尚上下夏 - 養生雞煲火鍋 (已結業)

山林道開左間食雞煲同藥膳邊邊既地方，於是搵埋老婆去試下有幾好食。我鍾意食雞煲而老婆鍾意打邊爐，一次過滿足我兩個人既願望.店內佈置好有香港懷舊氣氛，四方木枱，街市紅罩q燈，係店門前已嗅到麻辣同藥膳味，搞到我係咁吞口水我同老婆見到好多野都想食，但個胃就得咁多，唯有叫D最想食既先。店主好細心，知道有客人唔鍾意食有骨既雞，專登有全鍋雞脾肉擇，*(我係鍾意啖啖肉，唔要骨既人。）我擇左小麻辣，個煲勁多雞脾肉，又多香料配菜，俾我發現個煲裏面加左豬皮，正⚠️塊豬皮吸曬成個煲既精華，食塊豬皮就知道個煲味道十足，呢個時候有柸冰凍啤酒就一絕。食到咁尚下，服務員就加入藥膳湯，藥材好足。係之前點菜既時候我同老婆都好難取捨，呢度有兩個皇牌。1.牛皇併盤 2.海鮮併盤，由於係包，剪，搥既情況下，海鮮併盤勝出，不過打邊邊點可以無牛呢，叫左個細安格斯粒粒牛，都好夠我同老婆食個海鮮併盤不得了啦⚠️有鮑魚，帶子，花甲皇，花膠，8吋長大蝦，珊瑚蚌同蟶子皇。樣樣海鮮都非常新鮮又大隻，藥膳味同海鮮既鮮味配合得好好，呢餐食得真係飽！

終於約到個好耐無見既朋友食飯，我地大家都想食雞煲，禁岩係網上見都好多人介紹尚上下夏，就叫朋友book定枱。餐廳地點都好方便，係佐敦地鐵站行幾分鐘就到七點半前同十點後都有折，禁岩我朋友就book左十點，所以我地有七折，好抵呀一開始，服務員會提供一大盤配料比你自己調，有炸蒜，蒜蓉，蔥，麻油餐廳可以選擇雞煲單鍋/雞煲鴛鴦鍋再打邊爐，或直接打邊爐都得，而我地更係先雞煲再邊爐半隻雞煲，為左就朋友就叫唔辣。雞塊啖啖肉，有小小麻，味道超香超惹味靚牛皇（小），份量十足，有成十幾塊牛肉，肉質鮮嫩，味道濃郁黑牛栢葉，店員好貼心，會主動話我地知大約十秒到就食得，唔會過熟☺牛栢葉好爽脆，好有咬口，超好味鬼馬墨魚，真係第一次食，墨魚滑和油炸鬼一齊食，好特別，正飲品選擇多，手工啤酒，自家果汁樣樣有我地就叫左大枝西瓜汁，夠凍，而且仲有西瓜肉兩個人七折後都係三百蚊到，好抵呀！食物又好味店員又貼心，下個月再同屋企人食

今晚男朋友接收工隨便食宵夜，經過山林道見到有間雞煲好吸引，就決定入去試下餐廳裝修好特別，牆上有好多特別既圖案同字句仲有平時照雞蛋既燈，好有懷舊風味由於我地實在太餓，一坐底即刻叫野食我地叫左半隻雞，雞件份量十足，好多肉。配料都好豐富，有洋蔥，莞茜，豬皮，乾蔥等等，豬皮完全吸收雞煲汁，好入味，正食完雞煲會加湯打邊爐，湯底選擇多，最後就叫左瑤柱群翅雞湯。湯底好足料呀，有雞腳同翅手切極品靚牛王，脂肪均勻，口感柔軟牛味濃，超好味鬼馬墨魚，其實係油炸鬼上面加上墨魚滑和蟹籽，大約一分鐘就食得，油炸鬼食落口仲有d脆卜卜，加上墨魚滑，好夾必食之選脆肉鯇魚片，鯇魚片薄薄地好快熟，而且仲好新鮮，啖啖肉四川苕粉，口感煙煙韌韌，好似紅薯粉最後，緊係要食下蔬菜。超鮮嫩既萵筍，味道清新總括，食物高質，全部食物都好新鮮，環境特別，超有懷舊風格，下次宵食再食過

