家嫂一家大小

营业中

休息中

真係一間無得輸🎖的家嫂一家大細，任飲任食嘅海鮮火鍋放題🥘！兩次來到都係平日中午，呢個任食火鍋放題星期一至日的最新價錢是每人＄312（再加一），除了食火鍋外，眼見酒樓其餘食客，多數叫點心套餐，因為見到散叫點心的價錢偏貴，下次再來試點心套餐！細細餐廳環境整潔寬敞好坐，溫馨的氣氛倍感親切🥺。裝修和陳設柔合中西風格🎋🎎，讓人感到一份優雅舒服感覺，用餐區劃分了不同的小區域，侍應按不同的食客人數，安排坐那位置，餐枱與餐枱間也有一定的距離，私隱度不錯，坐得十分舒適。我地一大班人去到仲俾左間房我地坐，我們剛坐下未人齊，女侍應已經主動熱情招待，她們都笑容滿面😄，對答如流，像是久經訓練，向我們講解在這裡食火鍋的流程📃。客人是不用自己手機落單，要侍應用手機落單📱，除可增加侍應與食客彼此的交流💬和互動🤝外，更重要的是，食材按入座人數落單，不會浪費食物，侍應上菜的速度很流暢，上枱的每一款食物賣相也很精緻🥰，放食物的器皿亦很講究，讓食客感受到酒樓老闆用心經營❣️。 大堂中央，放了超過10多種各式各樣的醬油，排列整齊有序，除咗既定嘅豉油、蔥、蒜🧄、辣椒粒🌶之外，仲有幾款自家調配嘅醬料🧂，自己中意加咩就加咩。之後趁機看

呢間好嘢引我可以打咁多字….星期六假期中午時段,$312有這質素嘅食物係唔錯嘅（牛肉除外,我平時都好怕浪費食物,但係今次真係食唔落）,服務就真係可以有好大大大改進,你同佢講嘢同佢接收嘅程度,就好似覺得同一個鬼佬講中文咁,一開始上小食刺身,兩樣都唔錯😛然後食雞煲嘅時候同我搞咗一輪,計好時間開蓋叫我食,一口咬落去有雞血,fine,小事,自己閂返個蓋煲多陣,嚟火鍋配料,佢話每一樣Menu嘅嘢全黎一次先,唔夠之後再叫佢order,一開始有一籠嘢,下面響鈴，上邊炸魚皮,個炸魚皮份量係平時去食雲麵六碟左右嘅份量,我同佢講我兩個人可唔可以攞返走一半食唔晒嘥晒,佢答:食唔晒由佢啦然後閃咗😨(你老闆真係多謝晒你)食完打邊爐換椰子湯,放幾舊海鮮落去都未夠5分鐘,佢揸住一壺湯走來幫我加,已經唔想俾佢加同佢講夠啦,又係同鬼佬講中文,佢同我成壺車落晒成個煲滿晒然後閃,未食已經有少少火，即時叫佢攞個大碗過嚟,我逐羹裝返出嚟,竟然裝滿咗個碗仲剩返一大半, OK,加海鮮啦,order多一盤海鮮佢又話公司規矩要逐件叫,阿姐,我逐個item叫返出嚟同你落有咩分別？OK我逐樣同佢講返,佢有懶係有係逐樣落,出到嚟又唔啱ite

要吃家嫂的話，請務必提早一星期book！打邊爐+雞煲+海鮮+自家茶放題，選項非常多樣化，海鮮及食材也很新鮮，讓顧客可以根據自己的口味和喜好來選擇食材。也有職員推車仔，酒也是任飲的！首先，這家餐廳的湯底非常出色。必嗌的是花膠湯，早一天職員會聯絡，需要提早留湯的。也可以提早預訂海鮮。其次，這家餐廳的海鮮選擇非常豐富。他們提供新鮮的蝦、蟹、貽貝、魚等等，值得推介的是任嗌的鮑魚和蜆，蜆非常非常之鮮甜，湯底也昇華了不少。此外，這家餐廳的服務也非常出色。服務員態度友好。並確保每一位顧客都能有一個愉快的用餐體驗。而且，他們的服務速度也非常快，確保顧客能夠及時享用到美味的食物。總的來說，雞煲海鮮打邊爐放題是一家非常值得推薦的餐廳。他們提供多種湯底和海鮮選擇，讓顧客可以根據自己的口味來選擇。而且，他們的服務也非常出色，讓顧客有一個愉快的用餐體驗。如果你喜歡海鮮和打邊爐，這家餐廳絕對是你的不二之選。

