家賀屋刺身寿司專門店

同事知道我鐘意食日本菜,今日lunch就約我去食家賀屋刺身寿司專門店,話呢間餐廳啲日本菜好好味,又新鮮.鹽燒真鯖魚定食, 有麵鼓湯,沙律&蒸蛋,鯖魚好大塊, 外皮燒得脆脆地好香,鯖魚仲好鮮味,真係好好食蒸蛋真係好滑呀,食到最後又唔會變水.麵鼓湯都好好飲,唔會太鹹,味道啱啱好.蔥吞拿魚腩丼定食,吞拿魚腩份量好多,魚味好香,仲有好多油脂,而且又唔會腥,魚蓉伴飯一齊食真係好正.角切海鮮丼定食,份量好多,刺身好新鮮.

話説最近返工個到有好消息 所以我同男朋友就諗住食好野慶祝一番 所以我地就揀左間評語都好高嘅餐廳 -加賀屋 到食日本野 不過依間餐廳位置唔太好 唔近地鐵站 而且要上樓 唔係openrice 到揾都好難知道呢間餐廳~~ 一入到間餐廳就已經幾多人 我地今日決定想食咩就食咩 盡慶呀嘛! 我地就叫左:師傅特選嘅築地鮮魚，呢一間餐廳感覺上真係好高級 一叫左條魚 過左陣一上枱 個賣相已經令人震驚 佢成條魚送上 擺得好令 條魚立體到好似仲係活生生咁 不過啲肉已經薄切左出黎 味道好新鮮 口感彈牙，但個精髓係佢附上嘅汁到 佢係有柚子嘅醬油 酸酸甜甜 魚本身味道不重 加埋醬油就一流 係好高級嘅享受!特選鮪盛，其實姐係吞拿魚， 但食完依個之後你會明白咩先係真正嘅吞拿魚 佢有三種壽司 根據魚嘅脂肪度黎排列 冇脂肪嘅係最深紅色嘅 係平時食吞拿魚食到嘅少少腥味 。點少少豉油同wasabi 加啲味道嘅層次剛剛好 不過個人比較喜愛有脂肪嘅 最粉紅色嘅真係入口即溶而且好滑 都好高質特選角切海鮮丼佢依啲dinner set 有沙律 蒸蛋 個丼再加面豉湯 沙律同個湯都正常 值得一讚嘅佢個蒸蛋清得黎唔會過咸 而且好足料 啲蟹柳

呢個限定吞拿魚海膽丼，仲配有沙律菜，味噌湯，日式蒸蛋。首先梗係講下個丼，吞拿魚腩有軟綿而且有鮮味，但海膽就真係太小而且無乜味道，飯多而且有微温，味道係好味的。 喺配菜方面，佢個沙律菜尚算新鮮，味噌湯唔會太鹹而且有海帶喺入面 ，而最出色呢就係個日式蒸蛋呀，吃落好滑而且個杯底下低唔會有好多氣泡。餐廳裝潢方面呢間餐廳環境不錯，地方非常清潔，位置唔算太迫，服務人員亦都有禮貌， 但綜合黎講我始終認為價錢偏貴。。。。

今日女朋友來灣仔做野順便同我一齊食lunch.女朋友話想食日本野,上openrich見家賀屋嘅評價好好,就同佢去試下.西京三文魚鮫定食, 定食有好多配料,麵鼓湯,沙律,白飯上仲加上紫菜&蒸蛋,蒸蛋真係好滑,好好味主角三文魚鮫燒得好香,好嫩滑,一D焦味都冇, 嫩滑嘅魚肉加上檸檬汁更加提升鮮味. 吉列廣島蠔+關東煮烏東,蠔炸得金金黃黃,咬落去外皮香脆內裡嘅蠔又滑,又鮮味,真係好好食.關東煮烏東嘅味道也不錯. 烏東又夠滑.

