家嫂一家大小

营业中

休息中

疫情後期食覺得好好！侍應有禮食物質素中規中矩。但今次去完真心唔會再幫襯！大佬！滑牛打邊爐夠膽收$4xx! 貝殼類海鮮大部分有沙！四人枱坐得好迫！仲有坐到最入係收唔到電話！同枱朋友分別唔同台都係收唔到。食既途中不斷埋枱話要上下一樣要夾起曬落骨碟問題係每樣野放落枱唔夠5分鐘要收起！刺身船落枱唔夠10分鐘又話要收夾落骨碟keep唔到凍！到上雞煲象徵式滾兩野5分鐘又要夾起落大碗！凍曬都唔好食！….成餐飯就係趕收工咁！蝦多士叫極唔到！冇下次！仲好意思收人$500個頭！不如執咗佢啦！

8月31號原本打算開開心心陪爹哋媽咪食一個好多嘢食嘅放題，點知一開始嘅前菜蝦多士及炸矮瓜已經要叫好幾次先至送來，一直麻煩侍應們，他們都好有耐性，已經在他們的手機系統上幫我們落單，但是食品遲遲沒有出來。吃火鍋的時候最生氣，北寄貝及貴妃蚌，全部都有沙，一直希望多點一碟牛肉，叫了三次等了一個鐘頭也沒有來，他們雖然是寫無限是任點任食放題，但是根本他們內部就是在控制食物的數量，只是一碟牛肉都可以不送出來，之後再叫蟹，都要等半個鐘，希望跟他們的管理層溝通，餐廳侍應說沒有經理在場，雲吞、手工丸及炸枝竹都很難吃。如果不能大方把客人要求的食物送上來，倒不如不要叫自己做任點任食放題餐廳

香港人不嬲鐘意打邊爐🥰依一間任食火鍋一定令你開心難忘🌞肚皮大滿足😌PART 1 小食🍿：打邊爐之前 小食嘅數量已經令人目不暇給 仲要可以無限order 🥰🥰🥰當中小編私心推介黑松露蝦多士同酸薑皮蛋🫚PART 2刺身船 🍣: 刺身船真係好浮誇 一張大枱都放唔晒 😏三文魚，海膽，八爪魚油甘魚都有 🥳仲要全部都勁新鮮 😆打卡一流 PART 3雞煲 🐔: 雞煲好入味 仲有蜆肉喺入邊 ☺️不過唔建議食完再加雞 😙因為好戲在後頭 🤩PART 4 火鍋 🥘： 打邊爐最緊要係個爐 🍲佢個鍋真係好靚而且夠大 🤩可以一次過放好多食物落去 火鍋同樣主打海鮮🦞，每一款海鮮都好新鮮仲識郁 🫣鮮味十足！依家仲可以訂位時預留埋每日限量花膠湯底 食完皮膚即刻Q彈Q彈🏋🏻Ps. 餐廳仲有提供紅酒白酒清酒任飲，但由餐車送出，所以要留意住佢幾時出車 ⛸️😋: ⭐️⭐️⭐️⭐️💰:⭐️⭐️⭐️⭐️家嫂一家大小 尖沙咀堪富利士道8號格蘭中心3樓

一次唔錯的gathering, 第二次係度食dinner 。 沒有前面講的咁伏。1. 青蟹好新鮮， 推介2. 刺身/魚子醬okay，但只有1st round3. 呢個價位， 有咁的食物水準都okay，坐得舒服😌好啱朋友吹水刺身船5人以上現有，好啱打卡。沒有menu，第一round 什麼都上一D，啱食再落order。 可能有人覺得唔慣，先俾差評

當日和朋友三人一起去吃，甫坐下已覺得前面送贈的小菜算得上不錯，並非一些放題要來塞你肚的差劣食物。看看菜單原來他們是有做點心的，難怪師傅有水平。雞煲還不錯，起碼不是某些放題那種除了雞和醬什麼都沒有的雞煲。自製飲料選擇頗多，有四至五種特調，雖然算不上特別好飲但有水果之類，算是加分項。啤酒有Asahi super dry，而且完全雪係冰入面！非常棒。刺身船亦漂亮！師傅審美很好。海鮮種類不錯，有挺大的九孔、蟶子、扇貝等等，新鮮程度亦上佳，有隻九孔竟然還在動...... 不過服務方面的確有所欠缺，作為放題竟然無人告訴我有什麼東西可重複叫，菜單亦無寫，直到我主動詢問。中午食三百幾算好抵，晚市四百幾算OK

