富臨薈 (已結業)

見到有新店開幕，所以消夜就嚟試一試，叫左幾樣食品（見圖）係炒菜苗，Menu𥚃冇註名上面啡色嘅喺啲乜，所以詢問咗女店員，佢答我哋啡色嗰啲喺瑤柱，但係嚟到我一睇，居然係炸金菇，真係無奈，明顯店員冇乜Training，連炸金茹都可以話係瑤柱，唉！之後食食吓見到菜中間有啲白色粒狀固體，真係嚇死人，我哋見到即刻唔再食碟菜，非常恐怖！之後叫左生煎飽，睇到賣相已經知道個底唔會有脆嘅感覺。食咗一啖之後，Feel到唔對路，因為除左冇外脆內軟之外，裏面啲餡完全冇味道，口感仲要係一pat pat咁，零分之作！原本朋友想叫其他六款點心，好彩比我Stop左佢，只係叫個點心拼盤試下，又係貨不對版，兩個餃皮好硬，裏面啲餡係一pat pat嘅，粟米包同豬頭包個皮超硬，食咗一啖就頂唔順要放仳，真係堅難食！最後木桶飯，啲餸乾到好似柴咁，咁大桶飯只係比咁小豉油，跟住問店員拿額外豉油，拿左十分鐘，叫左四個唔同店員，最後先至丐到多一份豉油，貼錢買難受，唔好食！！！貴唔係問題，但係最起碼都要做到好味嘅食物比客人，唔係好似我今次咁，好似比人搵笨咁，完全食唔飽，如果我拿啲錢去大型連鎖快餐店食都唔會食到一肚氣囉～～～希望貴食市真心改善

今日食咗一間摩登新穎的中菜， 簡直擺脫咗以往中菜畀我那種枯燥乏味的感覺， cutie嘅點心造型將我沉睡的少女心引發了出來！ 有好嘢當然要開心share畀大家知啦！ 見到餐單上有是六大必食之選， 外型滿分 ，就試下佢先！六大必食之選包括有沙田乳鴿、有雞先定蛋先，洛神紅米金沙腸、鴻圖超脆麵、發過豬頭點心拼盤及西班牙膏蟹飯~ 先來的28蚊一隻沙田乳鴿可說是超級抵食！ 抵但係食落並唔係劣等貨！皮脆肉嫩之餘，當我咬開個腿位，啲肉汁仲會噴出嚟！ 而且本身已經有咸香，我覺得似係用左有淮鹽的油來炸，所以食落好夠味！又唔洗一點鹽嗰下成忽痴住啲鹽攪到勁咸喎！正呀！ 跟住呢個洛神紅米金沙腸堅特別，之前未食過呢種款嘅！原來係以網皮包裹下鍋炸至金黃，瀝油後捲入紅米腸粉，每一截都有勁脆口的米餅，中間夾住一隻鮮甜爽蝦，口感豐富，炸得來脆但一點油膩感都無！仲可以點豉油或甜汁食都得！ 鴻圖超脆麵俾我嘅感覺有點像細細個成日食嘅肉絲炒麵(≧∇≦)細個一家人食最鍾意爭脆卜卜嗰度來食，而家如果食呢個就唔洗爭喇！因為呢幾塊麵球全部都係脆架！保證人人食到脆卜卜麵Y(＾_＾)Y個造型仲有啲似燒賣,成個脆卜卜麵頭上面淋左由蟹肉製成嘅

生日當然要隆重看待，尤其是與從小相識至今的閨蜜，我和她的生日只相差兩天，所以我們選了昨天作為慶祝生日。最近我們看見Youtube、IG和Facebook不斷有人分享富臨薈的西班牙膏蟹飯，看似非常美味，還有有趣的動物造型點心相當吸引，我們決定去富臨薈慶祝，這裡又鄰近朋友下班，方便極了。生日即是誕生之日，究竟是「有雞先定有蛋先」 ? 這問題太玄妙了，我們還是吃了先。小雞造型的鹹水角維妙維肖，外層炸得金黃色澤圓鼓鼓的，鹹水角內裡很煙韌，內餡肉碎，蝦米等鹹香豐富。雞蛋布丁外型好可愛，把雞蛋殼當容器，真的是名副其實的「雞蛋布丁」，口感綿密札實，蛋味明顯，吃起來也不會太過甜膩。在沙田當然要吃沙田燒乳鴿，到此一遊嘛。燒乳鴿脂肪比率均勻，採用高溫香烤烹調方法，將乳鴿肉的精華完全鎖在裡面，外表香脆，美妙滋味肉汁讓人忍不住一口接著一口。紅噹噹的洛神金沙紅米腸粉為我們生日錦上添花，腸粉皮軟彈滑嫩，包覆蝦隻的網皮炸至香脆，內裡蝦肉滿滿的，脆口無比，吃起來還頗有飽足感。腸粉沾點獨特香甜的玫瑰花蜜，讓腸粉鮮度進一步提升。鴻圖超脆麵超大球，大口咬下，雖然麵條本身較幼之外，其口感真的十分香脆，儘管灑上醬汁，脆麵可不軟

