲有瓜、苣蒻等等，好飽肚。🐥土匪雞翼 $26/2隻土匪雞翼嘅花椒味非常香非常突出，而我雞翼好大隻👍🏻🍡雞皮墨魚卷 $39/串廚師超細心，將每塊雞皮都刮走曬啲脂肪，女仔食呢個都完全冇壓力，而且加咗墨魚丸仲更加彈牙，比普通燒雞皮正！🧁芝心麻薯 $24/串芝心麻薯對我黎講係一個甜品，結束呢一餐嘅完美句號。麻薯甜甜哋，入面個芝心嘅部分咬住可以拉到好長好正！呢間餐廳真心推介，

這間餐廳menu 都幾豐富，香港人至愛既日式料理、串燒同火鍋都應有盡有由於最近疫情，我同朋友就決定試佢個精選晚餐料理！是日養生燉湯：原忠上，味道香濃，入面亦相當足料，入口幾滋潤，相當唔錯三色刺身（帶子／清酒鮑魚／章紅魚）：足足有四粒原隻帶子，配上底下的檸檬，唔洗點鼓油已經好好味。章紅魚肉質唔錯，肥瘦適中，鮮而不腥，讚！清酒鮑魚相比下就略為失色，肉質比較實，不過都幾清香～蒜香燒生蠔：生蠔燒過後仍然濕潤多汁，蠔味幾重又不會太咸，頗有風味，朋友鐘意食蠔更係讚不絕口煎安格斯牛柳粒：對於食肉獸的我，這個非常惹味，牛柳口感軟腍又有豐富牛味，少少脂肪食落可口又唔會太油，配埋日式甜醬汁，食唔停口！醬油蒜封海蝦：海蝦分左鼓油同茄汁兩種整法，一個價錢食到兩種風味。兩個醬汁都比較濃味，但不會蓋過海蝦本來既鮮味，特別喜愛茄汁味，酸酸甜甜非常開胃鮮野菌炒雜菜：食完幾道肉後，食番d菜清下喉嚨黑豚肉炒稻庭烏冬：烏冬幾彈牙，吸曬d醬汁好入味，亦幾有獲氣，同隔離個炒菜幾夾，哈哈自家桂花凍：甜品時間，清一清喉嚨，非常滿足，會再幫襯！

打邊爐陪着香港人好多年，近年越食越嘴刁，越食越講究，作為火鍋控嘅我當然都一樣啦。知道佐敦有一間開係樓上嘅隱世既火鍋私房菜，老闆對於食材非常執着，今日一於同朋友黎試吓舖頭好骨子，加加埋埋應該唔超過10台，我諗應該係因為私房菜要控制好客人數量嘅關係，睇得出老闆嘅細心。坐低之後老闆俾咗個Menu我哋，有火鍋、串燒同埋私房菜揀，睇到我心大心細。左諗右諗之後都係決定打邊爐，睇下食材係咪真係咁新鮮！落完單冇耐就上咗第一道菜，冰鎮鮑魚伴生蝦，一上枱我同朋友已經哇一聲，隻鮑魚好大隻好肥，齋睇個樣已經好吸引，食落口更加不得了，醃料唔會過鹹，鮑魚唸得黎同時不失口感，呢個前菜好加分。湯底我哋揀咗芫荽皮蛋併麻辣湯，兩個湯底都飲得出個高湯嘅底味，唔係就咁用水開俾你，有用心煮出嚟，又加分。終於嚟到戲肉，海鮮拼盤同埋安格斯肥牛，海鮮拼盤份量唔多，但係勝在樣樣都有，有海蝦、珊瑚蚌、蠔、花甲、鯇魚片，啱晒啲唔大食但係乜都想試吓嘅我。肥牛一睇個色水就知道唔野少，油花分布好均勻，色澤粉嫩。食落口更加不得了，海鮮樣樣都好新鮮，食得出海鮮嘅甜味，同埋食材嘅鮮味，肥牛入口即溶，又有牛味，平時食開嘅肥牛完全冇得比。最後食埋時令蔬菜

由於疫情都幾嚴重下，呢間原本做火鍋都幾出色既店因為無人打邊爐既關係，都轉役做呢個私房菜店。當日去到都有2枱客既，平時打開邊爐，今次一於試下佢個私房菜喇！！環境方面，店舖細細，但坐落都唔算太差，唔會太過唔舒服，而且枱與枱之間既分隔都算合理距離，而且店舖都有提供酒精搓手液之類既防疫用品，所以食落都算幾安心，唔會話太驚既。畢究疫情下，大家都會小心啲。唔打邊爐風險都無咁高喇，係咪先。食物方面，叫左個雞煲，d雞都算okay多喇，味道就正正常常，對於唔係專做雞煲既餐廳黎講，都算做到幾okay嫁喇。豬皮雜煲，入面有菜有瓜，所以食落都幾健康呀，食多d菜仲可以防疫tin，咁個湯底一d都唔咸，有少少似用清水煲，所以味道清淡易入口。打少d邊爐，食健康一點！