夫妻沸片-台式麻辣火鍋 (已結業)

Lunch想食台灣野，同時又想打個一人火鍋，黎到旺角雅蘭中心呢間夫妻肺片，就可以滿足晒呢兩個選擇⋯今次叫左一個「花膠雞濃湯」套餐同一個「黑毛豬」火鍋，花膠雞湯足料，個雞湯好濃，又唔油，忍唔住成碗湯都飲晒，雞食落好嫩滑，一啲都唔老個火鍋有雞湯同麻辣兩個湯底揀，呢次揀左雞湯，平時叫火鍋 ，通常都會揀牛，因為我好驚豬有好大陣騷味同啲肉會煮到好熟好老，呢個黑毛豬無騷味之餘，啲肉一啲都唔老，值得推介，另外，個雞湯湯底雖無花膠雞湯咁濃，但清淡得黎配埋啲蔬菜就好鮮甜，唔覺得有味精，不自覺都飲完再飲⋯飲品方面，就叫左烏龍珍珠奶茶，少冰走甜，好香烏龍茶味，而且一般珍珠奶茶走甜後，啲珍珠仲有甜味，呢間會連珍珠都幫你走埋甜，啱晒鐘意全走甜人士⋯黎到重點推介嘅小食—黃金魚皮，魚皮炸到脆卜卜，表面淋左蛋黃汁，咬落去香脆而且有陣濃郁嘅蛋黃味，係會你食完再想食，停唔到口嘅一款小食，鐘意食蛋黃味魚皮嘅朋友千奇唔好錯過啦👍🏻👍🏻

今日想食麻麻辣辣嘅嘢行到入嚟竟然發現有午市套餐!美容養顏花膠雞濃湯🐥飲落去好鮮甜，而且雞食落去非常嫩滑同一個set入面配上左拌麵加溏心蛋麵既口感彈牙 配上醬汁香口溏心蛋非常之滑而且係流心嘅亦都加配左一件鴨血同埋台式豆腐以套餐來講算係好足料😚焙火鐵觀音珍珠奶茶係台式嘅飲品，奶嘅份量佔比較重嘅位置少甜比較適合我嘅口味！而珍珠大大粒且帶有少少糖分咬落去都幾煙韌黃金魚皮上網見到好多人推介於是就嗌嚟試真係啱啱乍起熱辣辣配上鹹蛋黃醬，幾香口

喺雅蘭中心間大型體育用品店買完嘢，肚仔有啲餓，圍住商場行個圈睇吓有乜選擇，就決定去呢間台灣餐廳試吓。叫咗$88嘅「夫妻・乾拌麵套餐：美容養顏花膠雞濃湯」，好快就嚟到。乾拌麵彈牙有咬頭，硬硬地非常合我口胃，蔥油好香，呢個簡簡單單嘅拌麵好食😋，仲有半隻火候控制得好好嘅糖沁蛋。「花膠雞濃湯」湯底好鮮味，雞肉嫩滑，好好彩我嗰碗仲有雞髀添😆；花膠煙韌有膠質，感覺食緊好多骨膠原落肚🥰仲加咗$25嘅「麻辣嫩鴨血」，唔算好辣，好滑好味。杯$13嘅「焙火鐵觀音珍珠奶茶」有淡淡的鐵觀音香味，幾好飲。滿意的一餐😋

尋晚夜晚去咗打邊爐，知道呢間食台式火鍋，就約咗朋友兩個人去試一試。平時食港式邊爐就食得多，但係食台灣嘅，就真係比較少。火鍋店並不是任食的，我哋叫咗個二人套餐， $488 ，裏面有蔬菜拼盤、肉類拼盤、丸類、炸響鈴、炸魚皮，同埋薯粉。而火鍋湯底就叫咗個夫妻鍋，少少辣，裏面仲有鴨血食。湯底裏邊仲有豆腐乾。呢啲係佢哋嘅肉類拼盤，有牛舌、豬肉、肥牛，佢嘅牛肉油脂分布非常均勻，食落去嘅時候好好食。另外就係，佢啲牛舌亦都切得比較薄，食落去嘅時候都比較有口感。之後就係蔬菜拼盤，蔬菜拼盤啲蔬菜🥬好優質，冇咩爛，而且亦都好鮮味。一定要提一提就係佢哋嘅牛丸，牛丸裏便會有啲碎牛筋，多汁，有咬口。貢丸面都有餡料，幾好味。炸魚皮同響鈴炸得幾脆。最後食埋佢個薯粉，撈埋個麻辣湯，薯粉朔晒啲汁值得最後一提的是，這一間餐廳所用的火鍋湯料，淨係個湯底都已經係飲得，因為佢本身係用咗好多個鐘頭嘅骨頭整嘅湯，而唔係單純地用味精溝出嚟，所以真係唔好嘥咗個湯底。