見沙田開咗間新食肆，已經好想去試吓，今日終於有時間，一於就去試新嘢喇！食肆標榜係fusion菜，裝修都好隨便吓，有啲似茶餐廳，冇問題嘅，最緊要啲嘢好食啫！睇吓個餐牌，啲嘢都唔平，但乳鴿好似好抵喎，只係賣25蚊一隻，就叫咗兩隻乳鴿，加個 龍鬚炒芥蘭，食個鍋燒生煎包，同個鴻圖超脆麵，兩個人都夠食喇！茶送咗嚟，雖然有個銅茶壺，但係用玻璃杯，而且冇茶味，似足茶餐廳，是但啦，當去茶餐廳食囉。啲餸嚟喇 ~ 隻乳鴿嘅外型都唔錯，不過食落冇乜味，一定要點鹽，否則淡茂茂。食下個芥蘭， 個樣好靚，切得好特別，炒起嚟有啲似螺旋形， 青青綠綠，我好鍾意，可惜唔熱，一啲鑊氣都冇， 亦都係無乜味道。試下個生煎包先， 居然個皮係淋嘅，一啲都冇煎過嘅感覺， 裏面啲餡亦都係唔夠味。食埋個脆麵，炸得幾脆，上面有啲橙色嘅醬汁，以為係甜酸醬，點知唔甜唔酸，唔知係乜嘢？淨係知道冇味道。食完呢一餐，得出嘅結論係-----呢度啲食物得個樣靚，但係全部味道欠奉，鍾意post 相嘅人就嚟呢度朝聖喇，但係鍾意食味嘅就要諗諗喇！

媽媽告訴公主，最近偉華中心新開咗間中式茶樓，點心好有趣。仲響到諗，有咩趣？原來呢間係主打Fusion點心，所以都幾特別。依家新開張，仲要有幾款點心同食物係做特價。然後坐低就係剔剔剔，然後就等上菜，上菜速度都算幾快下。環境不錯，中西合璧既感覺先黎既係炸乳鴿呢個炸乳鴿做得相當出色。皮脆肉滑，但又唔會乾爭爭，香口之餘仍然充滿肉汁，好Juicy呀~翡翠白玉餃呢個無乜特別，同一般食開嘅蝦餃差不多，可以不試。黑松露燒賣燒賣做得不錯，豬肉肥肉比例恰到好處，上面嘅蝦爽口彈牙，正！唯獨係呢隻黑松露醬唔夠香，完全無黑松露獨特嘅電油味，失色咗啲。洛神花米金沙腸洛神花汁加入腸粉衣，令雪白嘅腸粉變成粉紅色，望落好少女feel好吸引入面包住米網紙春卷，香脆可口配上酸酸甜甜嘅腸衣，好食。最重要係，洛神花有美顔功效，令公主覺得食完咁多邪惡嘅嘢後，無咁大罪惡感櫻花蝦海鮮炒飯個shape好似金字塔好搞鬼，海鮮算足料有帶子，不過應該係櫻花蝦乾不是櫻花蝦，同埋好細粒。但炒得好乾身，粒粒分明又有鑊氣，好食總括而言，呢間新開嘅搞鬼茶樓幾好，食物好味，環境算寬敞，希望之後可以keep到水準。p.s.下次要再去喪食乳鴿

