影片
更多
2017-11-17
213 浏览
今日食咗一間摩登新穎的中菜， 簡直擺脫咗以往中菜畀我那種枯燥乏味的感覺， cutie嘅點心造型將我沉睡的少女心引發了出來！ 有好嘢當然要開心share畀大家知啦！ 見到餐單上有是六大必食之選， 外型滿分 ，就試下佢先！六大必食之選包括有沙田乳鴿、有雞先定蛋先，洛神紅米金沙腸、鴻圖超脆麵、發過豬頭點心拼盤及西班牙膏蟹飯~ 先來的28蚊一隻沙田乳鴿可說是超級抵食！ 抵但係食落並唔係劣等貨！皮脆肉嫩之餘，當我咬開個腿位，啲肉汁仲會噴出嚟！ 而且本身已經有咸香，我覺得似係用左有淮鹽的油來炸，所以食落好夠味！又唔洗一點鹽嗰下成忽痴住啲鹽攪到勁咸喎！正呀！ 跟住呢個洛神紅米金沙腸堅特別，之前未食過呢種款嘅！原來係以網皮包裹下鍋炸至金黃，瀝油後捲入紅米腸粉，每一截都有勁脆口的米餅，中間夾住一隻鮮甜爽蝦，口感豐富，炸得來脆但一點油膩感都無！仲可以點豉油或甜汁食都得！ 鴻圖超脆麵俾我嘅感覺有點像細細個成日食嘅肉絲炒麵(≧∇≦)細個一家人食最鍾意爭脆卜卜嗰度來食，而家如果食呢個就唔洗爭喇！因為呢幾塊麵球全部都係脆架！保證人人食到脆卜卜麵Y(＾_＾)Y個造型仲有啲似燒賣,成個脆卜卜麵頭上面淋左由蟹肉製成嘅
今日食咗一間摩登新穎的中菜， 簡直擺脫咗以往中菜畀我那種枯燥乏味的感覺， cutie嘅點心造型將我沉睡的少女心引發了出來！ 有好嘢當然要開心share畀大家知啦！
見到餐單上有是六大必食之選， 外型滿分 ，就試下佢先！
六大必食之選包括有沙田乳鴿、有雞先定蛋先，洛神紅米金沙腸、鴻圖超脆麵、發過豬頭點心拼盤及西班牙膏蟹飯~
先來的28蚊一隻沙田乳鴿可說是超級抵食！ 抵但係食落並唔係劣等貨！皮脆肉嫩之餘，當我咬開個腿位，啲肉汁仲會噴出嚟！
而且本身已經有咸香，我覺得似係用左有淮鹽的油來炸，所以食落好夠味！又唔洗一點鹽嗰下成忽痴住啲鹽攪到勁咸喎！正呀！
跟住呢個洛神紅米金沙腸堅特別，之前未食過呢種款嘅！原來係以網皮包裹下鍋炸至金黃，瀝油後捲入紅米腸粉，每一截都有勁脆口的米餅，中間夾住一隻鮮甜爽蝦，口感豐富，炸得來脆但一點油膩感都無！仲可以點豉油或甜汁食都得！
鴻圖超脆麵俾我嘅感覺有點像細細個成日食嘅肉絲炒麵(≧∇≦)細個一家人食最鍾意爭脆卜卜嗰度來食，而家如果食呢個就唔洗爭喇！因為呢幾塊麵球全部都係脆架！保證人人食到脆卜卜麵Y(＾_＾)Y
個造型仲有啲似燒賣,成個脆卜卜麵頭上面淋左由蟹肉製成嘅醬汁， 所以食落會覺得好鮮味！ 我唔知係咪我掛住影相擺咗好耐先食嘅關係， 食嗰陣發現個汁係凍㗎 ！定抑或係特登整到凍嘅等佢個麵唔會諗呢？！
發過豬頭點心拼盤由五款造型特別可愛的特色點心,包括使用豬八戒、黑金流沙包,墨汁蟹餃,真係粟米包及翡翠白玉所拼湊而成！ 我覺得應該要一人點一龍先至唔會爭，否則有五款，每款又得一粒，樣樣個樣都咁好食咁， 點捨得食咗呢樣冇得試第二樣呢？！
狠狠地扭開豬八戒個頭發現原來係紫薯包~ 香濃紫薯味又唔會太甜， 比起一般豆沙蓉嚟得有新意，而且紫薯含有豐富膳食纖維，感覺更健康！
黑金流沙包其實即是竹炭流沙奶皇包~ 有食開流沙包的都知道千祈唔好一啖咬落去，要搣開緊中間的流心，冷冷冷凍一下才可以食呀，如果唔係分分鐘會淥親個嘴~ 流沙做得恰如其分， 奶黃包又有少少蛋黃香， 配以清新嘅竹炭包， 不單止好有新鮮感仲好好食添！
墨汁蟹餃甜甜地嘅墨魚汁蝦餃皮煙煙靭靭，咬開發現成隻都是由蟹肉和蝦肉精製而成， 所以唔會有豬油膏架！所以食落不單止更鮮甜而且更加健康！
真係粟米包及翡翠白玉外型超吸引， 由於裏面是豬肉餡所以我都冇食到， 全部益我個friend 獨吃！
西班牙膏蟹飯以西班牙式烹調的蟹每隻都爆膏而且斤兩十足!!
先將蟹蓋拿起，底下會見到有滿滿的已經分切好的蟹身~ 在先將蟹件放在另一個碟上， 因為要將蟹膏放進飯內，以鐵板的熱力將它炒熟！
成個殼都是蟹膏^^ 將滿滿兩個殼的蟹膏全部倒曬落啲飯度！好奢侈呀！
爆膏大蟹即場現炒鐵板飯，食得咁鬼豪氣都係第一次！一路炒啲香味一路飄出來，嘩！正到呢！
食落仲發現唔係得個樣，而係堅好味！唔怪之得呢間新開的富臨薈咁鬼爆場啦！
個飯全部俾蟹膏cover住，全部變曬蛋黃色！個鮮味認真唔講得笑！攪到平時只食肉唔食飯嘅我食左兩大碗飯呀！
仲有啲蟹肉呢！兩隻都好大隻，呢仲飯其實夠4個人開心share食，一人都食到半隻蟹架！蟹身都帶住一份椒香，而且肉質爽甜，又夠曬大隻啖啖肉，想不到平民酒樓食到如此超高水準！真心正！
最後的甜品時間令我尖叫起來！名字叫有雞先定蛋先,由豐富餡料的家鄉鹹水角配上鄉香滑蛋味濃郁的雞蛋布丁，一鹹一田教的出嚟發生衝擊！but,幾時有食過咁得意嘅咸水角呀？個㕑師好有創意呀！ 連盛載的器皿都整到好似雀巢咁！ 隻小雞好似呱呱叫，在等媽媽的感覺，好惹人憐愛呀！叫人怎麼捨得吃呢？！還好我不吃豬肉喇，不用去咬他耶！唯有吃蛋去了！雞蛋布丁頗甜，還好小小的，就是用真蛋殼也挺有趣的！
张贴
