寶寶雞煲 (已搬遷) 新店位置

去左太子個頭逛，想食雞煲所以上open rice睇下附近邊度有啦，就揀左呢間。首先嗌左一個招牌香辣雞煲，一隻雞分量。因為後加湯既雞煲會貴d，所以就嗌左有湯既冰鮮雞雞煲。因為唔想食咁辣所以嗌左微辣，黎到見到同想象有d出入，唔似得平時食既雞煲咁有濃郁既湯底好深色既調味醬，以為會好差，點知d雞食落都唔錯，肉質都幾鮮美，滑黎講雞翼係最最最嫩滑，不過得一兩隻。同埋微辣可能味唔夠重，下次起碼都要嗌小辣先得，好彩個豉油有d辣味，點左黎食會正d重味d。食雞煲緊係要打埋邊爐，仲一定會叫牛，冇咩地方食到和牛，見到佢有澳洲M9和牛就諗住試下，又真係幾好食，入口即溶，鮮嫩得黎又肥瘦適中，絕對嗌得過。之後仲見到佢個手切新鮮牛肉隔離有必食兩個字就叫左呢款，賣相睇得出係手切既，食落都唔遜色，一樣咁鮮嫩可口，無"un"既感覺，所以都值得一試。然後諗住叫個小食，椒鹽鮮魷，上碟既時候唔算熱辣辣，但食落外脆內軟，亦都有足夠既椒鹽味，唔會太咸或者太重口味。間店有兩層既，環境唔算得上好，比較簡陋，但勝在食物係唔錯，服務都ok，試下無妨。

收工出太子食雞煲 好耐都無來這一區食野仲要去到基隆街 呢頭依舊好多火鍋 雞煲 好適合成大班人柴哇哇去食今日同個同事 去左呢間寶寶雞煲如果大家食過/聽過 就知呢間 有好多珍寶 /稀有 火鍋食材我地都想食個清潤d椰子走地雞煲唔想食得咁強味道仲有叫左呢杯大檸樂見到 真係 大檸樂比我想像 大2 倍果然名不虛傳由一開始 去到 食晒野 就剛好飲晒d師父做野好快手 來左杯可樂一陣 就已經上晒全部火鍋食材呢張就係我地叫左的係咪覺得樣樣都唔大路又食得好奇怪就係因為唔係常食到更加要試炸響鈴大大條 有 4 條而且係炸到好脆 好索湯汁豬脆骨豬軟骨就經常食豬脆骨就真係第一次打邊order好特別 脆卜卜 放左落湯 煮多陣會淋d但就唔似豬軟骨咁食落咁多膠質 宮崎豬膶呢個係小食食落好滑 好甘香而且切得好薄 好瘦 鮮雞肝--簡直食左我好多內臟quota但真係好正 好似食咁放題咁食落都新鮮 但一定要煮到熟唔好有血水鮮牛滑食落好重酒味 但好滑有d. 似山竹牛肉 但就size就自訂本地手切牛肉唔肥 但好香牛味今餐食左 3.小時 但每人都係$3xx但食到咁多 稀有 又 處理好的食材值

今天跟另一麻甩系友人慶生，很久沒吃雞煲，剛好朋友在太子附近，於是決定到這裡一試！這裡晚上九時後全單八折優惠，青島啤酒兩支$38很划算！點了有湯那種鍋，雖然已經點了貴一點的新鮮鷄，但肉質還是不夠嫩滑相反，這裏的火鍋配料比雞更好吃，尤其是魚卜！充滿酒香，很難可以在香港吃到！墨汁墨魚丸十分鮮味，極度推薦！海鮮種類繁多，很多選擇曾經去過旺角店，那邊環境及衛生可以，可惜這裡完全不一樣。。。要是慶祝紀念日不建議在此店進行