傳統茶樓品牌為迎合不同年齡層的食客，近年都紛紛開辟新派風格的副線，走年青親民的格調，其中一間就是富臨集團旗下的 - 富臨薈。 位於沙田偉華中心，頗為陳舊的商場中，卻有著若大的摩登用餐環境一覽無遺，以淺藍色為主調，拼花馬賽克地台、雲石檯面、雀籠陳設等頓成主題。設有梳化卡位，有別於傳統茶樓的圓桌，半開放式的用餐環境，也沒有傳統茶樓的嘈吵，坐得舒適一點。 除了茶樓基本會有的點心腸粉、小炒小食、盅飯粉麵外，更有燉湯糕品、雞尾酒特飲等的新潮物，就連受年青人歡迎的綿花冰亦有供應，照顧及的層面非常廣，價錢方面走中價路線，而茶芥則每位 $6，算是中規中矩。 圖文並茂的餐牌與點餐紙中，有幾款必食產品的推介，當中創意卡通點心是少不了，食材配搭也是新穎。雖然是新張，上菜速度也挺快。 有雞先定有蛋先 $38 賣相造型十分精緻可愛的雞仔，還以為是什麼糕點，原來真身其實是咸水角。外層炸得剛好不會過焦，也沒有多餘的油份溢出，餡料也挺足。 用蛋殼盛載的內容最令人意想不到，吃下竟是芒果布甸，還以為是流沙奶黃包的餡料，相當有趣。一鹹一甜的巧手得意組合，不單令相機食先，亦令人印象深刻。 沙田燒乳鴿 $25

位於沙田嘅富臨薈，係富臨集團旗下嘅fusion 餐廳，開張近一個月，見網上好多人推介，所以即管黎試吓。傍晚七點幾到達，仲未需要等位，店員就俾咗張寫有枱號嘅紙仔我入座，可惜有別於其他酒樓，呢度無人帶位，要客人自行搵枱號入座，唔多熟悉餐廳環境嘅我，當然要花一段時間先至搵到張檯，最後竟然發現張枱已經有人坐緊，搞完一輪後，終於有位坐啦。餐牌上嘅選擇唔算好多，除咗一般中式菜式之外，仲有點心同埋一系列嘅fusion 菜式。黎沙田就梗係要食沙田燒乳鴿啦，新張期內做緊優惠，原價＄48 ,而家只係＄25。沙田燒乳鴿乳鴿雖然大隻，但可惜肉質唔夠鮮嫩而且汁唔夠多，味道有待改善。鴻圖超脆麵賣相精緻嘅同鴻圖超脆麵的確非常吸引。炸麵整成五個小球後放上蟹肉同蟹膏， 再淋上醬汁。不過超脆麵呢個名似乎改錯左，應該叫超硬麵就差唔多，皆因佢真係整得超硬，簡直咬唔開。小蠔煎餅唔講都唔知小蠔煎餅裏面原來有小蠔，仲以為自己叫咗份炸粉漿黎食添。龍鬚炒芥蘭我明白飲食健康係好重要，但都不至於一啲調味都唔落。呢啲龍鬚炒芥蘭，完全冇味，配料亦都唔多，以＄68一碟來講真係唔多抵。鍋燒生煎包似蒸包多過煎包嘅生煎包，完全唔夠火喉，咬落亦唔會爆汁

富臨集團最近係沙田開咗間叫～富臨薈～既新派fusion點心中菜館。曾經試過幾間吾同既新派•潮樓...質數都幾吾錯。今次就專登搭車去沙田試新野！星期六中午時份去到大嘅12:00點，吾算太多人等位！我哋四個人大慨等咗15分鐘左右就有檯。以weekend係沙田呢講算快𡃤！入到去，論環境、裝修、格調同一般富臨旗下嘅富臨酒家、同富臨皇宮非常不同。因為新開呢間都係以新•潮為主題。去除一般傳統茶樓嘅老風格！樓面職員方面，明顯都係聘用咗一啲比較年輕既新人加入。食物方面，雖然比傳統富臨略貴一些，但論質量、性價比高！食物一放入口就知分別...义腸真係做到皮薄涵靚，乳鴿$25當然冇得頂啦！黑松露燒賣好掂...啲煆好爽口大隻！至於個有雞先定有蛋先...小朋友勁鍾意！雞蛋裏面其實係布甸...雞仔做形係有啲似鹹水角...都吾錯！打工皇帝其實係炸蟹柳蔬菜卷...都可以！帶子炒飯裡面真係落咗好多...細細粒帶子去炒...都幾金香！個人認為比較遜色既就個黑金流沙包...因為吾太流沙。同埋個翡翠白玉餃...好一般冇咩特別！但整體質素呢講...還是👍👍👍😋順帶一提，佢哋冇提供電話或者手機Apps訂枱，而且地方吾太大，所以如