任食火鍋又多咗一個選擇。位於尖沙咀嘅家嫂一家大細火鍋放題，可以滿足你三個願望，打卡、雞煲同埋任食邊爐。舖頭主打冇限時任食火鍋。同過朋友和同過同屋企人嚟食，其實食物質素唔差，選擇好豐富。而且冇限時，最早五點入座可以食到10點，好適合同朋友聚會傾偈。 訂座五位或以上就會有刺身船，第一次食嘅時候，真係覺得好震撼。成張枱咁長嘅海鮮船，要兩個人先抬到出嚟，上面有各種刺身同海鮮，按人頭分配。刺身基本上食過幾次，質素都好穩定。會有唔同嘅時令海鮮，每次都有新意。一開始入座嘅時候會有數款小食提供，蝦多士同埋紅糖糍粑就係我嘅最愛。小食食得差唔多，就可以叫店員上刺身。刺身只有一轉，冇得refill，食完刺身就會上雞煲。雞煲可以揀辣度，但未算好吸引，味道中規中矩，如果細食嘅朋友建議可以省略雞煲嘅環節，直接上火鍋。火鍋有唔同嘅湯底選擇，第一次食建議揀花膠雞湯鍋。湯底濃郁，會有黏口嘅感覺，用嚟打邊爐都好夾。店員會先上一盤海鮮、蔬菜盤、餃子手打丸拼盤同埋炸魚皮枝竹。海鮮種類繁多，鮑魚、蝦、貴妃蚌、魷魚、蠔、珊瑚蚌等等…… 所有枱上嘅食物都可以任意refill。而夜晚7:30後，更加可以Order蟹。肉類方便，都有提

之前都有食開 覺得員工工作態度唔錯 又有禮貌 無諗過今次伏到咁樣 上次小食係刺生之前已經叫加皮蛋同炒蜆 到完左雞煲吹單先到到上雞煲 叫左多豬皮 到食完雞煲先上豬皮🙂再之後叫人 個侍應係唔知去左邊 叫好耐都無應 我好似差作錢咁 黑我面🙂‍↔️叫加鮑魚3隻 蜆同蚌1隻 到食完咁制都無上 先話無🙂埋單就識行到過黎收錢 其餘時間唔見人大佬我唔係walkin 我提早book檯架 你安排坐位無人做野 做咩要人坐果度呀 果度半價收費架？

呢間餐廳真係令人好失望。首先，我嚟到嗰陣竟然冇菜單比我睇，我諗住咁樣搵人問先知點叫菜㗎。咁嘅情況真係好搞笑同埋唔方便。然後服務質素，真係差到爆。我坐低食飯嘅時候，要舉手示意好多次先有人幫到我。佢哋嘅反應好慢，我食咗一半都係等佢哋嘅服務。佢哋完全冇咩效率，對佢哋嘅印象好差。至於菜式，佢哋嘅刺身有好重嘅腥味，真係令人嘔心。佢哋嘅雞煲分量好少，啲雞肉都少得可憐。初頭以為是任食，但其實火鍋嘅選擇都好有限，令人覺得冇乜選擇。都係得嗰啲魚皮腐竹奇怪手工丸同菜⋯⋯啲肥牛卷嘅肥膏仲多過啲肉⋯⋯手工丸類食落冇味口感又奇怪⋯⋯食完都唔知自己食緊啲乜⋯⋯海鮮嘅質素都唔夠出色，螃蟹就覺得唔新鮮。所以我都冇敢試佢哋嘅海鮮。佢哋嘅食材質素控制好似有問題？總括嚟講，呢間餐廳嘅服務慢得出奇，菜式質素亦都令人失望。佢哋收嘅428蚊再加10%服務費真係過分啦！用呢個價錢，我覺得大家值得更好。好唔推薦呢間餐廳！希望我嘅評論可以提醒其他食客，同埋希望餐廳可以改善佢哋嘅服務同菜式質素。

前幾日已經同朋友去食呢一間出發之前呢其實我係冇乜心理準備嘅，以為佢係一間好普通嘅放題去到嗰度啦，刺身，雞煲，打邊爐同埋海鮮鍋點知去到呢我問佢攞個餐牌 1）佢話係冇餐牌係間公司規定咗嚟食咩就食咩咁佢送咗嗰啲嘢過嚟你自己鍾意食呢就叫佢再加嗰樣嘢2）咁先上第一樣刺身，我淨係食咗第一嚿蝦都覺得已經有濃烈嘅腥味，之後佢有一個用沙律醬同埋魚子造成嘅魷魚，睇得出佢係用咗好濃烈嘅醬料覆蓋本身唔新鮮，而且款式極少，基本上你想食其他刺身佢都只會俾返三文魚同埋魷魚你同埋一隻蝦3）食雞煲，我未試過食一個雞煲啲雞皮仲多過啲肉，唔講唔知我以為我去咗食雞皮放題4）打邊爐，一啲雜丸，黑色嘅腐竹，雲吞幾舊仲要裏面全部都係菜，嚴格啲嚟講我屋企煮個公仔麵都精彩過佢，肥牛呢基本上都唔可以叫肥牛 ，肥瘦分明，同嗰啲培根真係有得揮5）海鮮鍋，呢個我唯一一個係會讚嘅地方就係鮑魚真係生嘅，真係好新鮮上到我枱仲郁緊，其餘嗰啲海鮮呢全部都係急凍貨，仲有勁大嚿冰喺度，啲蟹呢我真係唔敢食，因為我唔知隻蟹係咪死咗好耐6）嘢飲同埋甜品，其實我對嘢飲同甜品呢都冇乜要求，咁佢嗰啲嘢飲呢全部都係好甜，所以我全程都係飲烏龍茶7）服務，香港地我都真係唔太