今次小胖女帶我黎到山林道一帶搵好野食,眼見成條街都係餐廳食市,入左呢間尚上下夏既火鍋店,聽小胖女講呢間係專食雞煲同打邊爐入到黎餐廳裝飾非常地道,好有當年60-70年代既小吃店感覺,先選鍋底,由於太多款式,係我地大家都好辣之外,決定一試麻辣鍋湯底黎到個鍋底已經係非常嚇人,成鍋都係紅色,仲已經非常強既辣味飛出黎至於火鍋料方面當然唔小得我地必叫邊爐系列,肥牛,響鈴同可樂啦先黎係即叫即炸既響鈴,外表就咁食已經脆卜卜,再輕輕咁浸下個辣辣湯底,簡直不得之了,再上係店家招牌手切頂級安格斯牛,碌一碌再食真係神仙都企歪仲有其他簡簡單單既芝心丸,烏冬,經過呢鍋紅到面哂既麻辣湯再食,真係十分滿足簡簡單單又一餐

伙記誤度客人 完本叫半隻雞半個湯 伙記不斷説兩邊都要雞 然後又要我地揀湯底 當然以為湯底是送旳 我地再不知情的底下 叫了兩邊雞 兩個湯底 然後又不說明加湯要收費 其實3個人$1585蚊。我覺得好過份囉

近新工應成左朋友要請食飯,睇中左呢間地點方便,長期爆滿既打邊爐好多選擇,不過人唔多,食物份量又大,一個煲加幾樣餸已經好夠飽出名雞煲,無骨,好多,又大件好香,雞肉好滑,好多醬汁勁大粒牛丸,好有份量好彈牙,好重牛肉味皮滑又薄餡靚,新鮮豬肉多汁,美味大大隻花甲,新鮮爽口好乾淨,又唔貴墨魚滑油炸鬼,超好味可以一個人食一碟下次多D人可以再黎過~~~不過地方比較逼,唔適合小朋友或BB 最好6個人食,款色多D開開心 心又一晚

完成左個大project，公司吹雞去附近打雞煲，既然叫到當然出席啦。為左食呢個雞煲，今日lunch專登留肚架。首先當然食雞煲鍋啦，我地選擇左全部雞脾肉，雞肉用好多香料炒煮過，包括花椒，八角等有點麻辣味道，這味道亦相當搶喉攻鼻，正呀。其他香料仲有大蒜，大蔥，洋蔥，西芹等等，所以令醬汁及味道調較成相當惹味。至於雞脾肉煮得入味之餘仲相當嫩，肉質夠晒滑溜，每件都係雞脾肉咁食都係第一次，食到流晒口水，份量都夠晒，一隻黎講基本上4-5人都食唔晒。鬼馬墨魚都真係算幾鬼馬，外裡睇落只係一條鋪滿蟹子既東西，原來係蟹子鋪係油炸鬼上面，而且中間仲夾住墨魚滑添。老闆話煮既時間唔使好耐，大概3分鐘即可以。食落蟹子既啪啪聲，仲有墨魚滑既嫩滑，加上油炸鬼既香脆，口感層次豐富，夠晒古惑。最後食埋手切安格斯牛，嘩牛肉雪花分佈唔錯，食落就更加感受到雪花脂肪同牛肉既比例係剛好，令口感滑到洽到好處，而又唔覺得成口油利。至於師傅既刀功都可見一斑，厚薄度適中，唔會食左好似覺得食左張紙咁無乜口感，浸埋落雞煲個湯汁度味道比沙嗲牛肉就更好味。

要捉緊冬天的尾巴依家仲涼涼地應該去打返個靚邊爐呢間又有雞煲又有火鍋但今次我地淨係叫了藥饍湯無叫雞煲我地仲叫了竹蔗水清熱解毒嘛～同埋係鋪頭自己煲一d都唔會過甜！大大枝，四個人飲真係好夠牛魔王拼盤分左3層！呢層最底的包括了牛利，靚牛皇同牛小排我最鍾意係靚牛皇，入口即溶，同埋好juicy牛利都唔錯啊，好有口感我地仲叫了美國桶蠔真係完全無縮過水架！一d腥味都無啊，好大隻，鮮味十足！我地仲叫了什菰籃真係咩菰都有啊！我覺得佢地配藥饍湯好夾啊！因為本身我都覺得有d苦，點知知食食吓個湯底開始甜加埋d菰真係一流！愈食愈香！其實呢間認真唔錯！ 野食又多，湯底選擇都好多！正啊～

