家賀屋刺身寿司專門店

星期六下午訂左枱諗住食高質吞拿魚。一去到人唔係太多，坐得都ok點左一客signature 既特選吞拿魚壽司set絕對一般赤身：有少少吞拿魚味，帶甜中拖：有根，少魚味，極少魚油，完全冇after taste大拖：冇根，少魚味，少魚油，冇齒頰留香最大致命傷係舊飯，太死實，仲差過連鎖壽司店。另外點左一客壽司lunch set, 冇特別。麻醬沙律冇心機，麵豉湯好鹹。蔥碎拖羅幾好味，不過紫菜淋左。如果想黎食優質壽司，呢度幫唔到你。

星期六本來想入赤柱睇聖誕市集，差不多200人等小巴，怕怕了，所以行一陣銅鑼灣就行去灣仔食晚飯!本身想試漢堡但實在太多人，突然醒起同事介紹過一間食日本菜於是試下!點左魚生飯定食同炸魷魚鬚，美味但份量不算多哩!

灣仔區日本餐廳都有好多選擇 今次見咁多好評就試下呢間 地點又方便上到樓環境都幾好 可能因為早 唔夠7點就到 所以唔洗排隊就有位😊Menu 上都有好多選擇 最impressive 就係呢個特選海鮮丼!! 睇見就流哂口水🤤🤤 所以即係叫左呢個試!!同相中既一樣 十分足料 刺身蝦好鮮甜 仲有鮑魚海膽 正😋😋 份量多 夠哂2個人食! 另外叫左啤酒 簡直係絕配 好爽!! 軟殼蟹手卷 軟殻蟹都大隻抵食另外叫左花枝同帶子壽司 帶子好厚好好味😍其他壽司都好新鮮好好味😍😍最後叫左炸蠔 同外面既唔同係蠔比較大隻

放工途經灣仔附近，又吃日本料理，搜一下於是來到這家店。雲石紋的枱面感覺企理，而且空間寬敞，光潔明亮。餐牌排版清晰有條理，各式魚生組合琳瑯滿目。江戶刺身定食 配烏冬、茶碗蒸、沙津前菜、味噌湯刺身四款：中拖羅油甘魚腩帶子特大赤海蝦店家的魚生都非常新鮮，沒有半點雪藏味，而且厚切足料。烏冬：入口順滑帶點煙韌，很不俗。特選海鮮丼全店均用日本米，上面鋪上滿滿的刺身，碗口很大，可滿滿平鋪刺身，色澤鮮明光澤，擺設賣相吸引。赤蝦：鮮甜肉質綿絮軟滑富膠質，香濃鮮甜三文魚：肉質柔軟，咬下重重魚香，鮮甜不腥三文魚䰵：入口魚油香而皮脆飽滿吞拿魚蓉：吞拿魚蓉質感綿密油潤，入口油香海膽：海膽入口即融，味道甘甜不腥赤貝：入口爽脆，味道清新自然，淡雅清澈左口魚：左口魚油脂豐富、入口帶油香化在嘴里油甘魚：肉質爽口，口感柔軟嫩滑，味道甘甜鮑魚：肉質彈牙爽口，柔軟而鮮甜整體豐富新鮮，刺身高質而飯醋比例剛好，足夠一個成年男人的份量。三得利生啤

同學仔生日飯，想吃和風美食，卻不要元気壽司。咱們每次生日飯也吃元気嗎？也不然，不過試過兩年而已。誠然，元気之出品端的愈出愈差，刺身完全不鮮，飯團更是又乾又硬，要將貨就價嗎？她們其實不斷暗暗提價，以為不為所覺，隔一陣子價目又給提升一至兩元。漸漸地，元気之價性比每下愈況，正藉坊間便價的日式放題開到成行成市，小的好懷疑餐廳再不改革，很可能會被市場清洗。 於是小的從網路搜尋，專揀自家小店，既支持中小企，又可品嚐獨有風味。尖東乃同學仔至愛，然而在車程上小的總認為尖沙咀比較遙遠，反而港島區更快捷方便。結果小的在港島與九龍分別挑了兩家不同的餐廳。問一問壽星仔須否堅持尖咀，幸而他亦樂於過海走一趟。 位於灣仔的家賀屋距離地鐵站只五分鐘的路程，小的依著地圖的方向走。雖是座落商業大廈之一樓，但其碩大的招牌於老遠已能呈現，而且指示清析，作為路癡的小的在沒有迷路下順利抵達。 以為閒日晚上不旺市？然而小的也都預先至電訂檯。七時十五分入座，餐廳仍是疏疏落落的不見人潮，壽星仔例牌地遲到，小的則努力爬畢小說之最後章節，好馬上歸還。廿多分鐘以為，友人始珊珊來遲地抵步。而人潮亦隨著時間的推演愈見興旺，

