家賀屋

銅鑼灣必食魚生丼係銅鑼灣返工實會去渣甸街搵食，經過亨環見到家賀屋嘅宣傳牌，見佢啲lunch set好多選擇，一於上去試試。佢嘅午巿餐牌有超過35款食品，大部分都係魚生丼，我就叫咗特選海鮮丼定食，同事就叫咗特盛山椒鰻魚丼定食。每set定食都有沙律、茶碗蒸同埋麵豉湯。鰻魚丼係二重鰻，即係有2大條鰻魚，巨量鰻魚鋪係飯面好震撼，鰻魚係蒲燒，燒得好香口，熱辣辣香噴噴，鰻魚又肥又厚，令人食指大動😋特選海鮮丼有12款刺身，有三文魚、吞拿魚赤身、鯛魚、拖羅、赤貝、醬漬鮑魚、海膽、魚子、吞拿魚蓉及赤蝦等。魚生新鮮鮮甜，質量好，底下嘅飯係赤醋米，調味溫和，帶有醋香，仲有少少飯素增添口感同層次。整體食品高質，服務殷勤有禮，坐得又舒適，值得一試👍

在灣仔區出名的日本料理店家賀屋在銅鑼灣開分店，可以方便在shopping過後吃到價錢合理的精緻日式料理，餐廳裝潢日系和風，座位寬闊而舒適，但店面面積不大，平日晚上都滿座，建議先訂位來吃比較好。巨峰提子乳酸梳打酒$48 原味乳酸梳打酒$48這兩款飲品清新可口，巨峰提子的版本帶有微微的果香，而原味則是清爽簡單，都是配搭日本料理食物理想的選擇。師傅特選壽司8貫$368賣相精緻的特選壽司，一眼看上去，每一貫我都想吃，當中最吸引我的是北海道海膽軍艦，海膽鮮甜柔潤，相當高質；而活赤貝口感爽脆，咬下去有濃郁的貝香；北海道牡丹蝦肉質彈牙，帶有淡淡的甜味；而海鹽輕燒的大吞拿魚腩和左口魚邊，則在火炙後的魚油香氣中透出魚肉的鮮美。特選鮪盛$265這裡的鮪魚盛合，是招牌人氣的菜式，比一般的壽司大件一點，三件不同部位的鮪魚(即吞拿魚)，色澤鮮艷，質感細膩。大吞拿魚腩油脂豐富，入口即化；中吞拿魚腩則稍帶嚼勁，赤身壽司清爽不膩，是鮪魚愛好者必吃的夢幻組合。家賀壽司$48特別的創意壽司，赤蝦拖羅蓉及海膽的組合既創新又美味，不同的口感鮮味在口中完美融合，一件壽司吃到幾種食材，值回票價。 薄燒牛舌$85牛舌表面經過輕燒，

黃金周係要出黎消費下, 今晚去左開業無耐嘅銅鑼灣亨環家賀屋食日本菜. 餐廳提供日本地道酒肴、時令海鮮、佐酒燒物揚物等，款式多, 質素高. 餐廳不時有日本受賞酒推出, 啱哂鍾意品酒人仕.法國斯朗生蠔 - 海水味濃郁 ，帶有清新果仁甘香.姬路刺身定食 – 中本鮪魚腩, 油甘魚, 三文魚, 特大赤海蝦, 刺身新鮮香甜, 每款都係厚切, 完全食到刺身的香味, 油脂份量十足. 特大赤海蝦好肥美，鮮味十足，爽口彈牙.簿燒牛舌 – 牛舌燒得焦香, 入口彈牙, 配上少少檸檬汁, 可以減低油份.青龍 – 炸蝦青龍卷配上粒粒蟹籽, 食落口卜卜有聲, 炸蝦彈牙.雞軟骨餃子 – 熱辣辣嘅雞軟骨餃子, 咬落口真係食到粒粒嘅雞軟骨, 好好食.蜂蜜檸檬梳打酒 – 口感清新, 濃度唔太高, 易入口店員服務態度良好, 熱情款待.

