夫妻沸片-台式麻辣火鍋 (已結業)

呢排疫情受疫情影響火鍋店都各出奇謀吸引多啲食客我一向都係夫妻沸片嘅忠實fans而家去推出咗一人一鍋即時走去試安全得嚟又可以食高質火鍋價錢仲唔貴👍.🍎我叫咗夫妻鍋入面有麻辣湯兩嚿鴨血台灣直送又滑又香又大舊加配兩嚿豆腐乾同埋啲湯都勁好味😊 麻辣湯好刺激好香 非常之有四川風味撈埋紅薯粉食好正！🍎老公叫咗兄弟鍋其實就係酸菜魚嘅豚肉ver啲酸菜勁好食又酸又甜好和味好惹味較為清新又唔會有罪惡感食落去酸酸地好開胃 特別應該留意嘅係佢加湯會加番你點嗰隻湯唔會畀返清水你 所以個湯底唔會越來越稀我連醬料都好少點😅🍎肉類方面有美國頂級肥牛穀飼牛肉西班牙黑毛豬加拿大牛舌一早解定凍 唔會有雪味特別推薦穀飼牛肉咬落去好煙韌勁香牛味滑捋捋 肥牛又唔算好肥肥瘦適中唔會邪惡但係又夠滑捋捋🍎丸類方面 雲吞有好多蝦食入去好香蝦味不過皮比較厚餃子不過不失 兩粒丸都好出色貢丸又香又彈牙唔會有肥膏喺中間牛丸一樣好大彈牙 咬落去仲爆汁🍎蔬菜大大盆樣樣都執到畀你樣樣都有啲.食物質素又唔錯 疫情期間仲可以打邊爐仲要好味價錢平 真心已經好滿足.🍄夫妻沸片-台式麻辣火鍋Hot Pot Couple🍄旺角彌敦道639號雅蘭中心地庫B102號

🔺夫妻肺片午市一人火鍋推薦！除左火鍋仲有麵食選擇 咁就唔洗同朋友拗食D乜🤣呢間餐廳嘅裝修幾有特色而且座位非常闊 落坐得好舒服😌.美容養顏花膠雞濃湯配乾拌麵🐣雞湯好有家嘅味道😋好足料好多花膠同雞 感覺養生💁🏻‍♀️ 拌麵好好食 質感煙煙韌韌幾有咬口辣辣地好好味 出色😍.美國肥牛一人火鍋配滷肉飯🍽小編揀咗夫妻麻辣湯😗對於鍾意食辣嘅我辣度啱啱好😌肥牛份量都好多 仲有幾款配料滷肉飯味道唔錯 醬汁惹味😋一個女生應該食唔晒呢個set🤣.鐵觀音珍珠奶茶🥤感覺茶味唔係好重 奶味較多

最近看見不少朋友也到訪夫妻沸片，均説食物好吃，決定和朋友在附近運動後便走過去🤤。夫妻沸片在雅蘭中心地面近山東街有特定入口，經過招待處才下地庫。空間開闊，樓底頗高，中央位置以四人桌為主，靠牆有卡座或以屏風擋着的小包廂，很適合一家人或與親朋好友共聚。室內木桌椅、天花紅黃燈籠🏮令我想起多年前到北京的火鍋店也如斯裝修，別有韻味。點餐只需用手機掃瞄二維碼。各個套餐內容豐富😊，一人火鍋蔬菜、肉各佔半，均新鮮；台式套餐更滿碗都是雞肉，我倆吃得甚滿足😋！下次會選晚餐時間來，點一大個火鍋🥘共享！-#美國肥牛一人火鍋 加點美國穀飼牛肉 $65+$18本來怕肥牛🐂脂肪多，點了黑毛豬🐖，可惜被告之未到貨😔。肥牛上桌，覺得脂肪真不少，但燙一下吃起來卻不覺肥膩😳，且因在香濃雞湯裏燙過所以更添清甜，不蘸醬汁同樣美味🥳。穀飼牛肉的脂肪相較少，肉較前者實淨，牛膻味較前者強。吃畢全部肉，覺得牛肉真鮮，還是想多吃一份呢😆！以配餐滷肉飯結尾，瘦肉似乎比肥肉多，還有軟菇絲，汁不過鹹，撈白飯真配啊！-#美容養顏花膠雞濃湯台式套餐 加點麻辣海帶絲 $88+$18此雞湯與火鍋雞湯應相同，都是鮮濃雞湯☺️。雞肉頗嫩，花膠較爽口、少黏；乾