朋友介紹咗一間喺灣仔上樓嘅日本菜比我吃，咁岩我又經過灣仔做嘢，放工之後冇預約嘅情況之下想去一碰運氣，當時六點半左右，咁啱有位錯餐廳環境幾靚唔錯，有格調，店員親切有禮，我見到隔離枱亦都book咗了一台，店員一早已經為佢地預備好BB櫈10分細心，佢哋仲自備左清酒嚟飲！真識享受哦！我下次都試吓先！呢度嘅食物好多選擇，可惜我唔識飲清酒喎，所以首先我叫咗杯啤酒啤啤佢先！之後我哋叫咗個特盛海鮮丼，點解我哋要呢一個，因為我覺得雖然要$298 ，但係佢係咁多種丼裏面材料最多，種類最多的，咁樣我就可以每樣都試吓啦！最適合我呢啲咁花心嘅人食啦！其實樣樣材料都好新鮮，尤其喜愛拖羅，上面魚生片片都好厚的，好足料，拖羅一入口有溶化嘅感覺，啲油香慘晒出嚟，另外三文魚子博博聲，好新鮮一啲腥味都冇，出邊好少食到有鮑魚，呢度給我嘅驚喜就係有鮑魚食啦，鮑魚係煮熟嘅，日本磯汁煮，好彈牙又入味酥炸椒鹽墨魚咀，開頭上枱時我覺得好奇怪，因為顏色好白淨，以為五酥炸椒鹽墨魚咀，開頭上枱時我覺得好奇怪，因為顏色好白，點知到入口有點知到入口鬆化，好香脆，一啲都唔咸送酒嘅食物點止一樣咁少呢!我叫咗燒雞翼，燒雞翼去咗骨，咬落啖啖肉，外皮燒得

每次去食日本料理，最頭痛就是要逐樣東西來點，許多時候不是點多就是點少了。要不就是點了許多前菜但又缺乏主食。因此最喜歡有定食提供的日式館子，今天的家賀屋，便是基於這個原因而成為了我的心水餐廳之一。今天點的角切魚生飯定食，沙律🥗新鮮味美，芝麻沙律醬分量剛好。角切魚生有大量三文魚子，令人驚喜，三文魚和其他魚的分量也不少，配上較少量的飯，對我來說是剛剛好。味噌湯對我來說偏咸，不知道是否因為自已休息不足的緣故，因之前幫襯並沒有這個問題。隨餐還有蒸蛋，有兩片香菇作配料。除了魚生飯定食外，亦推介燒魚定食，不過相對要等的比較久，要有心理準備。

講到我最愛嘅菜式，當然係日本菜，今日收工就同同事去咗一間灣仔嘅日本餐廳，呢間餐廳都係每一位同事極力推介的，我今日都係第一次黎試，果然係冇得輸，用料非常新鮮😍環境服務都做得非常好👍🏻地方非常闊落，坐得好舒服👍🏻每樣野都擺放得好整齊☺️乾乾淨淨令我食得非常放心餐牌上面嘅種類都有好多款，想食嘅嘢都齊晒🤪而且刺身方面種類繁多，樣樣都想食😍壽司定食有三款，揀咗最下面嗰款，價錢都好抵🤣$288 特選海鮮丼，一般美麗有新鮮嘅刺身定食就係我面前牡丹蝦好爽甜，吞拿魚腩吞拿魚茸鮮味十足，中間加埋隻鮑魚爽口彈牙，三文魚又夠肥美而且每款刺身也切得相當厚身食落也充滿着口感三文魚口中會帶有魚油昧和鮮味，完全滿足到我視覺和味覚，刺身質素一定有水準夠新鮮又夠凍擺盆又靚見得下人，分量充足叫杯啤酒啤一啤☺️傾計必備，夠晒凍飲一啖非常舒服海膽嘅顔色已經見到係非常新鮮😍海膽非常甜一定要食估唔到呢間壽司店有咁高嘅質素😍完全唔係腥臭味，海膽入口即溶帶點甘香味一食令我回味無窮浪人壽司定食$165 ，呢個壽司定食性價比非常高，仲有埋個三文魚湯，味道濃郁魚味好重🤪仲有四件餃子+8件壽司！左口魚裙邊，入口即溶，魚油溶入口中，非常好味😍飛魚子