今日朋友提議去新開叫加賀屋的居酒屋吃午餐，有水準，物有所值，很滿意。西京平目魚午市定食所有定食有麵豉湯、飯、平目魚、沙拉、熱茶一杯。我選擇的平目魚煎得非常用心，魚皮脆卜卜的，魚沒有腥味，滑而鮮，味道鮮甜。飯粒粒分明又軟熟，加上地道的麵豉湯，健康有益嘅新鮮蔬菜沙拉，係一個豐富嘅午餐定食。松 壽司定食壽司定食有兩款，我們選擇的松套餐全部都係魚生壽司，裡面有幾款灼燒過的，全部魚生都好肥美同新鮮。友人表示大愛灼燒左口魚！大關 刺身定食刺身定食有三個套餐可以選擇，友人話厚切的中本拖拿肥美非常，特大的海老和帆立貝吃了好滿足！套餐有人選擇配烏冬，麵質有嚼勁，很好吃呢！飲料：蘇打梅酒甜甜的梅酒配上清爽的蘇打水，裡面還有一顆酒味濃郁的梅子果肉，正!甜點：千層蛋糕和芝士蛋糕兩款蛋糕只需要加15元就可以加購，蛋糕甜度剛好，味道不錯！此店值得再訪。

上網睇見到呢間新開張，而且有優惠88折，於是入黎試吓！熊本刺身定食前菜有沙律菜作開胃菜刺身分別有金目鯛、大拖羅、牡丹蝦、帶子、油甘魚，每一件都好肥美新鮮，個人黎講十分喜歡大拖羅，一食落去成個口腔都充滿油脂香。主食方面叫左蕎麥麵，新鮮彈牙，湯底清甜幾開胃湯品係魚湯，每一啖湯都好有魚油香味，而且仲有魚肉作為湯料，有提鮮作用燉蛋亦做得好出色，嫩滑易入口，水份同蛋既比例恰到好處日本墨魚🦑刺身 用將墨魚包住青瓜絲一齊食，好爽口彈牙，口感幾豐富雞泡魚乾 魚乾烤得岩岩好，唔會太乾身，蘸上沙律醬食，有提鮮作用，絕對係佐酒之選！特選鮪盛 分別有赤身、中拖、大拖，個人會由赤身開始食起，以大拖作為終結，因為可以體驗由少脂至多脂，食到有漸變效果！活赤貝壽司活赤貝口感爽脆中柔軟幼嫩，唔洗蘸任何醬汁，都覺得好新鮮！生燒白鱔表皮燒得好香脆，咬落去啖啖肉，再蘸上檸檬汁，有提鮮作用！總括而言，呢間新開餐廳質素的確頗高，價錢亦對得住食物質素，有興趣既朋友一定要黎呀！

銅鑼灣亨環開咗新日式料理店，用料同食材非常新鮮，食得出師傅嘅心思！海三色丼定食 油甘魚、三文魚同大蝦好鮮甜，特別係蝦，好爽口彈牙，一啲都唔梅，而且仲好鮮甜。丼飯特別用咗赤醋飯，好香，醋味亦都昇華咗魚生嘅鮮味，加上師傅落咗飯素，好香。仲有麵豉湯同沙律。佢仲送埋茶碗蒸，好香好滑嘅蛋味，內𥚃配料少少鹹，味道淡香，好好食！加拿大海膽軍艦海膽好完整，而且超鮮甜，好香嘅海水味，又大隻，成件放落口，超滿足！彩虹壽司卷一碟有6件反卷，分別包咗唔同魚生，當中帆立貝好厚好鮮，而且同樣用咗赤醋飯，味道好豐富。火炙左口魚裙邊&汁燒海鰻燒咗嘅左口魚逼咗啲魚油出嚟，入口即溶嘅口感好正，配上滲咗少少魚油嘅赤醋飯，呢個可以再encore多一碟！汁燒海鰻好彈牙爽口，比起一般鰻魚更好食，口感更好。西京燒三文魚鮫魚鮫好大件，燒完之後，三文魚油逼咗出嚟，唔洗點醬汁都好夠味，三文魚皮燒得好脆身，好香口！薄燒牛舌燒得啱啱好，薄燒都可以鎖到肉汁，而且保持到爽口嘅口感，配上黑椒同埋其他配料，好好食。荔枝梳打酒第一啖好香好甜嘅荔枝味，然後梳打嘅刺感帶出咗啤酒嘅味，好易入口。

🍴關東煮手打烏冬58 蚊🍜有苣弱 冬菇 豆腐同獅子狗 蘿蔔 烏冬比較爽口🍴青龍卷88 蚊🦐紫菜碎包住卷物 入面有好味炸蝦 nice 🍴特大凡立貝 75 蚊4 片🍴西京平目魚85 蚊🐟平目魚 個皮燒得好香脆 魚肉彈牙 層次分明 🍴海苔脆醬魷魚 58 蚊🦑出面帶d海苔碎 個炸粉剛好 魷魚入面唔乾 夠彈牙 🍴吉列芝心豬扒 78 蚊🐖芝士勁濃 半流心到有d痴住 豬扒出面好香脆 就甘食或者點沙律醬都好味🍴角切海鮮井定食 155 蚊🍱有三文魚 吞拿魚 立魚等等 飯身帶d醋 酸夠開胃 點d豉油 好食 個定食既麵豉湯 同蛋都好足料 🍴炸雞軟骨78 蚊🍺800 ml. Sapporo 88蚊#日本菜 #啤酒 #定食 #吞拿魚 #刺身 #芝士 #豬扒 #帶子 #魷魚 #烏冬 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#家賀屋銅鑼灣渣甸街66 號享環2 樓~~~~~

