安安燒 (染布房街) (已結業)

呢輪d friend好多都好有興致寫食評，有d仲寫到成為卓越食家，自問識食既我決定都開始寫我既第一篇……上星期四晚同老死喺旺角百老匯睇完戲，散場出黎搵宵夜食，見到呢間串燒店喺行人街個巨型易拉架寫住宵夜85折，就同老死去試試。原來佢就喺白布街間萬發食館轉彎，上個月同friend食萬發都冇望到轉彎開左間新食肆，佢個橙色門口極其搶眼，如果行過染布房街都好難見唔到。本來諗住佢都應該係嗰d得十幾個位既細鋪，但真實原來比想象中大，係坐到幾十人個隻，門口仲有露天大排檔位，但我同老死都唔食煙，就揀左坐室內，好彩室內仲有最後一張兩人枱。有surprise既係作為地鋪佢算係唔孤寒，座位算好濶落，唔似一般串燒鋪咁通常好迫夾，餸都唔夠位擺咁。坐定點餐，佢喺用剔食物紙嗰隻，附帶一本彩圖menu作參考。我地兩個人總共order左8樣野，希望唔算係大食啦...揀左d傳統串燒必點食物，又試左兩三味創意菜。首先上既係沙茶醬燒金菇，呢味有驚喜，錫紙包住上，一打開噴晒煙，燒得夠熱但仲好juicy，份量應該有一整包金菇，沙茶醬唔似一般火鍋店嗰種，應該係有調製過，幾惹味。跟住係秘製醬燒雞中翼，呢味正常質素，幾有味雞翼亦尚算大隻

呢間係我第一開食完有衝動寫食評嘅食店!因為實在太差。叫左牛舌，蜆，茄子，牛柳粒，菠蘿，魷魚，朱古力香蕉，蠔，豬頸肉...全部食物都好快到齊，因為基本上全部都係＂烘＂嘅，每樣食物都只係暖暖地。個菠蘿雖然係新鮮菠蘿，但只係燒兩下就攞出黎，從外觀睇一啲都無燒過嘅痕跡，只係食落有少少暖。魷魚又係因為冇乜點燒，所以一啲都唔香，又硬。其它嘢都係一樣＂烘＂暖就上枱，完全感受到個廚師嘅求其。我去嗰陣已經係晚上10㸃，成間鋪得3枱客，㸃解唔花啲時間燒好啲？做事做到咁無誠意，不如唔好做啦。

Very bad service: we waited 40mins from order. And those customers ordering after us got the food already.The food sucks: we ordered scallops, beef's tongue (their signature?!) and eggplant. All of them are too dried and over-cooked. The eggplant is almost a total charcoal, only 1/2 eatable.  The portion is too small as well (only one piece / slice per portion).We have to ask the waiter to cut the order and leave the restaurant. Never go there again. I hope they can improve on the food and servi

最近廣告打得好行，好多報導都介紹佢地既特色菜我都有ＦＯＲＷＡＲＤ比朋友睇所有新奇既食品同做法都會吸引到我可惜大部份朋友一見到朱古力生蠔都會側目好彩今晚都拉到隊黎試怪野 一入到黎係煙霧彌漫！！仲坐無虛席好彩有ＢＯＯＫ位一黎就有好簡單既餐牌有圖仲有張點心紙好快簡好左心水必試既有芝士煙肉通心粉釀蟹蓋又係睇岩黎試既一樣但係令我最失望成＄３３一個細唔在講，個蟹蓋好似假既膠＝＝同埋有９５％都係芝士芝士多但又冇芝士香，又唔夠ＣＲＥＡＭＹ我最想食既係通心粉煙煙韌韌，係Ｄ熱辣辣又焦既芝士入面既口感但佢冇，我差Ｄ搵唔到有通心粉有既都係淋ＰＡＴＰＡＴ，一Ｄ口感都冇成個好似食緊一個杰版但冇味既忌廉湯失水準！甜蜜脆脆糖燒菠蘿一向係燒菠蘿ＦＡＮＳ食串燒必叫因為太ＪＵＩＣＹ又夠開胃平時食開果Ｄ真係一咬啖啖肉又爆好多香甜汁但今晚食就燒得唔夠焦又細件唔多肉最失望係唔ＪＵＩＣＹ！好失色安安首創果jam釀牛丸黎到個樣好ＫＡＷＡＩＩ用左草莓ＪＡＭ其實牛丸同ＪＡＭ都唔係咩出色只係兩樣一齊冇試過而新奇講真佢又幾好食，冇平時成粒牛丸咁多肉一半做左ＪＡＭ，甜得黎又同牛丸好夾一啖一粒唔錯火灸海膽墨魚串個名因為有海膽而吸引但其實好搵笨，