服務質素差，服務員每次都好多解釋……等上菜時間長，刺身船等、雞煲再等、邊爐煲又等…… 每次叫落單，都係應一句好。等咗好耐，再追先知原來無落單……要個冰筒都叫咗四五次，大半個鐘先有，當然$20係要俾……話有紅白酒清酒，不過要七點半先開始。一架車仔逐枱去，十幾廿枱真係又大半個鐘……去到打邊爐。想落單同時要豬肉牛肉，係唔得嘅！！因為公司規定無次只可以落一種肉類……最後十一點準時趕客收舖……至於食物質素，真係見仁見智…..

同意某評家話偽放題蟹只係2人食左一隻,不是三点蟹,是深綠色嗰種, 一食, 水蟹泥,即係死左好耐啲肉化成水嗰種蝦第一隻又係梅嘅,之後再叫就ok刺身冇味道唔新鮮問親幾時有蟹有海鮮,只答夠鐘就有

家嫂一家大小😘😘😘合家歡尖沙咀堪富利士道、有一間可飲又可打邊爐的中式店、屏風間隔、寬敞、三五知己、聚會好地方！欖仁火腿燒賣、燒賣加上火腿、簡而帶出新口味🤩山楂汁鮮蝦炸雲吞、細緻攞設、賣相吸睛、金黃香脆、不油膩！蘿蔔千絲酥、酥脆香口、熱騰騰、清甜蘿蔔絲😛海苔菜苗餃、煙煙韌韌薄皮、包滿菜苗餡、、清甜有嚼口😊潮州韭菜煎粿、濃香韮菜、糯米皮煎香口、軟綿綿、有口感！陳皮山竹牛肉球、濃香陳皮絲、裏包着牛肉、沾上喼汁、帶出味蕾新口感😆了能糖心皮蛋、尼度都吃到糖心皮蛋！香煎鮮蝦腐皮卷、爽口彈牙鮮蝦、外皮披上腐皮、外脆內軟、😘茉莉花茶、清香苿莉、解喝、心靈舒暢😃仲有自家出品「家嫂手信」麻辣菜脯粒、純正花生油😊😊尖沙咀堪富利士道8號格蘭中心3樓港鐵尖沙咀/線尖東站A2出口、步行二2分鐘

今日朋友同我慶祝生日book咗家嫂一家大小之前嚟呢度都聽聞好多嘢食真係花多眼亂飲品款式自製嘅湯水亦都好多配料亦都好多醬料嚟到家嫂又小食開始已經食得好滿足飽肚跟住重頭戲開始就係刺身船佢真係又可以打卡又食得滿足刺身非常之新鮮去到雞煲環節，我哋今次食中辣超惹味勁多舊雞肉佢嘅醬汁真係好特別令人會掛住嘅雞煲最尾當然係海鮮打邊爐嗰個已經開始有七成至八成飽，但係都要食佢嘅海鮮，因為真係好新鮮，尖沙咀呢間家嫂仲會有生日唱歌舉牌好有氣氛

打算食餐好啲生日飯，點知呢間野回塘回到咁。都費事影相了，埋單成5舊水一位基本上係無得比你加到單，全程都好似chur緊你凈係食佢安排比你既例牌野。蝦係無得加過，我食得1隻，9點鬆已經話蝦賣曬。蠔係急凍蠔，好腥。鱔未落鑊已經勁幼細件，又瘦，記得疫情期間食第一次當時勁肥美大件。好d既雪糕都無，得d雜牌雪條。免費甜品只有蕃薯糖水😨焗椰皇要加錢，樣樣都加錢。十點半清場係連燈都熄埋😎😎😎下次你食埋我嗰份都得。得幾件刺身見得下人，但真係每人每樣得一件

家嫂唔係第一次幫襯，不過尖沙咀店就第一次嚟， 公司同事一行15人諗住揀一間食物質素好又有酒飲嘅地方幫襯點知……食到一肚氣， 食物質素唔算差， 之前幫襯佐敦店7:30有紅白酒供應， 問店員只叫我地等，會有車推出嚟，結果全晚只出過兩次， 每次只有1/3杯….另一次2/3杯， 多次追問酒車幾時再來， 只叫我地等，但期間見有店員攞酒去其中一張枱， 另外reorder就更離譜， 我們一枱6 人一枱9人， 但order不是人頭計， 我們發現數量唔夠再問，就告訴已過了last order, 埋單仲離譜， 佢要我地分兩枱埋單， 明明我地比咗$1000訂金， 但竟然只在其中一張單扣除$500， 如果唔係我地發現就白白被騙$500…..實在太過份