家嫂一家大小

营业中

休息中

之前吃過 lunch，感覺不錯，所以琴晚特意去食dinner。佢既飽肚感係超高，無限時，係一班人歡聚既好地方。今次我5寫佢有幾好，因為其他食評都寫過好多，所以我寫寫琴晚有咩不足之處。1. 蠔：質素麻麻，如以每位$428+10％呢個價錢，請入一些好貨色2. 魚皮：5掂，幾重油“億”味3. 蟹：之前朋友食過話有，但侍應送來食材係無。仲以為5合時令，所以無咗。點知我去拎飲品時，見到有3枱客係食緊蟹，於是問侍應，原來係有。咁仲有冇其他隱藏食材，我就5知。大家只好四圍巡場𥄫下囉。。。。4. 糖水：呢個係送既，侍應9:20pm來截單，順道問我地要5要免費蕃薯糖水，之後幫我地落單。其後，我出去拎飲品，見到有車仔推糖水出來，但未見我地嗰份。大家吹水到10:15pm，都想走啦，但糖水未到。問問，侍應去check order，另一個侍應走來說沽清。佢既解釋係：(i) 剛才要處理埋單，5得閒跟進糖水訂單安排，(ii) 糖水分配係按系統次序來分發，派晒就無，叫我地去食雪條。聽完咁既解釋，大家真係嬲嬲豬！無糖水係咪通知客人5好嘥時間等呢？？5問5講，呢d態度有問題。仲有你地咁多侍應，5係只得嗰位負責埋單既同事去

之前一直都想試呢間家嫂一家大小，但好多時想食既時候已經爆哂訂吾到位，今次終於俾我試到啦，真係冇改錯名，岩哂一家大細食，有幾款頭盤小食，必食蝦多士，刺身拼盤新鮮，雞煲，海鮮火鍋，呢一餐大家都好滿足

無限私心推介gatherings 好地方💕💕🍲家嫂一家大小 Home Sister Family次次嚟到『家嫂一家大小』都會食到飽。兩個人食到十幾個人都可以嚟呢度。場內除咗刺身船同啤酒無得加，飲品小食任你飲任你食（包括紅白酒）。記得要book有一家大小果個，唔好去錯 。試過佐敦同埋尖沙咀我覺得尖沙咀好啲 。It suitable for small group or up to 12 people group gatherings. All-you-can-eat in here except for sashimi and beer, you can have unlimited drinks and snacks (including red and white wine)齊人前會有任叫多款小食，記住唔好食得太飽，因為仲有好多好嘢食。食物次序：小食➡️刺身➡️雞煲➡️打邊爐➡️糖水甜品Before the main course, there will be a variety of appetizers. Remember not to eat too much, as there ar

5點開始食,真心食物新鮮及服務好。飲品多樣化,有質素,只是5點入座食2小時有些急,但有折扣,都很好。刺生船只來一次,但份量足夠,其他可以添加,包括小食。其實食5點都好,不用等位,見到7點來的客人要睇我哋食完先可入座,2小時邊會咁準時可離開呀

今日終於能夠去勁難訂位嘅家嫂打邊爐。。好失望。。認真，服務係還可以，但食物質素，真是不敢恭維。呢個玩法，食物嘅次序，係幾得意，幾有gimmick ！未去過嘅話，先會同你講解一般嘅流程，不過，同之前去過嘅朋友一樣，佢會講明例如下午3:00 last order，3:30要交枱，4:00一定要清場！不過，其實我哋食到3:10，侍應們已經攞住個垃圾桶，收晒你枱面上所有嘅嘢！刺身，勁一般。even 就算可以再叫，都唔會。點心，幾特別，但唔可以話好好食。雞煲，我哋叫咗小辣，好食既。花膠火鍋，湯底幾好，菜幾新鮮，三色手打丸白色最好食，餃子還可以，海鮮嘅貝殼類同魚還好。豬牛超唔掂，蝦同鮑魚是梅的(要吐)，響鈴難食到嘔(要吐)！嘢飲專區同埋調味料種類較多，有凍熱飲品，同雪條。Last call 侍應問我哋有冇嘢想要，我即刻答，無！其實，我真係未試過去任食嘅地方，係完全唔會encore 囉！我唔會話好伏，但係試過一次就唔會返去。