安安燒是新店，賣點是川式串燒。日式串燒試得多，川式未試過，有期待!從旺角火車站經新世紀廣場步行至安安燒約需15分鐘，算是方便。走進店子，裝潢與一般串燒店差不多。每個客人坐下都可看到燒爐房，望著師傅(原來其中一位是老板)落力為食客準備香噴噴的美食，食旨大動之餘，心裡也多了一份感激。說到底，食物質素最重要。店子提供多款食物款式，豬牛羊雞，魚蝦蟹貝，生果蔬菜，樣樣齊全，滿意!店主為我們預備了近20款燒物，當中最喜愛以下幾款:* 果Jam牛丸 - 其中一個店主推介，全港首創！從牛丸切出一小塊圓頂，再放上果醬。一啖咬下去，酸甜的果jam和焦香的牛丸出奇地夾!加了果jam，除另牛丸更juicy，也中和了燒烤的「熱氣」感覺。牛丸質感爽口彈牙，讚!* 蒜蓉茄子 - 以為串燒是「串」上，豈料這個烤茄子是原條碟上!師傅將原條茄子開邊成蝴蝶狀，上面鋪滿金黃蒜蓉，像是茄子船，賣相吸引!蒜蓉是任何食材的最佳拍檔，今次「她」也恰如其份地發揮應有水準!咬一口，蒜香味和孜然粉的惹味容和在茄子中，而茄子也保留了足夠水份，沒有被燒得太乾，juicy是很重要的!* 燒海蜆 - 海蜆置於錫紙內燒。端上枱時，由食客自己打開，有

離港外遊了個多星期，遺下了數篇食評在百忙中令我第一家想起的就是“安安燒”想起這家店子當然是因為食物，但還有其他原因就是店子的名稱有交過台灣朋友的食友應該知道“安安” ﹣其實是台灣其中一種問好的方式就像我們的早安／午安一樣這個名字令我對這裡有更親切的感覺＊＊這只是我個人對這店名的感覺，名主取名的原因其實我是不清楚的＊＊先看裝潢串燒店一般裝修都不會太講究簡約的木枱木椅，配以半開放式的廚房吃串燒就應該是簡簡單單的吧烤獨家超滋味高級吊片 （超長的說～）超長的名字不無道理，吊片濃郁的魷魚味絕對不是一般烤魷魚能比擬！厚肉，味濃，彈牙，有理由不吃嗎？烤雞泡魚乾同是烤制的乾海鮮，本來其實是不俗的但如果跟前一道吊片相比，就不見突出不過如果愛吃鮮甜味多於咸鮮的，這也是很不錯的選擇芝士煙肉通心粉釀蟹蓋眾食友的感覺都是跟期望有點出入，可能期望太大吃過後又想不到問題在那！？前思後想，發覺可能是白汁太重粉如果忌廉芝士味可以濃一點就滿分了！芝士蒜蓉燒生蠔單是生蠔新鮮已經有80分，配上蒜蓉芝士，既香口，亦鮮甜！燒牛舌牛舌大大件，鬆軟可口不過作為牛舌發燒友的我，更喜愛舌芯的爽口彈牙～果占釀牛丸除了特別，就只有特別牛丸挖

