寶彩軒

营业中

休息中

大家想食清淡些, 去了上環樓上店, 寶彩軒, 私房素菜.  裝修簡潔, 座位一般.我們三人行, 點了三個套餐, 八道菜加甜品, 每位398.  茶錢 $20, 及加一服務費.  寶彩歡喜拼盤, 共六小碟,  分兩長碟.  涼瓜, 話梅蕃茄仔, 豆腐,  秘制黑木耳, 炸秀珍菇.  青豆.師傅精心泡製.   味道不錯.禦品養心松茸燉湯, 每人一盅, 足料, 好香松茸味.  但料多而湯少.  黑松露片金湯白玉,  有黑松露味,  豆腐好滑口,  好清淡.招牌即燒厚切叉燒（配荷葉包）賣相吾錯, 素叉燒伴有青瓜, 烤得有點燶, 口感接近粵菜叉燒,  夾上荷葉包, 好味.金枝玉葉靈芝菇,   口感普通. 日式海苔酥卷, 半圓盛器幾特別, 海苔酥卷, 口感 OK.節瓜銀芽菇絲炆米粉, 這個米粉沒特別, 太飽了, 帶回家吃好了.麻香珍珠焗萬壽果, 幾清甜.   冰糖桃膠, 忘記拍照.最後,  每檯派紅石榴汁, 可以添加. 味道 OK, 但服務須改善,  如欠加茶, 未食完那些嬸嬸已來準備收碟了. 食材普通, 價錢算偏高.

準備試菜嘅朋友可以試吓，因為私房菜嘅味道好，份量正常同埋有速度嘅體驗。一般準備食私房菜嘅心情通常都係預備正常節奏進食，可能還可以放慢少少腳步同三、五知己歡度一個有講不完話題嘅晚上。但這間素食私房菜就提供一般私房菜沒有嘅體驗比你。首先主持人會用急口令嘅方式介紹菜式及有小許堅持咁提供進食方式。跟住當你食完該款菜式或差小小才完成嘅時候就會有員工有禮貌咁詢問仲要唔要（其實隻手已經收緊隻碟）。每一度菜都感受到同一嘅服務態度。到尾二度菜上枱後就會有員工比張單黎叫你先埋單（澳牛都可以自己決定攞張單去櫃台埋）。就係咁全餐晚飯都好似狂風掃落葉咁就完成。私房菜唔一定係輕鬆嘅食法，如果大家想體驗一吓狂風掃落葉嘅私房菜方式，不妨一試（味道係好食）。

我們預約那天掛三號風球，雖然外面下著大雨，都還是保留原計劃去吃吃看朋友大力推介的素菜館。餐館的地點很方便，上環地鐵站 B 出口不用過馬路，右轉走幾十步路就到了。下大雨都不會淋濕。✌️✌️✌️餐館雖然不大，但是服務很好。可能是因為朋友是常客，經理和我們聊天很幽默。歡喜拼盤裡面的番茄以及紅菜頭是我的favourite. 我們四個人，拼盤有六樣小菜，每樣的味道都compliments each other’s flavour. 意式千層豆腐應該要花上一些時間製作。很滑，很好吃！叉燒配荷葉包可以以假亂真。太像真的叉燒肉的味道了。 口感也很接近。。 我女兒吃的讚不絕口，說還要再多吃幾片。 法邊豆竹蔗苗 - 聽解釋這個竹蔗苗還是從台灣運過來的，香港本地買不到這個菜呢！ 日式海苔酥卷 - 外皮炸過，所以很香脆可口。 焗芒果三色藜麥 - 照片照的不好，這道菜其實很好吃。我拍攝技術無法呈現這道菜的美味呀。吃到這裡，已經很飽了，後面的炆米粉和甜品只能打包回家了。。下次還會再回來吃的～

朋友約食素，提議呢間，一入門口，有D似曾相識嘅感覺，原來之前同朋友嚟食過。一樣的老板，一樣咁特別的素菜，一試令人難忘。因為，你唔會覺得自己食緊齋。完全唔同出面全統齋舖。份量充足，三人叫三份，係食唔完，要打包返屋企。都食到好滿足！老板好幽默，好熱誠招待，介紹每一道菜。有午事套餐的，午餐可以試下呀！之前我都食過一次午餐。一間好有心的齋舖！