近期沙田開了間新派中菜館。原來是富臨酒家，近期全新品牌富臨薈，打正新派中菜，先嘗為快！好似到沙田一定食乳鴿。些處乳鴿肉質非常鮮嫩，外皮炸得脆卜卜鴿肉嫩滑多汁！有雞先定蛋先: 隻隻雞仔好cute! 原來Ｄ雞仔是咸水角，餡料有豬肉碎、韭菜、蝦米、冬菇、沙葛。好傳統的餡，但好有創意！食落好香口又唔油膩。就咁睇，還以為是炸大腸！原來表面紅色的皮是腸粉友用上洛神花，煙韌嘅外皮，入面就係脆卜卜嘅油炸鬼，口感非常豐富。脆麵真是好脆，可惜汁少了，如果多些汁味道會濃。豬豬好得意又是吸日睛！原來是紫薯包，食得健康又好味。黄黄约栗米包， 鹹鹹的有少許肉和粟米茨，味道不錯。黑金流沙包，咬開後流沙就不停流落嚟，好滿足呀。墨汁蟹肉餃同翡翠白肉餃，一個用蟹整成，另一個就用蝦整成，兩款都好新鮮。2大隻蟹煮成嘅西班牙膏蟹飯，用蟹膏來撈飯真係好奢侈，蟹肉又新鮮又好味！這款西班牙膏蟹飯我擺上facebook後，朋友都打來問在何處有得吃？

一講到食中菜 即刻會講得上一代人先會去不過經過今晚之後 我改觀了沙田新開嘅富臨 走fusion路經嘅中菜岩晒年輕一代聚頭 裝修同服務都好好乳鴿勁抵食 晚餐時間都係$25隻 無理由唔叫入口有別於一般嘅嫩滑 外皮香脆而且味道十足 完全唔洗點任何醬汁 點心拼盤好可愛 一大個豬頭重有幾款特色野豬頭裡面係香滑紫薯 味道岩岩好 唔會太甜洛神紅米金沙腸 呢個好好味 腸米包住春卷春卷係用上網面嘅脆紙 口感更加香脆有雞先定有蛋先 呢個唔係問題 係菜名外型好似雞仔嘅其實係咸水角 好可愛配上雞蛋裝住嘅芒果布丁 味道都唔錯架最後係餐廳嘅主打 全港首創嘅西班牙膏蟹飯當西班牙意大利飯遇上中式膏蟹 膏蟹預先走油煮過 再放上飯面加工食個陣將嘅蟹膏同意大利飯拌勻 當中有洋蔥香味四溢 完全估唔到兩者會咁夾其餘蟹嘅部份都好好食 夠晒新鮮 蟹肉入口鮮甜 喜歡食蟹嘅朋友一定會大愛

天气凍凍地諗住食d熱野la，除左杯熱茶識出煙，4餸1飯無樣熱嘅！？幾粒虾，幾粒带子，幾粒菜粒…就叫“海鲜炒饭”！？點解唔叫带子虾仁炒饭呢仲要3個人食，落2個炒饭order嘅，落單嗰位唔觉得出奇架咩！？唔該幫我取消一個丫……thx完全封面與內容不符囉， 可否引用商品說明條例投诉呢……捉個西装男看似經理嘅人嚟問下先…請問一字骨個一字呢？個一字去左边呀！？佢回答話“切法唔同啫”，咁都答得出，我真係o晒咀，豬扒仔當一字骨，算唔同佢爭拗，我照食……最後嚟個3鲜拔c又靓又好味一心諗住拿拿林轉場食碗鱼蛋粉，填飽個肚暖下個胃點知最后6卡埋單都要出錯，攞左其他客人张卡同张單埋嚟比我簽，oh my god~~~有待改善