26.5.2013雖然串燒店近年在香港流行起來, 但我還未有機會一試. 今次有幸得到公關和餐廳的試食邀請, 令我終於有機會一嚐這個串燒盛宴喇. 好開心可以與早前在試食會上認識的女孩子再一次見面, 我們四個人坐在四人檯, 自成一角, 彷彿是我們的四人聚會哩.(係囉, 我最嘈囉, 哈哈 )這間安安燒是新開張的串燒店, 款式多得眼花瞭亂. 而吃這麼熱氣的串燒, 當然要飲下啤酒喇, 於是我們四個女生就一起飲菠蘿啤酒. 此大陸出品的啤酒酒精和酒味都不高, 容易入口, 但可惜菠蘿味不重, 只有甜味而已. 而吃到中段時, 我就飲了康師傅的冰紅茶, 十分解渴.這個串燒盛宴, 讓我們試了二十多款食物, 大部份都曬上了孜然粉, 有些更加了蒜蓉和辣椒, 所以都感到惹味又辣辣地的.烤獨家超滋味高級吊片魷的質地十分硬實, 所以大家都要用多點力去咬開它.燒雞泡魚乾十分有咬口, 不過它的味道甜甜地的, 再沾上沙律醬來吃更可清減油膩感.  芝士煙肉通心粉釀蟹蓋頗為特別. 芝士又香濃又滑, 裡面包住煙肉和通心粉, 因此它們都滿有芝士香. 起初我們以為會有些蟹肉在內, 怎料是沒有的, 令人有些失望. 既然用了蟹蓋

一直都很喜歡食串燒，跟三數個朋友一起，最愛就是到串燒店啤啤佢！今次還是第一次收到食串燒的試食邀請，感謝！ 是次來到旺角的安安燒，開業不久，門口掛著數個大大的紅燈籠，好易認！唔講咁多，見到Ｄ食物相我又口水流啦！ （上）燒雞泡魚乾（下）烤獨家超滋味高級吊片魷兩個口感都好正，雞泡魚乾配上沙律醬，都幾夾；而吊片魷就曬上孜然粉同埋辣椒粉，非常香口。（左上）惹味蒜蓉生燒茄子（右上）燒韮菜（下）惹味醬燒金菇到串燒店有一樣食物我係必點的！就係燒茄子！加上多多的蒜茸係面，再鋪小小辣椒，要燒得夠稔，就最岩我心意。韮菜我就麻麻地好，不過友人自己食左大半，相信味道不錯。金菇用鍚紙包住燒，上面應該係沙嗲醬，燒完夠入味。（上）皇牌燒牛舌（下）燒一口午餐肉燒牛舌係呢度既其中一樣招牌，味道果真不錯！夠稔夠入味！不過我自己真係鍾情午餐肉多Ｄ，厚切啊～啖啖肉夠美味！（上）必食芝士蒜蓉燒生蠔（左下）芝士煙肉通心粉釀蟹蓋（右下）蒜蓉燒扇貝生蠔大大隻，唔似出面Ｄ舖頭咁偷工減料，而且燒得岩岩好，芝士蒜蓉好夾！釀蟹蓋其實本人麻麻地欣賞其味道，不過誠意搭救，創意滿分。燒扇貝亦都係我一大至愛，而且都係大大隻，一口一隻，好幸福啊～～～（

記得以前細個，小學門口有個走鬼檔，齋賣沙嗲牛串，因為即燒即賣，香氣四溢，好多學生哥圍住個檔口幫襯，仲有啲印象賣5毫子一串，非常搶手，亦喺人生第一次接觸咩叫做串燒。近年，串燒大行其道，衍生唔少串燒專門店：川燒、香香燒、串皇、蜀一燒、明串燒、串串貢、串得起、龍蝦燒……‥不勝枚舉，總之晌openrice打串燒搜查，都不下過百間，仲各有特色，大家揀邊間真喺各適其適，食得招積，所以依個戰場都鬥得幾劇烈，要突圍都實在唔容易。今日有幸嚟到位處染布房街、離地鐵唔遠新開無耐嘅「安安燒」試菜（由旺角站或旺角東站行過嚟都OK），盡嘆多款川式串燒，實要多謝公關及店方邀請！店家打正旗號賣「川式串燒」，自然調味方面跟「花椒粉、孜然粉、特辣粉」等掛鉤，不過，香港人一向多心，又想乜都試，況且川式香料未必人人都啱，所以老闆都加入咗芝士、蒜蓉、沙茶醬……等調味配料，仲晌醬汁方面都搞咗啲鬼馬創意，例如：果占釀牛丸、火灸海膽墨魚串、朱古力燒生蠔。故此，晌鋪面都貼有雜誌嘅相關報導，以及一啲特色或必試推介。今日老闆既熱情又慷慨大方，開放全場，招待30多位食家一齊反串星期日，場面非常熱鬧。最開心莫過於試到好嘢之餘，又撞到唔少相熟嘅