喜歡吃素菜的朋友，今晚帶我們見識新潮素食私房菜，於上環樓上店，寶彩軒.先要去電預訂，因為客人也不少。我們點了個套餐, 有八款菜加甜品, 每位350.  另茶錢 $15, 及加一服務費.寶彩歡喜拼盤 （分兩碟）這是四人份量.共六小碟, 好精緻.秘製黑木耳, 話梅蕃茄仔, 秀珍菇.豆腐, 酥炸紅菜頭, 秋葵.禦品養心羊肚菌燉湯, 熱騰騰上檯, 每人一盅, 足料, 健康燉湯.經典白玉珍藏,簡單而清雅.招牌即燒厚切叉燒（配荷葉包）素叉燒烤得有燶邊，顏色, 賣相, 口感和粵菜叉燒無分別.  抵讚.再夾上荷葉包, 伴青瓜, 菠蘿, 生菜同吃, 真不錯.法邊豆竹蔗苗, 中規中舉.日式海苔酥卷，好特式的半圓盛器，擺設好靚. 鮮茄香煎菇扒, 煎茄子, 味道一般.節瓜銀芽菇絲炆米粉，吾油膩蓮子銀杏腐竹, 吾太甜.吃素對身體會健康啲，每隔一些時間來吃也好.  餐廳位置及座位不算好.   食物加手工價錢, 偏高了. 

廿三日同媽媽去食素，又係全院滿座，有上次經驗，一早帶備食物盒，唔好浪費。每一度菜都保持水準，經理搞笑上菜仍然將氣氛搞到好熱鬧，服務姐姐亦有禮，每次都係美好的晚宴。

高水準既素菜，超推介你哋去試🤤基本上每樣食物都有水準，冇諗過素菜都可以好好味😋餐廳每個月都有固定嘅Menu，唔使諗到頭都大埋，每位$350+15茶水 再另收+1服務費7點等齊人先會上菜，氣氛超熱鬧😆經理都好熱情❤️‍🔥最推介:招牌即燒厚切叉燒(配荷葉包)素菜都可以做到真叉燒既口感同味道，唔講真係唔知自己食緊素菜🤣 夾埋個包食簡直就係正🤤🤤寶彩歡喜拼盤前菜嘅頭盤每樣都有驚喜，好有心思。如果人數多比嘅種類都會多啲。御品養心羊肚菌燉湯(好飲到唔記得咗影相😢)飲落好鮮甜，好足料。焗釀芒果三色藜麥芒果好鮮甜，上面配埋沙律醬，好開胃而且上面嘅藜麥脆卜卜🤤每樣食物各有特色🤤🤤下次會再幫襯❤️

奶奶生日而佢又係食長齋嘅，經朋友介紹，話有間素食私房菜嘅主理人好識攪氣氛，而且啲素菜又夠創意兼真材實料好好味，便馬上訂位，因為心儀的日子已經爆滿所以提早兩日食。店內裝修優雅,放了些有中國特色的小擺設。一坐低先上水然後再上一壺茶，主理人介紹佢哋嘅茶係安溪鐵觀音，浸泡後倒出所以不會有苦澀味，然後就開始上六小碟，寶彩歡喜拼盤。有涼瓜柚子蜜、新鮮猴頭菇、酥炸紅菜頭、秀珍菇、話梅蕃茄仔、秘製黑木耳，六樣小碟樣樣都出色。全場之正首選就係呢個禦品養心羊肚菌燉湯，材料十足，每中燉湯都有一朵一羊肚菌、一朵花菇、幾嚿新鮮猴頭菇、栗子同大量腰果，燉湯色澤清澈得來又帶菇菌的濃香，極之鮮甜，超正👍黑松露片金湯白肉，店員特別提我哋將金湯南瓜汁淋上豆腐一齊食，有濃濃的黑松露味，但整體比較淡口，唔夠鹹。另一值得讚賞的是招牌厚切叉燒包，望落去真係好似真叉燒有少少燶邊，用包配青瓜菠蘿生菜同吃，味道幾特別唔錯。只是我個人覺得太過油膩，食完成手都係油，所以店員事先會派濕紙巾俾我哋抹手。豆杯苗好嫩口上邊有一些秀珍菇，最特別係菇上邊放咗一些炸牛蒡絲，整體都唔錯。 荔芋百寶酥盒～外皮非常之酥脆，與香滑的芋頭蓉十分匹配。麻香粟米焗萬

我每次去食之前都唔會食午餐，但都飽到都頂住走！每個月都唔同私房菜。每次都有驚喜！連我媽咪唔外出食飯都去食！真係好好味呀🥰🥰👍🏽我介紹了好多朋友來食，都讚不絕口

高水準的素食私房菜現在為了健康，以及和與素食朋友一同用膳，有時都也會到素菜館食晚飯。這家素菜館中，晚上提供的是私房菜，每道菜都令人期待，真的是別出心裁！有招牌即燒义燒：味度簡直神還原 (おいしい)羊肚菌燉湯：營養價值高，非常足料好滿足呀之前都食過無算次既我，今次最令我難忘既最菜式係：賣相超吸引嘅日式海苔酥卷，由內到外都卜卜呃，完全唔覺得heavy該店既責任人將每一道菜都解釋得好詳細，務求每一個位置都用盡心思。例如：中段時候，為客人酙無數次果醋。另外，要用手食用既菜式，會提供濕紙巾清潔雙手，務求使客人食得更加盡情。