這間來自台灣的過江龍於旺角已開業一段時間出名於湯頭非常足料，配料多元化跟足台灣總店配方的台式湯底是次選擇了精選肉類二人套餐 - $488可選兩個單人鍋：夫妻鍋、兄弟鍋、美人鍋、閨蜜鍋和暖男鍋美人鍋即滋潤美顏的養顏花膠鍋用了花膠、光雞、枸子、紅棗及當歸等藥材熬成滾足12小時的足料雞湯花膠滑口潤顏，雞肉嫩香，湯頭散發出濃郁鮮雞味兄弟鍋 即酸菜白肉鍋，酸菜同豚肉分量十足白肉的肉汁和油脂溶化於湯頭，更惹味同時酸菜酸酸甜甜極醒胃，不油膩還有些許吸湯的紅薯粉肉類拼盤美國頂級肥牛和美國穀飼牛肉入口牛肉味濃，質感軟腍香滑加拿大牛舌口感細膩，肉味濃郁，精瘦有嚼勁但不易煮透西班牙黑毛豬脂肪分佈如大理石紋、油潤甘香，肉嫩多汁小食拼盤(每款各二)牛筋丸肉質細嫩又帶嚼勁，爽脆又有點彈牙，肉汁四濺豚肉黑松露丸肉汁豐富，帶有松露幽香鮮蝦菜肉雲吞和菜肉餃餡料新鮮豐滿炸物拼盤黃金卷和炸魚皮的外層脆香，可沾滿湯頭湯汁，內層鬆脆不膩口，口感一流錦繡野菜盤(中)菜盤中有新鮮生菜、鮮冬菇、娃娃菜等多款蔬菜，款款新鮮，入口清甜鮮味紅薯粉乾的紅薯粉看上去呈灰綠色，煮熟後晶瑩剔透口感軟彈，吃起來韌性十足培火鐵觀音珍珠奶茶 - $30

同朋友出黎食晏，黎左夫妻沸片食台灣野，雖然係火鍋店，佢晏晝都有粉麵飯食㗎。入座後店員比了一個QR Code，可以自助落單幾方便，落單介面清晰易用，幾好喎。點了午市套餐，朋友揀了飲翡翠檸檬烏龍茶，酸酸甜甜茶底香，朋友話幾好飲。自己轉左特飲御翠烏龍珍珠奶茶，哈哈，食台灣野就係要飲珍奶。烏龍茶底果然好香，茶夠濃，揀左走甜，真係連珍珠都唔甜㗎，真走甜正呀。朋友點左美國肥牛配自家制溏心蛋飯，第一眼個感覺係好多肉！係金菇肥牛呀～用個甜甜地嘅醬汁煮熟，肥牛嫩滑正啊，份量仲好多添呀！滷肉飯連溏心蛋，肉沫香口肥美，飯粒係珍珠米，綿綿的好味。另外仲有涼菜一份，係酸青瓜同蘿蔔，酸酸的夠開胃。自己點了夫妻麻辣湯半肚半肉配微辣台式乾拌麵，雖然望落好紅，但都係微辣咋。要左半肚半肉，可以揀全肉的。麻辣湯底少少麻少少辣幾香口，肚同肉都入味嘅，個人覺得可以再辣啲。拌麵同樣係麻辣口味，麵條彈牙，加埋個麻辣醬汁好惹味，仲有隻綿綿的溏心蛋。配菜係鴨血同豆腐，鴨血嫩滑，豆腐厚實，不錯吃。非常喜歡鹹蛋黃嘅朋友再加左一份黃金炸魚皮，即叫即整熱辣辣，勁濃鹹蛋黃味好正，作為小食份量不少呢。現在環境勁靚，枱又濶落，真係好食又好坐。