偶爾行街見到d專食串燒既餐廳我都好想試，因為未試過唔將串燒當小食而係當主菜。而今日終於如願以償地到安安燒食串川式串燒! 好多謝安安燒!其實咩叫川式串燒我唔係好知，不過未食都已經見識到老闆既心思。因為串燒唔只係我心目中既定角 - 雞 牛 豬﹐而係未聽過又好吸引既名堂: 甜蜜脆脆糖燒朱古力香蕉、烤獨超滋味高級吊片魷、安安首創果占釀牛丸、甜蜜脆脆燒棉花糖夾餅、燒甜美地捫菠蘿等等等......今日老闆超好客咁燒左不下廿款串燒招待我地，咁當中有d係正正常常不過不失既感覺，所以我今次就揀左幾款堅係好食既推薦俾大家。惹味蒜蓉生燒茄子可以話係氏必食呀! 我未食過茄子e個食法，首先將條肉由頭至尾拉起好易拉，唔會好似食焗著咁難起，e條茄子你拉一d食我拉一d食都唔會痳煩。而食落味道好夠味，又有少少juicy既感覺，真係第一次覺得茄子原來係美食!海鮮之一既燒鮮味蒜蓉海蜆蒜蓉係鍚紙上，好有bbq風味。安安燒令我surprise既地方係佢真係落左十足既蒜蓉，所以愛重蒜蓉味既朋友可以一試。而惹味醬燒金菇我個人比較喜愛，因為佢比蜆更多汁，所以我覺得e包我一個人都會可以ko到!另外有個老闆自創既組合 -必食火灸海膽墨魚

係我仍然要流落朋友家之際，收到有關方面的試食邀請，總算在煩惱中的一點樂，在此感謝，而今次試食的地點係川式燒烤店。今日下午由朋友家出發，決定係旺角東站下車，因為想避開人潮，果然染布房街人流比較少，所以行得比較暢順。遠遠就已經看都安安燒的招牌，以橙色為主，既容易吸引客人注意，正正配合川式食物的顏色。 細看之下，發現原來有一個很特別享用優惠的方法 ‘凡拍下此易拉架之照片，於惠顧時出示，每兩位免費獲贈燒生蠔1客 (兩隻)，嘩！好抵食呀！今日經餐廳和公關的特別安排，在下午時段來試食，所以要提一提大家餐廳本身嘅營業時間係由晚上六時才開始，不要白走一趟呢。餐牌上食物款式多，更特別提示食物製作需時，請客人耐心等候，另外大部份的食物都會添加孜然粉和辣椒粉，相信就是川式燒烤的特色吧。先叫飲品，飲品選擇多，啤酒汽水不在話下，仲有紅茶，檸檬茶，涼茶同甜酒選擇。我就叫了一個汽水，其實平時我唔飲汽水嘅，哈哈，所以要提一提。今日我們試了超過二十款的人食物，真係大滿足呢！以下就餐牌的分類列出： 必試推介1. 燒雞泡魚乾：雞泡魚乾厚肉，食落帶甜味，不喜愛醬汁的我，就算不加沙律醬都得到味道不錯，最啱用來佐酒小食。2. 烤

回顧本地這數年的飲食潮流，其中川式串燒店亦是榜上有名，這種相信源自於國內的街邊風味，轉為入鋪經營之後，依然能在此地大放異彩。說明是「川式」風味，當中所用的調味料，例如如濃烈的孜然粉 、蒜蓉及辣椒粉等，自然不難於內裡找到。其實本身對此類食肆興趣不大，只因為新相識的食友與及公關搭路的關係，就趁難得稍見空閒的時刻，有緣去了旺角染布房街一間新開的燒烤店，感受一下箇中滋味。走進這間名為安安燒的小店之後，除了一眾相熟的老食友之外，亦能相識到一班新冒起的網上同人，稍作寒暄之同時，期間也細看店內之環境，看鋪內面積也是不小，所以即使桌椅排得甚密，坐起上來亦算舒服，至於餐牌內的頓目，主要以售賣串燒及網繞小吃為主，此外酒水選擇亦不算少，這可是同類型店舖的主要盈利之一。當店內的主持人Alex稍作開場之後，這於下午茶時段的串燒大典，也就正式開始了..........先來兩款店內的烘培乾物，分別有烘雞泡魚乾及烘吊片等，相信不少人也知雞泡魚帶有毒性，不過經生曬及加工處理後，總算能夠放心食用。單論口感來說，可有點近若牛肉乾，卻是換上了一種屬於海產的鮮甜味道，所以也不需要沙律醬了。至於另一款的烘吊片，大體上倒是帶點煙韌

