影片
更多
2015-11-16
1065 浏览
同班兄弟聚一聚, 雞煲+邊爐絕對係不二選擇. 之前已經食過呢間一次, 今次食雞煲都係揀返佢. 事關有幾樣野真心覺得呢間做得幾好.第一佢有得揀鴛鴦煲, 有人食辣又人唔食辣都可以分兩邊, 唔洗就黎就去, 又唔洗叫兩個煲食唔晒.第二佢有得揀淨脾或者淨雞胸, 講真次次食雞煲都有一大堆野唔食得/唔係好鍾意食, D雞腳呀, 雞頸呀, 雞pat pat, 雞翼尖個D, 其實有1/3都食唔到. 呢度好就好在可以比多少少錢要全脾 or 全胸第三呢度D雞煲做得好入味又唔會油. 有次特登入新界食雞煲, 咬落去個心白雪雪無味, 完全無味. 但呢間食過兩次都無咁ge 問題, 每一件雞件都入晒味, 好正. 同埋佢D配料都算幾多, 所以味道都好豐富.今次我地就叫咗鴛鴦煲, 一邊小辣, 一邊挑戰大辣, 兩邊都係啖啖肉雞脾, 大辣個邊真係好激, 佢地呢隻辣係起初入口唔會有好大感覺, 而係當你吞咗落肚, 佢D 辣會再由個口裏面浸出黎, 而當你每食多一件, 就會再憎加D 辣度, 非常刺激過癮! 大家都掛住挑戰大辣, 好快已經清晒, 後黎再食埋小辣個邊, 個口已經好辣, 感覺上個辣度同大辣無分別.第二round 打邊爐, 都
第一佢有得揀鴛鴦煲, 有人食辣又人唔食辣都可以分兩邊, 唔洗就黎就去, 又唔洗叫兩個煲食唔晒.
第二佢有得揀淨脾或者淨雞胸, 講真次次食雞煲都有一大堆野唔食得/唔係好鍾意食, D雞腳呀, 雞頸呀, 雞pat pat, 雞翼尖個D, 其實有1/3都食唔到. 呢度好就好在可以比多少少錢要全脾 or 全胸
第三呢度D雞煲做得好入味又唔會油. 有次特登入新界食雞煲, 咬落去個心白雪雪無味, 完全無味. 但呢間食過兩次都無咁ge 問題, 每一件雞件都入晒味, 好正. 同埋佢D配料都算幾多, 所以味道都好豐富.
今次我地就叫咗鴛鴦煲, 一邊小辣, 一邊挑戰大辣, 兩邊都係啖啖肉雞脾, 大辣個邊真係好激, 佢地呢隻辣係起初入口唔會有好大感覺, 而係當你吞咗落肚, 佢D 辣會再由個口裏面浸出黎, 而當你每食多一件, 就會再憎加D 辣度, 非常刺激過癮! 大家都掛住挑戰大辣, 好快已經清晒, 後黎再食埋小辣個邊, 個口已經好辣, 感覺上個辣度同大辣無分別.
第二round 打邊爐, 都係想食返唔辣, 所以叫咗雞湯同埋龍蝦湯. 龍蝦湯好香好濃, 用黎襯海鮮好啱, 所以叫咗個海鮮拼盤, 而雞湯個邊主要襯肉, 我地就廢事煩叫咗個牛拼盤乜都有. 海鮮拼盤D料好新鮮同埋都係貴價野, 尤其係鮑魚, 蝗子, 帶子同花甲, 大大隻好鮮味, 仲有花膠, 索晒汁好正; 而牛拼盤都好正, 尤其係佢個靚牛皇, 厚切, 而且脂肪平均, 呢樣真係滿分! 另外仲有牛白肉, 呢樣唔係度度有.
最後黎多個雜菜籃, 4個大男人真係食到頂到上心口. 呢間D雞煲同埋火鍋料真係好正, 係尖沙咀食呢個level 的雞煲火鍋, 價錢算好合理, 我見佢10點後宵夜有特價, 如果等得食宵夜都幾抵!
张贴