影片
更多
2018-09-12
9984 浏览
話説最近返工個到有好消息 所以我同男朋友就諗住食好野慶祝一番 所以我地就揀左間評語都好高嘅餐廳 -加賀屋 到食日本野 不過依間餐廳位置唔太好 唔近地鐵站 而且要上樓 唔係openrice 到揾都好難知道呢間餐廳~~ 一入到間餐廳就已經幾多人 我地今日決定想食咩就食咩 盡慶呀嘛! 我地就叫左:師傅特選嘅築地鮮魚，呢一間餐廳感覺上真係好高級 一叫左條魚 過左陣一上枱 個賣相已經令人震驚 佢成條魚送上 擺得好令 條魚立體到好似仲係活生生咁 不過啲肉已經薄切左出黎 味道好新鮮 口感彈牙，但個精髓係佢附上嘅汁到 佢係有柚子嘅醬油 酸酸甜甜 魚本身味道不重 加埋醬油就一流 係好高級嘅享受!特選鮪盛，其實姐係吞拿魚， 但食完依個之後你會明白咩先係真正嘅吞拿魚 佢有三種壽司 根據魚嘅脂肪度黎排列 冇脂肪嘅係最深紅色嘅 係平時食吞拿魚食到嘅少少腥味 。點少少豉油同wasabi 加啲味道嘅層次剛剛好 不過個人比較喜愛有脂肪嘅 最粉紅色嘅真係入口即溶而且好滑 都好高質特選角切海鮮丼佢依啲dinner set 有沙律 蒸蛋 個丼再加面豉湯 沙律同個湯都正常 值得一讚嘅佢個蒸蛋清得黎唔會過咸 而且好足料 啲蟹柳
師傅特選嘅築地鮮魚，呢一間餐廳感覺上真係好高級 一叫左條魚 過左陣一上枱 個賣相已經令人震驚 佢成條魚送上 擺得好令 條魚立體到好似仲係活生生咁 不過啲肉已經薄切左出黎 味道好新鮮 口感彈牙，但個精髓係佢附上嘅汁到 佢係有柚子嘅醬油 酸酸甜甜 魚本身味道不重 加埋醬油就一流 係好高級嘅享受!
特選鮪盛，其實姐係吞拿魚， 但食完依個之後你會明白咩先係真正嘅吞拿魚 佢有三種壽司 根據魚嘅脂肪度黎排列 冇脂肪嘅係最深紅色嘅 係平時食吞拿魚食到嘅少少腥味 。點少少豉油同wasabi 加啲味道嘅層次剛剛好 不過個人比較喜愛有脂肪嘅 最粉紅色嘅真係入口即溶而且好滑 都好高質
特選角切海鮮丼佢依啲dinner set 有沙律 蒸蛋 個丼再加面豉湯 沙律同個湯都正常 值得一讚嘅佢個蒸蛋清得黎唔會過咸 而且好足料 啲蟹柳好大粒 仲有日本魚蛋片同幾條粉絲 個飯雖然魚粒嘅種類較小 但勝在好新鮮 個玉子上印住加賀 幾有特色
薄燒牛舌一碟有六塊 雖然好似有啲油 但好易咬開唔un 仲好彈牙 幾正
吉列廣島蠔依個蠔勝在唔厚粉 一咬開就係熱辣辣嘅蠔 好味道!
當然 咁高質嘅一餐係一分錢一分貨 食完開心過後呢餐每人大約$700 不過係享受黎嘅 間唔中食下人生先有趣味架嘛~
张贴