今日為慶祝朋友升職加薪，朋友鍾意食日本菜，所以便去了座落灣仔灣仔道的家賀屋刺身壽司專門店慶祝一番。到達大廈，見到指示牌需要行樓梯上一樓。餐廳環境舒適，晚市時間，人流都算多。由於我們已訂位，所以一去到便可安排入座。我們點了大名· 壽司定食（晚）$268 、西京比目魚$78、特選海鮮丼$288和三得利生啤$68連加一服務費，合共772。大名· 壽司定食（晚）$268 ：包括沙律、海帶面豉湯、吉列廣島蠔及壽司。沙律🥗入面菜好爽，海帶面豉湯，材料足，有蘿白、海帶及魚。吉列廣島蠔，炸得金黃，咬下去外脆內滑，好鮮味、壽司🍣件件新鮮，好鮮甜，特別吞拿魚腩最正👍西京比目魚$78: 魚燒得很香，好滑，再加上檸檬汁把鮮味提升。特選海鮮丼$288: 飽魚、赤貝、三文魚🍣、三文魚子籽、吞拿魚腩、海膽、油甘魚、赤海蝦、左口魚裙邊同蔥吞拿魚腩蓉等，刺身帶有油脂，口感好滑，而底層既飯，面頭灑上有芝麻同紫菜，好味。三得利生啤$68: 啤酒，我唔識品評，有點苦。日本菜食得多，好耐未食過咁正既日本菜好滿足，會再次幫襯。

今日慶祝朋友既生日我地3人就相約去灣仔食壽司由於佢位於街市既上面 友人非常質疑我既決定但我一於少理 因為我食過 深信佢地一定喜歡！呢個特選鮪盛有吞拿魚赤身 中toro 同大toro 佢既吞拿魚好新鮮 食到佢既油香 特別係中同大toro! 勁正！ 一d筋都無要知道 係香港食大toro 要新鮮同無筋既係幾難！食完佢之後簡直係唔想食其他野 想個魚油香一直留係個口入面！上面既刺身全部都係友人既至愛 哇 個活赤貝 不得之了 好食到我地之後再加左單！ 勁新鮮 赤貝個鮮甜味久久不散上面既刺身樣樣都厚切 我地笑住咁話可以當牛排咁切呀！ 樣樣都好好食蟹羔壽司又係我必點既野 無死 唔駛廢話 都一定好食！呢碟明太子雞翼 出面個皮炸到勁脆 咬到入去d明太子爆哂出黎 個油香加埋明太子簡直係天衣無縫既配合 正！

家賀屋是灣仔區內較經濟而又有水準的日本餐廳，午市和晚市的定食都有非常多的選擇。這晚除了定食之外，還點了秋刀魚刺身和火炙左口魚群邊壽司。秋刀魚刺身肉嫩鮮甜，入口油香四溢，是十月必吃的刺身；左口魚群邊經火炙後迫出了魚油，入口即融，配上壽司飯正好減低了油膩的感覺。姬路刺身定食和浪人壽司定食的刺身壽司都十分新鮮，當中以甜蝦和赤海蝦最為鮮甜；雞軟骨餃子炸得香脆可口；其中壽司定食配的是魚味噌湯；沙律和蒸蛋只是普通。

呢間日本壽司店真係超級高水準。好少可啲海膽可以唔腥之餘仲有陣陣嘅清甜味。環境十分乾淨清潔， 店員態度友善。就連平時普通嘅甜蛋同腐皮壽司都整得好好味。好慶幸香港有一間令人回味嘅食店！

未試過日式料理會有如此差的服務，叫了一枝清酒，從頭到尾都是自己服侍自己，問當日有何食物見意就叫你睇餐牌，每人消費700但衰過去茶餐廳，其餘的讚好是否賣回來的，以後不會再去😡😡😡至於食物，魚生還可以，但燒三文魚鮫燶到黑色也可以端出來，太差了⋯⋯

特選海鮮丼....刺身不新鮮，可能是週日關係，有點求其，較以往差，跟食評有出入。其他刺身壽司及麵豉湯就😑😑😑，不過秋刀魚壽司可以一試牛舌，炸墨魚咀尚算合格，燒吞拿魚鮫及其他燒物不叫也罷服務參差

同朋友都起灣仔返工黎到星期5 lunch緊係要食得豐富D起灣仔都試過幾間日本菜,都係呢間最好今次揀左松 壽司定食有海帶面豉湯有個沙律 點都好, 有D菜食下都健康D仲有個日式燉蛋, 蛋好滑壽司就有7款蔥吞拿魚腩軍艦 立魚壽司 特大赤海蝦壽司 油甘魚壽司左口魚裙邊壽司 赤貝壽司 中本鮪魚腩壽司件件新鮮清甜....真係好正特別係吞拿魚腩 次次黎到呢到都會叫, 真係好好食 又唔會太咸一個set 如果真係唔夠飽加十蚊 仲可以多豌烏冬相信幾大食既朋友都會夠啦