寶寶雞煲 (已搬遷) 新店位置

今日去左喺佐敦嘅寶寶雞煲食雞煲同埋打邊爐🍲叫左半隻寶寶奇味雞煲🐓，有得揀冰鮮雞同新鮮走地雞，新鮮走地雞都唔係貴好多🤑，就梗係揀新鮮走地雞啦🤗半隻三個人食，每人都有6，7舊，叫左少辣🌶，啲雞食落就唔辣，不是去到後尾淥菜🥬食就覺得好辣喇🥵牛肉都有4，5款選擇🐂，我就揀左澳洲M9和牛🇦🇺同本地新鮮牛肉🇭🇰每樣半份試下，本地新鮮牛肉就淋身啲，澳洲M9和牛就牛肉味重啲，我自己就鐘意本地牛多啲😋佢大部份嘅火鍋配料都可以揀叫一碟定一份，我地少人就全部都叫哂一份，咁就可以食多幾款唔同嘅野啦👍🏻👍🏻海鮮又啲例如象拔蚌仔，鮑魚個啲仲可以斷隻叫添😀，我地就叫左象拔蚌仔同花甲，兩款海鮮都新鮮😋丸類叫左牛根丸🐂同手打蝦丸🦐，兩款都爽口彈牙🤤，好食呀，另外兩款餃都皮薄多餡，唔錯架👍🏻

今晚去左食雞煲🐔-依間寶寶雞煲喺太子地鐵站行✌🏻分鐘就到好方便, 而且價錢大眾化~~-叫左個招牌寶寶奇味雞煲$168, 依度嘅雞煲有得揀新鮮走地雞或冰鮮雞~~我地揀左新鮮走地雞, 肉質好好, 個煲叫左少辣岩岩好幾香口🌶食到lam lam 脷😜-食完雞煲, 店員就會幫你加湯打邊爐, 火鍋料超級多選擇❗️依度最好就係所有火鍋料都可以叫一份或半份, 岩晒2個人或者想試多幾款野食嘅人👍🏻價錢亦好親民, 火鍋料十幾蚊起就有交易🤩-打邊爐一定唔少得肥牛試左M9澳洲和牛🐮同本地新鮮牛肉🐂兩款都好有牛味又唔肥, 正-海鮮就叫左象拔蚌仔同花蛤，肥美鮮甜😌叫左4款丸類, 試完最推介手打蝦丸, 超彈牙👍🏻-飲品叫左一jar自家制洛神花茶, 完全冇落糖水, 天然清熱, 打邊爐開心share岩晒~~-

·無論天氣凍定熱都好 諗唔到食咩食雞煲都唔錯😆位於太子基隆街的寶寶雞煲 餐廳環境夠港式同乾淨企理 餐前菜點個椒鹽九肚魚食🌟椒鹽分怖得幾好而且入口即溶化味道唔錯👍雞煲方面點咗寶寶奇味雞煲半隻雞 (乾煲) 非常惹味😋 呢度的牛肉和牛滑是必食呢🌟 牛滑都是第一次食~ 味道似牛肉球 但比牛肉球再彈牙啲同滑身啲,一試會便愛上😋牛肉方面充滿牛汁香😍 一眾牛迷又點可以錯過🐮最後配埋飲品~ 呢度杯雙檸樂幾特別 ✨用 Hogarden 大大杯咁裝住😍 足夠2個人飲✨ 好夠份量呀😍餐廳亦有粥底火鍋食 ~ 食完雞煲打邊爐鍾意食粥底鍋嘅您亦不能錯過喔!

雖然天氣炎熱，但是突然好想吃雞煲跟打邊爐呀！係太子見到有間『寶寶雞煲』名字幾得意呀！就去試看看！雞煲有幾種，有乾的和湯的點了古方麻辣雞煲搭配半隻新鮮雞 ＄148可以選辣度，我選了超微辣試試點完單先見到下面的湯底都不錯呀！都好吸引！尤其是猴頭菇鯊魚骨湯剛剛只看到雞煲只好下次再來試啦！配料都好多選擇呀！先點了：手切新鮮牛肉 (半) $108手切雪花肥牛 (半) $108炸響鈴 (1) $35  >>>我的最愛！魚肉年糕(4) $38流心芝士丸(4) $38不一次點太多怕吃不完很快就都上齊啦！趕緊來吃吧！古方麻辣雞煲 (走芫茜)  ＄148這個雞煲是有湯的雞煲，秘密古方泡製的湯底充滿香味和麻辣，湯的材料和香料非常多因為我點的是超微辣，所以口味偏麻而不辣，但是香味也是很足！不愧是新鮮雞，很新鮮嫩滑，而且Juicy~~而且古方湯底的味道都入了雞肉內，好好味呀！點半隻有點可惜了！有別於乾的雞煲，由於這個已經有湯了，吃雞的過程中，直接就可以用來煮火鍋了，可以邊吃雞邊吃牛那我們趁熱來煮響鈴吧！趁熱？對！這裡的響鈴很特別，送上來時是熱的！應該是剛炸好的。每次火鍋必點的響鈴，用來配

