寶寶雞煲 (已搬遷) 新店位置

這間在太子的寶寶雞煲，以雞煲及海鮮為名，今晚本來想試試海鮮火鍋粥底，可惜因休魚期，所有海鮮都要提早預定，所以我們轉食火鍋。這裏除了醬料每位$6外，不需要加一，而且食物份量有半份選擇，人少少都無問題，加上價錢公道，比外面的火鍋店至少便宜1/4，所以十分超值。猴頭菇鯊魚骨湯有鯊魚骨及幾件猴頭菇，麻油味較香，魚骨味道較淡。手打墨魚滑必食之選，墨魚滑是手工製作，用料新鮮，十分彈牙。手打蝦丸必食之選的第一位，蝦丸除了彈還是彈，還有粒粒蝦肉，新鮮足料。手切新鮮牛肉必食之選，以比較矜貴的封門柳，肉味較濃郁而且有咬口及腍滑，拍得住牛頸脊。其他火鍋配料則比較大眾化，不過份量十足，半份等於外面的一份。

雞煲店打邊爐@太子一心嚟食雞煲，點知海鮮火鍋 $198/位而且無加一，結果就轉咗打邊爐 😂 如果有 book 位，可以講定要粥底火鍋𠻹～首先有個環球海鮮盤，有八款唔同嘅海鮮，豐富到爆！海鮮籃有龍躉、魷魚、生蠔、帶子、蜆、蚌、膏蟹仔同蝦。侍應仲好細心咁一早擺定兩個桶仔，俾我哋掉殻。啲海鮮全部大大隻，size 唔細㗎喎。真係好新鮮好鮮甜，樣樣都好掂 😍大蝦好生猛，肉質爽彈 👍🏻 原本見抵食先揀呢個餐，無諗過呢個價錢有咁好質素嘅海鮮，超值！海鮮之後套餐包咗自選八款火鍋配料，各種肉類、手打丸、餃同菜等等，選擇都唔少。美國牛肉帶點脂肪紋理，食落柔軟唔乾柴。手切鮮牛肉切得厚啲，口感強烈啲。味道亦濃味啲，牛肉味重啲。日本黑豚肉都好好食，無普通豬肉嗰啲肉膻味。食落係滑嘅唔嚡～自製墨魚丸使唔使咁大粒啊？自製嘅果然彈牙得多 😋魚皮餃個皮幾薄，肉餡包到脹脹～炸魚皮脆到無人有，調味適中唔會過鹹，俾朋友送啤酒一流。最尾兩樣就點咗啲蔬菜、菌類，食完肉食翻啲菜就啱哂。唔飲啤酒嘅朋友就叫咗渣洛神花茶，酸酸甜甜又清涼，一渣都好夠飲。

呢間位於太子的火鍋店除了主打雞煲，也有推出$198的海鮮火鍋。呢款火鍋除了可以選擇用湯底打邊爐，都可以揀粥底火鍋架。不過如果想食粥底火鍋的朋友就記住要提早一日打電話去預約啦。今次我和朋友就揀咗日色鰹魚昆布湯底，湯底入邊有很多蔬菜和香菇，而且食落味道濃郁，都幾足料㗎。而海鮮方面是由店家分配的，當天的新鮮海鮮是魷魚、生蠔、花甲、生蝦和魚肉片等。每樣食材都非常新鮮，而且清洗得很乾淨。食落鮮甜之餘不會有沙，質素頗高。火鍋配料方面，推薦手切鮮牛肉、炸魚皮。食落好新鮮，魚皮亦炸得鬆脆。其他火鍋配料質素亦很高，值得一試。.🏠寶寶雞煲地點：太子基隆街11號地下