今次一行十幾個好耐冇見嘅朋友約食飯，其中一個好快就提議食家嫂一家大細，果然無介紹錯！！是間好西🥰❤️之不過，如果你同我一樣係雀仔胃，咁就唔建議嚟呢間餐廳度食啦，因為你會好蝕底😂😂😂🛶刺身船🔥🔥🔥🔥印象中好似有蟹、油甘魚、鮑魚⋯⋯鮑魚佢幫我哋切咗一半咁我哋就每個人都可以分甘同味啦！其實隻刺身船都係俾我哋打吓卡，基本上每人食兩舊就已經想佢拎走佢😂😂不過！！都叫做幾有鮮味，唔似其他連鎖放題，又薄切又唔新鮮🤦🏻‍♀️🤦🏻‍♀️🐤雞煲🔥🔥🔥中規中矩啦，煲入邊除咗雞件好似仲有豬皮，我啲朋友幾中意食！🍲任食海鮮火鍋🔥🔥🔥🔥重頭戲就係個任食海鮮火鍋，最鍾意就係食貴妃蚌，不過好快就無晒了！下次早啲嚟嘅話要提自己快快手清晒前面嗰啲嘢，就開始打邊爐咁就可以食晒所有貴妃蚌落肚啦哈哈！鮑魚相比起其他海鮮就冇咁新鮮，我同另一位朋友都夾到一隻係臭嘅🤦🏻‍♀️🥥椰皇燉雪燕🔥🔥🔥🔥🔥朋友話呢一個甜品係要去之前就要預先嗌定！本身都係跟大隊一齊食下，點知原來是好L正的！！雪燕下面就係蛋白，然後好食到我用匙羹刮起晒側邊嗰啲椰肉！可以嘅話我下次會食兩盅

📍#尖沙咀 #火鍋 任飲任食火鍋！海鮮都任叫，啲貴妃蚌 蠔 蝦 飽魚都好大隻同任食！鮑魚仲郁！！又有一round刺身！但小心一開始比啲炸嘢小食整飽左！ 肥牛同肉就失色啲，好肥同得一款！酒水都任飲，有紅白酒清酒！ （又要努力減肥了🥲）👅：🌟🌟🌟🌟 花膠湯底堅有好多花膠！丸既選擇唔多！💺：🌟🌟🌟 好似幾難book, 預早兩星期！💸：🌟🌟🌟#foodie #hongkong #hkig #hkiger #hkigers #foodiehk #hongkongfoodie #foodlover #foodporn #foodig #hkeat #hongkonger #feedme

呢間餐廳其實想試好耐，咁啱朋友都想試就太好了。因為呢度人均都要$470。 不過試完覺得對得住價錢嘅。一嚟就上個刺身先，都有6款咁多而且舊舊都厚，鮮度都可以，另外有d前菜：花生菜莆、金錢肚、螺、蜆。蝦多士還好，唔夠脆紅糖糍粑都ok，但如果夠熱就正雞煲有得refill，不過未好食到想refill。叫咗bb辣但出到嚟係小辣同bb辣中間。終於到打邊爐環節，叫咗椰子湯，飲落清甜，野食煮完都帶有湯底甜味，唔點醬都夠味。呢個真係海鮮大餐嚟，勁多款海鮮，有蝦、沙白，蝦膠冬菇、蠔、珊瑚蚌、扇貝、脆魚鯇。係幾新鮮，特別欣賞珊瑚蚌同脆魚鯇，食落好爽。 蝦就大隻唔梅算唔錯。另外仲有蟹，部份有少少膏。但係冇鉗食蟹增添咗難度。蟹嘅下面仲有鮑魚同象拔蚌。想講d鮑魚都幾新鮮仲生勾勾。除咗海鮮都有牛肉同豬肉，同埋炸魚皮。佢一開始問要牛定豬，仲以為二揀一，食到好後來佢地問要唔要豬，先知可以要埋😂😂😂另外仲有雜菜盤，同埋一個三層架，內有韭菜同芥菜餃，腐竹同幾款丸。餃唔錯，丸就正常但係右邊嗰款綾魚丸少腥。最後仲有碗蕃薯糖水，勁飽。除咗人頭計嘅是日糖水，外面仲有雪條拎。飲品方面都幾用心，有竹蔗茅根、西瓜汁、紫貝天葵、鮮橙綠茶呢