對上一次食係2年前,原來已經轉左手,今次裝修完全唔同晒,細色燈罩好懷舊,人流比之前更加多,星期二都爆場勁多人,侳滿晒,環境比較逼,而且十分嘈小食青瓜,要左個雞煲,甜味比較重可以選擇無骨,全部雞脾肉,好方便而且數量都多,4個人食都夠食完雞煲之後加湯即時變左勁辣濃湯雞煲,打邊爐指定食靚牛叫左一碟細牛,份量比較少,得8片,$238,唔算平不過用料真係靚,脂肪分怖細至平均大蜆超大隻,半隻手掌咁大~鮮甜爽口皇帝菜,好新烊,無黃無爛

今日帶左外國朋友去左廟街朝聖，行完佢地話好想試下香港既雞煲，之前聽朋友推介過依度既雞煲好香同埋湯底好正，今次一於嚟試下！ 環境方面佢好有舊式中菜館既感覺，雖然無好華麗既裝修，不過就更加有地道既感覺！ 今次我地叫左個鴛鴦鍋，左邊就係先食既雞煲，或面就係之後打邊爐既清湯底，另外雞煲後我就叫左個中藥湯底俾啲外國朋友補一補😂雞煲真係好香啊，就咁睇都見到好多花椒八角，啱曬食得辣既我地！肉質方面好嫰滑，雞既鮮味完全食到，正！ 食完個雞煲之後就梗係打個靚邊爐啦，吾係邊度夠皮啊😂😂 牛肉好新鮮啊，顏色好鮮，根同肉既分佈好好，廚師刀工好勁，切得好薄，拖一拖水就食得，食落口一啲都吾鞋，無得頂啊！ 啲生蠔好大隻啊，仲要煮完都吾縮水，一樣咁大隻😊入口啖啖肉，又鮮味，食多多都吾夠啊😂 鱔片好新鮮好大塊，食落口一啲都吾鞋，不過片數略嫌太小，吾夠分😂😂 魚皮餃一定要試，皮薄餡靚，好怕有啲食肆個皮好厚，好似食皮咁，依度就完全無依個問題！ 黑牛柏葉好爽，拖一拖水已經食得，千祈吾好煮咁耐啊！ 今次食得好開心，我啲外國朋友都讚不絕口話無介紹錯，好彩我依個導遊拖無掉架

同小胖男友一個月最少都會去一次打邊爐或食雞煲 早排聽朋友仔介紹話近佐敦山林道成條街都好多火鍋店 有時仲會見到明星 於是就搵晚同小胖男友去朝一朝聖我地係完全無概念下 憑感覺 揀左間店名叫"尚上下夏"既雞煲火鍋店入去試下入到去就發現呢間火鍋店走懷舊風格 牆上貼左好多復古既廣告海報 另外又用左宜家買小見小既"街市照雞蛋紅色燈"叫返支樽裝汽水配返d紅色紅A膠櫈 好懷舊 別有一番風味當晚我地無點到招牌既雞煲 反而突然好想食麻辣火鍋我地點左響鈴, 手切頂級安格斯牛, 芝心丸, 粟米, 手打烏冬 同食麻辣火鍋最緊要既生菜手切安格斯就當然無得輸響鈴即炸 炸得香脆乾身唔油膩不過最令人有愛有恨既都係條生菜 又好辣但又好爽好過癮 呢種感覺大慨只有嗜辣既人先會明白