寶彩軒，名就聽咗好耐啦，幫襯就係最近嘅事，點解呢？因為之前下下都要排隊兩個月，食完之後完全明白佢響江湖咁有地位果然係名不虛傳👍🏼👍🏼👍🏼⋯⋯不論食材、味道同埋服務都符合晒我依啲麻煩人要求嘅cafe 👍🏼👍🏼👍🏼今次就試咗個私房菜套餐，我同朋友由第一個頭盤開始，食晒成餐飯，講得最多嘅就係「真係好好味、真係好好味」😆😆😆師傅嘅手工真係好勁，佢哋好出名嘅素叉燒嗰條燶邊，原來唔係焗燶㗎，係特登手工做，用欖菜同蜜糖黐上去㗎，我聽到都俾佢嚇親，所以你話店主嘅要求係咪好高呢

寶彩軒平日下晝係做素食三餸飯，夜晚就會化身成私房菜，啲菜式比午餐華麗好多，當然價錢都會華麗好多啦。8道菜每位$350，另加菜錢$12同加一，每位埋單都要$400架，一齊黎睇下依$400值唔值啦！先黎四道前菜，如果多人黎既話就會有更多款式，圖中係二人份量。每樣味道都唔錯，尤其個蕃茄仔好開胃。不過要注意原來個准山用左蜂蜜整，所以唔係vegan的，真係百密一疏。依個燉湯超正！用左好多靚料，燉出黎既湯味道好濃郁，比起用肉煲既湯實在過之而無不及。曲奇鮮竹做得好精緻，好香黑松露味，上面仲鋪左啲芝麻同夏威夷果仁碎，增加口感。嘩依個叉燒不得了呀！一舊用豆製品做既素叉燒竟然可以做到燶邊同半肥瘦既效果，真係大開眼界。依一碟望落以為係竹筍，原來係竹蔗苗。平時竹蔗一般都係用黎搾汁，估唔到佢地既苗係可以用黎做餸，而且仲幾清甜。咖喱卷既咖喱係依度自己調配既，用埋左薑黃粉去做。啲綠色既醬係用wasabi做既，一定要點埋黎食先唔會浪費。木瓜用黎做木瓜糖水就見得多，攞黎焗就真係第一次。本瓜上唧滿左依度自家調製既沙律醬，焗完之後變左半透明，賣相吸引，味道同微香既木瓜都好夾。薏仁麵冇影到就撈勻左，用料唔算特別，不過都幾香。

無諗過素菜有咁多配搭，仲咁好味😍同事推介，所以屋企人生日去左食。好似私房菜咁，餐廳每個月晚餐都有一款指定餐單，免卻點菜諗食乜的煩惱，仲保證可以食到餐廳的拿手好菜。好鍾意個前菜拼盤，好有心思。之後道道菜都好有驚喜。因為我好少食素菜，估唔到咁有驚喜。講到驚喜，都唔夠餐廳老闆員工俾食客的驚喜，不過賣個關子先，大家去試下就會知道幾咁特別，仲好窩心添～～屋企人好鍾意食，過左一個好開心的生日，依度俾到一種高質素用心服務的感覺我☺️

呢間私房菜認真特別，環境好舒服😌是晚menu 原來佢每個月都唔同頭盤小食 但係每款都好好味架，尤其個蕃茄仔，酸酸甜甜超正，好開胃另外三款頭盤，推介素叉燒！👍無得頂呢盅燉湯係非常好飲，連湯渣都食晒，但飲完個湯都飽左一半😅呢款腐皮食得出花左好多功夫、心機、時間鴛鴦咕嚕我鐘意右手邊嘅味道，但左手邊係激似真咕嚕肉。呢個竹蔗苗 我第一次食 好嫩 無渣 好爽呢個芋茸酥好味 我係唔太喜歡芋頭 但都覺得好味 因為佢食落唔太「漏」果醋 酸酸甜甜 好味 清除左之前食嘅油利 仲可以添飲 👍呢個芒果焗藜麥超超好味 根本同一個甜品係無分別 但甜度係來自芒果本身嘅香甜味 藜麥焗到脆卜卜 好特別來到呢刻真係好飽，只可以食一啖試下個味，個喇沙味道唔錯又唔辣，只能打包返屋企。仲有呢碗香噴噴嘅腰果露，雖然已經好飽，但係真係好想食埋。甜度係非常好，本人唔太鍾意食甜嘢。呢間私房菜打破左我對素食嘅觀念，原來素食都可以甘好味😍

今日中午去食素食，環境挺好的，速食店形式噶一間店，之前同事就一直推薦我去食，今日終於去試下啦。多幾多選擇，菜品豐富，人都幾多下，感覺地蔬菜都好新鮮，3菜1飯1湯，以為不夠食，畢竟系全素菜，但系剛剛夠，都夠飽肚。