喺銅鑼灣希慎行前少少有一棟好靚嘅大廈，而入邊就有一間居酒屋，環境非常高級而且好舒服，啱晒同朋友靜靜地聚會！熊本刺身定食呢個set有兩款廚師特選嘅刺身，再配有帆立貝、大拖羅同埋特大赤蝦帆立貝，非常新鮮鮮甜，而且好大隻，中間夾咗一片青檸，帶有微酸，味道好fresh大拖羅鮮得嚟帶魚油香，入口嫩滑特大赤蝦好肥美，鮮味十足，口感爽口！油甘魚食落帶甘甜，好清爽！本鮪三昧丼定食分別有大拖羅，中拖羅，同吞拿魚蓉比較驚喜既係中拖羅，咬落去既油感好強烈！醋飯用左赤醋，更加可以帶出魚嘅油香，而且溫度岩岩好定食仲配有沙律，麵豉湯同茶碗蒸！麵豉湯用咗吞拿魚頭去煲，所以味道更加鮮甜～火炙左口魚裙邊最後叫多左隻特大赤海蝦荔枝碳酸酒，易入口，女仔都岩飲！

去過灣仔家賀屋認真食物都唔錯，原來銅鑼灣開咗新店即刻同朋友飲兩杯食吓壽司，環境相當乾淨舒服，播住我喜愛嘅日文歌，而且鍾意私隱度高嘅仲有私人房～｜特選刺身盛 時令鮮魚｜有三文魚、油甘魚、拖羅、牧丹蝦、八爪魚、金目雕，師傅厚切魚生所以咬落特別鮮味有口感～無論色澤、香味、質感口感都好高質，成盤都只係$278性價比好高！｜法國生蠔｜加少少蔥提鮮～唔會好重鐵鏽味，但口感好creamy豐富～｜牛油煮蜆｜牛油味好香濃，蜆肉飽滿～送酒一流｜薄燒牛舌｜雖然係薄燒，但新鮮嘅牛舌係唔同啲，好爽脆有嚼頭～｜炙燒北海道魷魚條｜魷魚質感彈牙爽口～同樣係送酒小菜，越食越滋味～｜串燒｜雞胸脆骨比雞軟骨，更加硬、爽口，雞肝好柔潤，嫩滑～雞腎細細粒好入味易入口～雞皮餃子好惹味，外皮好香脆～｜亂切冷蕎麥麵｜將蕎麥麵放入用鵪鶉蛋Wasabi、芝麻撈埋嘅醬汁～口感帶點刺激，但清爽不油膩～食完串燒後最適合不過～｜關東煮｜關東煮最緊要入味，蘿蔔非常之腍～豆腐同冬菇都朔滿晒啲汁，好食～

在銅鑼灣的加賀屋，這次享受的午餐，讓我重新感受到日本居酒屋文化的魅力。我們點了蔥吞拿魚腩海膽丼定食，菜色豐富精緻。茶碗蒸的蛋質柔軟，入口即化，海膽的鮮甜與魚腩的鮮嫩相得益彰；莎拉清爽爽口，搭配上鮮美的海鮮，味道更加豐富；麵豉湯則帶來一股濃濃的鮮味，溫暖了整個午餐。另外，炙燒北海道魷魚條和特選海鮮丼定食更是讓人驚艷。炙燒的魷魚條外酥內嫩，帶著微微的炭燒香氣，特選海鮮丼則是各種新鮮海味的組合，有各種各樣的魚生，人有非常鮮甜的海膽，以及醃製過的鮑魚，魚生海鮮份量十足，每一口都充滿豐富的海洋風味。最後，巨峰提子乳酸梳打酒清新宜人，是完美的搭配。整體而言，加賀屋的食材新鮮，味道地道，服務親切周到，讓我們在這裡享受到了一段美好的用餐體驗。