養生藥膳鍋*美顏豆腐牛奶湯🥛🥘.天氣忽冷忽熱，搞到🍎蘋果好想打邊爐，令我諗起之前去嘅尚上夏下～平時去慣連鎖式餐廳，偶爾去一次本地餐廳，感覺截然不同！餐廳位於山林道～有食開野嘅都了解其實山林道無咩人會黎行，但其實都食肆林立，都有唔少人會專程過黎搵食！而既然係本地餐廳，大家融入下啦，大多數都係摺檯摺凳，唔好彈餐廳啲設施啦😂🤣·Any肥⋯今次🍎就無揀雞煲，揀咗美顏豆腐牛奶湯底（女人嘛，你懂的）同埋養生藥膳鍋❗️（🍎其實好鍾意養生藥膳嘅料理，可惜香港又唔點見到邊到有得食）💫 養生藥膳鍋（$54），自從係台北一試後就不能抽身！有人話其實打邊爐係唔可以配藥膳嘅～原因我就唔知，但🍎懶理😂依個養生藥膳鍋相當有料到，啲藥料啲藥味係濃郁到一個點～（🍎唔係好頂得順曾經想放棄🤣）💫 美顏豆腐牛奶湯（$54），相比藥膳鍋，依個豆腐湯就較弱⋯牛奶味偏淡，唔係好滿足到🍎.2條女，點咗7野樣，唔知算唔算多🙈❣️ 鮮蝦雲吞🍤（$64），🍎打邊爐邊點之一！皮薄，餡料豐富。❣️ 健康什菜籃 🌽（$74），份量都算多，有幾種菜類選擇，唔駛同朋友爭😆❣️ 招牌手打四寶丸 （$108），有墨魚丸，鰻魚丸，蝦丸同豬肉丸！果然係招牌，真係好

今日黎食呢間養生雞煲火鍋係舊同學帶我黎ge有點似室內版大排檔不過環境真係好乾淨依家仲有推廣優惠黎了雞煲，味道勁香叫了小辣，原來仲有麻味D雞好滑幾有味仲有豬皮係度，索左d汁略咸所以我就等佢加左湯再食我地選左沙嗲湯，超級夾啊！3個人唔叫太多，我地叫了黑毛豬哇，勁厚但又勁滑食到我好興奮，因為真係勁好食啊！我地仲見到白鱔片，唔多骨，好滑，仲有d爽口！爽左個湯底真係一流！我仲叫了手工啤，Haegaarden Rose真係好岩打邊爐同女仔飲因成係好易入口！呢個養生雞煲真係唔錯！下次會帶屋企人黎試吓！

第二次去尚上夏下。鐘意佢地點方便 環境唔可以話坐得舒服 摺枱圓櫈 但卻令人有種暢所欲言的快感 自在 似港式有冷氣大排擋 飲飲啤 大大聲傾下計 爽。其實一個鐘意黎呢度既原因 係食雞煲可以揀部位 岩曬我呢d鐘意食雞胸但慘遭歧視的朋友。雞煲小辣（雞脾拼雞胸）啖啖肉既雞煲 雞肉好入味 帶點花椒八角香。配料豐富 最特別是有豬皮 滿滿咁索曬雞汁。洋蔥 大蔥 蒜頭 辣椒 芹菜 毫不吝嗇 所以雞煲係好香濃的～食完雞飽再加瑤柱翅群雞湯～好足料 忍唔住飲左2碗先 濃濃瑤柱魚翅味 好多膠質 岩曬女生們。三個女生 唔食得多 所以重點揀最鐘意既～美國桶蠔 半隻手掌咁大 好新鮮。幾甜 口感又幾滑。特選黑豚肉 份量頗多 豚肉片厚度適中 肉質不錯 就算烚內左都冇老 肥膏比例剛剛好。即炸響鈴 食雞煲必吃～ 熱辣辣 薄脆 落雞煲3秒 沾滿辣汁 食得 yummy!鮮淮山 萵荀 黑木耳 ～ 新鮮。特別喜歡淮山 既爽脆鮮甜又有益。黑木耳好大片 爽口 索曬雞湯超好食。香蕉墨魚丸 呢個真的好爆 哈哈。姐妹堅持要叫。但食落又幾得意喎 墨魚丸本身好彈牙 有粒粒墨魚 好正～ 中間真是有一啖香蕉 好甜 口感contrast都幾大 喜愛香蕉

尚上夏下 Jkj hotpot, seem more of a chicken-hotpot joint catered to heartlanders at first sight, even with the usual try hard frontage and JKJ as a restaurant name in English (with exception to 尚上夏下 the wordplay in Cantonese shows forth some intelligence) surprisingly serves acmuch better-than-decent quality food. But it's sometimes hard to judge a good book by its cover.The quality and variety of food choices for the pot is well above expectation. And the occasional advice, on how long to boil c