一開始係比個刺身船吸引咗，諗住生日食飯影張卡都靚啲，點知原來四個人係冇隻船，亦都冇海膽，刺身只會上一轉（呢個可能之前冇睇清楚）。點解覺得少少中伏？可能我哋一心諗住打邊爐，坐低之後佢地已經自動幫我哋點左有啲飽肚嘅前菜、小食，仲有一整個雞煲（唔好食的）同埋個刺身拼盤，印象中兩個鐘頭食嘢，淨係食呢啲都冇咗一個鐘。前菜、小食、雞煲食完咁多嘢其實已經飽咗一大半，跟住佢就上左盤預設咗嘅海鮮同埋一啲打邊爐食品。啲海鮮算係同預計差不多，但係個珊瑚蚌食落個味道同口感怪怪地😅至於其他打邊爐食品就好普通，本身都冇乜太大期望，但係啲肥牛太過肥瘦分明就比較失望。

第一次去食呢間雞煲火鍋放題 -- 家嫂一家大小。一坐低，好有禮貌咁介紹一次點樣食同有咩食~~頭盤係刺身（但刺身係冇得再落單的）。雖然冇得再落單，但好好食同好新鮮👍🏻👍🏻。之後就係啲小食，蝦多士同個黑糖炸物（唔記得叫咩名）係超好食！！特別係炸黑糖糯米糍，正正正👍🏻！然後就上個月疾煲喇，雞煲有辣有唔辣，任君選擇~ 😃我哋揀咗唔辣，味道方面就不過不失啦~ 跟住就上咗個火鍋，揀咗椰子湯底，清甜夠味好飲👍🏻👍🏻！仲有時令海鮮：蠔、蚌、鱔、魷魚、海蝦、花膠等等...食食下之際，侍應突然問我哋要唔要鮑魚；話係啱啱返咗貨😲😲！！叫咗嚟食，真係新鮮㗎！！除唔時令海鮮，仲有肥牛同蔬菜，若果唔食牛可以揀豬，若果兩樣都食，可以食完一樣再嗌另一樣㗎😃😃。食到呢度，只係所有嘢食咗一round ，個肚已經....打爆咗...😋😋好飽...甜品就係雪條，出面任揀的。飲品唔止係汽水，仲有竹庶矛根水、桂圓紅棗茶等等...對於唔太好汽水嘅朋友，有好好嘅選擇。佢哋嘅店舖裝修、食具同服務都好有驚喜，火鍋用嘅“架撐”都好貼心~~價錢又唔太貴（午餐$312 一位加一），重可以坐3個鐘慢慢食，性價比高吖👍🏻👍🏻👍🏻。

小數高質任食火鍋💛💛💛家嫂一家大小(尖沙嘴）火鍋(部分海鮮同食材可以無限refill)牛豬雞，海鮮有鮑魚、廣島蠔、珊瑚蛘、蟹、貴妃蚌、生蝦etc。刺身船(不能refill)刺身船有乾冰造出煙霧效果，刺身船上有生蠔、甜蝦、八爪魚、三文魚、帶子、飽魚etc，幾新鮮。雞煲(可以無限refill)雞煲叫咗BB辣，味香肉嫩滑，加入咗蜆同豬皮，索晒d雞汁，幾入味。💰💰💰人均消費 ～$480💰💰💰

〰️火鍋放題 （$428位）首先上三文魚、八爪魚、北寄貝、蝦等等。之後有六個小食，松露蝦多士、紅糖糍粑、胡麻茄子、酸菜魚等等。小食無咩話好特別，建議唔好食太多。留肚食之後嘅野食感覺仲抵！🤣（因為我哋就係開頭食得太多，之後到後面勁多野都食唔落🥲）之後上雞煲，雞入味，略厭唔夠辣。🤣仲有豬皮，愈煮愈好食，可以再添。食完雞煲開始飲湯再打邊爐lu，湯底揀左養生花膠菌香湯鍋。由茶樹菇、姬茸菇、花膠、無花果熬成。呢個湯底勁濃味，想要呢個湯底記得要預留～😝之後嘅重點係海鮮到。種類多又新鮮，蟹爆哂膏，鮑魚大大隻。不過貝類有啲仲有少少沙。：（另外仲有手打丸、餃類、牛肉、響鈴等等。連菜都放到勁靚，成束花咁。😂最後仲有個蕃薯糖水，薑味略重，冬天食應該一流。〰️象拔蚌刺身 （$288）呢個都係要預訂，一隻一斤半左右重。有切片同切條，口感大不同，但都一樣好味。😝〰️〰️📍 家嫂一家大小 (尖沙咀)尖沙咀堪富利士道8號格蘭中心3樓