星期一的中午，天氣灰濛濛，落住連綿細雨，喺渣甸街兜咗一轉之後，最終決定上嚟亨環2樓享受一頓日式料理。上到嚟之後，就已經聽到啲日本嘅音樂，而且餐廳嘅環境氣氛都幾唔錯，令我身心舒暢愉快咗唔少我平時就鍾意食麵，所以我都嗌咗個烏冬定食一上到嚟已經覺得👌🏽吸引，第一啖就飲咗個烏冬湯先，啲關東煮味真係好正宗，食得出師傅好用心整蘿蔔豆腐嗰啲都好入味～個炸蝦外脆內軟，唔使檸檬汁同埋醬都已經好好食！！另外我仲嗌咗火炙花之戀同埋火炙蟹棒，QB醬同壽司嘅搭配，簡直係100分😭😭👏🏽👏🏽，真係會忍唔住再嗌多一碟總體嚟講呢一餐價錢貴又食到咁高質嘅食物，下次會再嚟幫襯！

聽朋友講銅鑼灣開咗一間新嘅日本居酒屋，都有一段時間冇食日本嘢，所以今晚就嚟一探究竟狂風掃落葉，嗌咗好多嘢食：巨峰提子乳酸梳打酒、拖羅刺身、加州卷、串燒雞軟骨、銀鱈魚西京燒、吉列廣島蠔、石狩丼、海鹽輕燒石狩丼如果想飲少少酒精飲品，又唔會醉，飲呢杯巨峰提子梳打走就一定啱晒，酸酸甜甜，而且有好香嘅提子味；至於拖羅刺身一上枱就覺得好吸引，三片刺身非常之厚身，又新鮮；雞軟骨同銀鱈魚燒得香脆可口；至於吉列廣島蠔外脆內嫩，保持住鮮嫩多汁；加州卷、同埋兩個丼飯都用咗日本米，丼飯嘅刺身，無論係火炙三文魚定係新鮮三文魚份量都好慷慨，而且食得出係新鮮高質嘅刺身，令人垂涎三尺呢間日本料理位於銅鑼灣繁榮熱鬧嘅中心地帶，環境舒適，而且價錢合理，食物款式多樣化，大推#加賀屋 #maphk2021

家賀屋，之前有係灣仔食過，質素確實唔錯，聽侍應話黎緊會係銅鑼灣區開多間分店，nice. 又再近我啦啦啦⋯⋯ 😻😻 一於同個friend過嚟試試佢。 一入黎門口，仲見到有花牌同一個好可愛既舞獅仔，一問先知原來開左兩日咋，環境都好闊落，坐得幾舒服，仲有勁大既落地窗，所以光線好好同埋仲可以睇埋雨景，好浪漫💕 聽講仲有兩間包間，下次可以約埋一班friend嚟，😼 因為呢排陰雨綿綿，所以都想食返啖熱嘢，叫左一個生薑黑豚肉丼，哇，首先直衝上頭既係濃厚的生薑香味，一睇賣相就知師傅幾俾心機去製造，黑豚肉質軟嫩、油脂豐厚，肉味濃郁，搭配生薑的香辣，洋蔥的甜，以及肥嘟嘟既日本米飯吸收左豚肉以及生薑汁既精華，甜中帶鹹，一啖落去，十分滿足，視覺同味覺嘅雙重享受，令我身處香港都可以享受到美味嘅日式美食。正正正～ 朋友叫左個蔥吞拿魚腩丼飯，不過因為唔食蔥，所以走埋蔥🤣仲落左一份火炙特大帆立貝，食材都十分新鮮，吞拿魚落口滿滿既魚油香味，好正以及加埋火炙後既香甜沙律醬的大帆立貝是我的最愛 因為今日係放lunch，唔係嘅話，都會飲啲酒，佢呢度有好多酒嘅選擇，清酒，啤酒，果酒，以及燒酌～配枝豆一流 而且價錢喺銅鑼灣地區嚟

本人十分喜愛吞拿魚腩蓉。平時會周圍去試唔同壽司店既吞拿魚腩丼。今日行行下街見到呢棟大廈裝修幾高級。就望下有啲咩。見到有間新開既日本餐。就入去試下！今日一試。畢生難忘。以前食開果啲吞拿魚蓉。一啲魚油都冇。味道偏淡😐呢間既吞拿魚蓉。油脂分布非常好。味道濃郁。再問一問店員。原來佢地係用藍鰭吞拿魚！！！每日都會將赤身。中拖。大拖剁碎。撈勻！再搭配葱芝麻黃蘿蔔。口感味道再加倍升華！🤤🤤另外我仲點左個火炙特大帆立貝。帆立貝既鮮甜配上蛋黃醬！唔再多講。勁好食！必試🤤🤤環境方面全是落地玻璃。可望到街景同天空。日光比起燈光是不同的感覺。店舖乾淨整齊。枱面夠闊。兩個字。舒服！