壽司引發作, 急忙要搵間日本野食吓。朋友介紹下搵到黎灣仔。地鐵站行過去都唔洗5分鐘, 岩哂我啲又唔願郁又想「食好西」既人。日式餐廳黎講, 裝修算係唔錯。唔似得啲大集團式裝修格局又或者係淘寶擺設。雞泡魚乾 $78心急既我當然要有飯前小食啦。肉質煙煙韌韌非常香口, 可搭配蛋黃醬同食, 酸酸地非常開胃。最重要「餸酒一流」。Orion生啤 $58黎得日本餐廳又點少得啤一啤佢呢。微微既麥味, 清淡芳香易入口, 一貫日本啤酒口味。特選鮪盛 $238分別係大鮪魚腩、中鮪魚腩、鮪魚赤身。簡單黎講即係油脂多與少既分別。當然推介大鮪魚腩啦, 油脂豐富味道甘香, 肉質鮮甜每一啖都非常罪惡, 味道少有地邁向日本築地級數。大讚！魷魚鬚 $38一碟雞泡魚唔夠餸酒, 整多碟魷魚鬚先。特選海鮮飯 $288 是日主角, 今日黎既主要原因。朋友大力推介既海鮮飯, 果然係無介紹錯。牡丹蝦、鮑魚、左口魚、海膽等等等等.....鋪滿咗成個飯。唔單止用料新鮮, 性價比亦同樣既高。海膽應該係馬糞馬膽, 零舍鮮甜肥美。鮑魚刺身, 醬汁味濃口感煙韌, 廚師將味道完整咁迫發出黎。左口魚亦係小弟至愛, 除咗刺身原有鮮味同時亦帶有油脂香味,

豬小姐久唔久都會尼幫襯家賀屋 係因為食物新鮮高質 又坐得舒服暑假完結前又尼到擦番餐勁先特選鮪盛必點是常識喲吞拿魚 中吞拿魚同大吞拿魚各兩件 食嘅次序係由深到淺色 油脂度由低到高色澤紅潤有光澤 食落柔軟無筋有一定厚度 好有質素大吞拿魚係豬小姐嘅最愛 入口即溶 魚油甘香充斥整個口腔 好池魚王賣相吸引 池魚一共15薄切 魚身透徹明亮食落魚味較淡但清新 沾上酸酸甜甜嘅醬汁更鮮更醒胃！壽司 卷物選擇好多 循例上都叫左幾款滿足下自己劍魚腩魚油豐富有嚼勁 黑松露特大赤海蝦味道獨特爽口彈牙期間限定嘅北海道海膽軍艦金黃水漾 質感幼滑十分鮮甜牛油果軟殼蟹卷比較失色 軟殼蟹唔夠脆口 卷內紫菜亦腍哂 但整體都算足料嘅定食都有好多款式好抵食 今晚就揀左海鹽輕燒石狩丼定食定食除左有丼 仲配有胡麻田園沙律 日式燉蛋同海帶麵豉湯鹽燒三文魚一共6大塊 紋路有致漂亮 輕輕燒過後魚油更香更濃 半熟狀態嘅三文魚一樣吸引加入三文魚籽點綴 好滿足！丼定食百幾蚊性價比的確高呢澱粉質怪最後要叫個手打稻庭烏冬先心息烏冬當然彈牙配合清甜湯頭 係簡單傳統嘅美味每次食飽都好滿意滿足 家賀屋下次再見啦

最近好想食日本野，但又唔想食放題，感覺太辛苦，而之前番工關係已經想試一間日本料理 - 加賀屋好耐，今日趁放工一於黎試試佢！今日都算早上到黎，所以都唔洗點等位，直接有得食，正！咁一坐低就睇下餐牌有咩好揀la😁都未睇晚市套餐，我地兩個大吃貨就已經俾餐廳其中一個推介- 特選鮪盛吸引左我地的目光，分別有本鮪赤身，中本鮪魚腩同大本鮪魚腩壽司各兩件（肥美程度順序而上）。咁我地叫左之後，壽司好快就送上，等我逐一講下la- 首先係本鮪赤身，近乎零脂肪，但有十分濃郁之鮪魚香味，呑入口之後魚香仍然揮之不散,回味無窮，而大本鮪魚腩則擁有極高脂肪比例，入口近乎即溶，而且唔會有渣，十分岀色，而中本鮪魚腩就介乎剛剛兩者之間但較偏向後者，有脂香之餘也保留魚味，所以十分推介愛魚之人一嚐此等美食哈哈！吃過開胃之菜，我地亦想試試新鮮食物，就是由廚師精選之築地鮮魚，話曬我地都未試過叫一整條魚而切成的刺身！只見魚一送到，我們就已經比其精緻的擺盤吸引，原諒無味的我們唔識牠的名字，不過入口的確鮮味無比，而且配上特製的柚子醬油，配搭起來十分鮮美，清新而不濃厚的柚子醬油更加提出魚的鮮味，令我們食過不停，簡直大快朵頤！開完胃，就準備

