夫妻沸片-台式麻辣火鍋 (已結業)

剛剛過了中秋節， 天氣漸漸變得 有秋意感覺，清爽的天氣 ，燃點起心中吃火鍋的慾望😁😁😁 好一段日子沒有吃火鍋， 看到ig朋友介紹， 一人一鍋台式風味， 甚為吸引， 立即book位來試試。二人套餐 提供的食材種類很多， 美國 肥牛肉、 美國穀飼牛肉、 伊比利亞豬、 薄切牛舌。 蔬菜有油麥菜、生菜 、粟米、 紅蘿蔔、蓮藕、冬菇、 番薯、 金針菇。 仲有餃子、雲吞、 香菇、貢丸 、牛筋丸。黃金卷同埋魚皮。二人套餐包曬咁多嘢食，真係唔使煩要order啲乜， 真係啱曬選擇困難症嘅我。最鍾意就係 美國穀飼牛肉， 肥瘦適中肉味香濃， 只需涮涮十多秒就已經非常嫩滑。另外香菇貢丸， 豬肉味非常突出， 多汁爽口。 牛筋丸彈牙爽口， 有爆汁感覺， 這裏的丸類都非常有質素， 唔係一般超級市場貨色。打邊爐最重要梗係湯底啦， 選擇了美人鍋和兄弟鍋。 美人鍋即是花膠 雞肉湯底， 花膠份量不少， 大約有4至5件， 仲要係用正宗花膠， 唔係嗰啲鱈魚膠。 兄弟鍋即係白肉酸菜鍋， 白肉爽口 湯底濃郁， 食物唔使點豉油都夠味。 加上每人一鍋夠曬衛生😁😁

呢度係旺角下層，環境都幾大，而且好嚴謹遵從只有一半客人嘅位，所以環境好寬敞，但出面就仲有好多人排隊。🔺西班牙黑毛豬一人火鍋($72)揀咗麻辣湯底，都幾夠辣，鍾意食辣嘅朋友一定鍾意，仲有好多配料，有金菇、娃娃菜、南瓜、蓮藕片、冬菇。仲有個配料吧，可以揀蔥、芫茜等等。淨係食呢個都飽，但仲有個魯肉飯，肥瘦適中，滷肉都好香好新鮮，不過我嫌飯底有少少多油。不過咁多嘢食都只係72蚊，嚟旺角食真係幾抵！🔺芒果青桔梳打 (+$15)呢個梳打味比較重，果味比較淡，而且唔太甜。🔺手工鮮蝦丸 ($18)好似乒乓波咁大粒，肉質彈牙，又大又抵食！

三五成群 最好打邊爐 人人都岩食今次叫左夫妻鴛鴦鍋 ($286)鴛鴦鍋有辣有唔辣 任君選擇一邊係台式正宗麻辣鍋另一邊係養生美顏花膠雞鍋台式正宗麻辣鍋麻辣鍋用左十幾款藥材香料熬製聞到已經非常開胃飲落去唔會太辣 麻味較重 唔太食辣既我都接受倒豆腐 油炸鬼同鴨血 更加係食到停唔倒口養生美顏花膠雞鍋美人湯用上花膠 葵花雞 紅棗 當歸飲落去少少漿口 充滿骨膠原 花膠非常大塊 雞件亦好嫩滑成個湯絕對係真材實料飲完唔會覺得口渴手切牛小排 ($338)大大碟厚切牛小排油花好靚 入口嫩滑彈牙 香口有牛味 絕對係牛魔王首選推薦一定要叫廣島蠔 ($138)粒粒肥美飽滿 就算煮熟左都唔會縮好多水韭菜餃 ($49)正正常常 皮夠薄 餡料都俾得大方團團圓圓 ($118)手工鮮蝦 墨魚 鯪魚梅菜豚肉丸粒粒都爽滑彈牙 有料到繁花似錦 ($138)除非真係好想食菜呢個價錢叫其他配料會更開心最後仲每人送左碗蕃薯糖水 真係飽到攬住個肚夫妻沸片-台式麻辣火鍋旺角彌敦道639號雅蘭中心地庫B102號舖