安安燒的地方不大，約可坐二十多三十人，即是一大班fd可以輕易坐滿全場。牆上有一部大LED電視，電視下放的都是小妹心愛的周星馳是日天氣非常悶熱，仲要食BBQ…當然要飲啤酒解暑清熱啦！四個女孩子，一開始便點了四罐菠蘿啤，甜甜的，配串燒一流。是日試過太多不同的串燒，要記下全部幾乎沒有可能，於是擇錄了一些特別的、一些小妹喜歡的。燒雞泡魚乾、烤吊片魷、燒韮菜、醬燒金菇，這些幾乎是食串燒都會點的。不得不提是雞泡魚乾，一邊睇波一邊飲啤酒再一邊食這少少甜而又好咬感的雞泡魚乾，簡直是一種享受。海膽墨魚串，真吃不出有海膽味，但是這個十分爽口，食落有'lok lok' 聲海螺串，好惹味啊，通常都是辣酒煮的花螺，是日簡簡單單的以七味粉及鹽燒，同樣好吃蒜蓉海蜆，超多蒜蓉，食落有陣陣的牛油香，小妹鍾意食蒜蓉等調味配菜，有人說這是妹仔肚，我說主菜要出色配料應記一功！而且海蜆燒得剛好，不會有未開口的，這真是看似平凡但又令人回味。芝士蒜蓉燒生蠔，這是必食的啊！即使已食了很多不同的燒物，而又開始有飽肚感，但這蠔真的肥美又creamy，加上蒜蓉、芝士，果真是很豐富啊秘製醬燒雞翼，這是比較失色的，雖然小妹超愛吃雞翼，可是這個

有幸出席安安燒嘅「反串星期日@Openrice博客試食會」都等到好肚餓嘞─去片烤獨家超滋味高級吊片─真係一聽個名就知香口又好味用上價錢貴魷魚幾級嘅吊片，無論口感定味道都寧舍豐富，好味燒雞泡魚乾─呢款相對吊片就爭啲嘞，冇辦法，燒魷魚咁香口真係搶晒雞泡魚嘅風頭惹味蒜蓉生燒茄子─茄子配川味燒烤當然係絕配，茄子肉燒得剛好，惹味燒韮菜─其實靚韮菜已經係王道，食落冇渣，不俗皇牌燒牛舌─個人喜好日式和牛，鍾意爽身，不過朋友食完都話唔錯燒香甜粟米─唔會燒到過晒籠，多汁鮮甜，孜然粉又唔會搶過粟米風頭火炙海膽墨魚串─配搭新穎，墨魚爽口彈牙，配海膽吃感覺新鮮安安爆爽豬頸肉─肉汁豐富，脆身美味，燒得好香又不過火燒鮮味海蜆─蒜蓉配蜆惹味，蒜蓉夠重手，讚頂級鹽燒多春魚─經常都會食到有啲腥味，不過呢度完全冇腥味，值得一讚蒜蓉燒扇貝─同蜆一樣蒜蓉重手，扇貝都好鮮味芝士煙肉通心粉釀蟹蓋─呢個係非常期待架，賣相吸睛，味道都唔錯，可以一試芝士蒜蓉燒生蠔─芝士蒜蓉配生蠔當然惹味，味道唔錯秘製醬燒雞中翼─皮燒得夠脆，保留到肉汁之外肉夠嫩，好味安安首創果占釀牛丸─相信鍾意果占嘅人一定愛不釋手甜蜜脆脆燒棉花糖夾餅─梳打餅夾燒得綿綿

Before this tasting I already noticed this place because they had some really bizarre items such as grilled oysters with chocolate syrup and marshmallow crackers.From the previous photos it was good that they had cumin on the table for cumin lovers.Thanks to the communications team for inviting me to try their grilled foods as I do not usually eat grilled foods because there is sometimes a really strong charred taste that I do not like.The grilled food here was actually nice and oil free.Most o