同朋友gathering慶祝生日第一次食寶寶雞煲叫左個雞煲打邊爐🤤🤤🤤🤤叫左一個雞煲份量都ok 應該都有一隻雞既份量叫左大蜆好鮮甜但份量就少左d🙈🙈🙈🙈🙈墨魚滑大大份 又好食 好重墨魚味 好正 呢個好抵食🥰🥰🥰🥰響鈴應該係即炸😋😋😋😋一上枱仲係熱辣辣就咁食都好正十分之香脆大讚 係encore之選仲叫左豬脆骨 好特別 好少地方有一碟都有好多舊魚皮！真係必叫！超級好食！！！應該都係即炸嫁熱辣辣 好食！

太子一向都有好多唔同種類嘅嘢食，今次小編經朋友介紹，嚟到呢一間餐廳食雞煲，小編今次order左新鮮雞，因為印象中市面上好少雞煲鋪頭可以俾你選擇新鮮雞定係冰鮮雞，咁小編今次選擇咗新鮮雞，感覺都幾有新意，雞煲一嚟到嘅時候聞到一浸香噴噴嘅氣味，食咗幾舊，雞肉冇雪藏味，雞肉亦都較為滑，食完雞煲之後就加湯打邊爐，成餐飯都幾滿意，另外飲嘢方面，我哋就order左一渣洛神花茶，洛神花茶無任何添加嘅糖分係入邊，10分健康，食雞煲或者打邊爐嘅時候，飲一啖冰涼嘅洛神花茶又真係幾正嘅。

今日公司早收工，難得放假咁嘅節奏又唔想返屋企煮飯，就同朋友一齊去打邊爐。之前去過寶哥火鍋感覺都唔錯，所以今次你寶寶雞煲試吓。但係唔想食辣野所以我叫咗個椰子雞湯。椰子雞湯青青甜甜入邊仲有啲雞添 。感覺真係好似同椰子一齊係個鍋度沐浴。每一個食材都沾滿椰子嘅味道。通常我打邊爐之前呢一定會食咗菜先，叫咗個娃娃菜，娃娃菜放落椰子雞煲度都幾甜。另外都見到海鮮唔太貴都係$25.1隻姐，所以就叫咗個貴妃旁，鍾意食海鮮嘅人一定要試吓。另外仲叫咗啲丸類都唔錯

個人覺得寶寶雞煲整體食材十分新鮮，特別是雞煲的靈魂- 湯和雞。雞肉店家有普通冰鮮雞及走地新鮮雞提供，走地雞肉質非常鮮味彈牙; 湯頭種類繁多，有寶寶香辣鍋、猴頭菇鯊魚骨湯、蟲草花水鴨湯、雪蓮果椰子湯、銀杏胡椒豬肚湯等近20款湯底，包括以48種香料藥材，黨參、天麻、白芷、川芎、當歸、辣椒乾及花椒等，再加入豬骨、火腿骨及雞腳熬製而成的藥材鍋，鮮甜味美，把食材味道昇華至最高點！除了雞煲植物十分值得推介之外，其他火鍋食材亦十分新鮮，如深海龍躉肉、活花甲、鈕西蘭活刀貝、蘇格蘭蟶子皇、肉蟹、海蝦等，都十分推介。當中我個人很喜歡特制鴨血。個人覺得寶寶雞煲位置十分便利，對於相約飯聚是一個好的地點。而且店舖十分整潔，員工態度也很好，需要值得一讚。看來我也會再encore, 多試一次他們的海鮮粥底自助火鍋。