成日行開旺角呢頭，不過就從來未食過，知佢都開左一段時間，今日襯放假就黎食下。下午時間有套餐，可以叫火鍋或者午市飯麵套餐，我同朋友選擇左火鍋，仲追加左配料添！醬料區都好齊備，一般平時用到嘅呢到都有，仲好乾淨！美國肥牛一人火鍋，跟夫妻麻辣湯。每個鍋都包左唔同蔬菜。湯底好快滾起，個鍋好傳熱，要小心燙傷呀！牛肉另上一碟，望落唔會好肥，厚薄適中，仲好有牛味！湯底就比較辣，索埋湯底好惹味！西班牙黑毛豬一人火鍋，跟香濃雞湯。黑毛豬好靚樣下，食落唔會韌。追加左松露香菇肉丸同麻辣鴨血。套餐會跟埋一碗滷肉飯，同台灣食到嘅好似！烏龍奶茶同鐵觀音奶茶，少甜少冰，正！

店內裝飾古色古香，入口處有特色油畫，天花掛上燈籠，木枱木櫈，別有一番風味。前菜有三款，都係酸甜開胃嘅小食。自助醬汁區乾淨企理。呢到用QR code落單，環保又方便。除咗一人鍋套餐，更有二人、四人鍋套餐，火鍋配料仲可以追加添！我地叫咗個二人鴛鴦鍋套餐💁🏻‍♀️📣精選肉類二人套餐(鴛鴦鍋) $568🔥暖男鍋: 人蔘藥膳鍋，有人蔘、黨蔘、淮山、杞子、紅棗、葵花雞。藥材味香濃，味道甘甜。🔥美人鍋: 養顏花膠雞鍋，入面有花膠、半隻葵花雞，用12小時熬製嘅雞湯，我地最少一人飲咗兩碗。雞湯味道濃郁，花膠份量仲唔少添！店員仲會幫手剪雞，方便食，雞皮薄，冇皮下脂肪，肉質嫩滑。🔥精選肉類拼盤拼盤包括: 美國頂級肥牛、穀飼牛肉卷、加拿大牛舌、西班牙黑毛豬。牛舌爽脆，黑毛豬肥瘦適中，牛肉卷同肥牛肉質鮮嫩有彈性，牛味香濃。🔥黃金卷拼炸魚皮兩款都脆口鬆化。🔥牛筋丸/豚肉黑松露丸/鮮蝦菜肉雲吞/菜肉餃兩款丸都好彈牙，肉味濃，好想食多幾粒。雲吞/菜肉餃皮薄餡靚。🔥錦鏽野菜盤好豐富嘅野菜盤，入面有皇帝菜/生菜/油麥菜/萵苣/甘筍/冬菇/金菇/蟹爪菇/蓮藕/土豆片/南瓜/粟米，多款選擇，各款野菜都好新鮮，粟米好清甜，土豆片

因為疫情，今年回鄉無望，只能在港尋找家鄉的味道～～朋友介紹，旺角有一台式火鍋店，午市時間是一人一鍋，或台式料理伴麵的選擇！午市火鍋套餐有美國肥牛$65或西班牙黑毛豬$72揀，和一些設定的配菜和自家製滷肉飯和一杯飲品，湯底亦可以選擇麻辣或雞湯（不辣）..亦有一些配菜可以加錢追加！台式套餐有4款選擇，伴麵或飯！價格$68-$88不等而午市小食亦有8款選擇，價格$12-25！另外亦有些台灣特飲可供選擇🥰美國肥牛配香濃雞湯....肥牛看似脂肪比例多一點，但燙熟後一點也不覺得肥，囗感剛剛好👍🏻香濃雞湯很濃郁，亦很鮮甜，不自覺地喝了一半湯🙈🙈手工鮮蝦肉丸，彈牙夠爽口！滷肉飯，肉碎不會太肥，醬汁亦不會太鹹配上白飯味道剛剛好😋😋焙火鐵觀音珍珠奶茶，茶味很香珍珠夠煙韌👻