呢間餐廳非常適合大胃王，保證你一定食飽，而且唔限時，要喺香港搵一間唔限時嘅餐廳實在係太難，當晚同朋友由6點半食到10點，抱住個肚走。餐廳座位舒服，空間闊落。一入門口就係調味料區同飲料區，呢間店嘅飲料唔止只有罐裝飲品，仲有自家製飲料，好似竹蔗茅根水、蘋果雪梨茶、紅棗圓玉杞子茶，誠意十足。一開始有幾款小食，有炸蝦多士、紅糖糍粑、螺肉沙律等，可以無限添加，每度都好好食。之後再黎海鮮刺身，非常鮮甜，呢個唔可以無限添加。再之後就係雞煲，可以選辣度，雞煲裏面仲有豬皮，蜆肉，非常惹味，雞都好嫩滑，雞煲都可以無限添加。最後就係海鮮火鍋，火鍋最緊要就係湯底，湯底揀咗花膠湯，好好飲，食材都好豐富，有蠔、鮑魚、貴妃蚌、帶子、蝦蟹等，非常新鮮好味，另外仲有其他火鍋一般材料，好似蔬菜、牛肉、豬肉、餃子、丸等，海鮮同其他材料都可以無限添加。佢仲有甜品，雪糕雪條、糖水，當晚糖水係薑汁蕃薯糖水，薑汁味濃，好好飲。仲有佢哋到一個時間點仲有白酒紅酒提供。整體食物質素對得住個價錢，雖然佢嘅野食可以refill，但我哋都係食咗一轉，無加野，因為真係太飽啦！

朋友聚會在尖沙咀家嫂，終於享受到近幾年首次遇上一個真心服務的服務員阿敏。終於可以不用回內地享受服務態度。食物質素亦非常好，可以再去，唯獨訂位非常困難。環境亦數尚可

難得一次約齊人食飯，諗住揀間餐廳可以邊食邊傾計，無想到咁既價錢既餐廳，居然會有澳牛既體驗！約左7點半到餐廳，一去到職員已經同我講，9點半last order , 十點半清場，當下都未有當一回事，心諗好多餐廳都會咁講定。人都未齊，職員就上左小食，我個時心諗，都好好服務，點知職員之後不停問我地齊人未，話要盡快上刺身，話怕我地唔夠時間食，咁我咪叫佢照上，邊食邊等、點知上左無耐，刺身都未食晒，佢又走過黎問我地食完未，話要上雞煲wo, 有無搞錯，好趕時間收工？我地叫佢等等先，佢每過十分鐘又入黎問多次，我地頂唔順佢煩，於是叫佢將啲刺身攞走， 俾佢上雞煲，心諗佢應該唔會再入嚟煩我哋啦，點知雞煲啱啱講咗食咗半煲都未有，職員又入嚟問我哋食完雞煲未，話要上火鍋，如果唔係驚10:30交唔到場，難得約朋友食飯都係想吹吓水傾吓偈休息吓啫，使唔使不停咁催我哋呢？我哋最後雞煲換小碟，跟住佢上左個火鍋，但佢冇問我哋要咩火鍋料，就自己攞左一堆過黎，之後都估到就係每隔幾分鐘就會入嚟問有冇嘢要啊，有冇嘢要加啊，話就嚟9:30啦，最誇張係好不容易終於都到咗10點，跟住佢居然居然不停攞個好大嘅垃圾桶入嚟係咁執我哋枱上面嘅嘢，完

🇭🇰Hong Kong - Tsim Sha Tsui📍家嫂好耐無食過啲任食火鍋放題，因為胃口比較細就唔會選擇去食呢啲。最近同屋企人經過尖沙咀，唔知食乜好屋企人就話去食「家嫂」。一開始以為係小炒店，去到原來係任食放題。成個放題有別於平時食嘅放題，係好有順序。由小食>刺身>雞煲>火鍋，一開始啲小身有好幾款，最中意就係個辣菜脯同紅糖糍粑，呢款又係中間流心出黎。仲可以無限Refill。之後刺身，但刺身就無得Refill，普普通通無太大好食唔好食，但唔會有雪藏味同都幾厚身。再黎雞煲，實不相暪去到呢度已經開始覺得有小小飽。雞煲揀咗小辣，嚟到辣味唔會話太辣而佢個辣唔係麻辣個種。味係唔錯但如果佢係出邊個款麻香會更好食。終於嚟到最後，打邊爐。揀咗花膠湯底，好香濃亦都好足料。落單時店員就問我地有無訂，但好好彩仲有貨所以可以食到，如果你都想試呢個湯底可以Book枱時Mark埋。一開始會confuse，因為佢唔似平時打邊爐咁有order紙到有咩食，就係佢上乜你食乜。但會有得Refill。整體而言，都幾好食好適合聚會去食。因為你人多啲有啲野食種類都會多啲。另外，呢間店嘅服務好似內地火鍋