朋友中意食日本野，所以今晚帶朋友黎家賀屋晚飯，試下呢度既吞拿魚腩~見到今期限定北海道海膽同池魚王，就點黎試下。池魚王薄切賣相已經好吸引！有15切，池魚好新鮮鮮味，值得一試。而北海道海膽軍艦亦唔錯，海膽一d都唔腥。之後點左呢度出名既吞拿魚腩壽司! 分大中小吞拿魚腩，一層層食上去，中同大吞拿魚腩油脂好香，好新鮮。另外點左d熱食，炸墨魚咀好香口，而且分量好多，幾岩佐酒。而薄燒牛舌好彈牙，不過都係中意厚切多d~最後食左牛油果軟殼蟹卷，軟殼蟹大大件，幾足料，但牛油果唔夠突出。

自從上次阿妹帶過媽媽黎食之後 佢就一直念念不忘 成日都叫我同佢去食 所以今日都專登bk左位食晚餐特選海鮮丼 ($308)呢個丼定食應該係全店最豐富既個一款 一塊塊既刺身鋪係珍珠飯上面 有赤海蝦 左口魚裙邊 拖羅 立魚 赤貝 油甘魚 仲有三文魚籽 海膽 同蔥吞拿魚腩蓉 又靚又新鮮 食到阿媽超滿足螺片刺身 ($58)好大件 入口爽滑激安壽司 $13@比起刺身 我個人比較中意食壽司 差唔多每一款我都叫咗一件黎試 以咁既質素黎講 $13 1件都幾抵食七味燒鯖魚壽司我都係第一次食 感覺幾特別 但係唔係好岩配壽司飯一齊食鮮魚類既壽司都好新鮮其中我最中意食既就係汁燒海鰻壽司 海鰻既表層燒到有微微既焦香 肉質軟嫩 入口即溶 我忍唔住再encore左2件芝士飛魚籽係另一款我好中意食既 呢種配搭大大減低芝士既油膩感 一口咬落去 飛魚籽慢慢爆開 好juicy好好味炸軟殼蟹 ($58)本身想叫唐揚原條平目魚 但係賣晒 所以最後就叫咗呢碟軟殼蟹 蟹肉好肥美 成隻連蟹腳一齊食 入口好酥脆 唔會太油膩

呢間日式餐廳係我先生帶我嚟，因為佢知我鍾意食日本野。我哋好少喺港島區食飯，佢同我講呢個地方有好食嘅魚生飯，我本身都唔相信，因為佢係灣仔街市，又唔係喺銅鑼灣，所以覺得唔會有好食嘅魚生🐟🐠、壽司🍣。不過結果係令我喜出望外。其實嗰度有好多嘢食，有壽司、魚生，都有熱食🍤🍙。不過我最鍾意食魚生，所以就點咗一個魚生飯。喺香港食嘅吞拿魚通常都係冇乜味，而且好似擦膠咁，真係同係日本食爭好遠。所以我今次就揀咗個吞拿魚魚生飯，有吞拿魚茸同埋唔同肥美程度嘅吞拿魚😋😋。食落口真係好新鮮好肥美，係日本食到既吞拿魚味，而唔係橡筋或者淡茂茂既。呢間餐廳其實都多人，不過我哋六點鐘就去到，所以唔使訂位都得，但係如果想食，建議最好預先訂位。

其實呢間食過好幾次lunch次次都抱住大滿足嘅心情離開今晚想食日本嘢 又懶得做search 就諗住食返佢返保證啦我同我男朋友叫左>>海三色丼定食<<>>大名.壽司定食<<同少量壽司>>海三色丼定食<< 沙律,, fresh fresh 爽口的菜 吾會霉霉爛爛 燉蛋,, 黎過幾次個燉蛋都冇令我失望 超滑同香 😊 麵豉湯,, 不過不失 同一般嘅冇咩大分別 丼飯,, 啲刺身薄切的感覺三文魚可以切厚多少少肉素軟軟的 油脂分布適中新鮮嘅不用說 ~ 不過個蝦就…我一度懷疑系咪自己條 👅嘅問題不過男朋友食完要即刻飲啖湯我就覺得怪怪 原來佢同我都一樣覺得個刺身蝦 好腥 🙈🙈🙈之前一直 lunch 黎都冇呢個問題 🙁之後男朋友的炸蠔 炸得吾太好 吾知睇相睇吾睇到我覺得炸濃左 吾夠鬆脆 感覺似返炸 😔其他壽司都幾好除左 赤貝 感覺真系吾新鮮呢值得讚嘅系吞拿魚次次黎呢度一定要食toro 🤤男朋友話都算入口油潤 冇根位 切嘅厚度適中特大赤海蝦壽司又系好好食清爽 鮮甜 彈牙聽講日本人夜晚吾會食刺身因為 吾新鮮🤔 我感