今日去咗呢間街坊小店食雞煲。雖然沒有豪華裝修，但有地道風味。而且食食吓竟然見到爆曬場，可見食物質素有保證。我哋叫咗《清潤椰子走地雞煲》我幾鍾意走地雞，因為天然飼料餵食，脂肪比較少。先上椰子湯煲，見到有好多片椰子喺入邊，都幾足料。之後原隻走地雞。份量很多整整一大碟。椰子湯滾起我哋就放雞入去。啲雞果然好好食。皮脆肉爽。雞味濃郁。連啲皮都好爽唔肥。我個人很喜歡❤️❤️。之後我哋叫咗《牛魔王拼盤》有：M9和牛，手切新鮮牛肉，肥牛粒。M9和牛尤其好吃。在湯裏搵30秒左右就馬上食得。牛味濃郁。鮮味十足。而且入口即溶，口感十分豐富！手切新鮮牛肉和肥牛粒亦很不錯👍。另外掉了《必食蝦丸》。爽口彈牙。蝦肉實在。味道很不錯💕。《鮮帶子》見到已經很開心，因為好大粒。而且有六粒咁多，好抵食。帶子味道新鮮。肉質鮮甜。很好吃😋。另外叫了一些健康蔬菜：鮮淮山，金針菇，健康秋葵。特別推介《健康秋葵》。分量多，用來打邊爐味道佳😍。最後叫左《馬尾粉絲 （蔡瀾推介）》啲粉絲索曬d湯，很入味，好正🤗🤗。

朋友介紹，話尼度打邊爐d料新鮮，於是今日特地過黎感受下。鍋底要左椰子走地雞（半隻雞），真係好足料，成鍋都係椰子，用隻兜一兜個鍋底，全都是椰子，將D雞件放落去，滾左大約十五分鐘，可以食啦，D走地雞果然係唔同，瘦，皮脆肉爽，有甘香的雞味。然後加左個牛魔皇拼盤，有M9和牛，鮮牛肉，肥牛粒，M9和牛係鍋揚一揚即可以食，入口即溶，油花同肉比例完美，鮮牛肉和肥牛粒只要一滾遍食得，好有牛味。我地還叫左帶子，D帶子好似超級大隻，新鮮爽滑又鮮味，手打蝦丸，好彈牙，蝦味極濃秋葵，好甜好滑淮山，好松化馬尾粉絲，爽滑金菇，好新鮮朋友果然無介紹錯，值得再黎！

明明最近才吃完雞煲沒多久，卻有意猶未盡的感覺，很快又忍不住再去第二間吃了其實之前已經留意到寶寶雞煲的存在，只是一直沒有機會去吃，這天終於有空來到太子，寶寶雞煲這名字確實能令人容易有深刻的印象。餐牌跟一般的絕對不同，很欣賞餐廳的誠實，冰鮮雞和新鮮雞的價錢是不一樣的，你不會看見平常的雞煲店會這樣明顯的列出兩者價錢的分別。即是明顯的說明：「你可以自己選擇冰鮮雞或新鮮雞，只是冰鮮雞沒那麼新鮮，價錢則便宜一點，新鮮雞則昂貴一點。」配料的種類也十分多呢。寶寶奇味雞煲應該是餐廳的招牌菜，一開始已想著要吃新鮮雞，也不介意價錢上會昂貴一點。全隻的份量比半隻的份量應該多很多，平常吃的雞煲應該是半隻，吃完感覺總是「不夠喉」，全隻已夠兩個人吃得滿足不已。奇味醬不像一般雞煲店的味道那樣假，是適量的，不會太鹹啊，吃完也感覺不會太口乾，只是略嫌雞骨的份量有點多。看見餐牌有招牌炸魚蛋的時候，真令我想起長洲的大大粒魚蛋。這裡還標明是巨型的，個人就覺得大小也不是真的那麼巨型，但魚蛋確實不錯，外面炸過又不會滲出大量油份，裡面的魚蛋魚味濃郁，不腥，好像是手打的。洛神花茶$28/渣，$10/杯，兩個人叫一渣應該會比較好，洛神花