響飲食平台不斷都有提及呢間家嫂一家大細火鍋 ,尤其是火鍋佢係無限時,所以決定今晚同家人慶祝生日試下踩場😋入到嚟環境非常優雅走中國風 , 入座後職員就放下幾點𠮩𠹌前菜,例如有蝦多士, 花生辣菜脯,皮蛋酸薑 ,黑糖糍粑等等 。之後再來一條需要兩個職員台上枱嘅刺身船, 場面非常震撼加上煙霧瀰漫增加食慾,打咭一流,而職員亦好專業幫大家影相😂刺身船裏面材料亦非常豐富, 我大概只記得有甜蝦 帶子 三文魚 吞拿魚 鮑魚 及海膽(附上紫菜)等等... 刺身材料非常 新鮮,唔似一般日式放題 貨色!另外再來一個雞煲 ,打開蓋之後原來係非一般嘅雞煲,裏面除咗滑雞之外還有卜卜蜆及豬皮 ,豬皮出奇性係彈口的 ,(雞煲是可以免費追加的)嘆完雞煲之後就開始火鍋,我哋揀咗個椰子水湯底 ,水滾後先來一口靚湯 ,之後海鮮放鍋上 ,海鮮亦非常之多種類, 因為太多不能盡錄,我淨係記得都係有海蝦 鮑魚 蜆 東星斑 脆蟮片等等。 之後再來一個擺得非常之精緻好似盆栽一樣嘢雜菜盤, 以及 三色丸 黑豆腐竹 以及 份量非常多嘅 炸魚皮,佢仲係用個 雀籠包住 ,噱頭十足。 而肉類雖然佢只得肥牛或豬肉片選擇 ,但係質素都唔算太差,當然唔可

🍽️ 環遊海鮮火鍋放題 $312超值午市放題👍🏻 包季節當造刺身、中式小食、蔬菜🥬、極上牛肉🐮、豚肉卷🐷、雞煲🐔、海鮮🦞 食完一定飽飽☺️ 餐廳嘅醬料同飲品都好齊全🤩

真係一間無得輸🎖的家嫂一家大細，任飲任食嘅海鮮火鍋放題🥘！兩次來到都係平日中午，呢個任食火鍋放題星期一至日的最新價錢是每人＄312（再加一），除了食火鍋外，眼見酒樓其餘食客，多數叫點心套餐，因為見到散叫點心的價錢偏貴，下次再來試點心套餐！細細餐廳環境整潔寬敞好坐，溫馨的氣氛倍感親切🥺。裝修和陳設柔合中西風格🎋🎎，讓人感到一份優雅舒服感覺，用餐區劃分了不同的小區域，侍應按不同的食客人數，安排坐那位置，餐枱與餐枱間也有一定的距離，私隱度不錯，坐得十分舒適。我地一大班人去到仲俾左間房我地坐，我們剛坐下未人齊，女侍應已經主動熱情招待，她們都笑容滿面😄，對答如流，像是久經訓練，向我們講解在這裡食火鍋的流程📃。客人是不用自己手機落單，要侍應用手機落單📱，除可增加侍應與食客彼此的交流💬和互動🤝外，更重要的是，食材按入座人數落單，不會浪費食物，侍應上菜的速度很流暢，上枱的每一款食物賣相也很精緻🥰，放食物的器皿亦很講究，讓食客感受到酒樓老闆用心經營❣️。 大堂中央，放了超過10多種各式各樣的醬油，排列整齊有序，除咗既定嘅豉油、蔥、蒜🧄、辣椒粒🌶之外，仲有幾款自家調配嘅醬料🧂，自己中意加咩就加咩。之後趁機看

