家賀屋

銅鑼灣必食魚生丼係銅鑼灣返工實會去渣甸街搵食，經過亨環見到家賀屋嘅宣傳牌，見佢啲lunch set好多選擇，一於上去試試。佢嘅午巿餐牌有超過35款食品，大部分都係魚生丼，我就叫咗特選海鮮丼定食，同事就叫咗特盛山椒鰻魚丼定食。每set定食都有沙律、茶碗蒸同埋麵豉湯。鰻魚丼係二重鰻，即係有2大條鰻魚，巨量鰻魚鋪係飯面好震撼，鰻魚係蒲燒，燒得好香口，熱辣辣香噴噴，鰻魚又肥又厚，令人食指大動😋特選海鮮丼有12款刺身，有三文魚、吞拿魚赤身、鯛魚、拖羅、赤貝、醬漬鮑魚、海膽、魚子、吞拿魚蓉及赤蝦等。魚生新鮮鮮甜，質量好，底下嘅飯係赤醋米，調味溫和，帶有醋香，仲有少少飯素增添口感同層次。整體食品高質，服務殷勤有禮，坐得又舒適，值得一試👍