最近疫情好轉，終於可以同fd去旺角食下嘢啦😋路過雅蘭中心見到有間台式火鍋店，叫夫妻沸片。原來係台灣過江龍，主打麻辣火鍋，決定同朋友入去試下!!!😬入到餐廳，好有氣氛呀!! D餐具好精緻呀，位又闊落，最啱一家大細黎食！！點餐係掃QR Code落單，有好多套餐可以揀，亦都可以單點食物。我地人仔細細，揀左個二人套餐。天氣轉涼，叫左個暖男鍋補下佢先。☺️湯底有人參紅棗淮山，開動之前要飲啖湯先，享受下精華所在🤤二人套餐入面有美國肥牛，牛舌牛丸，黑毛豬，雲吞，仲有素菜拼盤，好豐盛呀😍牛肉好鮮嫩，入湯一陣就可以食得啦。雲吞係鮮蝦雲吞餡，蝦肉好彈牙，正🤤牛舌有咬口，加d醬料，真係一流呀。隔離仲有自助水果可以任摞，打邊爐驚食得滯，呢個時候最啱食D聖女果消下滯😏兩個人食到飽飽，滿足。😋😋

成日過一段時間就會好想食辣🌶有時更會有點想念台式麻辣🥘又想食麻辣又想食台灣嘢去旺角一間台式麻辣火鍋滿足到我不過今次唔係食麻辣火鍋而係食佢地都好有名既台式手工麵🍲·▪沙薑手撕雞拼時菜雲吞 好．夫妻乾拌麵套餐用四方木盤送上，包括沙薑手撕雞拌麵及時菜雲吞湯，望落已經好豐富🤤 乾拌麵份量好多，賣相有少少似拉麵，條條分明口感煙韌😚 手撕雞🐓既沙薑味道係我鍾意嗰種，沙薑汁味道濃郁😋 搭配青瓜絲及流心蛋一齊食，簡直係perfect match！·▪夫妻自選同心麵(4餸)湯底當然要選招牌夫妻麻辣湯🌶 麵底係自家製手作麵，麻辣湯麻味較重，係飲完個咀會麻嗰種👄 軟滑既手作麵吸收哂湯汁😍 配料選左4款，包括美國牛肉卷、手工梅菜豚肉丸、手工鯪魚丸及鮮製魚皮餃，特別推薦手工梅菜豚肉丸，好特別既丸類配搭🤩 加入甘甜既梅菜原來係咁好味😋 而所有湯麵套餐均奉送麻辣嫩鴨血、麻辣豆腐及米血糕各1件。·小食方面叫左個拼盤，乜都有啱哂心大心細既我😆

✨夫妻麻辣湯半肚半肉 $68麻辣湯幾香濃 唔會好油 有淡淡既藥材味 飲得出係冇味精既牛肚同肥牛份量比我想像中少牛肚煮得未夠林 咬落都有啲硬肥牛就普普通通✨拌麵口感幾彈牙 質感我幾鍾意 香香辣辣咁幾開胃 仲有隻溏心蛋🥚仲有配鴨血豆腐做小食✨御翠烏龍珍珠奶茶奶味好重 反而唔係好飲得茶味份量大杯 珍珠都幾煙韌整體黎講我覺得最好食既對我黎講係個拌麵💁🏻‍♀️牛肚同肥牛我就覺得普普通通喇 不過見到附近既人食火鍋 好似都唔錯下次都可以試下

呢排下雨天開始涼返d即帶媽咪去打邊爐，今次去左旺角的夫妻沸片，呢到環境唔錯， 好 古色古香，枱與枱之好寬敞座得好舒服。難得同媽咪來食，緊係食精選肉類二人套餐啦！有齊美國頂級肥牛，美國穀飼牛肉，加拿大牛舌，西班牙黑毛豬，呢d靚肉質素好好，再有其他配料， 牛筋丸夠哂彈，菜肉餃，錦繡野菜盤幾款唔同的新鮮菜，豚肉黑松露丸好滋味，黃金卷點一點麻辣湯超掛湯，紅薯粉，鮮蝦菜肉雲吞，炸魚皮。我們選左夫妻鍋，因我地都超喜歡吃鴨血，個台式麻辣鍋味道香濃又正宗，另一邊就叫左暖男鍋，即人蔘藥膳鍋， 有多款藥材，仲要有人蔘和葵花雞，湯底超甜我和媽媽忍唔住飲左一碗先打邊爐。呢到仲有3款小食自取，媽咪勁讚。