我一向都唔太喜歡星期六出街食飯，特別多人幫襯我食店。這家店我第二次來，第一次是平日晚上，今次是昨天晚上。都知道會好多人，但冇諗過食每樣嘢都要趕快食完比員工收嘢再上另一度菜。例如，食前菜時員工問過好多次齊人未要想刺身。跟住食刺身員工又問幾次食完未要上雞煲。食雞煲又係問幾次要上邊爐鍋。成晚都俾人吹住快d食。食得好有壓力。當然員工都是很有禮貌的詢問，但最終食客食得咁趕又有壓力，為乜呢？我約朋友出街食飯是為了放鬆及開心，但昨晚真是比唔到這些感覺我囉。。。p.s. 幫襯過兩次已經足夠，兩個唔同嘅感受！

之前食過覺得很好，食物質素高，員工服務好，旺角同尖沙咀都食過，同朋友去食過幾次，亦推薦朋友去，可能太多客人慕名而至，服務態度一次比一次差，食物亦較以前遜色，不會再去，酒精飲品任飲限時及限量，感覺小家

之前喺網上面見到呢一間任食雞煲邊爐，仲有一架大船刺身影下相，今次就嚟試吓一嚟到呢，首先我哋就會食小食先啦，咁小食呢佢都有幾樣嘅仲可以任食嘅，有蝦多士啦，有沙律啦，仲有酸菜魚啦😂唔知點解酸菜魚都係小食啦好正之後我哋就食刺身啦，架大船呢五位或以上先有嘅咁嗰㗎船仔呢就會有埋蟹同埋鮑魚嘅，好似五人以下呢，係冇嘅，刺身呢就唔係任食，食一次呢就冇㗎喇之後我哋就會食雞煲雞煲就係任食嘅，個人認為佢呢間雞比較淡味，平時食開小辣嘅我呢，就叫咗中辣食完雞煲之後呢就會係打邊爐，嚟之前呢佢又WhatsApp我問問我要啲其他湯底嘅，咁我有要到一個花膠湯底（免費），同埋加錢要咗一個燕窩糖水咁樣嘅咁打邊爐呢，都係飲食啦其實都好飽㗎喇，佢會問你食豬定食牛先嘅，咁我就食牛先啦，個人認為佢呢度嘅肉類呢都唔錯嘅，丸呢就我冇再加，之後佢呢度呢都有啲雪條，我就鍾意食佢呢度嘅榴槤雪條，仲有番薯糖水呢一個呢就係我加咗$32嘅糖水，個人認為呢佢入邊嘅燉奶都幾好食嘅四百幾蚊一位已經可以食到你好飽㗎喇

呢間家嫂已經紅左一段時間，個個食過都讚不絕口🤓，於是今次揀左晚市時間去食，原來仲可以由6點食到11點，岩晒啲大胃王😍，而且食材眾多同好新鮮，座位都闊落，真係好岩一邊食一邊吹下水🤭嘅好地方係家嫂食野真係會飽到上心口🤣，外面有醬料吧，除咗既定嘅豉油、蔥、蒜、辣椒粒之外，仲有幾款自家調配嘅醬料，自己中意加咩就加咩；飲品方面，除咗一般汽水外，仲有好多款自家製飲品，推介竹蔗茅根同薏米水🩷，揀完醬料同野飲之後，正式火鍋嘅馬拉松開始🔥🔥❣️刺身船（不能refill)如果你夠多人嚟食，就可以有巨型嘅刺身船，配上乾冰打造出煙霧彌漫嘅效果，打卡一洗，刺身船上有生蠔、甜蝦、八爪魚、三文魚、帶子、鮑魚等嘅海鮮，亦都相當新鮮，但就唔推介食當中嘅凍蟹，味道有啲腥🥸❣️小食(無限refill)諗住開始火鍋，少年你太年輕了😆，仲有小食，當晚佢地提供左幾款小食，當中包括螺肉沙律、酸薑皮蛋、炸翠玉瓜、炸蝦多士同埋紅糖糍粑等，炸蝦多士同紅糖糍粑必食，新鮮熱辣炸起，仲可以無限任加，真係唔怕你食多，怕你食唔飽🤣🤣❣️雞煲（可以refill)仲有雞煲嘅環節，我地揀左小辣，辣度唔高，特別之處雞煲加上蜆，鮮味同惹味度大大提高，雞件都嫩滑，

朋友建議來這間打邊爐，約2星期前訂了枱，但要給$500訂金。我們超過5位，所以有上刺身船，按人頭每款一片。另有小食，之後上雞煲，不過不失。他們有自家製飲品，其他任飲，雪條任食。食完雞煲上火鍋，我地選了花膠湯，先飲碗湯再打邊爐，海鮮味道不錯，食完再添，肉丸味道也很好，唯一不滿是職員服務態度不大好，期間經常收碟上蝦殻是可以，但感覺唔禮貌，我地要拉開凳方便佢做野咁，整晚係唔止一次，有點煩厭。