家賀屋刺身寿司專門店

朋友中意食日本野，所以今晚帶朋友黎家賀屋晚飯，試下呢度既吞拿魚腩~見到今期限定北海道海膽同池魚王，就點黎試下。池魚王薄切賣相已經好吸引！有15切，池魚好新鮮鮮味，值得一試。而北海道海膽軍艦亦唔錯，海膽一d都唔腥。之後點左呢度出名既吞拿魚腩壽司! 分大中小吞拿魚腩，一層層食上去，中同大吞拿魚腩油脂好香，好新鮮。另外點左d熱食，炸墨魚咀好香口，而且分量好多，幾岩佐酒。而薄燒牛舌好彈牙，不過都係中意厚切多d~最後食左牛油果軟殼蟹卷，軟殼蟹大大件，幾足料，但牛油果唔夠突出。