今日去到太子想食雞煲，一班人黎到寶寶雞煲試一試佢。一黎當然要講下個雞煲，呢到其中一個大特式就係有得揀冰鮮同走地雞，反正係想食雞就要左個走地既一試！果雞新鮮雞雞皮脆啲食落都有肉味！之後係手切本地牛，一睇就知佢幾靚，雪花均勻，同時食落都有油香同肉味。不過今日食太多肉所以叫左半份姐。下一樣係手打三寶丸，有牛丸，墨魚丸同鯪魚球，食落彈牙同好香，其中墨魚丸大大粒又雪白，食落都好重墨肉味。食左咁多肉都叫左啲海鮮食下，新鮮花蛤食其實係雞煲之中唔太突出，因為好易比佢既重口味蓋過左花蛤既味道，不過食落都鮮甜既。蔬菜選擇都多既，有最岩食火鍋既皇帝菜，好夾重口味雞煲，同時當雞有唐生菜啦！另外其他雜項都算正常，最後食埋個出前一丁就差唔多啦！總結今日都食左唔少野，平均每人都係200蚊多啲的確唔算貴！

放工還是選比較方便去的太子，相約三五知己食個地道雞煲，聊聊近況和八卦。首先我們當然要選雞煲，一場黎到，緊係揀最貴既寶寶奇味雞煲，仲要係走地雞，雞肉果然好彈牙，雞皮口感似過左一過油，所以不是很肥膩。奇味實在係惹味，甜甜辣辣的，很下飯! 因為雞煲先是干鍋，食完再加湯，所以我們也點了不了火鍋配料。兩款牛肉，各叫了半份嚐嚐，澳洲m9和牛有雪花，較肥美；本地手切新鮮牛肉，重牛味，有口感，本身偏向喜歡本地牛，而且較抵食! 手打三寶丸食得出是手打的，用料新鮮彈牙，最中意墨魚丸，很鮮味。魚腐大王是必點的，口感軟綿鬆化，但魚味極鮮。大蜆沒有沙，鮮味!皇帝菜和生菜都很嫩爽，吃了很多!響鈴就普通正常。最後用韓國薯仔麵收尾，很彈牙又有飽足感!

和朋友聚會當然要打邊爐熱鬧一番，選了太子一間平靚正的火鍋店叫寶寶雞煲，除了有火鍋吃還有雞煲可以選擇。入座後看看菜單，發現有個海鮮火鍋套餐，$198已全包加一和醬油費，有海鮮拼盤和自選8款火鍋配料，沒有理由不點這個吧，太超值～湯底選了日式鰹魚昆布湯，入面有大量的香菇和菜，很清甜哩環球海鮮盤很豐富，有八款新鮮海鮮，我們四人有兩大盤這個！有蠔、大蝦、龍躉魚尾片、帶子、魷魚、大蜆、蚌同膏蟹仔，性價比100分而且海鮮十分新鮮味美～將大蝦點一下醬料來吃很惹味，肉質非常彈牙，這裡的醬油沒有大堆頭的香料給你自己混，而是送上餐廳的秘制醬料，只能說很香很惹味，令食物生色不少～鮮魷魚甚有驚喜！完全不韌，肉質很柔軟炸魚皮香脆惹味手切鮮牛肉很捧，牛味很濃郁美國牛肉和日本黑豚肉，肥瘦適中自製墨魚丸很彈牙鮮腐皮拼冬瓜件，腐皮非常嫩滑魚皮餃有八隻～份量十足吃火鍋當然不少得冰涼啤酒吶，這裡一大支都是$35，可以喝個暢快🍻