呢間餐廳之前同朋友仔一直都想試，之前行過超多人等位。襯收工時間就即刻同朋友仔去試咗啦！首先講吓環境先啦！一入到去超有氣氛㗎～ 全間餐廳都係以木嘅顏色為主元素。佢個餐牌都好得意㗎！同一般嘅台式火鍋店好唔同！氣氛超級加分。我同朋友仔都勁鍾意打邊爐，一直心郁郁想打返次～但屋企要準備呢樣果樣真係極級麻煩。今次終於嚟到呢一間特色台式火鍋店打邊爐好興奮呀🥰喺食物方面，我哋嗌左個餐廳嘅招牌夫妻鍋！員工都超級有禮貌又叫我哋小心熱上菜又超級快！吃貨出動啦💯首先個湯底一嚟到就聞到好大浸香味，好幸福啊！開頭飲咗啖湯，有少少甜少少辣勁過癮😋入面仲有勁多鴨血同埋凍豆腐👍🏻好足料㗎牛肉同埋其他配料都唔野少！望落去好新鮮，食落都唔差㗎‼️特別要講下佢個美國頂級肥牛，牛肉味香濃！肉質都超級柔嫩㗎超級加分要特別講吓佢個貢丸咬口十足，彈牙到爆👍🏻味道層次豐富，充滿着肉汁添☺️又要講返句好幸福啦🥰另外，我哋充滿着期待嘅餃子都正常，味道都可以！成個套餐有唔同嘅嘢食肉類，蔬菜類，丸類，魚皮，紅薯粉等配料！真係超級豐富🥰兩個女仔食係捧住個肚出去㗎‼️全部加埋都只係$388！好抵食呀😋等我mark低佢做日常飯堂💯仲有佢仲可以轉做單人火鍋

難得出旺角行街街，就去雅蘭中心試試朋友介紹嘅台灣菜夫妻沸片。聽個名就知同火鍋有關，正當我掙扎緊午餐食唔食火鍋之際，見到佢哋有一人一鍋嘅火鍋套餐，就算一個人嚟食都夠晒方便呀👍🏻 今次我地就叫左西班牙黑毛豬一人火鍋，湯底選了夫妻麻辣湯，仲配埋一碗肉燥飯。另外就叫左美容養顏花膠濃湯配夫妻乾拌麵，小食點了黃金魚皮。飲品就加$13 upgrade 叫左兩杯特飲 - 焙火鐵觀音珍珠奶茶。-美容養顏花膠濃湯味道出乎意料地非常濃郁，感覺好滋補。湯裡面仲有唔少雞肉同花膠，雞肉一d都唔老，反而好嫩滑呀😋 乾拌麵份量十足，麵條煙韌有彈性，醬汁亦好惹味😌 小食黃金魚皮真係好邪惡😈 香脆可口嘅魚皮上有蛋黃油，又香又脆真係好好味、份量仲唔少架🤤-西班牙黑毛豬一人火鍋分量啱晒一個人烚吓烚吓，麻辣湯底好惹味唔算太油，裡面配料都好豐富。黑毛豬肉片肥瘦均勻，色澤鮮嫩一睇就知好新鮮。我哋仲追加左肥牛片，同樣肥瘦均勻份量都唔算少。肉燥飯仲估佢唔到咁好食，肉燥唔會太肥，味道幾正宗。-特飲焙火鐵觀音珍珠奶茶茶味非常濃郁，仲有少少甘味，怕苦嘅朋友仔建議保留甜味中和下，珍珠夠煙韌，整體質素唔錯👍🏻

今日決定嚟一個美人鍋火鍋！我哋今次嚟到位於旺角雅蘭中心旁的地庫《夫妻沸片》‼️店員細心安排坐位，服務一流！亦好細心講解火鍋資料！今次叫咗個《精選肉類二人火鍋套餐》食物非常豐富！因為非常欣賞夫妻嘅美人鍋，所以加錢叫了一大鍋🥰美人鍋非常足料！裡面有原隻雞，好多花膠！美人鍋湯底係足料熬製12個鐘！每啖湯都係精華！個湯仲要好好飲😍火鍋套餐包含一份丸餃類，一份肉類，一份蔬菜，一份響鈴及炸魚皮！丸餃類分別有豚肉黑松露丸，牛筋丸，鮮蝦菜肉雲吞，菜肉餃！黑松露丸有驚喜！牛筋丸非常彈牙！鮮蝦菜肉雲吞冇得輸，菜肉餃就餡料豐富！肉類分別有美國頂級肥牛，美國穀飼牛肉，加拿大牛舌，西班牙黑毛豬！全部肉類都好新鮮！唔同嘅肉有唔同嘅口感！另外叫咗份厚切午餐肉，正正！之後仲有叫咗兩杯珍珠奶茶！濃郁嘅鐵觀音！茶味香濃！食火鍋飲杯嘢非常解渴😍值得一讚嘅係，呢度食物水準之上之餘，店員服務非常一流！非常有禮貌！今次用餐體驗真係非常滿足！出街食飯非常欣賞店員，就算辛苦都以禮待人嘅服務態度精神！讚