在太子這區揾食，選擇甚多，我們一行三人均想打邊爐，因為可以傾計，慢慢食，但見到這間雞煲店，便「轉呔」。其實我只是第二次食雞煲，但見這間舖的顧客大都能同老闆打成一片，便知這裡很多熟客，有回頭客，就知食物質素不會差。雞煲的雞有兩種，我們選擇貴一點的走地雞，三個人食半隻剛好不會太飽，可以「留肚」食其他火鍋配料。我們選了微辣的麻辣湯底，這裡我的雞煲跟我在另一間吃的有點不同，就是上菜時已加了大量的湯，雖然雞汁因此淡了，但勝在可以立即開始打邊爐。湯底惹味、多料！看見一串串類似胡椒粒般的香料已覺真材實料。而原來除了雞件，湯內還有雞什，更覺滋味。火鍋配料大都有大、細分。份量絕對合理。而又因為只顧食，忘記了拍下食物的相片

打邊爐，非海鮮類材料還算合理，黑牛百葉，皇帝菜38呅，量多。水尤魚小食觀塘區人必食手切牛188,約有25塊,味道中上，不過，有啲貴只是雞煲全隻，上菜時，無左成半。過份！味道是好既切餅，自來酒水就全免費既

今日仲係年初二，新年流流，夜晚又凍凍地，就好想去食啲熱辣辣嘅野，出到旺角砵蘭街好多野食果度，發覺都仲有好多舖收爐未開市，喺附近行左一陣，其實都冇乜選擇最後就揀左呢間寶寶雞煲。今日上左2樓食，都好，好似冇咁凍。凍冰冰即刻叫咗個雞煲滾住先， 第一次就試下個招牌香辣雞煲。 睇落都幾足料，而且湯味好濃，聞落都好香。然後叫左杯珍寶size ge 咸檸七，好爽呀！肉方面，叫左份豬頸肉、鯇魚片同魚皮餃，3樣都真係好好食。豬頸肉就算淥得耐左都一樣唔會老，又夠甘香，份量都幾多，真係正。鯇魚片就仲西利，食落非常脆口，好新鮮。魚皮餃同出面賣果啲嘅口感係有啲唔同，唔知係咪自家製呢?又係好甘香好濃味。呢3樣都值得再試。我地仲叫左4款蔬菜，老細幫我地做左雙併嘅價錢，除了莞茜太老食到有啲渣之外，其餘嘅油麥菜、娃娃菜同生菜都非常好食！個粉絲淥一淥好快就食得。

朋友話介紹好食雞煲，即管試下…呢間可以open rice 訂位，好方便，仲有野送驚喜。職員好好人咁同我地介紹唔同雞煲，我地叫左小辣既煲…再加兩杯大飲品，用啤酒杯裝既，好豪邁呢煲雞煲叫左小辣，可以揀新鮮雞定冰鮮雞，價錢有啲唔一樣，煲湯或者叫做汁比較多，同我以往食既唔一樣。我地揀左半隻新鮮雞，雖然湯較多，但都好好食喎。食得辣既，可以叫辣啲仲惹味。食完雞煲打邊爐就當然係常識啦，我地梗係叫推介既手切牛肉、魚皮餃、蝦丸、响鈴…真係好食喎，識食既你一定要食喔。自製既响鈴已經買少見少…好欣賞忘了分享…我地叫左個豆腐小食，好滑好好味食食下至見到隔離枱既雞煲係乾身啲嗰種，好香好好味咁，我地決定下次食呢種

是日團年飯☺️☺️☺️提早同屋企人食 因為知道臨近新年一定好難搵位所以提早左一個禮拜黎食左揀右揀 最後都係揀左寶寶雞煲因為呢排凍 一凍打邊爐就好正但大家都唔係太想食去食任食/茶樓打於是 近近地揀左呢間啦入到去 首先係揀雞煲 我地揀左椰子雞本黎想食花膠雞 （特別d ma) 點知賣晒lu椰子雞都好唔錯 ge好香椰子味 d雞食得出係冰鮮雞 咁都好正常ge 係香港都好難食到新鮮雞 特別近新年雞正正常常 唔太肥👍🏻再叫芝士丸 墨汁墨魚丸 大量菜 墨魚膠 蝦膠 肥牛 鮮魚片值得推介係d蝦膠 墨魚丸 黒魚膠👍🏻👍🏻足料又好食