<寶寶雞煲>又食我最鍾意食嘅雞煲, 今次去咗位於太子嘅寶寶雞煲, 貪佢夠多選擇又多特別嘢食叫。 本身今次想叫豬腦試下，點知啱啱賣曬認真搶手😭。 其實佢除咗火鍋配料之外，都有好多特別嘅小食，不過我哋今次就冇叫喇下次可以試下😋佢嘅雞煲都有乾同濕揀， 而雞亦有冰鮮雞同農場雞選擇， 農場雞就當然貴少少啦！ 而我哋今次呢就試咗濕嘅香辣雞煲， 揀咗農場雞，但坦白講我就食唔出有啲乜嘢嘅分別， 雞亦略嫌斬得太碎同埋比較鞋身🙄 而呢個汁就都ok嘅， 係鍾意食辣嘅朋友呢可能小辣就唔夠辣，叫中辣好 d。大部分火鍋料都吾錯， 最鍾意係好多都可以半份半份咁叫， 連桶蠔都可以叫半份就真係好少有， 所以就算兩個人去食都可以試多好多款式😍。今次呢我哋叫咗半隻雞煲， 半份桶蠔， 半份墨汁墨魚丸， 半份韮菜餃， 半份魚肉年糕， 半份響鈴， 半份萵筍， 一份海生蝦， 一份雞雜， 一份鵝腸， 兩支啤酒， 總共食咗六百幾蚊。至於餐廳嘅環境我會形容為有啲麻甩feel， 但尚算坐得舒服同埋乾淨， 洗手間亦比我想像中乾淨。 我去當日係星期日， 我見佢哋都好好生意， 好似好多熟客仔幫襯。

行經太子，諗起太子有馳名海鮮街之稱嘅基隆街，打算去食海鮮... 就喺海鮮檔側邊，就俾我發現呢間雞煲... 見佢哋推介係用特選走地雞，即管試試～打開蓋，炒炒佢，辣雞香氣撲埋嚟～🌪小小辣嘅寶寶奇味雞煲，啱哂香港人口味，皮脆肉嫩嘅走地雞，非一般冰鮮雞可比～😋食飽雞，加湯再打邊爐～本地新鮮牛肉，肥瘦均勻，香濃牛肉味～雖然過咗冬季，但係皇帝菜仍然鮮嫩～手打牛滑，濃郁嘅牛味，夠彈牙～窩筍係近期至愛，打邊爐必食，索哂雞煲湯嘅味，又爽又清甜～食辣雞煲，嘆番罐coke ，一樂也～

今日同寶寶出去食飯，見到有間餐廳好搞笑，叫做寶寶雞煲，既然係咁就同寶寶一齊去試吓啦。湯底就叫咗個椰子雞湯，入邊有半隻雞，百幾蚊，同喺深圳食嘅味道好似，又唔使山長水遠去到深圳食喎。仲有唔少海鮮揀，價錢我覺得幾平，好似叫咗象拔蚌都係$25.1隻，外邊餐廳來講都算係咁。仲叫咗啲魚片，牛肉等等，質素都唔錯，真材實料。另外都有叫咗水餃超級抵食有成八隻㗎其實依家打邊爐價錢都唔平，呢間仲可以食完雞煲同埋打邊爐，都算係太子好選擇。

寶寶雞煲-港式地道雞煲白底黑色書法字的燈箱招牌，配以落地玻璃，門面貼著一張張新鮮食材的圖片，內裡非常有特色的紅底白字的雞煲火鍋配料的名牌。除了地下，閣樓亦設有座位，地道、實在的雞煲專門店。寶寶奇味雞煲海量多的雞件，雞件是煎炸過的，外脆內嫩，配合多重配料始洋蔥、紅蔥、大蔥、辣椒及醬汁炒香，醬汁沾滿每件雞件，最後再加湯打邊爐！手切雪花肥牛雪花紋理極靚，脂肪分佈非常平均，厚度剛好，新鮮牛牛味重、入口即溶。酥炸魚皮邊爐邊食，脆炸魚皮，一浸一咬。鮮蝦雲吞爆多鮮蝦的雲吞，彈牙蝦身，雲吞皮超薄。汕頭牛根丸彈牙扎實的牛根丸。台灣貢丸多汁油分夠的台灣貢丸。忘不了魚皮餃俏皮的名字，真材實料的魚皮餃。唐生菜新解爽脆唐生菜。爽滑重慶粉晶瑩剔透的重慶粉，啫喱般，吸收滿滿湯汁。清熱洛神花茶冰凍洛神花茶，解渴解膩。