呢間好嘢引我可以打咁多字….星期六假期中午時段,$312有這質素嘅食物係唔錯嘅（牛肉除外,我平時都好怕浪費食物,但係今次真係食唔落）,服務就真係可以有好大大大改進,你同佢講嘢同佢接收嘅程度,就好似覺得同一個鬼佬講中文咁,一開始上小食刺身,兩樣都唔錯😛然後食雞煲嘅時候同我搞咗一輪,計好時間開蓋叫我食,一口咬落去有雞血,fine,小事,自己閂返個蓋煲多陣,嚟火鍋配料,佢話每一樣Menu嘅嘢全黎一次先,唔夠之後再叫佢order,一開始有一籠嘢,下面響鈴，上邊炸魚皮,個炸魚皮份量係平時去食雲麵六碟左右嘅份量,我同佢講我兩個人可唔可以攞返走一半食唔晒嘥晒,佢答:食唔晒由佢啦然後閃咗😨(你老闆真係多謝晒你)食完打邊爐換椰子湯,放幾舊海鮮落去都未夠5分鐘,佢揸住一壺湯走來幫我加,已經唔想俾佢加同佢講夠啦,又係同鬼佬講中文,佢同我成壺車落晒成個煲滿晒然後閃,未食已經有少少火，即時叫佢攞個大碗過嚟,我逐羹裝返出嚟,竟然裝滿咗個碗仲剩返一大半, OK,加海鮮啦,order多一盤海鮮佢又話公司規矩要逐件叫,阿姐,我逐個item叫返出嚟同你落有咩分別？OK我逐樣同佢講返,佢有懶係有係逐樣落,出到嚟又唔啱ite

要吃家嫂的話，請務必提早一星期book！打邊爐+雞煲+海鮮+自家茶放題，選項非常多樣化，海鮮及食材也很新鮮，讓顧客可以根據自己的口味和喜好來選擇食材。也有職員推車仔，酒也是任飲的！首先，這家餐廳的湯底非常出色。必嗌的是花膠湯，早一天職員會聯絡，需要提早留湯的。也可以提早預訂海鮮。其次，這家餐廳的海鮮選擇非常豐富。他們提供新鮮的蝦、蟹、貽貝、魚等等，值得推介的是任嗌的鮑魚和蜆，蜆非常非常之鮮甜，湯底也昇華了不少。此外，這家餐廳的服務也非常出色。服務員態度友好。並確保每一位顧客都能有一個愉快的用餐體驗。而且，他們的服務速度也非常快，確保顧客能夠及時享用到美味的食物。總的來說，雞煲海鮮打邊爐放題是一家非常值得推薦的餐廳。他們提供多種湯底和海鮮選擇，讓顧客可以根據自己的口味來選擇。而且，他們的服務也非常出色，讓顧客有一個愉快的用餐體驗。如果你喜歡海鮮和打邊爐，這家餐廳絕對是你的不二之選。

今次一行十幾個好耐冇見嘅朋友約食飯，其中一個好快就提議食家嫂一家大細，果然無介紹錯！！是間好西🥰❤️之不過，如果你同我一樣係雀仔胃，咁就唔建議嚟呢間餐廳度食啦，因為你會好蝕底😂😂😂🛶刺身船🔥🔥🔥🔥印象中好似有蟹、油甘魚、鮑魚⋯⋯鮑魚佢幫我哋切咗一半咁我哋就每個人都可以分甘同味啦！其實隻刺身船都係俾我哋打吓卡，基本上每人食兩舊就已經想佢拎走佢😂😂不過！！都叫做幾有鮮味，唔似其他連鎖放題，又薄切又唔新鮮🤦🏻‍♀️🤦🏻‍♀️🐤雞煲🔥🔥🔥中規中矩啦，煲入邊除咗雞件好似仲有豬皮，我啲朋友幾中意食！🍲任食海鮮火鍋🔥🔥🔥🔥重頭戲就係個任食海鮮火鍋，最鍾意就係食貴妃蚌，不過好快就無晒了！下次早啲嚟嘅話要提自己快快手清晒前面嗰啲嘢，就開始打邊爐咁就可以食晒所有貴妃蚌落肚啦哈哈！鮑魚相比起其他海鮮就冇咁新鮮，我同另一位朋友都夾到一隻係臭嘅🤦🏻‍♀️🥥椰皇燉雪燕🔥🔥🔥🔥🔥朋友話呢一個甜品係要去之前就要預先嗌定！本身都係跟大隊一齊食下，點知原來是好L正的！！雪燕下面就係蛋白，然後好食到我用匙羹刮起晒側邊嗰啲椰肉！可以嘅話我下次會食兩盅