寶寶雞煲 (已搬遷) 新店位置

老豆話朋友上次同佢去此店好好味, 難得假期同我一起去太子此店食雞煲.4個人叫左半隻香辣雞煲, 一碟炸响鈴, 一碟手切本地肥牛, 一碟菜, 冰豆腐, 鵝腸雖然大熱天時打邊爐有點過份, 不過老豆喜歡既做女更係要陪.估唔到老豆今次介紹都唔錯, 這裡既雞煲真係做得唔錯, 個煲帶少少辣雞肉都夠鮮甜肉滑好好味, 至於其他火鍋配料都算新鮮特別個鵝腸好彈牙又無咩肥膏清走得好乾淨, 手切本地肥牛同樣出色, 肉夠嫩肥瘦適中這一餐食到家人好開心, 仲已經決定再約埋多d人來試埋其他食物.

話說今晚高高興興地和朋友到太子寶寶雞煲食飯，該店食物和服務一向都好好，點知今晚大失所望。首先安排入座已不好，要大肚婆上樓梯上一層坐，明明有位不安排。本諗住好好食餐飯所以不去計較。成晚都高高興興的，點知食到2115的時候，有伙計走來和我們結脤先，我覺得奇怪，因為我們1915入座，但又不是食放題，為何要埋單先？梗何況我們還未食完？個煲仲滾緊食物，要食也不可能立刻食晒掛？一路食就一路放定下一枱用的餐具，未食完的我們走咩先？個伙計話今晚人多所以兩小時要交枱，，你客多關我咩事？我又不是放題限食兩小時？梗何況埋單都成$699.不是食少少野掛？甘都趕客？點做生意呀？甘看不起客人？一有客多就趕客走，今次真係食到成肚火，一定不會再有下次！

今日啲朋友仔好有興致話去打邊爐,我就提意不如去新開嗰間雞煲試下,(貪佢近同食完雞煲可以打埋邊爐嘛,嘻嘻)因為打電話去BOOK咗位,所以唔使等.首先叫咗一隻雞煲,要小辣小麻,個汁勁油,唔知係咪太旺,所以啲雞,完全無雞味,不過比出面有啲雞煲好味啲,因為有麻既感覺.呵呵.唔會剩係得個辣字. 食到咁上下就嚟咗啲火爐配料:特別推介:手打蝦丸,超超超好味,正,同出面完全唔同. 仲有脆鯇腩,都好新鮮. 響鈐都OK,好脆. 另外,唔記叫咩名,係用條油炸鬼瓖啲墨魚滑落去炸,都好好食,好夠味. 仲有碟<冰豆腐>超正,出面好小做到呢個咁好. 其他仲點咗 <手切肥牛>麻麻地,好硬. <美國筒蠔> ,有沙,滾完之後超宿水, <魚皮餃>普通, <豬腰,豬潤>好味,新鮮.皇帝菜,午餐肉,超迷你生跟,魚零,淮山,木耳,都唔錯, 值得一提,呢杯<Hoegaarden>超抵飲,生啤.$45勁大杯.正 另外唔飲啤酒既朋友,一定要試佢本身比你茶,佢唔係普通既茶,係荔枝茶.好好,(不過怕燥既朋友就唔飲咁多啦)

星期日晨早去愛協步行，下晝直落去寵物節。五點幾先出番旺角，已經攰到爆，於是近近地試咗寶寶雞煲。未夠六點去到，員工們仲開緊餐，不過佢地都好好俾我地先入去坐。要了醉雞湯底，有半隻雞。另點了牛心頂、白鱔片、蝦丸、豬什、鵝腸、炸釀油炸鬼、手切本地肥牛、魚皮餃。醉雞煲先來，大概滾15分鐘就有得食。老闆話要先食晒d雞先好淥其他野食，否則d雞就會滾到老晒。半隻雞嘅份量都好多，有胸有脾位，雞係新鮮雞，肉質非常嫩滑，也有雞味，唔似冰鮮雞嘅雞肉無味兼淋身。先淥一d快熟嘅，就係牛心頂，只要淥一淥，見佢開始收縮及彎曲就食得。牛心頂好爽口，也有牛內臟嘅味道，我自己就好鍾意，但唔食內臟嘅人可能就唔鍾意。鵝腸，名乎其實用上獅頭鵝腸，絕無去除肥膏。肥膏好多，我怕肥會先去除些少膏再淥，依然甘香肥美。豬什有豬腰、豬潤、豬肚同豬大腸。味道不過不失，可以不試。白鱔片，九十幾蚊，得8條。老闆話切條好食過切片。新鮮，唔算多骨，鱔味十足。蝦丸必食，超彈牙，又鮮味，真材實料。炸釀油炸鬼，唔夠禾牛薈咁好食。呢度嘅油條較幼，所釀嘅蝦膠亦唔多，味道偏咸。手切本地肥牛也很一般，牛味欠奉，切得薄如紙，無口感。忘不了魚皮餃，真係會忘不了，好好食