唔知道大家會唔會因為餐廳利用招牌菜做餐廳名而心動想去試下。 而我就是這款的人，如果間餐廳利用招牌菜做餐廳名，則代表他們對招牌菜有信心先會咁有勇氣咁做。 而食客嘅我，食的是這一份信心。 咁啱今日早收工，就同友人去太子一帶搵野食。 見到一間寫住我心諗他們的雞煲應該唔錯，就走入去試下。 我們兩丁友叫嘅種款不多，不過上菜的份量好足料，一定夠食。 我們叫咗個 寶寶奇味雞煲 （半隻冰鮮雞） $128 他們仲有走地雞選擇 (當然貴些) ，不過我同友人都唔識食雞嘅種類，所以要冰鮮雞就算了。 雖然是冰鮮雞，但雞肉大舊又足類，不會雞骨或雞油多， 卻是意外驚喜。抵讚大大杯檸檬茶，茶味偏濃，唔錯。 依個手切雪花肥牛，是我今晚最愛。 肉質好嫩而且牛味充足！ 份量也足！ 份量多多的響鈴， 浸三秒，依舊保持鬆化。 好味菜嘅份量唔算多，但菜好嫩。 牛筋丸都好食，夠彈牙大粒有牛味！ 樓面招呼都唔錯，繼續加分！ 個人認為下次一大班人嚟食會更好！

朋友聚，麻甩一下去太子打邊爐🍲😂「地」啲嘅邊爐又有另一風味😜 🍺✅ $198一位有海鮮粥底邊爐，再揀6款火鍋配料😱已包加一及醬料，不過原來要訂，好彩都可以揀昆布湯底☺️海鮮分量一啲都唔少，而且好新鮮👍🔸蟹有超多膏， 雖然細隻，但係食落幾清甜😋🔸個魚我反而非常驚喜，開頭仲好怕腥，但淥熟左啲魚肉好彈牙，食落一啲都唔腥 ，個魚皮仲好煙韌🤗 🔸 蝦好爽口，食得出係新鮮嘅🦐🔸 仲有大蜆都好大隻好甜，無沙估唔到呢度食到唔錯嘅海鮮邊爐，雖然環境 係比較舊😝🥢 另外六款火鍋配料➡️ 炸魚皮係新鮮炸起，而且唔係好油，夠薄夠脆➡️ 丸類叫咗牛丸及墨魚丸，自己手打整㗎🤩仲大大粒，牛丸味食落有啲似山竹牛肉🤣墨魚丸爽口彈牙，但墨魚味就唔算好濃➡️ 肥牛以為質素會普通，但係薄切得嚟又幾林喎，雖然牛味唔重➡️魚皮餃就無咩特別😊✴️ 叫咗杯凍檸樂，用大大嘅啤酒杯裝住，可以兩個人share👭呢個價錢食物分量一啲都唔少，超抵食！

這晚來到寶寶雞煲，試一試用走地雞做的雞煲。招牌雞煲（半隻），因為兩人的關係，只叫了半隻，顏色非常豐富繽紛，全因配菜香料非常充足，有燈籠椒，紫洋蔥，紅椒，芫茜等等，簡直色香味俱全！走地雞肉雖然不是啖啖肉，但勝在肉質充滿彈性而且有雞肉香味，加上麻辣的味道太惹味了。很快被我們清光後就開始加湯做火鍋了。其實加的湯都很鮮甜，所以之後與美味食材一同把美味度提升，連湯都做得有心思的火鍋店實在難得。手切新鮮牛肉旁邊寫了必食，所以都點來試試，果然牛肉鮮味甚濃，完全沒有雪過的味道，而且牛肉有彈性，真的好好食，沒有介紹錯。新鮮花蛤，意料想之外的大隻，而且有六隻，有鮮甜的海水味，而且蛤肉熟了亦不會縮很小隻，不錯！迷你象拔蚌，象拔蚌是我最喜歡的貝類，因為鮮甜無比而且肉質有厚度而且彈牙，雖然是迷你但我都覺得不算迷你，都有手掌心這麼大，鮮甜到不得了太美味了！最後來點蔬菜吸收一下湯的精華。總括是性價比很高，價錢不是太貴但食材很有質素，有很多食物都想試，下次會光顧。

