安安燒 (染布房街) (已結業)

同hubby喺新寶睇完戲，經過染布房街見到呢間新開既串燒鋪，門面極為搶眼，見佢都坐得幾舒服，就同hubby入去試試...我同hubby不嬲都係勁愛串燒，無論係川式定係日式，總之貪佢細細碟，兩個人可食好多款鋪內裝修係我鐘意既木枱木椅，一坐低，勁肚餓，即刻橫掃menu一下子點左十幾款﹕蒜蓉生燒茄子，沙茶醬燒金菇，皇牌燒牛舌，蜜燒地捫菠蘿....等等...整體感覺幾like，會係我同hubby經過旺角再幫襯既餐廳，like在佢夠川式，夠惹味，但又唔會辣到入唔到口。一d傳統串燒必食既野好似茄子呀，雞泡魚干呀，做得唔錯，夠熱夠味.....但我最欣賞既係佢有d好特別既創新款式，其實都係用一d好平凡既食材作出變化，但又出奇地過癮....好似果jam牛丸呀，烤大澳吊片魷呀，朱古力生蠔等等....呢d創新款式，like唔like就可能人人唔同，但我就堅覺得幾過癮...惟一美中不足係冇我hubby鐘意食既秋刀魚...呀...仲要記得試下佢d甜品...平時食串燒成日覺得欠缺既就係甜品，食左好多濃味野後，甜品呢樣野真係不可或缺...我今次淨係試左佢個"脆脆糖燒朱古力香蕉"..下次要試埋佢個棉花糖夾餅同雪糕先得