由佐敦寶寶雞煲開始食寶寶，食到佐敦分店執左，就轉左黎太子分店食。以前一直都係食雞煲，因為湯底真材實料又夠辣，本地新鮮粵皇雞亦冇得輸。可惜近年因轉了師傅既關係，湯底已大不如前，而新鮮雞亦轉用左內地來貨，大感失望。直到有一次唔食雞煲玩打邊爐，發現原來佢地返既本地手切牛真係新鮮，冇經急凍處理過。真心香港食過每一間牛專門店都做唔到呢個質素。點解？我地問過間間都係話，係新鮮返架，但師傅唔冰舊肉切唔到。當然明白佢地流量大，冰左易切同快手好多，但舊牛既肉質即刻鞋晒，肉味都啖左。而寶寶直到今時今日都係用新鮮貨真手切，又夠厚，見到啲肉紋就知。煮到熟晒都仲係好林同好有肉味。唯一唔好既地方就係有時會賣晒所以而家醒目識打去留定一碟先。而家做埋宵夜時段有八折，非常抵食。

突然想去食火煱、但又唔知去邊好。發現間寶寶雞鍋！見有二人餐所以入去試下！超初會覺叫餐都未必會好！但最後膽粗粗試吓！點知就發現驚喜！餐內海鮮有多種！而且算好新鮮，還有菜有肉！我哋叫咗粥底！根本乜嘢都唔使加！已經夠食！食唔晒添！元四佰頭搞掂了！個粥底原來最後有粥及煲粥食材比你煲！令到煲粥可以更加好味！記住要不停攪拌個粥底丶這樣就唔會煲燶咗啦！唔講咁多睇相啦！相片上個心心牛丸是用筷子在頂壓一壓先再放法煲！

第一次食..雞煲味淡..雞完全沒味道！價錢不便宜但質素比任食雞煲還要差！要多次加味才夠味道！火鍋料不算新鮮。食完一次，唔再食，睇落唔新鮮，食落去更唔新鮮！真係未食過咁難食嘅雞煲！三個字「真攞命」

天氣轉冷，上星期去到旺角太子覓食，去到間“寶寶雞煲”就即管試下。甫入店內，就點左個雞煲，之後再叫D鍋料火鍋，餐廳裝潢一般，餐具油油的 ，雞煲味道一般，雪味甚重，其他鍋料都係平價料，口感一般;之後加多碟通菜炒牛肉，牛肉不腍，牛味好香，尚算不錯;通菜則炒得過火，整體都一般，有D失望，有待大改善

約左三個中同一齊打邊爐，因為之前有friend食過話好食，就決定試下e間寶寶雞煲。我地晏晝訂左位，八點去到即刻有得入。我地叫左個麻辣雞煲，因為個個都食得辣，我地就試下個中辣。個雞煲等左唔洗5分鐘就黎到，係特別d，d湯比之前食過個d雞煲多好多，d湯好辣好頂癮，d雞又滑，但我地order 左一隻雞，但好似好少咁，每個人食左幾件就已經食曬。跟住我地叫野食，姐姐好熱情咁招呼我地，推介我地有咩好食。我地叫左炸魚皮、手切肥牛、魚皮餃、黑豚肉、鯇魚、龍蝦丸。樣樣都好新鮮好好食。肥牛好嫩口，肥瘦適中，放係D湯幾秒就有得食!　我特別推介龍蝦丸，堅係我食過最好食，最彈牙!食食下口渴，每人叫左一大杯60蚊ge 啤酒。飲啖啤酒吹下水，最後食曬全部野，飽到上心口就埋單走人。每人200蚊，d料咁新鮮都幾抵! 下次會再黎食餐勁! 

寶寶雞煲，其實已經食過好多次個人唔鍾意乾煲，太蠔油太甜寶寶呢個濕煲就完全唔甜，岩晒飲酒既我個煲足料夠雞，好多莞西係面！配料方面，特別鍾意佢既田雞同埋餃用料新鮮，田雞即劏仲識郁，真係唔係個個接受到，但堅好食

寶寶雞煲，其實已經食過好多次個人唔鍾意乾煲，太蠔油太甜寶寶呢個濕煲就完全唔甜，岩晒飲酒既我個煲足料夠雞，好多莞西係面！配料方面，特別鍾意佢既田雞同埋餃用料新鮮，田雞即劏仲識郁，真係唔係個個接受到，但堅好食