夫妻鍋，香港及台灣口味麻辣火鍋湯底，加入辣椒乾、白豆蔻、八角、草果、蒜苗、紅棗、豆腐、鴨血製作，味道多麻少辣，辣度2.5分，蒜苗好新鮮，豆腐、鴨血口感滑溜，食落好Juicy。兄弟鍋，酸菜白肉鍋湯底，加入酸菜、豚肉、酸蘿蔔、紅薯粉、香蔥製作，酸菜、酸蘿蔔味道酸香，豚肉肥瘦均勻，肉味濃香，紅薯粉口感爽滑。精選肉類拼盤，4款肉類，包括有美國肥牛、美國穀飼牛肉、加拿大牛舌、西班牙黑毛豬；美國肥牛油脂味濃；美國穀飼牛肉肉質嫩滑，牛味厚重；加拿大牛舌口感爽彈；西班牙黑毛豬肉質軟嫩。錦繡野菜盤，份量多，包括有油麥菜、生菜、金菇、冬菇、南瓜、馬鈴薯、蓮藕、紅蘿蔔、白精靈菇，各款蔬菜、菇菌味道清甜。紅薯粉，口感滑身，食落好入味。牛筋丸，口感爽口、彈牙，牛味鮮重。鮮蝦菜肉雲吞，鮮蝦味道鮮甜，餡料比例適中。豚肉黑松露丸，黑松露味道濃重，整體味道獨特。菜肉餃，皮薄餡多，味道正宗。黃金卷、炸魚皮，口感好脆口，容易吸收湯汁。

是日同honey去到打邊爐，因為疫情都少左打邊爐，現在情況好點就去打邊爐一坐低，職員介紹左二人餐俾我地，貪佢咩都有，唔駛我同honey諗食咩點左個夫妻湯底，麻辛辣神加上有多舊鴨血同埋豆腐，真係一流二人可以點單鍋，夠曬衞生二人餐咩食物都有,有牛肉同豬肉另外有埋蔬菜藍，大部份可以打邊爐的菜都有，同埋佢有埋餃子，雲吞，牛肉丸，牛肉丸真系好好食，好有牛肉味另外紅薯粉真係唔錯，吸曬湯底好好食炸魚皮真係好脆，少有打邊爐的魚皮系好食的，另外響鈴都唔錯唔夠飽都可以加野食，另外在櫃邊會有小食可止口痕職員服務都唔錯，會快手收碟，另外坐位好闊好舒服，值得再來

今日嚟旺角Lunch，見到呢間台式餐廳有午市火鍋，仲係一人一鍋，唔洗驚細菌交差感染。menu價錢好吸引，肥牛火鍋，揀咗香濃雞湯，果然係飲得嘅湯底，好好味。仲有埋魯肉飯，先$65, 勁抵食。鍋內已經有齊 娃娃菜．金菇．萵筍．南瓜．蓮藕．冬菇，唔夠仲可以追加其他款式，我加咗西班牙黑毛豬 同 唐山菜，好滿足呢。另外又試咗「美容養顏花膠雞濃湯」配拌麵，聽個名都感覺滋補。嘩...個湯底好正，又唔味精👍🏻珍珠奶茶比一般嘅好飲，尤其鐵觀音茶底，茶味好香濃。仲有得揀少甜少冰。下次晚市要再嚟試其他火鍋配料。

朋友突然約出來食飯，他想食火鍋，就選擇了這間夫妻沸片。去到不多人，講明只可食2小時，即有位入去，要用QR code落餐，我交給朋友決定食什麼。叫了一個$208的一人鍋，美人鍋湯底（美人鍋要＋$38），美人鍋湯底有花膠同雞件，配1小盤菜同1碟牛，$208的牛是好少少，但都是一般。最差的是另一款一人鍋，我們叫了另一個$158一人鍋，暖男湯底，有藥材同雞件，都是配1小盤菜同1碟牛，嘩，呢碟158的牛真是**極品**， 肥膏一大堆，真係仲差吉野家的肥牛。另外我們仲散叫其他配料，其他都可以的，鮮蝦丸是好食的。整體講湯底是好的，是足料的，不過加湯都是加普通上湯牛肉真好差，食火鍋都是為左碟牛，佢完全不值呢個價，出面大把任食火鍋的牛都比佢好

我朋友推薦呢間火鍋店，聽說是很正宗的。 一看店面，起初以為是中國重慶的火鍋店，原來不是重慶，而是台式火鍋！我們吃了一個二人套餐， 淨看餐單會覺得食物份量好似略嫌有點小，但原來不是。 兩個人食真的剛好，很有飽足感！ 而且湯底都很好喝 我們叫了一個兄弟湯底，一個麻辣的。 而且還可以分2個小鍋，這真的很少見， 好像在吃一人一鍋😂但套餐不包飲料，要喝東西要分開再叫喔！整體評分cp值挺高的一間餐廳。 最好要先預約，不然可能要等位🤣