近日與朋友閒聊也說起台灣美食，大家都特別想念台式火鍋，於是到了旺角試試台式麻辣鍋 - 天妻沸片。餐廳位於雅蘭地庫，落樓下的樓梯畫了特色畫作，有點感覺到了台灣的食店。一入店先量體溫，天花的燈籠很美，牆上的句子也特別有意思。先以QR code下單，我們點了精選肉類二人套餐，可選兩個小鍋，四個選擇中選了麻辣夫妻鍋及酸菜白肉兄弟鍋。套餐食物非常豐富，有一碟肉片，美國頂級肥牛、榖飼牛肉、加拿大牛舌及西班牙黑毛豬。另外一盤野菜籃，蔬菜種類非常多，有粟米、冬菇、金菇、萵筍、紅蘿蔔片、薯仔片、生菜、油麥菜。除此之外還有炸魚皮、紅薯粉、黃金卷、菜肉餃、鮮蝦菜肉雲吞、牛筋丸、豚肉黑松露丸。醬油材料放在餐廳的角落，自助添加非常方便。每款肉類也新鮮好味，炸魚皮香脆，豚肉黑松露丸特別好味，紅薯粉煙韌彈牙。夫妻鍋內有鴨血及豆腐，微微麻辣好味，二酸菜白肉鍋有酸蘿蔔及酸菜、豚肉及紅薯粉，酸酸的很開胃。座位舒適，晚市也多人光顧差不多滿座，我走的時候還有人在樓上等枱，店員服務良好。

今日晏晝放假同細佬去食lunch，決定食得豐富少少，去左食台式火鍋。呢間夫妻沸片裝飾好有古代中式風格，仲掛有紅燈籠，環境空曠。我叫左西班牙黑毛豬火鍋。嗜辣既我，湯底要左夫妻麻辣湯。裡面都相當足料唔馬虎。有蟹柳、腸仔、南瓜、蓮藕同我最愛既萵荀。黑毛豬都切得幾大塊，吸埋湯底食落好惹味。我仲額外加一份殼飼牛做配料，同細佬一齊食。另外，佢配埋一碗肉燥飯，所以一定唔洗驚唔夠飽。細佬就叫左一份花膠雞濃湯台式套餐。花膠彈牙，而且湯底夠濃，感覺好滋補。另外，仲有配小食鴨血同埋拌面。拌麵味道調校得唔錯，唔會過咸。飲品方面，我地叫左2杯特飲。我既係鐵觀音珍珠奶茶，估唔到幾清，而且珍珠有咬口。另一杯冬瓜鐵觀音我試左一啖都好出色，唔會太甜，配重口味一流。埋單2個人連加一都係二百幾，講真都幾平，去大型連鎖店打個邊爐都要呢個價，所以值得一去。

前幾日約朋友去夫妻沸片 度打翻個台式火鍋🍲叫咗精選肉類二人套餐🤩.夫妻鍋👫🏻即係台式麻辣鍋🌶入面本身有豆腐同鴨血🦆已經煮到好入味🔥充滿麻香又唔會好辣，帶淡淡嘅藥材味😌.兄弟鍋👬🏻即係酸菜白肉鍋🤍湯底酸酸地好開胃😆入面酸菜、旺菜、紅薯粉、豚腩肉、紅薯粉吸曬啲湯汁，腩肉肥瘦均勻👍🏻.精選肉類拼盤🥓有美國頂級肥牛、美國穀飼牛肉🐄加拿大牛舌🐮西班牙黑毛豬🐖幾款肉類唔會好肥，同時肉味香濃😋.鮮蝦菜肉雲吞🦐菜肉餃🥟牛筋丸🐂豚肉黑松露丸🐷丸類好彈牙，肉味重🤤而雲吞入面嘅鮮蝦食落爽口😉.黃金卷拼炸魚皮💛浸咗落湯幾秒之後，滿滿都係湯汁之餘，微脆🤪.錦繡野菜盤(中)🥙有南瓜片🎃金針菇、鮮冬菇🍄甜粟米🌽土豆片🥔萵筍片、 秀珍菇、蓮藕片、皇帝菜、唐生菜🥬蘿蔔片🥕.紅薯粉🍜放落麻辣湯爽滑入味