這晚帶爸爸媽媽到沙田食晚飯，知道富臨集團開了一間走新風格的餐廳，保留了傳統中菜再結合了西菜，創造做一條新路，既想吸引年青人又能帶給年紀大的長輩一些從未試過的新體驗！環境已經充分看得出中西合壁，例如舊式的鐵茶壺，雲石的桌子。第一次來就試試經典推薦吧！沙田乳鴿 $25，原價$48用13個月的乳鴿bb, 剛剛有足夠的肉食而又不肥，選得非常優質，還聽說是用乳鴿的油來燒，所以味道很濃郁，爸爸媽媽食得很滋味！有雞定有蛋先 $38賣相很可愛啊！雞是咸水角，剛剛炸好的，很熱好好食！蛋裏面是充滿香滑的蛋黃味加上楊枝甘露！洛神紅米金沙腸 $38用洛神花做的腸粉皮包著薄薄脆脆的皮，內裏有蝦肉有西芹，整個吃下去有脆脆的口感不錯，西芹作為整個調味非常好，完全減低了油膩感。發過豬頭點心拼盤 $68這個很特別，因為每款有一個，豬頭的是紫薯蓉，好香好好食不甜的。黑色的是墨汁蟹餃，綠色是翡翠白玉餃都不錯，是經典點心。黑金流沙包是流心的奶皇包。栗米包好好食，真的有栗米還有肉粒，感覺有點像栗米肉粒飯的味道。鴻圖超脆麵 $78麵很幼很脆，配上醬汁味道不錯，還有些蟹肉拆出來放在麵上很鮮味！重頭戲終於登場啦！西班牙膏蟹飯 $68

在沙田看到富臨酒樓旁邊新開了這間富臨薈，後來知道是富臨集團想打年輕人市場，所以開闢了這條吃新派中菜的路線。餐廳格局設計得簡潔優雅，特別喜愛天花上一排排的仿古烏絲燈泡，讓餐廳具有復古風格卻不失時尚感。門外的餐牌展示了餐廳的特色菜，除了傳統的沙田乳鴿，還有多款精緻的點心和小菜，賣相相當吸引。我們大約9時抵達，餐廳幾乎爆滿，我們被安排到看到開放式廚房的座位，而我們亦發現餐廳有兩三間獨立房間，非常適合喜歡有多點私穩的客人。在門外輪候座位時，我們已鐵定要點沙田乳鴿，乳鴿在新張期內堂吃只售$25隻，實在不能錯過！乳鴿肉質非常嫩滑，咬開薄薄的雛鴿皮，豐腴的肉汁滲透其間，又香又鮮，餐廳還貼心配上膠手套，讓我們可盡情吃盡骨縫間的嫩肉，好友最後還忍不住以正價$48外帶兩只乳鴿呢這款有雞先定有蛋先點心造型相當別緻，除了小雞，還有裝著芒果布甸的雞蛋呢！小雞基本上是咸水角來的，炸得外脆內軟，煙靭有嚼勁，並非虛有其表洛神紅米金沙腸以洛神花和紅米作天然染料，讓腸粉變得搶眼和別具特色。腸粉皮夠爽身，餡料為網炸外皮卷著蝦肉，網炸外皮仍然保持鬆脆，讓腸粉卷口感層次豐富發過豬頭點心拼盤內的小豬和粟米造型蒸飽非常可愛，小豬飽

茶餐室格局，酒樓的質素，友人介紹位於沙田偉華中心的一間食肆，末到七時己全埸爆滿，極之受街坊歡迎，連我區外人今晚都專呈來一試，其實逛街順道啫....嘻嘻！沙田乳鴿最出名，不容錯過。燒得香口，肉汁嫰滑多汁，最窩心有手套供應，點食都不會弄髒手了。腸粉食得多，紅色的腸粉咁特別都係第一次。用了洛神花汁研製，粉皮包裹著油條，蝦和菜，有點似炸両，味道不算特別，勝在夠創意。鴻圖超脆麺跟一般的鴻圖伊麺構思是一樣的。炸得脆脆酥化的麺淋上蟹肉汁，有鮮味有嚼口。點了一客西班牙膏蟹飯，價錢一點都不平宜，但當你見到那些蟹膏和蟹肉之多，即時覚得值回票價了。飯底是糯米飯，煮得有點過腍，店員將蟹膏混入飯內，隨即香氣樸鼻。味道方面香蒜味過濃，蓋過了蟹膏的鮮。個人建議，飯底用回普通的白米，蒜的調味驟為降低，整體會更完美。有雞先定有蛋先，名字改得趣緻，令人摸不著頭腦，到底是什麼呢？原來是咸水角和芒果布甸，造型可愛，討人歡心。熱呼呼的咸水角好味。布甸不太甜膩，ok 喎。整體水準不錯，員工服務態度好，難怪人氣高。