今日終於涼返少少， 一定要食返個麻辣鍋先得，搵咗一陣見到呢間好似幾有特色又唔貴，就決定食佢既二人餐! 呢間火鍋湯底標榜可以飲得，因為老婆唔多食到辣所以最終決定一人一鍋咁就唔怕會太辣啦! 二人餐都有幾多野跟而且仲可以再加單，所以一定唔怕唔夠食! 夫妻鍋湯底有麻香同時帶有辣椒既勁度，完全唔會油所以飲落都幾順喉，一路煲麻辣味會越唛越濃，配合埋佢既食材好夾!暖男鍋即係人參雞，滋補又養生。湯底真係好正同埋好潤，參味唔會好勁所以就算打邊爐都OK!二人餐有牛筋丸、豚肉黑松露丸、菜肉餃、雲吞、魚皮、菜籃、響鈴同埋薯粉。二人既份量可以每樣食到少少唔會太多，好鍾意佢地呢個份量，因為平時打邊爐好多時都眼闊肚窄，呢個二人餐真係好岩食，唔使諗又可以每款都食到!

同朋友兩個去食火鍋 見到出面有大枱位幾闊落 但我地因為兩個人既關係 所以被安排係走廊位 但個環境似係坐係後巷既感覺 建議唔好兩個人去食 食物方面覺得一般般 但食物略貴 真係有嚇親 丸類幾粒就要$108 飲品方面叫左杯大家都推介既焙火鐵觀音珍珠$30走甜少冰 好似水咁 真係頂唔順麻煩佢換過杯 換完之後個杯有好少少 但真心天仁茗茶個啲仲好飲 最後2個人每人差唔多400蚊 茶芥醬油每人$20總結:食物ok但CP值低 二人座位環境差 上位價台式火鍋

之前係呢到食過佢地用火鍋湯底做既麵食套餐覺得唔錯 今次就去食佢地既2人火鍋套餐啦🍲火鍋套餐1人都有2款選擇 而2人套餐更可選擇2個單鍋 不過我最鍾意既美人鍋（花膠雞）就要加$140 所以我地都係揀番夫妻鍋 即係麻辣鴨血😉 手機下單很好快就上齊湯底同食物 但係等左好耐湯底都未滾 原來開爐都係自助形式 要自己開爐較温度🤣 湯底有唔少鴨血同豆腐 算小麻小辣可以接受 外面有醬料區同3款小食可以出去自己拎😊食物方面就有美圖頂級肥牛 美國穀飼牛肉 加拿大牛舌 西班牙黑毛豬 牛筋丸 豚肉黑松露丸 菜肉餃 鮮蝦菜肉雲吞 蔬菜拼盤 紅薯粉 響鈴同炸魚皮😛 要有既火鍋都算齊哂 肉類每款有3-5片 牛舌都幾好食 其次係牛筋丸 其他就正常水平啦🌟😹

今天中午剛好在旺角，朋友建議去夫妻沸片-台式麻辣火鍋，位置非常就腳，就在旺角地鐵站E出口雅蘭中心地庫。餐廳裝修復古有特色，點餐是用手機掃瞄二維碼，自助式調料。午餐有多款套餐可選擇。美國肥牛一人火鍋：肥牛新鮮嫩腍，牛肉味濃郁。西班牙黑毛豬一人火鍋：肉質脂肪分佈均勻，口感香而不膩。套餐配有滷肉飯及餐飲，非常正宗夠水準。我要贊一贊火鍋湯底是用多種中藥材熬製的，配有金針菇、娃娃菜、冬菇、蓮藕、萵筍等好足科。現在非常時期，一人鍋既安全性價比超高，值得推薦！

呢間台灣菜味道都幾好，價錢合理，所以就黎食個lunch.美容養顏花膠濃湯 配椒麻拌麵 $88個湯超足料，有好多件雞同花膠🤤🤤湯濃郁鮮味十足，麵辣辣地好香.美國肥牛一人火鍋 配滷肉飯 $65 加黑毛豬$18揀左麻辣湯底，唔算好重味感覺偏健康，肥牛切到好薄肥瘦均勻。滷肉飯有肥有瘦好好味😋.黃金魚皮 $25鹹蛋黃又多又香到不得了，又好脆，浸一浸火鍋再香啲😍.培火鐵觀音珍珠奶茶 $13較重奶味，珍珠煙韌，好飲！