正直冬至後一天，北風狂嘯，天寒地凍，當然火鍋是不二之選。我跟友人一行十餘人來到這間位於太子基隆街11號，寶哥品牌下的新分店－寶寶雞煲聚首。由於其中一位朋友跟店主有點交情，所以我們預先留了座位，及額外準備了一些海鮮給自己。寶寶雞煲採用了一貫火鍋店落餐紙的做法，點餐以自助的形式，在餐紙上劃上所需的份量，再遞給店員便可。看看餐紙的價錢，定價便宜，而且有大小份量供選擇，適合大夥人或小團隊出動。由於店家名字以雞煲為主打，所以我們便點了他們的招牌香辣雞煲。店家很無奈的告訴我們，平時他們都是用活雞的，但由於禽流感，所以要屈就我們吃冰鮮雞了。除了它不是新鮮雞外，這個煲真的很讚呢。首先，它採用的是瓦煲，跟其他火鍋店用金屬煲不同，滾起來別具一番風味，也少了幾分鐵味。其二是足料，$155全隻的雞煲，加兩個烏冬及菜，足夠兩小口子撐著肚子走出去呢，而且辣度可供選擇，吃不了太辣的建議吃小辣便可了。店家建議我們讓他滾十五分鐘入味後才食，故在這之前我們當然先嘗一嘗他們的招牌小吃。這個炸魚角不錯呢而這個炸釀油條，我倒是第一次碰到，店家說是他們的特色之一，我也很喜歡呢，那油條脆脆的伴以那鮮味的蝦滑，味道跟口感比平時吃的煎

今日一行6人去行花園街及金魚街，阿妹提議打邊爐，我話不如去百利，點知要等位，見到隔離新開咗間叫”寶寶雞煲’，阿哥話旺角嗰邊都有間，食物都唔錯，反正都係打邊爐，咪走入去試下囉。行到攰坐低梗係飲番杯啤酒，咦.有Hoegaarden喎，大大杯都係三十幾蚊，去酒吧飲都唔只啦。睇下張餐牌，主打雞煲，招牌係香辣雞煲，唔知同來來又或者一品邊個好食呢？我哋幾個都唔係幾食辣，叫咗個小辣。伙記服務很好，告知雞煲是即做，要等10分鐘左右，推介一些餐前小食比我哋，皮旦酸薑、炸釀油條、炸魚角以及素鵝。皮旦酸薑同中環鏞記一樣咁好食，炸釀油條係用蝦膠釀落去油炸鬼度，口感非常好，送啤酒一流。炸魚角夠香，另外素鵝亦非常出色，一食就知係深水埗”樹記”貨。輪到主角雞煲出場，上枱時已香噴噴，伙記建議先煲10-15分鐘，等香辣味完全滲入雞肉度。(據講佢哋用新鮮雞做，但寫食評時已沒有新鮮雞賣。)等了15分鐘，口腔分泌大量口水，先喝一口湯，雖然無來來及一品的麻辣香味，但都很香濃及惹味。試一件雞，味道出奇地鮮，食得出係用新鮮雞做。十分鐘後，我哋幾個人已將成煲雞食哂。意猶未盡再叫些配料食，牛肉當然唔小得，餐牌上有M9和牛、新鮮牛頸脊。