呢排天氣涼左少少，心思思想食火鍋。經過見到呢間台式火鍋居然有午市一人一鍋套餐，價錢唔貴就即管試試。門口乾淨企理，行一條樓梯落地庫。冷氣超凍，天花掛滿燈籠，裝修很有中國特色，枱與枱之間距離充足，令人坐得頗舒服。點知見到d台式套餐仲吸引，結果叫左兩個台式套餐加兩個小食試試。真係估我地唔到。套餐有四款，配自家製飲品或加＄13升級至台式特飲，也可加錢要台式小吃。落單用App落。美國肥牛配自家製滷肉溏心蛋飯 $78+10%碟肥牛冇乜色水看似冇味，但係原來已調好味，食落全不油膩不韌。伴碟有一些金菇仲有兩舊超脆既油炸鬼增加口感。滷肉肥瘦相間，很淋，滷得很入味，送飯一流。半隻溏心蛋超正，外咸內甜，入口即融。套餐包左一小碟前菜，分別係白蘿蔔兩塊同青瓜兩塊，醃得甜甜地，香脆可口。這個分量配上這個價錢，抵食！美容養顏花膠雞濃湯 $88+10%其實我地係被這個花膠餐吸引。花膠有三塊，唔係厚身個d，但係煲得夠淋好滑。雞塊有十舊左右，有雞胸亦有雞脾對上既肉，連雞胸都算嫩。個湯味道不錯，如果不連雞皮煲少d油會更好。特別一提湯入面有一條好長的娃娃菜，新鮮健康。拌麵超正，好少食到台式拌麵係咁有咬口，煙煙韌韌。味道少少辣

小妹是夫妻沸片忠實粉絲😂 朋友、客人愛好台灣菜都定必過來打打卡，很回味火鍋湯底！ 今期午餐有兩款一人火鍋套餐 👏🏻 美國肥牛 HKD 65及 西班牙黑毛豬 HKD 72 🤩🥳 抗疫期間，這樣就安全得多啦！ 我們二人各點 㶭製了12 及 24小時的夫妻麻辣湯 及 香濃雞湯底， 開動前一定要飲湯精華先啦 🤤 麻辣程度剛剛好，不會是死辣。雞湯濃郁套餐有黑毛豬、自家製滷肉飯、菜藍 （娃娃菜、金菇菜、萵筍片、南瓜片、蓮藕片、冬菇）還可追加小食即使男士份量也足夠！黑毛豬鮮紅，脂肪分佈混均，肉味重。濃濃半肥瘦滷肉，肉質有咬口有油香但不會太膩。追加 麻辣鴨血（2件）/ HKD 12 另一再光臨就是為了這個鴨血了！ 不約而同數位朋友都贊好，後來更追加再追加😂 放麻辣湯底再煮熱即食份外美味！ 推薦😎冬瓜鐵觀音 HKD 13 又消暑又解渴，糖份控制得宜👏🏻培火鐵觀音珍珠奶茶 HKD 13 珍珠煙煙韌韌很易咀嚼，少甜少冰味道仍不錯！午餐來不切火鍋，指定的4款套餐也是快靚正。其中濃蕃茄、海鮮湯底己換了肥牛及宮保雞丁 LOL 整體食物質數都十分滿意

💛Chicken Soup💛 🐥🍜 Worth a try🥢 ..台北麻辣火鍋♨️ 始創之一，呢間真係不可以不吃🥢。除左麻辣鍋之外，仲有其他特式鍋物🐥 都同樣地不可以錯過啊。今次出黎旺角食lunch，當然要試試佢既火鍋 & 養生花膠雞湯呢。.l火鍋]l $6512小時熬製香濃雞湯( 配自家製滷肉飯）追加配料：美國穀飼牛肉 +$18特色飲品：+$13 御翠烏龍珍珠奶茶(凍).因為唔食得麻辣，所以點選左香濃雞湯🐥，同樣出色夠味道。點選2份美國🇺🇸 牛肉🐮 (穀飼 & 肥牛)，油花算豐富，口感都嫩滑，雙重肉質體驗。.一人火鍋衛生又豐富，配料蔬菜都唔少，一人一鍋都好滿足💕。而且仲跟配滷肉飯🐽🍚，肥肉豬油拌飯吃，真的邪惡又滋味。.ll $88乾麻香拌麵；台式小吃：台灣麻辣嫩鴨血 +$25特色飲品：+$13 焙火鐵觀音珍珠奶茶 (冰）.唔食火鍋之外既好選擇，養顏花膠雞湯，真係好濃郁滋補。雞肉保持嫩滑，而且花膠份量不少，岩晒女生吃。.而拌麵同樣出色，麵質🍜 帶粗煙韌有咬口。麻香味濃，岩晒重口味既你，滿醬香，每條麵條都調味剛好。.一間滿有特色既火鍋店，鍋物 & 套餐都不錯。懷念台灣的味道❓呢度既麻辣味道