又來食刺身啦🍣！啱啱睇完一個日本旅遊節目，見到好多好新鮮嘅刺身，即刻忍唔住想食。雖然冇得即刻飛過去日本，但係喺香港都食住先啦哈哈。餐廳係內街的一棟商業大廈樓上，都幾隱蔽，不過離地鐵站唔算遠，所以都算易搵。之前都有嚟過家賀屋，覺得呢度嘅刺身都幾新鮮，某部份仲標榜係由日本築地魚市場入口！餐廳最主要都係食刺身，所以Menu大部份都係刺身拼盤，刺身丼，壽司，熟食種類唔算多。我地叫咗幾款刺身都幾新鮮，唯獨海膽size好似細左少少。

今次係第二次黎，上次食既時候對呢間餐廳印象好好，叫左個刺身拼盤覺得全部刺身都好新鮮，雖然價錢唔算平但係覺得值得，不過今次真係令人有d失望。話說唔算好肚餓但係又想食嘢，所以決定再度黎呢間餐廳食刺身。因為刺身拼盤唔合心水，所以決定散叫。點左海膽、三文魚腩、中拖羅、帶子、赤貝。帶子同三文魚腩都幾新鮮，但係我最期待的中拖羅同海膽都強差人意。同樣係一板海膽，但係比起上次食的份量細左好多，而且味道好淡，無海膽的鮮甜。最失望係中拖羅，一咬落去係散的感覺，而且每塊都有根，真係令人好失望🙁希望只係餐廳偶意失手。

聽說在灣仔街市中，隱沒著一間日本餐廳，店家供應的刺身由產地直送，新鮮程度毋庸置疑，而且價錢貼地，盡情吃喝也不怕荷包重傷。今晚，就由剛剛加薪、但自嘲是草根階層的「東邪」帶路，引領我這粒微塵搵食。其實到達附近位置，只需抬頭一望，便能發現舖頭招牌，地點便利不難尋找。店子坐落大廈一樓，步出門有點昏暗，瀰漫著神秘的氣氛，不過踏入舖內感覺完全兩樣。餐廳裝修簡約骨子，環境光猛舒適，雖然時間尚早，已有不少捧場顧客，店子魅力可見一斑。翻開餐牌，刺身、壽司、丼飯乃必食推介，還有卷物、軍艦、和食、炸物、燒物、麵食等，定價親民。既然刺身是餐廳名物，當然款款也都想試，無奈胃納空間有限，怎辦好呢？特色海鮮丼定食($308)就能滿足饞嘴兒的要求，這個定食除了巨型丼飯外，還包括胡麻田園沙律、海帶麵豉湯和日式燉蛋，非常豐富。女生獨力品嚐的話，應該會很飽足。師傅出手闊綽，眼前的特色海鮮丼陣容鼎盛，刺身堆得滿滿，把飯面完全覆蓋。數數手指，刺身計有鮑魚、海膽、赤貝、三文魚、三文魚籽、拖羅、吞拿魚蓉、油甘魚、左口魚、牧丹蝦和玉子，閃耀光澤、色彩繽紛，未起動先興奮。在眾多海鮮中，小妹最期待品嚐赤貝，觀其珍寶厚身，質感果然爽口，

星期一 諗住搵個地方安安靜靜咁食餐好既你知啦 係灣仔返工咁多打工仔想搵個好地方 慢慢食 傾下計咁真係有啲難朋友介紹下 知道依間日本餐廳一入到去 播住日文既快歌裝潢都幾和風 唔係多人 方面傾下計最重要係唔會趕人走 火灸三文魚飯定食 $98介紹下先 佢係定食黎即係有湯 沙津 主食 同 蒸蛋1. 面試湯不過不失 都幾重口味2. 沙津都係不過不失 開胃前菜咁3. 火灸三文魚飯佢有6塊三文魚 燒就唔算燒得太多 係微燒個隻 反面都係同普通三文魚咁 味道都還可以4. 蒸蛋依個係比較意外 個蛋算係成個定食既點晴之處 皆因佢入面係有啲飴 絕對將個味帶返出黎 值得推介總括 加埋一一個人大約110到 係灣仔區都算係差唔多 份量適中 想靜靜地食個日本餐都可以一試！