特登出到旺角，其實想食某樣野，但實在排唔到，唯有放棄。等到過埋lunchtime，餓到死，所以就喺附近揀間野黎食。好在呢頭餐廳大把選擇，暴後揀左呢間台灣野。雖然佢主打係食麻辣鍋，但見佢又有鹵肉飯，又有撈麵，所以就試試佢。本身都冇打算打呢個邊爐仔，但見佢個set都抵食，又唔趕時間，一於試試佢。撈麵有半隻溏心蛋，再配花膠雞湯，仲有麻辣豆腐加鴨血做小食，咩都有d。撈麵味道唔錯，咸甜比例幾好。雖然幾香，但可惜太油，成個底都係油。花膠雞湯有成隻雞髀肉，而且肉夠嫩，湯都幾好飲，唔錯。小食我都覺得幾好味，辣得黎好香。另一個set係邊爐配鹵肉飯，再加左油炸鬼。火鍋店係唔同d，午市既迷你火鍋都有唔少料。鹵肉既料夠肥，香都係香，但d油仲勁過同撈麵，油到個底有層油浸住左d飯。邊爐既肉都唔錯，比想像中有質素。食完最後原本想坐多陣，因為限聚令，坐位夠闊落。但係突然聞到陣幾勁既gas味，同時冷氣又好勁，所以埋單走左。

🔸精選肉類二人套餐 $488🔸美人鍋 +$38🔸竹蔗茅根水 $70-疫情緩和返之後最想就係去烚下烚下，今晚就同朋友試試呢間台式火鍋！裝修方面用咗好多燈籠，有台灣九份嘅味道，仲有兩邊嘅卡位，座位安排都幾寬敞。二人套餐可以揀一個大鍋或者兩個單人鍋，衛生起見都係揀返兩個鍋，仲可以試多款唔同嘅湯底𠻹！今次揀咗夫妻鍋（台式麻辣湯）同埋美人鍋（花膠雞湯）。前者好香口，少少辣，仲有花椒八角等嘅香料味，仲有幾舊鴨血同好入味嘅豆腐；而後者就非常滋補養顏，湯底配埋大大舊花膠同雞件，足料有誠意。仲要讚一讚，烚到咁上下叫店員加湯，唔係加滾水，而真係加返你食緊嘅湯，好加分！火鍋配菜方面，精選肉類拼盤有美國肥牛、美國穀飼牛、加拿大牛舌、西班牙黑毛豬。野菜盤有金菇、花菇、蓮藕、冬瓜、蘿蔔、南瓜、唐生菜、皇帝菜、芋頭等等。仲有貢丸、牛丸、水餃、雲吞，仲有一份紅薯粉。配菜款式幾多，但份量唔多，啱晒我哋呢啲眼闊肚窄嘅女仔啦！

今日去左想試好耐既夫妻沸片，lunch 可以有抵食火鍋以解幾個月既火鍋之癮❣️西班牙黑毛豬一人火鍋配自家製滷肉飯揀左香濃雞湯，湯滾左一人飲番碗先，入面得蔬菜配料，所以個湯唔會油膩，落肉類落湯時必飲。黑毛豬一試就知唔係平價貨， 唔老， 其實係嫰滑先啱，同和牛一樣入口即溶，一D 都唔會差過牛肉。加$18 要多碟美國穀飼牛肉，咁就可以食到2款肉啦牛肉好淋，肥瘦適中，涮一涮就食得，好味❣️美容養顏花膠雞濃湯除左一大碗足料雞湯，仲有碗乾式拌麵，似台式蔥油麵， 但一D 都唔油膩，乾蔥好惹味，重口味者必選❣️黃金魚皮加$25要左個魚皮，份量好多，又香又脆，食唔停口，蛋黃起曬沙，唔會過鹹，而且炸得好乾身， 一滴油光都無， 可以好放肆咁食🤣❣️培火鐵觀音珍珠奶茶唔會過於甘苦，而奶味亦都無蓋過個鐵觀音，本人大愛，因為我好鍾意飲茶品，值得一讚珍珠好軟淋淋，而且帶有甜味❣️芒果青桔梳打好解渴消滯，桔仔亦都可以消暑，食火鍋飲番杯感覺好解熱氣，成個人都降左溫