今晚一行四人去咗寶寶雞煲度食雞煲打邊爐雞煲未黎之前我哋已經好肚餓，所以我哋嗌咗啲小食醫下個肚先香炸無激素雞翼雞鎚：熱辣辣新鮮炸，個皮脆得泥唔會太咸，啲肉亦好juicy，唔會乾爭爭椒鹽鮮魷：個炸粉整得唔錯，朋友好喜歡奇味雞煲 (一隻)：我哋嗌咗小辣，唔係好食得辣嘅朋友都讚好食，啲雞嘅份量好多，亦都好入味，雞煲上面啲芫荽係一個驚喜食完雞煲就加湯打邊爐百花釀油條：正！墨魚滑配油炸鬼，有哂2種唔同既textures 炸響鈴：新鮮炸，超級好味，即食亦得手打陳皮鮮牛滑：爽口、足料手打三寶丸：分別有自製鯪魚球、手打鮮牛丸、自製墨魚丸，同牛滑一樣，爽口、足料特級美國肥牛：唔算太肥，有牛味黑毛豬 (豬面青)：好正！肉質同口感有啲似豬頸肉，厚切，我大愛脆鯇腩：新鮮，打邊爐必食黃沙豬仔潤：份量夠多招牌潮州魚蛋：彈牙與別不同流心芝士丸：芝士真係好流心，就算攤凍左少少食都唔會痴埋一舊魚腐大皇：好吃絕對日本豆腐：滑(真正) 鮮腐皮：新鮮健康秋葵：份量多雜菜：新鮮大吃大喝，盡興滿足的一餐！

這個五月, 天氣好像還是帶點寒冷, 於是約班朋友一齊去打邊爐。在香港, 其實一年四季都有人打邊爐, 但要搵一間抵食夾大件的餐廳唔係咁容易。今次朋友選了這間原本在旺角的「寶寶雞煲」。價錢就唔錯, $198任食, 仲有海鮮盤, 又可以揀不同的湯底。如果晚上九點後仲可以有宵夜優惠, 可以有8折!!!可惜今次唔岩我用啦~呢間餐廳的食物種類有很多, 真的令人花多眼亂, 樣樣都想食, 唔知食咩先好!!先黎海鮮盤, 真係好足料, 有大大隻的蝦、帶子、大蜆、花甲、魚片等等。至於呢度D魚皮都幾脆, 但唔肯定係來貨定自己做。我就叫左杯咸檸七, 好大杯, 仲幾好飲添。

係呢條街都幾多食店，之前食過間西餐廳，原來行過幾步有間火鍋店，見到鷄煲兩個字條癮又起，咁就開門入內格局普通，唔係食裝修，其實某程度上亦代表左食物水準應該唔錯，唔係點可以經營呀!先食個寶寶奇味鷄煲，有冰鮮鷄/新鮮走地鷄任選，新鮮走地鷄價錢貴幾十蚊 ($168/半隻)，識食當然係食新鮮鷄啦! 用電爐煲返滾就食得，香味四散，配料有大量洋蔥，青紅椒，大蔥，醬汁濃味但又唔太油膩!選擇微辣，新鮮走地鷄鷄肉帶點嚼口，有鷄味，食得出同冰鮮鷄有分別，好味道!食完鷄煲侍應主動加湯就可以進行火鍋時間，火鍋配料中有大量選擇，唔常見的食材: 生腸頭，豬腦，豬天梯等都有火鍋點可以無牛?  呢客本地新鮮牛肉 ($108/半份)肉色靚仔，切片賣相都似本地貨色烚幾秒就食得，雖然無咩脂肪，但入口超腍滑，肉味仲幾濃添喎，邊個話本地貨無好嘢呀?!呢碟脆鯇腩 ($75)，睇顏色鮮明就知新鮮貨，搭上2舊魚頭件，一個價錢，兩種款式...哈哈...鯇腩口感超爽脆，歡喜佢多肉得中間一條骨，岩晒想食魚又唔鍾意多骨嘅友人!見到餐單上呢份嫩鴨血寫住"必食"，就點左呢半份，已切好一件件烚完夾起都完整無爛，入口滑溜，食落帶點煙強韌，配點調味都可

因為上個星期去了旅行，所以無慶祝母親節，今晚就同母親大人去了附近的火鍋店食飯。我行四人先點了猴頭菇鯊魚骨湯，再加上多款配料，湯底款式很多，而且有雞煲，隔離枱的雞煲香噴噴，下次可以一試。一渣的洛神花茶都是$28，可降血脂又解渴。打邊爐點可以唔叫牛肉，這個手切封門柳一大碟都是$198，肉味濃郁又腍滑，絕對是抵食之選。另外一個亮點是手打蝦丸及墨魚滑，蝦丸鮮打有蝦肉而且超彈牙，墨滑亦都一樣，食材新鮮做出來的一定好食。鮮蝦雲吞大隻，裏面包著兩隻蝦肉，豬肉就一般，但整體都爽口結實。蔬菜全部都是十幾廿蚊已有一大碟，真是價錢實惠。整體食物款式很多，而且質素有驚喜，四個人埋單八百都唔使，連加一都無，確實抵食。