同朋友食飯，去到太子見到地道雞煲,於是入內試一試入到去佈置好有香港地道風味入到店內，睇睇餐牌有好多選擇朋友因為唔舒服，雞煲唔辣唔好味，所以我地就決定叫一個清淡的湯鍋，見佢有一個推介的大白菜新鮮魚頭湯窩，於是就試一試佢。一送上枱，魚湯味道已經好香。入面仲好足料添飲落去仲好有媽媽魚湯的味道添，我地每人都飲左兩三碗先捨得用個湯黎打邊爐一開始我地落左D姬蟲茸，一碟有好多，絕不欺場煮緊既時候，剛好炸鯪魚球送到，好肚餓嘅我地即刻試一試佢，外脆內嫩，配埋蜆蚧醬，好鮮味啊。打邊爐又點少得牛肉呢，我地點左本地新鮮牛肉，一碟都有好多，雪花分佈平均，見到已經知道係好野！我地有朋友唔食牛，黑豚肉一樣出色我地仲叫左脆肉鯇片，都好新鮮，落湯煮一煮就已經好爽脆哪！而我最鍾意就係佢個炸響鈴，因為真係即炸嘅，黎到仲熱，超新鮮。我地仲叫左黑百頁，平時大部份邊爐店都只有白色，但加工太厲害，所以一見到黑百頁又點可以錯過呢，真係好爽口啊！隨後我地叫左D竹笙，生菜，娃娃菜，金菇，凍豆腐等等，每樣食品都好新鮮，所以打邊爐真係要去返專門店食，所有食物品質都好好啊！ 四個人食完，超滿足，食得咁豐富，原來都只係900蚊左右，如果想食優質

今天和朋友聚餐去了，我們去了位於太子基隆街的寶寶雞煲。這是一間樸素的小店，但店員十分有禮殷勤。雖然是雞煲專門店，朋友介紹食他們的魚鍋，我們點了大白菜魚頭鍋。 如果喜歡食魚的話，這個鍋真是很好食。魚的分量很多，很肥美，並很多白菜。鍋來到，首先要飲他的魚湯，很鮮甜，未吃火鍋之前，我們已經飲魚湯一碗接一碗。另外我們選擇散點的火鍋配料。小食點了蜆蚧鯪魚球，很香口，炸得外脆內軟，點蜆蚧醬，作為餐前小食，十分惹味。原隻特級魚肚，魚肚很飽滿，吸收魚湯，好味道。黑牛栢葉，由於黑牛扒業的質感比較堅韌，所以切絲會較容易進食，但不失趙頭。黑豚肉，黑豚肉片很薄，肉的纖維有韌性，有口感，而且肉味濃郁。手切鮮牛亦，肉味濃，脂肪少脆魚鯇，爽口脆肉的口感，吃火鍋不可少。竹笙（養殖），雖然點養殖的竹笙，爽口的口感也很好，吸收魚湯後很好吃。姬松茸，菇味濃郁，加在魚湯裏，增加了魚湯的香味另點了三款蔬菜，油麥菜，娃娃菜，唐生菜。稻庭烏冬，烏冬口感煙煙韌韌，是我吃火鍋的必備麵食。總結：是一間有人情味的小店，店員十分有禮及殷勤，而且食物質素也很好，份量很足夠，今次吃魚煲，我覺得也很不錯，魚很肥美，湯鮮甜，下次再來試試他的雞煲。