喺旺角呢頭開完會，想過食個火鍋，朋友介紹黎地牢呢間火鍋店。二人套餐轉美人鴛鴦鍋只係加多$80，抵好多！因為個鍋大好多，料都多好多。美人鍋有成半隻雞，仲有花膠；另外一邊夫妻鍋有好多鴨血同少量豆腐，好香香料味，剩係食個鍋都半飽。個肉類拼盤幾好，樣樣有d。包括左美國頂級肥牛、美國穀飼牛肉、加拿大牛舌、西班牙黑毛豬，當中首選牛舌最好味，結實口感同香濃牛味。仲有黑毛豬都以幾好味，比平時食嘅豬肉口感細緻d同滑d。丸類有牛筋丸、豚肉黑松露丸；餃子類有鮮蝦菜肉雲吞、菜肉餃；炸野有黃金卷、炸魚皮；仲有野菜籃同紅薯粉，確實樣樣齊包飽飽。前菜3款自取，麻辣土豆絲同酸辣籮蔔幾正。食火鍋當然唔少得飲品啦，除左必點可樂，仲有個鐵觀音珍珠奶茶都幾好飲。入到去感覺唔錯，整潔，檯與檯之間寬闊，檯面夠大，卡位圓檯都好有個人空間感。

今日去咗夫妻工沸片食lunch，原來除咗台式套餐之外，仲有得選擇一人火鍋，款式分別有牛肉同西班牙黑毛豬兩種，會配上自家滷肉飯同飲品一杯。六十幾蚊嘅火鍋餐價錢合理，可以滿足下自己嘅邊爐癮。我揀咗麻辣湯底，辣味幾突出，但味道就比較單一。不過呢個價錢都唔會期望食到平時好多香料個種嘅麻辣湯。黑毛豬質素OK，食完有滿滿飽肚感。我更加鍾情於台式套餐，有我最愛既椒麻拌麵。拌麵味道層次豐富，帶有少少麻辣，但係又唔會辣到要飲水既程度，調味比例恰到好處。而麵條既乾濕度都令人滿意。配埋美容養顏花膠雞湯同鴨血，令人相當滿足嘅午餐。午餐仲有得免費配竹蔗茅根水👍🏻

好想好想打邊爐, 見到呢度有一人一個鍋既邊爐就黎左啦! 我地叫左個2人套餐, 一人一個單人鍋! 湯底就一個夫妻鍋,一個暖男鍋!!! 呢個2人餐包既野食其實都幾夠份量~ 有什菜籃, 響鈴,炸魚皮, 薯粉, 丸, 雲吞, 一大碟牛同埋豬~ 個夫妻鍋入面有鴨血同埋豆腐, 鴨血勁正! 食到唔夠喉! 下次決定要大鍋! 咁就多D 鴨血hahaaa 暧男鍋就有人蔘同雞, 份量都唔少~~~兩個鍋各有特色~唔錯! 牛同豬都係水準之作! 食落好有牛/豬味, 唔會唔夠味, 用辣湯底夠哂惹味! 響鈴,炸魚皮夠哂香口!!!!!!!!! 正呀!其他野食都好唔錯, 樣樣野都好食, 最後食埋個薯粉真係大滿足!

節日前夕，心情放鬆相約朋友到旺角吹下水揾到這間台灣過江龍的台式火鍋試下😋 這間店位於雅蘭中心地庫，入到店內全店中國特色設計， 有點離開左香港嘅感覺。這間火鍋店有自助調味區及前菜區，個人喜歡這裡前菜區雖然不是太多選擇但D前菜新鮮感健康。睇完 meun 同朋友 order左暖男鍋及美人鍋湯底一人套餐有美國肥牛及其他五色火煱配菜。聽朋友講這間店火鍋特色在於養生美顏湯底加入枸子，紅棗，淮山，當歸等中藥熬製有滋陰養血和潤膚美顏功效😍 當打開鍋真係有大大隻厚身花膠超驚喜😋而且湯底滑滑的葵花雞，試第一啖湯味道順滑膠質感重好好味。食完所有材料後再飲埋D湯，好正好滿足。